涮得棧星級火鍋 (已結業)

朋友話想打邊爐 所以想食間無計時餐廳。 我地一行7人，book 左晚上8點 一入到去 環境幾好 吾會好迫 有電視睇。之後開始落單，叫湯底 肥牛 菜 都係果堆大路野。 點知所有食物上曬 最遲係個湯底 請問點打邊爐呢？ 食到10:25左右 諗住加食物啦 問個呀姐幾時last order. 呀姐話10:30. 嘩 大佬 你又吾早講 你早15分鐘前講都好 我地吾問你就吾講。 甘我地都趕住去叫order 啦 （諗住酒樓點會甘早收檔呀） 點知 戲肉黎啦， 10:28分叫野食 10分鐘左右上菜。我地係打邊爐 係生野拎去滾 係要時間。 之後有人黎收錢，我地明白 佢地要埋數。有位黑面呀姐11點就熄我地面前部電視，成個場其他電視無客人睇吾去熄，係熄我地面前果部！ 分明趕客。 隔多30分鐘，熄埋冷氣，同我地頭上既燈 ！ 超過分 熄曬燈 我地點知d食物熟未？ 火都著埋 同佢地職員理論，職員話吾小心熄左燈。哈 邊有甘多吾小心，又會甘岩既？ 食物係好食 ， 個態度真係吾得囉 。 職員趕收工 就同客人商量last order 而吾係收左錢就趕客走！

同男友２個去打邊爐，叫左特價豬骨煲湯底＄４８，點知同我落左４個湯底！！２個人點樣食４個湯底，擾攘一番後冇事！比較欣賞自助調味料，因為我係炸蒜ＦＡＮＳ，落勁多炸蒜同２粒辣椒先係岩岩好。其中蠔超好食，又肥美，又鮮甜，去一定要食。野食係唔錯，不過收費有Ｄ亂。落左我４個湯底之外，隔離枱都因為肥牛碟數有爭拗，見議ｃｈｅｃｋｃｈｅｃｋ單好Ｄ！

已來過多次，眼看越加越貴，成12%。為的只是個自助調味料，狂加gatlic好惹味食物尚可。鮮竹卷一份8條，清清地又飽肚，抵食另小籠包也很好，淥完仲有大量湯汁，一咬必哂出黎，熱辣辣但好食！反而是沒有服務可言，都收我12%⋯

平日好少出沒黃大仙, 但見十一放假, 就去左黃大仙接媽咪收工, 突然好想食打邊爐, 就黎左食涮得棧一共叫左肥牛, 帶子, 花膠, 響鈴, 芝心丸, 蟹柳, 生菜, 烏冬.以下呢幾樣想特別講下, 真係幾好食!!!首先係肥牛, 佢有2隻, 1隻係澳洲A5, 另一隻係本地手打, 我地叫左個A5, 呢個係細SIZE~好香!我唔鍾意食太薄既肥牛, 呢個厚度岩岩好~平日我都食唔到幾多塊, 今次我估我食左一半到花膠不得不提!!!真係好味, 重點係佢只係$58!!!!好平, 同埋個樣靚仔先, 食個陣真係有花膠樟樟地既感覺!如果大家黎都可以試下食！！！！仲有烏冬,都好好味，其他既配料同一般出面食打邊爐配料差唔多~岩岩好食曬冇浪費另外佢d 員工係幾有禮貌, 起碼唔會黑面同 hea 你.同埋新裝修, 個場當然係好乾淨, 裝修都好靚, 但對黃大仙嘅街坊來講算幾好啦，唔錯。 

本店 滾得棧 早於 2003 於深井成立!! 由寂寂無名到被受肯定...當中用了很多心機!!! 由店名,擺設,裝修,餐單設計....均由本人一手包辦!!!!!坊間抄襲本店的出品屢見不鮮, 往往只會一笑置之!!!!! 直至發現貴店 涮得棧 的出現....確實令我耿耿於懷!!由店名, 擺設, 裝修, 餐單設計.....都與本店 "十分相似"先講裝修.....早於 2011 天后分店已選用圖中枱面膠板!!就連豉油碟...都抄????以下之餐單設計, 早於 2009 設計及於深井店使用!! 調味料....於開店到現在,堅持只選用圖中四種!!!我相信以上的種種相同不會是巧合吧!!! 希望貴店還有一點點良知, 好好反省一下自己的行為吧!!

