潮膳 (已結業)

天氣太熱，行左一日，好想飲杯冰凍啤酒，於是入了潮膳晚飯。在街上已看見玻璃櫥窗掛住啲滷水鵝潮州的澄海獅頭鵝很出名.無鵝不成宴~可知鵝位置在潮菜地位上的重要看見有啤酒推廣~50元2支大藍妹啤，叫侍應姐姐先上2支，答覆我哋：今天先貼上招紙，不知是否今天做推廣於是叫他打電話問下，噢是的，便立即開了2支瓶蓋，我們2个人不是來參加啤酒勁飲大賽,未飲完一支，另外支已變熱啤。細心位要改善，全店才兩枱客人。鵝片（例牌）不過不失，咬落都幾軟熟，不鹹，沾上少少醋吃油膩感不重。紅腸墨魚碟最下是豆腐和芽菜，上面鋪著紅腸和墨魚，墨魚太韌，而且太薄。韭菜鵝紅值得一讚，鵝紅非常嫩滑，入口即溶，而旦盛載的汁不太鹹，，沾上少少辣椒油非常惹味。總括來說價錢和食物中規中矩。另外一提洗手間是在隔壁大廈扶手電梯上，六時多時是鎖上，七時左右再去才開了鎖，很奇怪

今日有個friend約食飯，岩好經過呢度，距話之前聽講呢度唔錯，一直某機會試下，今日一於去試試。入邊唔算好大，裝飾都好平常下。我地兩個人，點左系鹵水翼、、墨魚丸並牛丸、例牌鵝片。鹵水翼好大一隻，而且好入味，唔會好韌，幾乎剛上某幾耐，就比我地食嗮咯。墨魚丸和牛丸都幾彈牙。鵝片我唔系好中意食，但據個friend講都唔錯。

晚上朋友突然打電話約食飯，剛好在灣仔，而朋友也在附近上班，那就在這隨便找一家來吃。一坐下就會送上湯，是紅蘿蔔牛蒡湯吧。考慮一下最後點了二人餐，有招牌滷水鵝，火腩春菜煲，咸菜胡椒豬肚湯，送白飯2碗。但我們也不想吃太飽，所以直接說不要飯。招牌滷水鵝，肥膏偏多，但配旁邊的醋來吃挺解膩的。火腩春菜煲，腩肉的肥膏也是偏多，春菜像是芥菜，有一點點苦味。咸菜胡椒豬肚湯，胡椒太少，完全不太吃到，咸菜不咸，咸味應該都轉移到湯裡，豬肚挺多，味道還行。

呢個晚上同個空少朋友慶祝生日，問起佢想食咩，佢話好耐無食潮州菜，好想食d好食既潮州野，咁我近排就聽朋友講銅鑼灣附近之前開左間唔錯既潮州野叫潮膳，仲話唔算貴，所以我地就諗住去試下。七點左右去到餐廳，餐廳唔算多人，暫時未洗排隊，餐牌選擇其實都唔算多，不過勝在應該有既潮州野食佢都有，我入門口果陣見到枱枱都有叫條凍馬友，個樣係超級吸引，可惜朋友唔鍾意食魚，所以我地最後都無叫到魚。鮮淮山豬肚湯 $38位我同朋友都係鍾意飲湯既人，呢個湯一到已經聞到好香，豬肚味真係好勁，飲果陣飲到清甜淮山味同埋小小胡淑味，真心好正，豬肚份量仲要好多，呢個價錢飲到呢個質素，真係有驚喜！潮州鵝片鵝掌翼 鵝掌翼朋友鍾意食，所以叫左個雙併，朋友keep住話好好味，自己一個人食哂哈哈，鵝片我覺得真係好好味，脂肪唔算多，肉質好正，一啲腥味都無，肉質又軟又入味，真心鵝片係必叫！豉油皇煎大花蝦 $45隻呢個蝦我個人覺得唔算話係好大隻果種，但都唔細既，size可接受的，但味道係真係好入味，唔算油，但係我用口啜個殼果陣，呢隻蝦真係好入味，蝦肉都正！芥蘭炒牛肉朋友話想起碼食個菜，所以我地就叫一份芥蘭炒牛肉，呢到既芥蘭係OK的，唔錯，正常

潮式打冷可算是香港其中一項地道美食， 舊日在上環街邊打冷的情景氣氛早已不復再，現在要在港島區找到一間有質素的潮州打冷是有點困難，但其實那情意結依舊仍在，很多小店還在努力經營當中，像是筆者家附近的一間潮式食店，就是其中一間默默耕耘的小店。位於灣仔的北海中心地下，門面吊着一隻隻的潮式滷鵝，一望已知是一間潮式打冷店。店子地方還算寬闊，内在環境有點像茶餐廳的格局，長枱卡位俱備，不算豪華但起碼整潔亮麗，還算舒適。餐牌内由矜貴菜式如潮州翅、鮑魚和凍蟹到各款地道美食像是滷水小吃，凍魚蠔酪，小炒粿餃等均有供應，選擇頗多，店家還提供了2-6人的幾款不同套餐，感覺都頗為吸引，性價比算高。滷水鵝片啖啖肉美味可口，肉質鬆軟嫩滑，帶著鵝油香氣，醮上蒜香米醋，正宗潮州風味，唯滷汁味道不濃，香料味略嫌不足，如能加强一下將會更好。滷水拼盤内有齊滷水鵝件、糯米釀大腸，滷豬耳和豬頭肉，當然少不了還有墊底的鹵水豆腐和大豆牙。鵝件肉嫩偏淡，滷豬耳爽糯帶脆，糯米釀大腸煙韌軟糯帶嚼勁，不會太肥；豬頭肉則偏肥有點嚇人，但仍算爽口甘香，豆腐和大豆牙吸收了滷汁滑溜清爽俱備，整體質素不算十分突出，但勝在種類多樣口感豐富。湯水對於都市人來

