潮庭 (將軍澳中心)

營業中

休息中

2017年5月19日 (星期五) 12:55pm 環境典雅玫麗，裝潢新派，光亮整潔，餐具乾淨。 茶壺屬純銀，銀光閃閃，充滿貴族氣派，加上鑲藍邊瓷杯、瓷碟均印有酒家英文簡寫圖案，清雅秀麗，散發一種淑女氣質。 ❤_❤ 不用排隊 叉燒酥 - 熱騰騰，香噴噴，外層酥皮鬆脆，內層叉燒軟綿。最驚喜的事來了，在第一啖咬下時，內裏的肉汁竟然奔流出來，湧進口腔，不斷翻滾。本人是第一次吃到又熱又充滿肉汁的叉燒酥，簡直令人畢生難忘！【推介之選】❤❤❤ 蟹籽燒賣 - 面層的蟹籽數量適中，豬肉偏瘦不肥膩，味道新鮮。 山竹牛肉 - 牛肉味香，馬蹄粒爽口。【推介之選】❤❤❤ 流沙奶皇包 - 奶皇汁滑溜，呈流沙狀，甜美！【推介之選】❤❤❤  糯米卷 - 糯米味濃郁，甜且綿，皮亦薄。【推介之選】❤❤❤ 銀芽肉絲炒麵 - 麵條炸得香脆，豬肉絲肥美，銀芽爽口。當中伴隨磨菇和韮黃，配合玻璃茨汁後，感覺滑溜。整體來說，份量適中，味道不會太鹹。 前菜 - 包括：酸菜、青瓜、花生和雲耳，均帶酸甜味，屬於飯前的開胃小食，不錯啊 ~ 椰汁馬豆糕 - 椰汁飄香，滑溜清涼。 千層咖啡糕 - 咖啡味濃，口感似啫喱。《 餐 牌 》：

開業幾個月的潮庭，位置雖然隔涉及很難搵到入口，但環境裝修非常靚，座位闊落坐得很舒服，食物方面其實跟其他美心集團酒樓的點心味道差不多，較為有特色的只多了潮州食物，潮州炸春卷味道非常好，餡料多不會有油淋淋的感覺，外皮脆，而且很大夠。另外叉燒包，奶皇包，燒賣，亦都屬於合乎標準的水平，味道同翠苑差不多，整體來說，下午茶時段不屬於貴，大點$24，中點$22，茶芥$8，酸菜$15（可以要求不要的），可能附近都頗多酒樓，而潮庭位置隔涉，所以都不需要等位，店內是收不到訊號的，幸好有免費Wifi提供。

高級食府的價錢，桌子卻放置密密麻麻，和隔離桌的客人背貼背，坐得不舒服；那天吃晚飯，幾次上錯菜，又有一兩道菜等了大半個鐘並追了幾次也敷衍了事。不過食物是好吃的，希望服務有待改善。

今晚提前慶祝母親節，三家姐揀到將軍澳中心新開既潮庭。係啊又係潮州菜，雖然我地晚係潮州人，但都好仲意食潮州菜。將軍澳中心大翻新，成個場都圍曬板，潮庭剛開冇耐，雖然有貼指示牌，但位置都幾難搵！講返正題，潮菜必食當然係滷水鵝件，滷水汁好入味，食完仲唔夠，要叫多個滷水鵝片之後梗係要叫個煎蠔烙啦，D蠔仔好新鮮，全蛋汁，煎既火喉剛剛好，又唔死咸，非常好味美極粉絲煲，非常特別，有細蝦米同蟹籽炒到好乾身，一D都唔油，極少地方食得到之後又叫左小黃魚，雖賣相一般，但D肉好嫩滑，而且炸得剛剛好食左甘多熱氣野，所以叫左個涼瓜排骨煲中和下，涼瓜味道少少苦得來有回甘，排骨燜到好淋，D汁好清，送飯一流潮庭又係將軍澳既新選擇啦！

