海底撈火鍋 (利舞臺廣場)

營業中

休息中

今次一行四人試咗銅鑼灣海底撈火鍋， 打電話去有訂枱服務但只可預約18:00，我地夾到18:00所以唔使等位 可以入座，用餐時間2小時，員工服務態度非常好，此點值得嘉許。食材非常新鮮，湯底亦很美味，下次必定會再光顧。

話說同女朋友仲要佢兩個朋友慶祝生日，就book左海底撈一齊打個邊撈，呢間海底撈就係利舞臺上面，地點非常方便，但記得如果真係要食就一定要book位，因為真係好多人排隊！四個湯底分別係🐖胡椒豬肚（左上）：一食就食得出胡椒味，好特別！🐷大骨湯（右上）：最正路嘅唔辣火鍋湯底🍅蕃茄（左下）：蕃茄味非常之重，女朋友好鍾意食蕃茄，覺得呢款好好味🌶清油麻辣（右下）：個人認為呢款最正，佢嘅辣雖然唔係話超級辣，但係足以令所有食物沾上辣味！🍴開餐之前記得行出嚟揀自己鍾意嘅醬料啊🐄牛小排：呢個牛小排性價比超高，非常有口感同埋肉味，絕對值得一嗌！🐄日本和牛：呢一款同牛小扒好唔同，食得出和牛味，而且好鬆軟，正！🐄肥牛：其實最普通嘅肥牛味道亦都相當唔錯🥰重點推介🦐蝦滑：蝦味重，新鮮，浮面就食得！🐷毛肚：淥10秒就食得，有少少似牛柏葉，不過爽口好多！🐽黃喉：好似係豬嘅喉嚨，淥一兩分鐘就食得，好鮮甜👍🏾🐟巴沙魚片：魚片好大塊，亦都係一兩分鐘就食得，入口好滑，正🐖脆骨豬肉丸：呢個有驚喜，裏面肉味重，而且食入口脆卜卜，好新奇🍜黎到海底撈點少得手工拉麵，食落都好正！🍞仲有炸饅頭真係好出色👍🏾新鮮炸起，熱辣辣，必試！總括來講，

海底撈進軍左香港咁耐，我先第一次食，真係好彩冇錯過呢間高質火鍋店一去度，負責我地枱既姐姐就即刻黎介紹自己，餐廳同食物，仲幫我地落單，落完單，野食好快就上晒枱，我都O 左咀由於第一次食，侍應姐姐推介左好多海底撈既名物侍應姐姐仲幫我拎埋飛仔等陣Gel 甲首先湯底我係參考左上網介紹既四宮格鍋底攻略，慳左$70,就係四格入面揀兩個湯底同兩個清湯，比叫鴛鴦湯底抵我叫左蕃茄同麻辣湯湯底仲可以因應喜好濃啲淡啲，蕃茄多啲少啲，同埋要唔要渣手切牛小排，厚厚地，要淥3~40秒，好嫩好濃牛肉味豚肉片，淥熟後唔會柴，肥瘦適中蝦滑，其實一開始覺得好似啫哩，冇乜期望。但❗️好鬼彈牙，朋友唔食蝦，我自己食晒撈派豆花，侍應幫我地落，等5 分鐘就食得，又幫我地調左隻醬料，係豆瓣醬，鹹鹹地，蘸豆花好味道滑牛肉都係要淥耐少少，侍應話就算耐左都一樣咁嫩，唔會變乾變硬，果然冇呃我毛肚，如果食麻辣湯底一定要叫，絕配,好爽口，一啲內臟腥味都冇蝦，必叫！上枱仲郁，好新鮮！ 呢到食蝦係唔駛自己郁手架，侍應姐姐見到蝦熟就會主動過黎幫你剝好，而且仲教埋我點樣唔洗整污糟手，用筷子剝蝦食到最後，佢仲提我要食埋佢地糖水，係紅棗杞子雪耳糖水，好滋潤

