漁獲浜燒

營業中

休息中

今日同老婆去食浜燒海鮮 叫咗個套餐有老婆最鍾意食嘅龍蝦同扇貝食燒海鮮之前 會有個沙律開下胃先 蟹子蟹肉沙律 淋上沙律醋 酸酸甜甜好清新龍蝦燒之前店員會問定我哋食唔食芝士 因為龍蝦會用芝士鋪面燒 如果唔食芝士可以早啲同店員講 而龍蝦肉非常彈牙結實 啖啖肉好好味燒帆立貝 我同老婆一隻食牛油蒜蓉燒 另一隻食清酒燒 完全係兩種風味同味道 牛油蒜蓉燒會香好多 但係清酒燒又會更加食得出海鮮嘅鮮甜味 個餐仲會跟埋一個味噌湯烏冬 用咗啱啱燒龍蝦超正嘅龍蝦頭嚟整個湯 味噌湯又暖胃 亦有啲昆布食下 烏冬用咗讚岐烏冬 所以煙煙靭靭 非常滿足$728二人前有埋海鮮食 仲有店員喺你面前幫你燒埋 環境亦坐得舒服 呢個價錢真係冇complain

朋友帶我食好西🙂‍↕️去咗銅鑼灣嘅漁獲浜燒，主打當然係新鮮海鮮！餐廳嘅日式木系風格，都幾舒服~🦞我哋叫咗龍蝦饗宴二人前，由前菜到甜品共有七道菜~先係蟹籽蟹肉沙律，味道酸酸地，清新開胃🥗刺身三點本身係有三文魚，油甘魚等，不過我地就+$98升級咗，有拖羅，深海池魚同赤蝦，深海池魚爽脆帶油香，赤蝦鮮甜爽口，拖羅亦都新鮮軟嫩☺️好滿足~浜燒嘅海鮮有兩款，活龍蝦浜燒係用芝士燒，雖然龍蝦唔算好大隻但係好厚肉，入口爽彈，芝士帶鹹香之餘都遮蓋唔到龍蝦本身嘅鮮味。另外活帆立貝浜燒就分別用咗高湯清酒同香草牛油兩個調味，個人更喜歡高湯清酒，更突出到凡立貝嘅鮮味，香草牛油就係屬於比較香而惹味嘅~意猶未盡之下，我哋又+$88追加味噌蟹甲羅燒😂都係一個好啱嘅決定我，好好味！鮮味濃郁得來又唔會太鹹，可以配餅食，但係單食我哋都覺得好OK，真係完全唔膩🙂‍↕️食完海鮮，就有一份紐西蘭牛柳，好軟稔嘅肉質，有牛香又有油香，仲有蒜片可以配埋一齊食🐂之後就係龍蝦頭味噌湯烏冬，湯加咗昆布幾清甜，烏冬幼身煙韌，龍蝦頭唔係剩係得個殼㗎，仲有少少肉喺度，千祈要記得食埋😌最後食埋甜品，抹茶紅豆雪米糍，大滿足！

實不相瞞燒海鮮好多時我都暗暗期待燒龍蝦嘅一刻，見到有推廣餐龍蝦饗宴即時book位。拖羅、深海池魚同赤蝦係升級item，赤蝦真心甜同彈牙，拖羅油花好靚，加得夠值。活龍蝦浜燒好大隻厚肉，其實用呢啲爐好難控制火候，但店員燒得好好，保持幼嫩，完全唔會過火。 龍蝦夠哂新鮮鮮甜，就咁食已經係一大享受，最後仲灑埋芝士更加香。活帆立貝浜燒揀左簡單用清酒煮，更加食到食材原味，好清甜。紐西蘭牛柳份量比想像中多，黑椒同蒜片一齊食好香口。龍蝦頭味噌湯烏冬落左原個活龍蝦浜燒嘅龍蝦頭，估唔到都好多肉仲有膏，尤其龍蝦螯啖啖肉，最後主食都仲有海鮮好開心。

