潮庭 (將軍澳中心)

營業中

休息中

明明好近，但成日見到好多人係門口就一直都無食過，今日第一次到潮庭飲茶，早兩個鐘就上網攞定飛，12點先有位，足足兩個鐘！！！有無咁好食呀？！入到去都係屋企人話事叫點心，叫左好多平時好少食到既野（可能平時飲茶好少係潮州茶式）睇睇相～唔知點解叫果粉，佢似拉布腸粉，入面有好多海鮮，少少蔬菜咁，幾好食$60，見佢拼盤先貴少少，以為好細碟，點知都幾大碟下，尤魚，鴨片，腩肉，豆腐各四塊。居然有鴨片！平時鴨片都好貴！呢個好脆好熱，入面係鮮蝦，鮮蝦都幾爽口，平時唔食熱氣野都覺得好味，想食多件。有d似蠔餅，但無炸到咁勁，入面d蠔多過蛋啖啖蠔牛腩好似張相咁，好多舊，都好「腍」有牛筋～燒賣又係大粒燒賣！正常味～賣相一般，佢似海鮮蔥油餅，但入面好「煙un」，外面又熱又脆口，好好味成日食粵式，潮庭對於我黎講係比較新式😂之後會繼續～

提早慶祝母親節， 試下這店子 叫了4人餐。 豬肺湯味道認真麻麻，龍蝦尾伊麵 無味道 ，鵝片三拼一般， 反而蒸魚有點質素。 潮州粥超咸，試下羊安 ，竟然係我第一次食到咁差的羊。真的 在中餐廳勿點非中式菜。

今日又和家人去飲茶。 點心選擇算多，不想吃點心的話，也可選擇粉麵和粥。首先來的是煎釀三寶，蝦滑好彈牙，個汁也很惹味，茄子，青椒和豆腐也很好吃。然後來的是蝦餃，蝦肉很彈牙，幾好食。然後來的是馬拉糕，我喜歡的是這種用黑糖整的，挺好吃。紅棗糕幾有紅棗味，甜甜的幾好食。咸水角味道不錯，不過略嫌有點油膩。牛腩河的牛腩不會韌，很入味，腩汁味濃，挺好吃。之後上的是瑤柱蠔仔肉碎粥，蠔仔的份量夠多，幾鮮味，上面還有咸咸的魚仔乾，很好吃。埋單3個人吃$350元，價錢合理。

訂好枱同媽媽慶祝生日，到門口兩名接待談得興高采烈，完全没有停下接待客人的意思。我只有自行入內，兩名接待才醒覺上前詢問有否訂枱，美心集團服務也確實一貫宗旨，差劣。坐下上茶的小姐還算好禮貌，但坐下良久都未有人递上餐牌，侍應也是忙於傾偈，心想中伏。 果然，上菜 頭盆 潮式四拼，鹵鵝片 有色無味豬腳凍有股雪味，海蜇淡而無味豬肺湯 普通，排骨配川椒雞，川椒雞有臭味，侍應清走時問是否要打包，我直接跟她說 臭嘅，不要龍蝦伊麵 龍蝦冇頭，必定是急凍貨，有幾邊梅及有異味，伊麵碎濕濕清蒸花尾滑，全單最新鮮，好味。花膠扒時蔬 花膠好似未發好，有硬塊。炒飯 硬，無味，但粒粒分明甜品 水晶包 超普通永不回頭

04-02-2018補食姨甥女庭庭5歲生日飯，因為要就家姐佢地，所以就選擇響將軍澳食飯！上開飯睇左幾間，最後我決定食【潮庭】，因為佢個名有我姨甥女個名🤪當晚訂左8位，好在有打電話訂枱，因為當晚好爆場，門外都有好多人等位，家中男人好隨意，所以我同家姐負責點菜。杏汁豬肺湯：呢個湯好飲呀！夠奶白！連我個他仔平時唔鐘意飲湯都飲左兩碗煎蠔餅：老老實實，當初睇大家都覺得賣相一般，估佢唔多好食！點知有意外驚喜，個蠔餅好好食，仲係最快被人瓜分晒鹵水鵝片：呢個比較普通，無乜特別蒜容豆苗：豆苗都炒得好好，唔會太老，不過如果再多啲蒜蓉就更加正涼瓜炆魚：呢道魚最失望，因為餐牌無圖睇，大家都一致以為係一條魚上，點知原來係魚件，味道普普通通，同埋涼瓜炒唔熟邊生生地，只有呢碟有食剩梅菜扣肉：呢個好好味！只係扣肉太瘦了！但啲梅菜同汁都好好送飯潮或煎麵餅：呢個麵個個都好鐘意食，加埋糖醋超級好味道，但我食開既都係兩面都會煎，而呢個就只係煎單面，雖然係咁，仍然係好味道😋紅棗糕：呢個甜點係壽星妹點既，因為我姐夫同姨甥都嗜甜，同埋平時我家姐都有整呢啲糕點比姨甥女食，我自己覺得幾好食，因為唔會太甜，姨甥就話佢媽咪整得好食啲喎🤪楊