一直都好想食海底撈不過一直都未有機會食到同朋友行開銅鑼灣就決定黎試一試～～一上到19樓既海底撈就會有職員上前問你幾位等位果時仲會提供小食、生果同飲品仲有美甲服務值得一讚👍👍👍 入到去，海底撈既職員就會俾圍裙你著住以防俾啲湯汁彈到，真係非常周到喺叫野食之前我仲出去望一望醬料區發現呢到既醬料都好多仲有好多小食同生果俾我地食湯底方面這揀左我最期待既蕃茄湯+清油麻辣湯+大骨湯+菌湯 total 4款而食物方面我地叫左毛肚 蝦滑 滑牛肉 豚肉 活蝦 翡翠墨魚滑等等款式都有好多咁多款食物當中毛肚對我係最印象深刻 因為食落好爽口，而且只係需要煮15秒！喺食緊既途中 職員仲會自動咁行埋黎協助我地仲會幫我地剝蝦添😍同朋友食下傾下計之後仲有變面表演添真係好精彩！仲同其他食客有互動！當然唔少得既拉麵表演啦都睇到我眼都定哂😂海底撈既服務同食物水準都俾我想象中好啊好期待下一次再黎食！

平時都冇時間返大陸，仲要次次返大陸都想食海底撈，但知道要等位等好耐所以次次都冇去。得悉原來香港都有海底撈，終於我有機會有我嘅第一次。認真，真係好似成個貴賓咁。入到去有職員會為你講解所有嘢，又問你做唔做美甲，不過男人老狗，美乜甲。職員見我戴眼鏡，仲俾咗張轉抹眼鏡嘅獨立濕布俾我，幾體貼。嘢飲我飲柑橘蜜，但係令我覺得特別嘅地方係，個職員會為你不斷refill。職員仲會幫你夾前菜，俾件口水肩你，剝蝦殼，服務真係非常周到。一坐落去，覺得個爐有啲特別，因為個底穿咗四個窿，問咗職員先知道，原來係排風系統。但講真，食完出嚟的確比其他打邊爐嘅地方氣味少。火鍋湯底四宮格，我個fd鍾意食辣，我就想試吓個番茄湯底，另外兩格，我哋揀咗清湯，因為咁樣比較化算。蕃茄湯底非常濃郁，食得都唔係茄容嘅味道。食物質素不俗，可能夾埋個湯底變得更加好味。特別想講講就係佢哋嘅活蝦同埋撈麵。活蝦非常新鮮，因為佢哋係仲識郁嘅，同埋食落去都真係非常鮮甜，仲有少少彈牙添，加上唔使自己剝殼。個撈麵冇乜味道可以，因為本身只係麵粉，咁就要講佢個口感。口感都幾軟綿綿，再加上番茄湯底嘅鮮甜味道，唔錯。另外，因為撈麵有表演睇，職員會係你面前即場打面

我從未食過國內既海底撈，香港都未，今次機緣巧合下同左女朋友去食！我地6點幾就去到，訂左座，去到即刻入得！服務超級好，行緊入位時店員已經介紹邊面係洗手間，邊面係醬料區，勁好笑容，‼️加分位一‼️一坐得，就有另一位店員夾住條熱毛巾比你抹手消毒，感覺非常乾淨！‼️加分位二‼️店員介紹左自己既名話佢係負責我地呢台，再問我地想飲咩！仲拎左生果同前菜黎！我地點左4宮格湯底：麻辣、蕃茄、清水2格因為我地發現咁樣叫比叫雙拼平幾十蚊！店員主動埋黎幫我地既蕃茄湯底撇油‼️加分位三‼️我地想試多啲野所以全部都叫左半份！招牌毛肚、招牌蝦滑、撈派滑牛肉撈派豆花（推薦，點埋佢既肉醬不得了！）撈面，會有師傅出黎係你面前表演拉麵，會問你想粗定幼，落係邊個湯底，即拉即都煮真係特別正！仲叫左活蝦，啲蝦真係仲識旭的！‼️加分位三‼️店員會主動埋黎幫你剝蝦，真的是太感動了！！我決定要all in海底撈！仲叫左西班牙梅豚肉、手切牛小排牛味重，油香味一試難忘，肉質鮮美！‼️加分位四‼️當我等緊野食熟時，打開電話諗住睇下有冇wifi啦，幾秒之後店員就行埋黎問我是咪想連wifi😱觀察力驚人，跟住佢就好快手咁幫我連左要密碼既wifi‼️加分位五‼️食完都可以