今天到銅鑼灣吃浜燒，才發現價錢比以往平了一半。蟹籽蟹肉沙律真蟹肉，少許黑醋加上新鮮嘅蔬菜🥬正！刺身三點刺身雖然比較薄，但係好新鮮，所以好滿意。活龍蝦🦞浜燒活活嘅龍蝦加上廚師嘅經驗，令啲肉好爽脆嫩滑，入口又有海鮮嘅甜味，唔錯！加埋芝士，令鹹味恰到好處。😋😋活帆立貝浜燒好新鮮，完全食到帆立貝嘅甜美。紐西蘭牛柳本以為這個價錢，牛柳唔會係好靚，點知食落都係好嫩滑同埋有牛味。讚！龍蝦頭味噌湯烏冬最驚喜係龍蝦頭竟然有好多肉，而啲烏冬係好滑好滑，亦都好入味。甜品好簡單嘅甜品，但係就好似句號咁為呢餐畫上圓滿嘅終結符號。🥳🥳🥳🥳🥳

今日同老公去食浜燒海鮮 而家可能市道唔好 呢度嘅二人餐由千幾蚊大劈價做七百幾蚊 但係可以食到新鮮龍蝦扇貝等等嘅海鮮 仲有刺身/牛柳/烏冬 性價比好高 蟹子蟹肉沙律 酸酸甜甜沙律醋撈爽脆蔬菜開開胃 好Refreshing 刺身三點 +$98 有牡丹蝦 深海池魚 拖羅 刺身好新鮮 尤其拖羅非常肥美油脂甘香 牡丹蝦大大隻啖啖肉好鮮甜活龍蝦浜鮮 喺燒之前 我哋見到隻龍蝦真係好新鮮仲旭緊 燒嘅時候店員會幫手將龍蝦肉起咗出嚟再切件 之後先再塞返入龍蝦殼到燒 方便之後你夾起可以一舊舊肉咁夾黎食 新鮮龍蝦肉非常結實而且彈牙鮮甜活帆立貝浜燒 可以選擇牛油蒜蓉或者清酒燒 前者會香啲後者就會鮮甜啲 味噌蟹甲羅燒 +$88加配 呢度嘅甲羅燒唔係真係喺蟹殼上面燒 而係喺鐵嘅器皿上燒熟後放入一個假嘅玻璃蟹殼 味道好有蟹糕味 而且會配埋梳打餅畀你夾住嚟食紐西蘭牛柳 牛柳都幾有牛味 而且唔會硬班班都幾有肉汁 如果可以配碗飯食就一流喇最後仲有個澱粉落下肚 係龍蝦頭味噌湯島冬 先前只浜燒咗個龍蝦身 而個龍蝦頭就係呢度大派用場 雖然係龍蝦頭 但係都有啲肉同蝦膏食下 甜品 士多啤梨 朱古力窩夫雪糕 中間有Mochi 表面

今晚同朋友去咗銅鑼灣漁獲浜燒食晚飯，仲有我鍾意嘅龍蝦🦞二人套餐做緊特價。前菜蘿蔔牛舌，牛舌爽口，蘿蔔入味，食落去好似食緊牛肉咁。蟹籽蟹肉沙律🥗上層有好多蟹肉同蟹籽，配上新鮮嘅沙律菜蕃茄，清新好味。刺身三點可以+$98 升級袘羅、深海池魚、赤蝦，赤蝦夠大隻又鮮甜，袘羅池魚肥美。終於等到活龍蝦🦞浜燒，龍蝦非常新鮮，肉質彈牙，加上芝士一齊燒更加好味。活帆立貝浜燒都好大隻，可以配牛油或者清酒煮，今次揀咗清酒比較香，冇咁肥🤣另外以$88加配味噌蟹甲羅燒，蟹肉蟹膏配上梳打餅更帶出蟹膏嘅鮮味。紐西蘭牛柳，未食已經聞到香味，肉質非常嫩滑，配上燒香蒜片更加惹味。龍蝦頭味噌湯烏冬，食完龍蝦嘅肉，龍蝦頭就用嚟煲咗一個好鮮甜嘅龍蝦湯，配上彈牙嘅烏冬好滿足。