近日天氣轉冷, 最保暖的方法除了多穿衣服外, 當然是去打邊爐! 襯著老爸去醫院覆診後, 一起到附近這間火鍋店打邊爐.火鍋店位於商場二樓, 搭扶手電梯即可到達, 不用爬樓梯, 對兩老來說自是好消息. 到達時由於時間尚早, 店內食客不算多. 店子裝修光猛, 燈火通明, 環境也算寬敞, 更設有多間廂房. 雖然我們一行只有三人, 但門口的接待小姐仍然給我們安排廂房, 實在有點意外又驚喜!廂房環境寬敞潔淨, 可容納六人, 有獨立電視 , 私隱度甚高, 適合一家大小, 又或是知己好友同來盡情吃喝, 不怕太吵, 影響其他食客. 安坐後立即拿起點菜紙來看看, 火鍋配料選擇頗多, 有粉麵、肉類、菜蔬、海鮮等等, 令人花多眼亂! 除了基本的火鍋配料之外, 還有店家的時令推介, 例如象拔蚌、桶蠔、麵包蟹、龍蝦等較貴價的海鮮. 兩老沒有特別偏好, 發板的責任於是落在我身上. 點好湯底和火鍋料後, 侍應送上一個木架, 內裡裝著幾種基本的火鍋調味料, 包括豉油、紅辣椒粒、蒽花、生蒜粒和 炸蒜. 由於兩老是第一次到火鍋店打邊爐, 所以要教他們"混醬"! 先選好調味料, 再混出心水的味道. 店家提供了超過十款的火鍋湯

繼上次試過之後，呢排番風又有少少掛住d小籠包， 於是今晚翻兜涮得棧！ 做緊promotion醉雞煲同肥牛有特價！2-6人可以嗌半隻，7人以上可以嗌一隻， 今日夠晒人數就叫夠一隻！今日終於點到三文魚刺身 每碟有五片，都算厚切，幾新鮮， 不過無Wasabi提供極上黑豚肉羊肉片手切肥牛 今晚點左三款肉， 三隻都超正！ 肉味好夠，而且厚薄適中非常快就灼得熟！ 一流小籠包 呢個真係必食！ 我翻兜都係為左佢！ 凍冰冰食呢個熱辣辣嘅小籠包仲正！ 岩岩滾起真係要小心辣嘴～ 入面個湯汁真係好好味～～～ 仲啖啖鮮味餡料，皮夠薄，食小籠包梗係要咁樣食！老友鬼鬼娃娃菜 仲有好多餸已經顧住食無影到相！ 墨魚滑啦、豬潤啦、芋頭啦、芝心丸啦、桂花蚌啦、鳳城水餃啦… … 真係正到不得了！ 最後埋單千令二千蚊， 雖然唔算最平但係真係物有所值！ 特別係佢嘅肉類同海鮮類！ 樣樣新鮮～ 仲有佢個男經理超好人，我都有少少鍾意左佢XD