海底撈大陸食得多，香港未食過。開左咁耐，一食就係銅鑼灣分店。唔講咁多，睇相先。服務拍得上大陸👍🏻👍🏻等位期間食下水果，同行女士去左修甲，真係將大陸果套係香港應用。同樣地，入坐時會有專人服務，一個人服務4-6張台，服務周到，成日幫我添飲，又主動幫我地落落食物，剝蝦殼，正！有圍裙用，好乾淨，原來佢個爐底好特別，係下面自動抽走啲煙，所以食完成個身都冇咩味，食完去下場都仲得👍🏻👍🏻👍🏻同埋佢有個4格既鍋，如果人小小，可以點，仲比平時雙拼鍋平70幾蚊，我地就人多，所以就一個雙拼清油同蕃茄鍋。食物都係果啲打邊爐野，唔多介紹。同大陸一樣，如果點面食，會有靚仔幫你表演即場拉面，好好睇，所以點左2個面食，足足睇左2次真係正，睇得出員工有足夠培訓👍🏻👍🏻👍🏻

喺大陸食過海底撈印象都ok第一次試香港版美甲，食物果啲都有提供等我地等位都可以消磨下時間入到去，職員好細心咁介紹自己又為我地準備好晒用餐嘅工具見我著白衫，仲俾埋手袖我，好貼心！湯底就揀左一辣一蕃茄我地叫左好多唔同野食有肥牛，黑毛豬，響鈴，鮮蝦，仲有黑糖糍粑！食物都幾新鮮，蕃茄湯好濃，麻辣湯夠鮮，正！最正係原來店員會幫我地剝蝦！簡直係受寵若驚！食食下就落埋拉麵，見識下師傅嘅表演！就食完嘅時候，仲見到變面表演，好有氣氛，好開心！海底撈嘅服務真係滿分，超喜歡！

得知銅鑼灣利舞臺開咗海底撈， 無論工作幾忙都好想安排一日去朝聖。 見識過國內嘅海底撈， 服務至上又貼心， 我想睇吓喺香港店嘅營運又如何。冇誇張早到如五六點都開始要等位。 今天是平日 還好只係等咗一陣。 客人都以附近上班族 和遊客各佔一半。 位於利舞臺19樓全層， 景觀唔錯。 入夜後能俯瞰銅鑼灣核心購物區。  用ipad點菜, 簡單方便又清晰。 湯底有好多選擇， 穩陣起見揀咗一個辣一個唔辣。 店員介紹可選四格火鍋， 其中兩格是清水， 收費較雙併更平。生果拼盤和前菜， 未開始火鍋已經吃不停。 都係店員送上， 還有飲料， 豆漿，柑桔蜜和檸檬茶。喜歡的話可以加 每位 15蚊任飲。 柑桔蜜唔錯，酸酸甜甜好開胃。👍😋招牌蝦滑（半）54壓制出樹葉型， 賣相討好，蝦滑放湯一會彈牙鮮甜。手切牛小排（半）$94切得厚薄適中， 脂肪分佈均勻充滿油香， 食落軟滑冇渣。 喜歡吃牛嘅朋友半份就唔夠啦!響鈴卷（半）響鈴卷比較薄身， 放湯一秒要取出， 當然又係非常索湯。 如果炸得比較脆身和厚一點會比較有口感。招牌黑毛肚（半）$64即係我哋食開嘅黑栢葉。 冇經特別處理， 都頗為實淨難咬开, 考驗你牙力！😃長生菜非常 嫩