呢間餐廳係我好中意嘅浜燒餐廳，今次我同fd約埋一齊嚟食佢哋嘅Deluxe Set，果真令人滿足首先，三款刺身夠肥美厚切，味道鮮甜，一如以往用手磨青葵，味道清新！再來嘅蟹黃蒸蛋，滑得嚟又香，蟹黃同蛋香完美結合，食一口真係好幸福。接住就係龍蝦刺身同兜甲羅燒，一款兩食，滿足兩個願望，龍蝦肉質鮮美，啖啖都彈牙，兜甲燒得啱啱好，整個味道超級濃鬱。鮑魚浜燒配柚子鹽，鮑魚嘅鮮味配上柚子鹽嘅清香，係我最中意嘅配搭！清酒燒貝類都唔錯，貝類吸咗清酒嘅香味，口感滑嫩，食得好開心。燒白鱔外焦內嫩，而且爽口彈牙，搭配特製醬汁，味道濃厚，真係好正！白蜆湯清淡又鮮甜。最後海膽炒飯，米飯粒粒分明，海膽香氣貫穿整碗飯。最後嘅甜品係兩種口味嘅雪糕窩夫。總結嚟講，漁獲浜燒一如以往的高質，環境又舒適，絕對值得再嚟！

同朋友去咗位於銅鑼灣嘅漁獲浜燒，餐廳裝修充滿日式風情，恍如置身日本屋酒屋一樣，有個魚缸養住各款生猛海鮮，種類繁多⭐️Signature 二人前套餐 $988有選擇困難症最適合揀套餐，點餐後店員會將海鮮成盆拎出嚟俾食客先過目，之後就會有專人幫忙現場燒，坐係度等食就得喇🔸刺身三點是日刺身有三文魚，油甘魚同蝦。三文魚同油甘魚都好厚切，肉質鮮嫩，鮮味十足，蝦質感爽彈🔸波士頓龍蝦浜燒龍蝦非常生猛，開邊燒到好靚，燒嘅過程加入芝士，非常邪惡！新鮮龍蝦肉質彈牙，又鮮味，好想encore 🔸活鮑魚鮑魚肉質厚實帶有彈性，鮮味十足，提供柚子胡椒，令味道更惹味香口🔸帆立貝可以揀牛油/芝士/清酒嚟燒，我哋揀咗清酒烹煮，更能食到佢嘅鮮味，連清酒都飲埋🔸西京比目魚肉質好嫩滑，魚肉質感細膩，魚油超級香，燒到魚皮脆脆地咁，口感好好🔸白蜆湯煮到熱辣辣，成鍋呈上，清湯更能飲到鮮味，蜆肉完全冇沙🔸海鮮雜炊米飯煮沸後加入生蛋，感覺好似食緊海鮮粥咁，幾特別又好味🔸甜品最後以藍莓芝士窩夫作結

銅鑼灣除咗行街之外、絕對係一個搵食嘅唔錯嘅地方、朋友今次幫我book咗呢一間一個月都未必book到嘅日本燒烤餐廳！仲要好近地鐵站SOGO度出口地鐵站過去就係啦非常之近！第一個前菜係蟹籽蟹肉沙拉另外呢度嘅刺身三寶係升級版！赤蝦拖羅深海池魚！活龍蝦浜燒，活帆立貝浜燒呢度既燒烤係爐端燒、會有人喺你面前燒非常精彩！另外有一個仲可以加$88味增蟹甲羅燒！香噴噴非常之誘惑！紐西蘭牛柳、搭配咗好多蒜片特別香！呢個真係原隻龍蝦頭開邊，龍蝦湯烏冬配搭日本嘅麵豉湯！飲落去非常之暖胃！呢度套餐甜點係綠茶紅豆麻糬，觸感好得意！入面滿滿都係紅荳蓉！銅鑼灣地方間餐廳名叫做漁獲浜燒，係近銅鑼灣多出口SOGO嗰一邊，軒尼詩道澳門逸園中心既18樓。