7點幾放工時間，搵個地方食晚飯，得十幾度最好都係打邊爐，4個人企响鑽石山你眼望我眼…. 邊度有HOTPOT？仲要度度都多人。 為了朋友易泊車同埋停車場不要太貴著想，去左黃大仙馬會附近泊低架車，泊好車就去左呢間了 地方幾大，而且好多食客，店員安排左間房俾我地，放好D野我地就搶點菜紙來點野了，原來好好彩，而家仲有特別優惠，29蚊醉雞鍋，38蚊碟肥牛，二選一，我地選左醉雞。不單止呢兩樣優惠，三文魚刺身都只係8蚊碟。而我地點左4碟既份量，已經係成盤了 食物點了很多，而特別覺得要讚既係蝦滑，滾一滾浮面食得，質地爽而彈，不停食不停食，因為太好味了。炸芋頭本身應該係熟左既，但本身係比較凍，放入鍋滾一滾熱就得，意想不到地好味，好香而且好泥既感覺。豬潤比預期爽，不會太林同粉，份量也不少，貴花蚌又係滾一滾就得，佢縮一縮便變得爽脆，而且入面有汁，好鮮味好甜。而肥牛不太薄，滾一滾好香牛味，好鮮。 食到尾聲，我地仲特別點了鳳城水餃，成隻蝦响入面，有木耳同旬，所以好爽口，我地由點坐到10點半，而且不受外來滋擾，又可以睇住電視打邊爐，真溫暖！

近來天氣又開始轉冷，入冬後第一次去了打邊爐，其後妹妹帶了我去譽宴集團的「涮得棧星級火鍋」食火鍋。它是位於黃大仙豪苑商場的位置，我們乘搭港鐵在黃大仙A出口步行大約5 分鐘已經抵達，交通也是非常方便。 廳面的裝修也是雅緻燈火光猛，座位都好寬敞又有電視播放，除了廳面地方之外，本店設有多間的貴賓房，可以包廂與三五知己暢懷飲杯大吃一番，而且又有獨立電視可以看，好有私人空間，環境舒適又有私隱，是晚我們更被安排坐貴賓房，真是太美好了。 枱上有幾款點菜紙，除了火鍋之外，有不少餐前的小食、刺身的選擇，當我們五在選擇火鍋時，我們先點了兩客三文魚刺身($8一客)來作我們的開胃小食，不久大約十幾分鐘已經上枱。三文魚刺身不算好肥，色澤偏橙紅，蘸上wasabi更是滋味又有辛辣攻鼻的刺激，馬上通通鼻塞，醒胃依然，三文魚的魚香濃郁，而且有餘韻悠長，放在冰塊仍keep 到冰涼的口感，新鮮又好味。 火鍋的湯底選擇都幾普遍，店內都有幾款特色的火鍋湯底，例如招牌蟹鍋、奇味辣雞鍋、川貝海底椰木瓜鱷魚骨鍋......，不過我個人口味較傳統，都只是點了個「莞茜皮蛋鍋」湯底，莞茜皮蛋更可以降下火，比較健康又會較少點油膩。火鍋的

黃大仙, 一個平時唔多去的地方, 但因為朋友住附近, 為了就佢就係附近食野, 咁呢排天氣凍左d 打邊爐就當然係首選. 但由於唔係好識路, 朋友仔又無idea的關係，所以係近 MTR是但搵. ( sorry 寫食評寫到好似日記咁)好啦, 長話短說, 終於到了一間叫譽宴的地方, 地方都好大ga, 一邊係好似人地飲宴用的, 另一邊就我地既目的地”涮得棧"喇. 我地雖然人丁單薄得幾個人仔, 竟安排我地坐房仔, 沿路行都見到有好幾間房仔, 三五知己相聚的話都係唔錯的選擇, 私隱度高丫嘛. 整體環境企理, 衛生, 裝修都幾高格調, 我自己都幾鍾意, 唔會話好大油煙好焗果種.咁打邊爐就當然唔係食裝修啦, 講下個湯底先, 我因為好鐘意食花膠, 所以點左個花膠螺頭湯底, 等左一陣間, 嘩~見到個湯底的時候, 真係心都開埋, 好~足~料~呀, 好心急一滾左就即刻試左啖, 味道好濃好香.我地又叫左澳洲M5牛, 唔好問我M5牛即係咩, 其實我都唔知, 見佢好似幾威咁就柯打啦, 賣相靚唔在講, 食落口的時候, 直頭有幸福的感覺, 入口即溶味道一流, 要記住呢個M5.仲有值得推介的係佢地的手打蝦滑, 有蟹籽鋪面,