潮庭最近於將軍澳中心開了新店，屬美心集團旗下餐廳，主打新派潮菜。因出席聚餐者眾，家人特意安排了一廳房作耍樂進餐之用。大朋友可攻城；小朋友可跑跳，當然更盡興。 這份供 12 人享用的開心宴，內含九道菜，定價 $3,980，包茶芥加一及啤酒汽水，但另收前菜費用，有點奇怪？！潮州滷水五彩拼顧名思義內含五款滷水菜餚，主角鵝片軟腍足味；墨魚彈牙不韌。豆腐因置底而盡吸滷水汁，味道難免稍鹹。 錦繡杏片花姿丸賣相圓潤飽滿，杏片給香；花姿給彈；雀巢給脆。 翡翠玉帶炒蝦仁製作平實，以「美心水準」而言不論玉帶及蝦仁均算細隻，食味亦偏淡。 姬松茸螺頭燉湯湯料豐足，湯汁醇厚濃郁，筆者接連享用了兩碗始能滿足。 清蒸沙巴大海斑魚香達標，但肉質偏韌。蒸魚豉油理應帶有甜味，但成品口味明顯過鹹。脆皮炸子雞外皮微脆，肉質嫩滑度只屬中規中矩。 潮陽炒絲苗其實是惹味的欖菜炒飯，少吃滋味。 金菇炆伊麵麻油味相當重，基本上蓋過其他味道。 鴛鴦紫米露最大問題是出品不夠熱，味道亦比預期清淡。 整體來說，這份「開心宴」貫徹美心一向穩健的水準，菜餚味道有交代，但又未能帶來驚喜，適合作為家常飯局的地點。 ****************

住家樓下開了新酒樓，遂相約鄰舍晚飯去。閒日的晚上，「潮庭」依然不乏人流，未知那是源於新芧廁三日香，還是美心集團旗下的餐廳自有質素的保證。碩大的酒樓居然也坐得滿八成，在這往宅區兼之偏僻的閣樓庭檯竟能達致這樣的營業額，老闆定當會心微笑了！ 這一家「潮庭」位於商場的閣樓，原本開的是大型連鎖補習社，後來商場大裝修遂變成了一酒家。這閣樓餐廳只此一家，其餘的位置分別是停車場區與扶手梯直上住宅平台的玻璃門。陝小的門口與內進寬敞的空間䢛然有異，在假日早午茶旺市的時段，一堆一堆的人群往往積壓在門前窄迫的前堂中，直阻礙樓上居民進出扶手電梯。結果，管理公司需調派人手，在人多的時候幫忙維持秩序。把補習社換成食肆，究竟是除笨有精，還是吃不完兜著走的愚徑？作為樓上居民，小的當然高興有更多美食的選擇，然而自家更關心的還是酒家鄰近民居，會否引來更多的蛇蟲鼠蟻，影響住宅的衞生環境？然而作為兩袖青風、無氈無扇的小小小蟻民，一隻手掌打向石牆，得到的只是自討苦吃的痛楚。物競天澤，慢慢學習，打落牙齒和血吞。既然餐廳進駐已是改變不來的現實，多光顧品嚐正好平衡一下骨子裡不太舒爽的心理。 老饕朋友經常吃、吃、吃，來到「潮庭」如數家珍

【潮庭】家楼下新开的一家潮州菜，潮州菜属于粤菜的一种，取料宽广，海鲜较多。【位置】不是很显眼，在将军澳中心，地铁到商场里往左边走，走到装修那儿就有指示，一定要看清楚哦，那儿像迷宫一样😛在上个星期中午来的时候看到前面排队有100多个号，就放弃了。这次晚上六点早早的就来了，还只有四五桌 不用等位✌️因为新开不久，里面不管是装修、餐具都很新。适合家庭聚餐，也适合小两口。开始进入主题啦（人均在最后哦）😝：上汤焗加拿大龙虾➕任选菜（298hkd）：这是两道菜，很划算，主菜我们选择的是龙虾（1斤左右）三个人➕一个小孩，每人两块刚合适。龙虾肉质很嫩，下面还有伊面，搭配着龙虾汁，美味。任选菜有12款可以选择，我们选的粉丝煲，分量很足，不过建议选了龙虾就不要选粉丝煲了，都是面就重复了。甘苦凉瓜排骨煲（95hkd）：也是一道清淡菜，凉瓜就是苦瓜，多吃可以降火养颜。排骨不是有骨头那种，肉质较老。煎蠔烙（95hkd）：潮汕小食里很出名的一道，香港都做得很正宗，浓郁的葱香味，饼里的生蚝也很多，只不过没有外面一些小店煎得脆，味道还是很好的。杏汁炖猪肺汤（138hkd）：比较独特的一种汤，白色的汤，是用杏仁汁来炖的，