朋友話好耐都冇食鐵板燒、今次呢就專登帶佢去一間銅鑼灣一個月book位都未必book到嘅日本燒烤！點解咁誇張因為食物質素真係非常高囉！再加上每一款食物都好出色！今次餐廳為我哋準備用龍蝦餐宴：前菜：蟹籽蟹肉沙拉值得一讚係蟹肉用非常新鮮，配搭落蟹籽好開胃！之後嘅刺身三款有我地加左+$98赤蝦，拖羅、深海池魚拖羅超肥美，深海池魚超新鮮、最鍾意就係刺身都厚身d口感好啲！抵讚！活龍蝦浜燒活帆立貝浜燒呢個真係超讚！龍蝦用芝士燒兩種唔同嘅芝士好感超好食！帆立貝就用蒜蓉牛油、非常香濃燒到啱啱好！仲可以加$88味增蟹甲羅燒，想講呢度嘅燒烤都係用爐端燒仲要喺你面前燒好有藝術感！紐西蘭牛柳勁鍾意佢啲蒜片同牛柳炒到啱啱好，肉質都好嫩滑！龍蝦頭湯烏冬全個湯都係龍蝦頭嘅味道，再加上加咗海草飲落去個湯好潤喉，再加上龍蝦頭啖啖肉！烏冬好滑！甜點係綠茶紅豆麻糬漁獲浜燒銅鑼灣軒尼詩道澳門逸園中心18樓

我哋食咗個抹龍蝦套餐$988二人前刺身三點三文魚:厚切非常肥美，魚油充斥着口腔非常滿足赤蝦：非常新鮮鮮甜，油甘魚：肉質柔潤細膩波士頓龍蝦賓燒龍蝦好生猛，見到佢扎扎跳，難怪肉質如此彈牙，再加埋芝士烤，非常可口，難以忘記～馬刀貝，活蟶子呢個餐就包咗兩款新鮮海鮮，馬刀貝好爽口彈牙，加少少清酒帶出佢嘅鮮甜味～蟶子就用咗醬油煮，所以好入味～西京比目魚味道非常鮮美，肉質細膩、柔軟，通常帶有淡淡的甘甜味。這種魚的肉質富含油脂，口感滑嫩，煮熟後非常容易入味。發塔紙白蜆湯白蜆湯的味道清淡鮮美，帶有海洋的鮮味。蜆肉本身質地嫩滑，湯汁則因蜆的鮮味而變得濃郁。海鮮雜炊海鮮雜炊的味道非常豐富而且多樣，通常會融合各種海鮮的鮮香，湯底是清淡的高湯，能夠很好地襯托出海鮮的鮮味，海鮮與米飯的結合使整體口感更加圓潤，米飯吸收了海鮮和湯汁的精華，變得香濃可口。

好耐冇食浜燒啦，同朋友去咗漁獲浜燒，揀左佢哋嘅二人前套餐$988，真係超豐富，有專人幫我地燒，食物質素好好，食得好滿足。🥢刺身三點有三文魚，油甘魚同蝦。三文魚片厚實，肉質鮮嫩，油脂分佈得非常均勻，入口即化，鮮味十足。油甘魚滑溜得嚟帶有少少咬口，魚肉味道清甜。蝦鮮甜彈牙，正。🥢波士頓龍蝦浜燒肉質非常鮮甜，燒得啱啱好，唔會過熟。配埋濃郁嘅芝士，芝士嘅鹹香同龍蝦嘅鮮味好match，好滿足。🥢清酒貴妃蚌蚌肉鮮脆，加入清酒煮得好入味，帶有少少酒香，令蚌肉嘅鮮味更加突出。🥢蒜蓉牛油馬刀貝牛油同蒜蓉嘅香味滲透入貝肉，貝肉厚實鮮甜，食落去有陣陣牛油香，好惹味。🥢西京比目魚燒得好嫩滑，魚肉細膩，西京味噌嘅甜味為魚肉帶嚟唔同層次嘅味道，魚皮仲有少少脆，令人一啖接一啖。🥢發塔紙白蜆湯清甜得嚟有蜆嘅鮮味，湯底清而唔油，飲完好舒服。🥢海鮮雜炊有冬菇，甘荀，蜆肉等材料，清甜夠鮮，熱辣辣好暖胃。🍧甜品揀咗+$10 升級檸檬同蘋果雪葩，酸酸甜甜，好清新，為成餐飯畫上完美句號。