潮洲菜係香港曾經好hit下，但近年都少食左，咁耐無食就揀左依間潮膳，好似係新開唔夠一年左右，就試試佢一入到去感覺店內光鮮乾淨再睇餐牌，有二、四人套餐，不少得既潮洲冷盤，同埋粉麵小菜等必食既鵝片我揀左配河粉鵝手片份量都好多下，我覺得可兩個人分再點其他嘢食鵝片好味點埋汁更有風味河粉亦幼滑彈牙個湯底好入味潮式豆醬雞亦好值得一試雞肉鮮嫩，配埋豆醬十分入味個豆醬雞我選擇配水麵，好值得一試，同出面麵店食既幾唔同，好彈牙見清湯牛腩係推薦菜式，一於食佢都好大配下，建議兩至三人食牛腩煮得夠腍身，腩筋比例不錯，雖然佢叫清湯，但其實配埋牛腩一齊食好入味，味道其實濃香最後炒番碟菜，熱辣辣友人叫左杯豆漿飲，都話好飲整體黎講，餐廳坐得舒服，食物上得快，味道不俗，想食朝洲菜既可以一試

同朋友行開灣仔老銅，咁啱經過見到呢間潮菜菜館，心血來潮之下就決定入去試下啦!我地兩個人叫左一個二人餐，個套餐包括有小食一款，我地揀左炸雲吞，滷水拼盤一客，兩款小菜，我地叫左潮洲炸蠔烙同埋通菜牛肉，最後仲有一客甜品綠豆爽，都幾多野食😋炸雲吞即炸即上，皮薄，餡係原隻鮮蝦同豬肉，入口彈牙鮮美，略嫌外皮偏油膩 下次食之前可以用隔油紙吸多陣油。之後到滷水拼盤，入面包括有滷水鵝，滷豆腐，豬耳，紅腸，滷蛋，芽菜等，當中最鍾意豬耳，入味得黎夠軟糯，正! 其他都係正常水準之中。潮州炸蠔烙炸粉唔算厚，蠔仔落得都幾足料，差唔多啖啖都食到蠔仔，唔會食淨炸粉之後黎既通菜牛肉冇諗過佢係用沙嗲汁上，用黎送飯一流呀!!最後嘅甜品綠豆爽清甜而不膩，用黎做結尾啱啱好👍👍最後每人都係食左一百蚊左右，咁多野食黎講算抵食，下次會再黎!

今日去銅鑼灣shopping，在北海中心噶潮膳打邊爐，4個人一起，吃到好滿足啊。店主好好招呼，介紹我們吃好野。第一道是活魚刺身，非常鮮美，肉質爽甜，用清鮮甜味形容，最合適，最近開始轉做火鍋，餘下的魚骨可以二食，用椒鹽炸噶，美味脆口，只是椒鹽味道淡左些，都是不錯的。第二道是魚翅雞煲，要先喝湯吃魚翅，湯清味美，魚翅足量，雞肉點醬料來吃都唔錯喔，還有好大粒乾瑤柱，冬瓜要熬一陣才能吃得，入曬味。第三道是A380安格斯牛肉，看賣相就知道好味道啦，有雪花噶，還要牛肉片厚度一致，好考刀工添，牛肉肉質嫩滑、鮮美十足，唔點醬油一樣清鮮，配上店鋪特製噶辣椒油簡直一絕啊。第四道是手打潮州牛肉丸魚丸墨魚丸，非常爽口彈牙噶，同街邊吃噶好唔同，要做到禁爽口要手工剁剁剁，可以想象一下電影食神噶橋段啵。第五道是鮮蝦雲吞，還有配上蝦子給我們點來吃噶，大大粒，咬一啖就見到兩只大鮮蝦🍤。蝦肉爽彈十足，配料豐富，蝦子鮮，有口感。第六道 馬鈴薯粿 可以現吃又可以打邊爐，幾特別噶做法，潮州菜式，臘味的香味，令到薯粿更吸引。第七道蔬菜拼盤 ，新鮮蔬菜絕對是打邊爐必備佳品，靠蔬菜來吸油喇，玉米是北海道運來的，特別甜啊。第八道是潮州