屋企附近新開酒樓，今日一行四人諗住去試下！因為商場裝修關係，位於三樓嘅'潮庭'好難搵！酒樓黎講開9點應該好少見😂星期一早茶都有不少食客不過唔洗等立刻有位環境方面得一個廳，四四方方一眼睇哂開放式廚房望到師傅煮嘢叫左6樣點心燒賣，海鮮煎餅，潮式糯米包，豉油王炒麵，潮洲粉粿，油條個海鮮煎餅一黎到已經好香，配料比例岩岩好正！飲茶最重要都係杯茶普洱好香好濃除左位置比較難搵之外整體都不錯

難得將軍澳開左間潮州菜館，我同屋企人即刻去試試佢。地理位置唔算方便，有點兒隱蔽，唔算容易搵到，尢其兒家將軍澳中心大裝修。一入到去，裝修感覺到係行小小grand既路線。我同屋企人一共三人叫左煎蠔烙、潮州煎伊麵、滷水三拼再加多個杏汁燉豬肺湯。煎蠔烙味道正正常常，但超級油 一夾起，成隻牒都係油，粉多，唔會食第二次！潮州煎伊麵口感不錯，軟硬度適中，配搭糖及配料後味道不錯，價錢還可以。滷水三拼滷水味超重，有點兒太咸，價錢貴，不太值得試！杏汁燉豬肺湯有驚喜，杏汁味重，豬肺超級軟，有老火湯味，極度推介，但價錢不算便宜。

倆公婆諗住唔煮飯出街食返餐, 點知中伏....講真, 美心集團嘅嘢, 都唔會有好高期望, 但都估唔到會低落到咁。食物水平見人見智, 我兩個就覺得唔講得係好, 但未算差。當晚叫咗: 1)魚蛋什菜煲2)芋茸香酥鴨3)韮菜蝦仁炒蛋4)鹵水豆腐5)凍烏頭魚不過唔係想講食物, 而係侍應.... 絕無歧視成份, 只係覺得不被尊重。自問廣東話都算講得標準, 用廣東話落單, 每一樣餸起碼要講3次, 再喺菜牌指埋先至知我叫乜。落完單我都有少少驚佢會有錯漏, 請佢覆一次單, 佢竟然話: 「唔巧意C, 唔hi巧塞滾冬華, 尼知己提」我都做咗幾十年人, 第1次喺香港落單遇到咁嘅情況...... 可能係我見識少.... 我好希望哩個唔係香港嘅常態。再重申, 我並無歧視嘅想法, 但我作為顧客, 要我睇你用你自己先睇得明嘅「簡稱」寫嘅菜名嚟覆單, 我完全感受唔到你有幾尊重我哩對顧客......當晚用咗AE白金咭, 散叫items有半價。不過都唔會再用哩個優惠......

屋企樓下新開左呢間，於是年初二諗住去試下，前菜唔錯，有少少辣。本身叫左三個餸（普寧豆醬雞，銀絲炒豆苗，椒鹽九肚魚），等左十五分鐘之後先通知今日無九肚魚，甘都算。另外果兩個餸催左幾次先到（銀絲炒豆苗等左半個鐘；普寧豆醬雞等左超過45分鍾）。眼睇唔止自己果檯，隔離檯都等左成45分鐘先到齊晒。而且銀絲炒豆苗好淡無味，普寧豆醬雞都ok，但都係偏淡。上菜速度太慢，所以都無再叫其他野補返碟九肚魚。除非你好得閒，如果唔係預左要等好耐。

作為潮州人，難得有間潮州菜響將軍澳開張，即刻訂枱試下。今晚試左好幾種菜式，最好食係普寧豆醬雞。當然其他嘅檸檬鴨湯都幾有家鄉味，而個豆腐菇就麻麻地。佢有個鵝肉欖菜炒飯幾好食，但落嘅油真係多左少少。佢嘅宮廷醬烤肯個味好crossover，個外表唔錯，但同正宗嘅味道仲差少少。因為成日返潮州食嘢，返到香港潮州嘢都差唔多試過哂，所以而家里間都算係中上架啦。雖然新開，但環境確實有啲迫，行出行入去廁所都要講唔該。職員服務態度要改善。