很久沒有到黃大仙了, 因上次去黃大仙 發覺點心很不錯, 比較同區其他酒樓略勝一籌, 今次適逢奇會; 同學仔失戀, 大家得以談心聚舊, 所以建議大家去試一試 的晚飯小菜!! 當致電訂檯時, 接待員有禮貌地詢問是火鍋或是小菜, 心想天氣冷了, 也希望大家溫溫暖暖, 鬧哄哄歡聚一番, 所以最後選擇了......打邊爐!到達時, 發覺火鍋用膳區原來跟晚飯廳是分開的, 裝修十分雅緻, 而且是有另一個名稱為<涮得棧> ; 知客細心安排了一家獨立包房, 我們一行4人, 喜出望外地走進一間精美有大電視的獨立廂房, 便高高興興坐下便開始點菜了!湯底選擇繁多, 令多心的我們出現選擇困難症, 最後決定了滋陰養顏的花膠螺頭鍋, 湯底很快便來到了, 除了有幾件花膠筒及螺頭外, 更有幾只雞腳及豬骨筒, 真是沒選錯, 淨食湯底內既料都飽左一半, 而且骨膠原爆燈, 讚喔!!打邊爐當然少不了牛肉, 這裡有M5手切澳洲肥牛及本地手切肥牛, 我們選了本地手切肥牛, 原以為即使叫大碟HK$128, 也不會太多, 誰不知來到時一大碟滿滿的, 最喜歡不太肥之手切牛肉, 只需放進鍋內3數秒即上, 雖然不會入口即

今日出去同屋企人食飯，見天氣突然轉涼就去打邊爐吧 黃大仙要打邊爐選擇不多，選了呢間應該穩陣既去試 4個人打邊爐竟然有間房，自成一角，袋都可以隨便放，安全感不錯 叫左羌茜皮蛋湯底，仲叫左四寶丸，澳洲肥牛，羊片，炸枝竹，蟹柳，金菇，烏冬，栗米，牛柏葉，豆腐，當然不少得啤酒啦 劃劃下張熟食紙，竟然有張細紙仔,三文魚刺身8蚊碟，想也不用想，一人一碟 三文魚來到，雖然是8蚊, 但一點都不細碟，每碟有好幾片，仲有冰墊底，感覺不錯，8蚊雞好抵食 湯底來到，都算幾香，因為今晚天氣下降了很多，唔知係咪呢個原因，個個都特別肚餓，相機先食之後，就一碟一碟加入鍋內等食了。 炸枝竹係浸過的，是一件好事，因為無咁油，而且好快食得，味道不錯，幾香幾好食 羊片同澳洲肥牛都好好味，肥牛片更加係好得，絕對是整晚焦點所在，可以食5成至6成熟，基本上3至4秒就食得，不會太瘦太肥，片片均等，有牛味，好LIKE！會為呢碟牛而再去食過 而羊片個個都話好好食……不過我不食羊，所以自己無試過 金菇菜，栗米，豆腐， 算係乾淨同新鮮，而烏冬係用的質素比較好的品牌，煮了一分鐘就食，滑而彈牙 白牛柏葉洗得到好乾淨，不會有一陣怪味，而且大大片，