最近又想吃海鮮，朋友提議銅鑼灣這間充滿日式風味的居酒屋🏮想不到服務跟食物都不錯，值得推薦👍🏼二人前套餐 $798🐟刺身三點刺身都很新鮮，分別有拖羅、金目鯛及赤蝦。其中拖羅入口即溶，金目鯛肉質鮮甜爽口💛🦐浜燒黃金大虎蝦師傅將虎蝦的火侯控制得很好，燒得肉質彈牙。每咬一口，微微溶化的蝦膏跟蛋黃醬融合在一起，很入味🤩燒帆立貝師傅採用了清酒去燒，令帆立貝鮮味更加突出。吃過帆立貝後大家記得要喝殼中的清湯，很鮮甜💧馬刀貝口感爽脆，經燒過後海水味更突出，很鮮甜。🐟燒吞拿魚鮫一上枱已彌漫着濃濃的焦香，吞拿魚鮫肉味濃郁，充滿魚油的香，好味得要整條魚檢查有沒有漏網之肉🍲白蜆湯湯品很鮮甜，蜆肉煮得火喉剛剛好，很舒服🍚海膽炒飯海膽控必點😍份量都不少，海膽份量很足。飯質炒得粒粒分明，每啖都吃得很滿足🌈🍎蘋果雪葩很意外的一道甜品🍧是原個蘋果中加了雪葩。啖啖蘋果味十分清新，酸酸甜甜很解渴💧必點！🧇朱古力窩夫份量剛剛好，窩夫🧇的朱古力香濃，夾著朱古力雪糕一併吃，完美😍

之前黎食過呢度嘅海鮮覺得好正，今次見到有好抵嘅套餐就一於試吓😍侍應會幫忙烤海鮮，招呼周到刺身三點升級拖羅、金目鯛➕赤蝦，件件都新鮮肥美😋浜燒波士頓龍蝦🦞揀咗芝士🧀口味，鋪滿芝士嘅龍蝦肉，食落好香滑，肉質鮮嫩浜燒海鮮揀咗清酒活鮑魚➕清酒馬刀貝，鮑魚唔算好大隻，咬落彈牙，我就鍾意點埋芥末柚子醬一齊食蟶子都幾大隻，用清酒🍶煮完，味道鮮甜魚類叫咗條伍魚一夜干，馬友個魚皮香脆得黎，肉質仲十分嫩滑，非常美味👍🏻發塔紙白蜆湯味道鮮美，份量夠晒兩個人食，蜆肉冇沙揀咗海鮮炒飯，🈶魷魚、蜆肉、蝦仁等配料，炒飯粒粒分明，成碟飯都好香噴噴雪糕三文治分別有士多啤梨➕藍莓芝士口味，外層係香軟嘅窩夫，裡面嘅雪糕好軟滑

今日放工約左朋友黎到銅鑼灣睇雷蛇，睇完喺附近穩嘢食，想食日本海鮮，就呢間啦！ 我地叫左個Deluxe 二人前。 店員會比龍蝦，活鮑魚同埋紐西蘭刀貝我地影相，十分新鮮！最快黎既係刺身三點，清甜可口，還是厚切呢。然後有龍蝦刺身，個人欣賞它的彈牙，不過自己比較喜歡熟龍蝦。紐西蘭刀貝用清酒煮是必須的，一個字：鮮！我很喜歡接下來的蟹皇蒸蛋，香噴噴，又滑。鮑魚的彈牙程度實在有驚喜，配上柚子醬是朋友最愛的。主角來了，龍蝦浜燒，每一口都是讚嘆，又香又彈。我們還有燒白鱔和升級了海膽炒飯，我最愛就是燒白鱔，外脆內嫩。海膽炒飯的量也很多，很飽呢！白蜆湯正常發揮，舒舒服服的。我會推薦給喜歡日本海鮮的朋友來吃！