年初三請太太家人晚宴，住將軍澳多年，常尋找新開的餐館。上次在將軍澳中心試了一間新開的中菜，但食後大家都覺得太失望，所以今次選擇潮庭開初有點猶豫不決，怕失禮。  但因為試過中環分店，水準很好，所以姑且一試。訂了8時，不需等已可入座（可能第一輪已清了很多枱）。我們五人叫入四人如意吉祥套餐，還加了一個砂鍋菠蘿海鮮燴飯。 富貴三式拼盤用西式下午茶三層架放上鹵水鵝片，涼伴豬腳凍和黃金蟹棗，有點心思，但量有點少，每樣四件，轉眼就清了。 油泡翡翠明蝦球的蝦球算很多和比較大，姬松茸螺頭燉雞份量亦很大，五人每人一碗還可以添多一碗。清蒸原條海石班，有點過熟和細。 最後蒜子上湯浸時蔬催了多次才姍姍來遲，可能新年太忙了。總括來說，我們食得開心，太太家人也住將軍澳，心幸又有多一間中菜館可以再幫襯了。註： 餐務員十分醒神，即使有怠慢，但都禮貌周周。

一向好鍾意食潮州菜, 平時食開個D打冷好正,今次入左將軍澳, 來左呢間食晚飯。先食蠔餅, 好油淋淋, 唔太脆, 太咸, 蠔腥, no good! 梅羔醬烤骨, 太酸, 份量少。雲腿四寶蔬, 雲腿唔夠咸香, 汁太多了, 菜ok既。家鄉釀豆腐, 豆腐太硬, 魚肉不彈牙。潮式四喜拼盤, 份量少, 蝦棗彈牙鮮美good! 鵝片唔入味, 豬腳凍唔夠腍, 花枝無味又似rubber band! 西蘭花炒帶子, ok 不錯。鴛鴦水晶包, 皮好薄, 饀清甜ok啦, 但紅棗紅棗味淡, 好粉下。整體水平一般, 價錢唔合理囉。

潮式食物有d偏鹹，不過算ok.服務方面，有位後生的知客小姐好有禮貌，見我爸揸柺杖等位就幫手搬凳俾佢坐住等，平時都好有笑容做野好勤快，好多謝佢。至於另外嘅staff 就。。。好似我最近訂咗位準時去到攞位，講咗booking, 知客(唔係上面嗰個) 竟然話我booking係另一個遲d嘅時間。我就話我係book早d 唔係嗰個時間 (呢個時間都係喺電話訂位時佢offer 俾我嘅) , 佢就話未有枱，要等但會優先俾枱我地，不過都仲要等幾張枱!屋企老人家黎緊唔想佢哋等，如果一早知book咗都要等，我就book第二度啦，佢哋電話完全無講。我表示不滿，佢地仲好似好藐視我咁。其實book 咗位要等一陣呢d 好平常，通常酒樓都會話就埋單/執緊枱要等一陣。但呢次佢哋講到都唔知d 枱幾時會埋單，有先至俾我，咁同無訂位有什麼分別呢? 好彩後來唔算等好耐。另外埋單時叫侍應攞個盒裝住d野食攞走，預咗會收錢。點知攞張單埋黎無攞盒俾我地，當然張單又無打盒錢落去。我就話未有盒wor, 照俾張credit card 佢，以為佢會攞盒黎及改單。轆完過黎要簽名，都無攞盒黎又無改單，之後要再提佢哋，都無話要改單，完全ignore

Book左7點半位, 本身想改時間改早點, 因為老人家早左1個鐘黎到, 唔想佢地等。唔緊要啦. 因為book左呀ma, 等到8點都未入得, 最後8點幾左右先入到。有點生氣，一係就預留位俾book左枱既人，一係就唔好有訂位服務，訂左半仲要等40分鐘。12人叫左8人餐再加3個餸，已經好飽仲有食淨。上菜速度都OK,可以接受。食物質素幾好，唔差。系服務就差左啲啲, 如果改善一下會更好。我地一行12人，座位，枱面比較迫。

諗唔到好食,今晚同老婆喺將中搵嘢食間間舖都滿晒人，跟住睇水牌見到有間潮州嘢。咁就成個商場再去搵多一次行嚟行去都見唔到最咪都係要搵reception問一問間鋪係邊，原來呢咗喺頂層。

假日諗住同屋企人飲茶，阿媽話事去邊飲，佢近期愛上咗潮庭，因為可以用app拎飛唔洗企係到等咁耐。潮庭有好多細枱，如果2個嚟會快啲同唔洗強制撘枱，依樣最好。話明有個潮字，緊係有好多潮式樣，有滷水、油裸、蒸裸之類。叫左樣滷水試下。滷水豬手--比人食左2舊先記得影相，滷水味幾好又夠味，但豬手皮有啲毛未清，唔係會更好。蝦餃--整得幾好，皮夠薄餡料夠多，唔會一夾就散，阿媽好鐘意。雪山叉燒包--又係阿媽另一必叫，叉燒足料，鐘意面層既雪山，甜甜地，似墨西哥包咁。薑蔥牛栢葉--到我既至愛而家係茶樓見到牛栢葉真係買少見少，都唔知幾耐冇食過，佢都係吸引我嚟潮庭既原因。栢葉爽口，份量夠唔會得幾舊。鮮蝦腐皮卷、牛肉腸粉--牛肉腸出奇地好食，皮薄，事關平時對腸粉麻麻。腐皮卷熱辣辣，好脆口，有大大粒鮮蝦係入面。整體上都唔錯。