海底撈雖然係大陸食左兩三次，但每次既服務質素相當唔錯！初初係香港開分店時傳出唔少劣評，無人食、價格貴、服務差等等，今日就黎左銅鑼灣既 海底撈 依舊免費美甲、茶水招待等等，而且客人都唔少呀！好彩我有預先book 位就唔洗等禁耐位於利舞臺19樓，係等位期間仲可以落樓下行下街，相當方便呀！入到去有職員講解湯底、飲品、調味料等等，好快仲會拎埋開胃小食，服務實係唔錯！湯底慳錢方法，如果想要兩種湯底就另加點四格湯底，其中兩格為清水，可慳$6x！今次就點蕃茄及 麻辣火鍋蕃茄湯底有數舊蕃茄調味，味道濃郁，滿滿蕃茄香味麻辣湯底放滿花椒八角作調味，離遠都聞到麻辣既味道，對於我食唔到辣又鐘意食下辣既人，又真係幾惹味響鈴吸湯係無得輸！湯底既精華比美就禁飲湯底感覺更令人滿足，剛好可以一人兩舊試哂兩款唔同湯底撈豆花豆腐份量唔少！好大舊，而且唔易滾爛既豆腐，可惜太大舊，有點頂胃的感覺海蝦相當生猛，黎到都仲係識得跳下跳下！職員見到滾緊蝦，仲會主動幫忙莫蝦殼，相當貼心呀！岩哂我呢啲港女蝦滑配上特定既醬汁，令到蝦滑更錦上添花！蝦滑味道濃郁，醬汁提升了蝦滑的鮮甜。而且職員會主動幫手落湯底，一半一半可以吸下湯底味道！毛肚要滾

今日同朋友仔嚟到呢間位於銅鑼灣利舞臺廣場19樓嘅《海底撈火鍋》打邊爐，之前已經知道呢間火鍋店以服務為先，並且要經常排隊等位，所以趁閑日早少少嚟到，感受一下。入到餐廳門口嘅等位區，見到一個個好得意嘅氫氣球，係免費送畀小朋友的。再另外一邊有專為女士們的gel甲區，也是免費的。無論是大人和小朋友都可以享有無微不至的服務，簡直係窩心極至。餐廳地方寬敞，有大量卡位。入座後餐廳服務員即刻為你送上圍裙，又是另一種貼心服務。跟住餐廳服務員為我們送上飲品，每位人客收費 $15。餐廳提供三款飲品，全晚無限量供應，包括有熱豆漿、凍檸茶和金桔檸檬。餐廳的醬料區，多款醬料任君選擇，每位人客收費$18，並可享用新鮮水果、糖水、雞湯和涼拌小食。湯底我哋點了《清油麻辣》和《蕃茄》火鍋 $66麻辣湯底夠曬麻又夠曬辣，而蕃茄湯底酸酸地，又幾好味。手切牛小排 $94肉質鮮嫩，牛味又夠濃，淥一淥就食得。撈派滑牛肉 $49肉質新鮮嫩滑，好有咬口。西班牙梅豚肉 $168薄薄地脂肪分配平均，好有豬肉味道。招牌蝦滑 $54 肉質爽口滑溜，口感彈牙。撈派鴨腸 $78新鮮爽口，吸入麻辣湯底就更加好味。撈派毛肚 $64薄薄地淥一淥就食得，