在機緣巧合下跟朋友到訪黃大仙的涮得棧星級火鍋吃晚膳。未抵達前都不知餐廳和譽宴集團有關係，抵達後發覺店中有店才知一二。以火鍋店來說，店內的裝潢都算不錯，除大廳用餐區外，更有數間獨立的貴賓房。是晚有幸進駐其一飽吃一頓，房中地方都算寬敞，並設有獨立電視，電視下方有一智能點菜系統，構思十分好，但未知是否設施壞了或其他原因，系統未能應用，還是依靠最原始的點菜紙點菜。以生料款式而言，數量算上合理，價錢由二十餘元至百餘元左右。想吃海鮮，代價當然要高一點，以一只三四斤重的象拔蚌取價六百餘元，其實又差不多。花了點時間，在云云點菜紙中點了約十款美食。在輪候美食時，有一例行公事必須先做，就是混醬。這店的醬料不花巧，只有紅椒粒、生熟蒜、青蔥粒及豉油供選擇。左加加右加加，不消一會，火鍋湯底已到。是晚選了花膠螺頭湯底，食材除了有花膠及螺頭外，還有豬骨、雞腳及大量中藥材。湯底重藥材當歸味，其實也令人有點措手不及，幸好小弟偏愛這種重口味，但同檯好友則有欠運氣，對此風味留有微言，哈哈！說回湯底食材，花膠有數件，體積細小薄身，不要期望膠質黏度高。螺頭份量實在少，出力當然不足。豬骨有三四件，連少量肉味道不俗。雞腳質感偏向硬

黃大仙地鐵出口好多人，有小販擺賣及排隊搭車的人龍，人來人往，街燈暗淡，好有情調。好少嚟呢區，唔知有咩好食呢？前面燈火通明，明顯較其他地方光亮，原來喺間火鍋店！立冬後天氣明顯轉涼，十下十下都好喎！叫左胡椒咸菜豬肚鍋，胡椒十分量十足，湯底微辣，十分暖胃。2個人叫左7 碟，包括有最貴嘅$128手切雪花肥牛，最平嘅$28菜，飲茶無叫其他飲品，埋單唔洗$500，每人消費約會240。其中最滿意的有雪花肥牛、炸魚皮及雲吞并水餃。大大碟雪花手切肥牛，雪花細緻均勻，每一塊大小相約、厚度適中、塊塊排列整齊，烚一烚即放入口，牛肉鮮味十足，十分肥美。喜歡食肥牛的食客必食之選。十下十下點可以無炸魚皮架！細細塊一口炸魚皮，塊塊脆bob bob、無渣、無油膱味。推介！雲吞并水餃，好少見咁飽滿嘅水餃，乍看時以為係雲吞，雲吞及水餃粒粒都比乒乓波大，好味。必食。即炸響鈴上枱時仲有微微熱度，十分新鮮。放入湯底吸滿湯汁，焯幾秒即食，外淋內脆，口感十足。整體來說，涮得棧d食物新鮮好味，值得一試。見店舖有多間獨立房間，由四人至十多人一間獨立房都有。離去時詢問待應，4 位以上就可以包房，仲不設最低消費！冬天最啱約埋成班好友或家人打

天氣有D涼，同事就建議放工後一齊去滾，近近地去左呢間，其實就純粹搵個地方吹下水 人不多，可能因為平日而且早掛，客人不多，待應不少，所以有幾個人在身邊行來行去 今次試下番茄薯仔湯底，有3件大骨，好紅既湯底，茄味好香濃，不會水稀稀，而好似將鮮茄煮成左湯汁，所以好濃味，因為同事點了羊，所以無點牛，而我唔食羊所以無試。 點了脆鯇骨腩同鯇魚骨腩，只因大家想食脆鯇骨腩卻點了鯇魚骨腩，所以補叫返，新鮮程度尚算可以 黑柏葉幾好，因為出面食都係一條條，呢間係一片一片，會易熟一D，點少少辣椒豉油好好味 響鈴卷同四寶丸份量不少，響鈴卷輕灼過即食，外軟而肉脆，口感一流。而且吸收左濃郁番茄湯嘅味，好甜。成間野最吸引既係長期有待應在附近，所以服務不錯，有間不細嘅獨立房，3個人食，而且無設時限，埋單每人$170有找，市面少有。我地仲俾左20蚊貼士，我地仲俾左20蚊貼士