今晚和家人慶生，因為想食潮州菜，所以到來這𥚃試試。甫來到店前，人頭湧湧，好在今早已經預先訂位，不需等候。坐下來，又是美心集團的一貫作風，明顯侍應人數不足，遲遲也沒有人理會，侍應做到踢哂腳，是請不到人還是要發展機械人做侍應？用滙豐信用卡6折晚膳4人套餐($698)🥘潮州鹵水四色拼盆 (鵝片,墨魚片,鹵水腩肉,鹵水蛋) 🦂高湯焗加拿大龍蝦 (1隻)🐔瑤柱花膠螺頭燉雞🐟茶樹菇蒸沙巴龍躉🐷沙律醬烤骨再自行加多碟潮州炒魚麵($108)鹵水拼盤做得出色，有鵝肉、豬肉，墨魚片和蛋，全部都鹵得入味，尤其是豬肉，軟滑甘香！龍蝦肉爽脆味鮮甜，可惜墊底的伊麵煮得水汪汪，敗筆！瑤柱花膠螺頭燉雞，湯料豐富，湯水是精華所在，鮮甜美味，份量足有八碗!茶樹菇蒸沙巴龍躉，魚肉味淡，不過早已對這種魚不存厚望，反而放面的茶樹菇和豬肉吸汁後味爽甜，點睛之作！沙律醬烤骨，賣相不錯，酸香鬆化，開胃好味，可惜這個菜姍姍來遲，掃興！潮州炒魚麵，主角魚麵淡而無味，配料的芹菜反而喧賓奪主，唉！美心中菜，無論服務和出菜的時間管理都有極大的改善空間，緣盡於此，有排都不會回頭

美心集團同匯豐信用卡優惠，上個月食晚飯送咗2張$300coupon到期9月28日及星期一至四使用，訂位說要分枱，8位有2張coupon,去到坐下已經講多次要分單，職員已經不有善對我們，接下來要落單1張枱要甚麼，另一張枱要甚麼，未講完職員已經從對講機說我唔識落單，要分單，好煩呀！走了，另一職員幫我們落單後又從對講機說麻煩人，當時我就好嬲，因為同枱有小朋友同老人家，我不出聲，叫加水收東西沒有人理會我們，落錯order叫冇人理，唯有食，全晚幾個職員不有善眼光望住我們，我們好快食完就走，太失望，沒有下一次！其實我都做過飲食同有15年客戶服務經驗，知道分單有少少煩，但其實有咩問題是不是不應發洩客人身上，請問我們做錯什麼，訂位已經講清楚，如果唔可以分單可以早講，我們可以唔食，唔好全家人到齊，職員黑面又話我們麻煩，已經黑名單，沒有下一次

潮庭 (將軍澳)地址：將軍澳唐德街9號將軍澳中心2樓220A及220B號舖位置較為難搵，位於將軍澳中心2樓停車場出面，因為冇商場升降機到，如果推住BB車只能用扶手電梯，因此我覺得這間酒樓不適合區外BB去（大廈住戶有住宅升降機到達）因為有信用卡優惠所以點了套餐及散點了兩款食物：匯豐信用卡優惠的四人餐$698。滷水四色拼盤足料啖啖肉，墊底豆腐好好味，四人份量剛剛好。高湯焗加拿大龍蝦龍蝦肉太少，高湯伊麵味道不錯，但碎骨較多，食嘅時候要非常小心。瑤柱花膠螺頭燉雞用料豐富，雞味香濃，能分8碗。茶樹菇蒸沙巴躉賣相靚，刀工好，茶樹菇炒豬肉配魚肉及豉油，好好味。沙律醬烤骨火候剛好，汁好惹味另加+。煎蠔間剪得香脆，口感結實，蠔仔肥嘟嘟，配合魚露食太正。稻草鴨 半隻煙熏味濃，一試愛上，口感鮮嫩整體而言，晚餐非常滿意，而且員工服務非常好。

自將軍澳中心裝修 許多食肆都結業潮庭反而是算是新開的店裏地方寬敞服務也不錯 樓面都挺有禮貌和耐性而且笑容挺好的不過有一點比較奇怪和不便它不提供裝水兜每次洗完餐具 都要把盛髒水的碗放在桌上等服務員把所有碗裏的水拿去倒掉這次就是倒完水以後還回來少了一個碗有點不便一開始上的小食可以不要 不要的話免了那份前菜錢它家的點心都做在水準上而炒粉也好吃😋喜歡它的欖菜炒飯款式不多不少 希望有些新菜式飯後提供功夫茶 濃濃的 澀澀的 不是每個人都喜歡不過店員經常會忘了給功夫茶😂 如果你喜歡就自己主動問價格小貴 但還是值得的