開新店喇，平時油麻地店咁旺場，終於等到佢喺港島區開店 裝修好靚，仲有好寬的既卡位清油麻辣火鍋+蕃茄火鍋 我地原本諗住叫鴛鴦湯底，點知店員教我地點四格，然後其中兩格清水，話咁樣平好多 竟然會為食客慳錢 因為兩個人食，所以其實咁樣叫法係夠我地食既招牌蝦滑（半）店員一如既往地細心，將蝦滑幫我地整到好似蝦丸咁方便我地食 蝦滑有好多蝦肉，正 店員仲特登整左個醬料俾我地，更加帶出蝦滑既鮮味撈派滑牛肉（半）一啲都唔靱，肉質好滑撈派豆花（半）店員又係特登整左一款醬料俾我地點豆花，超滑，豆味好濃，好似豆漿咁撈面重點當然係會有人喺你面前表演拉麵啦，見佢喺走廊將啲麵條fing來fing去都無掂到任何野，厲害另外提提大家撈面放麻辣真係好辣，都係建議放返蕃茄湯底活蝦（半）蝦夠新鮮鮮甜就基本要求，重點係店員幫我地剝埋蝦殻 佢帶上手套，純熟地用筷子整幾整就成個殻搣左出黎，我地真係當表演咁睇自選飲料人頭收費，有幾款飲料可以隨意任飲，我就飲左豆漿變臉每晚會有大概兩場變臉，全場都會好興奮，氣氛幾好，變臉師傅出奇地係年青人，好surprise

海底撈出名既地方係佢既服務，客人食得舒服，食物都會覺得特別啱口味。海底撈既招牌服務，貼心同周到既程度係會令一次去既人覺得驚訝！如果有去過大陸海底撈既一定會感受過，但估唔到係香港既分店都同樣做到感既效果！生活係香港你一定都見識過零售業員工既服務態度，真心想serve你既係萬中無一，大部分係「都係打份工」既態度，有d甚至連基本禮貌都無。所以黎到海底撈你真係好似去左另一個世界感，從你入店到出店，完完全全係皇帝式既服務。今次叫既兩款湯底水準都在線，番茄湯底番茄味濃得黎唔係茄膏茄醬既假蕃茄味，而係真材實料既黎自鮮蕃茄既蕃茄味。開胃得黎無論配上邊一款材料，都會令其味道更上一層樓。麻辣湯底除左辣都真係有麻，如果你鍾意食辣，感你一定會愛上after taste出現係舌頭上既麻。

海底撈已經登陸香港一段時間啦！第一次係香港食海底撈，令人期待。由於食物選擇款式太多,因此我們點了二人套餐 （價值HKD$709），免卻了選擇困難症。由於係兩個人食嘅關係，可點四宮格！所以有兩個湯底，兩格點清水，比雙拼優惠70多元，包括係清油麻辣火鍋+蕃茄火鍋 + 清水火鍋招牌毛肚（半），店員話煮15秒就可以食得，口感爽脆，非常好食！加上份量唔少招牌蝦滑（半），呢度嘅整成葉子的樣子，非常可愛呢！加上食落有粒粒鮮蝦，彈牙的口感極好。撈派滑牛肉（半），店員話呢度嘅牛肉煮兩個鐘都唔會好un，非常特別呢，食落去好滑身，沒有咬不開的渣。活蝦（半）店員幫我地親手除殻，非常之有親切感，加上好似熟手技工咁，好快就完成一隻又一隻。啲蝦就算着耐左都唔會鞋，肉質飽滿。西班牙梅豚肉（半）切得非常薄身，好快就熟，肥瘦適中，唔會話好油膩。手切牛小排（半）牛肉好滑身，牛肉味重，呢個價錢算係抵食！撈派豆花（半）呢款豆花食落去唔會話好話，但都幾有口感，點上辣椒油就最好。長生菜（半）同響鈴卷（半）， 打邊爐食肉，唔少得一些蔬菜，清一清腸胃，都幾唔錯呢！響鈴爽口最後仲有師傅拉麵表演，可以選擇粗幼自選小料同自選飲料，有豆漿、檸