國慶節，是國內小長假，人人都向外出行旅行的好日子，我家的親人也不例外，也從國內來港消費。來到港，當然是我儘地主之誼，帶她們逛街、吃食啦。來到銅鑼灣，除左是逛商場、也是一個集中西美食的好地方，行得攰、倦、是時候找個餐廳坐下來休息。心是想食潮州嘢食，在路旁見到一間食潮州打冷的，正正在軒尼詩道馬路旁，交通挺方便的，望進去，見到內裡光潔明亮、是新裝修及新開張，坐得舒適。踏進大門口，即見到一個大雪櫃，內雪著各種的肉類、海鮮，保持新鮮美味。因應季節，在1/10開始，已有火鍋提出了，那我地都喜歡的。本地肥牛，肉質鮮嫩，肥瘦均勻，見到都流口水🤤。坐下不久，即上來活魚刺身，海石蚌魚生，看到魚眼亮晶晶，絕對是新鮮。沒想到，平時只會用這款魚，用來清蒸，肉質嫩滑，又少骨，今晚用來做魚生，食落爽口，出寄地清甜，鮮味十足，又一新滋味。活魚的骨，要來做椒鹽，一魚兩食，浩瀚魚翅雞銅，聽到個名就好澎湃，湯底好清甜，是無添加的湯底，冬瓜消暑、雞肉鮮味、魚翅豐富骨膠原，原粒大瑤柱，令到湯底清鮮甜，難怪，要我地先飲晒濃湯，再加湯水再食火鍋。A380安格斯手切肥牛，肥牛肉質鮮嫩，呈紅色、雪花均勻、肥瘦適中、一點都唔騷味、鮮味濃

他的第一天上班。值得紀念。苦苦等候，終於等到放工，見面一刻的溫馨，難以用言語去形容。出發去灣仔，找了間潮洲菜。鹵水拼盤三拼，滷水蛋、豆腐和豬耳。豬耳清涼、爽脆。下面一大堆豆芽，吸了鹵水，夠味。辣酒花螺花螺很入味，少少辣，都幾惹味。下面有大量白薯蔔，入味，但未夠腍，亦欠蘿蔔的甜。五仁豆腐原來是甜的，因為上面撒了大量花生碎，有點像燕麥，都幾特別。豆腐很滑，包在外面的一層炸得不油膩，像木薯粉般少少黏和煙韌。冰梅脆香骨最驚喜的一道。排骨的外層炸得夠脆，酸酸甜甜的醬汁幾開胃。肉腍中帶爽，不錯。綠豆爽白煙直冒的綠豆爽，放入口又不算熱。不太甜，綠豆沒有完全煮腍，吃到一粒一粒的咬口。簡簡單單的一餐，就是最好的慶祝。

之前聽同事講話灣仔開咗間潮州菜館非常好食，今日決定同同事收咗工特登去試一試！去到餐廳發覺入面裝修好新，應該開業冇耐！佢入面座位都好寛敞，坐得好舒服，之後我地已經等唔切開始叫嘢食！首先上菜係佢地招牌菜蔥油雞，肉質好嫰滑，好新鮮，而且啖啖肉，唔似出面都係骨多肉少，最重要係份量夠多，雖然我地只叫半隻，但俾3個人都完全夠食！之後上既菜係韭菜豬紅，呢個菜已經好耐冇食過，味道好懷念，豬紅好新鮮，豬紅煮得林林地，食落好有口感，而且醬汁入唒豬紅入面，好入味，配埋韭菜味道一流！之後再上埋個普寧豆腐，呢個菜味道偏向清淡，豆腐煮得外實內軟，口感一流！最後到重頭戲，就係佢地既甜品鼠穀粿，係我同事極力推薦，佢個外型呈黑碳色，外層炸得鬆軟甘脆、食落好有嚼口，口感類似糕粑質感，而且味道不是太甜，大人小朋友都好啱食，夠健康！

由細到大我都好鍾意食潮州滷水，最鍾意食嘅唔係滷水鵝，而係滷水翼，咁啱又係灣仔嘅朋友話俾我聽呢一間新開嘅滷水做得唔錯，咁就趁今晚返香港島訓就去試一試。叫咗碗蠔仔粥，一個大嘅滷水拼盤，仲有個脆炸墨魚片。果然冇介紹錯，滷水夠香夠入味，我鍾意佢唔會有過分嘅甜味，佢唔係淡嘅滷水，佢係好深色，好多香料嘅豉油滷水，個味道真係平衡得好好，講返我嘅至愛，雖然係個拼盤，師傅都俾咗幾舊大大隻嘅掌翼我地，真係好耐好耐好耐冇食過呢個size嘅掌翼，你出去其他潮州鋪買，就算佢話係大隻，其實都唔大得去邊，反而呢度真係真材實料，另外一樣我好鍾意佢嘅地方，就係佢係俾鵝件，而唔係比鵝片你，識食嘅一定係食鵝件，連皮帶肉有骨，仲要有少少肥，香口到不得了！仲有豆腐，大豆芽，豬耳同埋腩肉，呢個拼盤價值300分！蠔仔粥做出應有水準，略嫌佢豬肉碎比得多得滯！今晚最大嘅驚喜竟然係呢個墨魚片，我嘅朋友因為怕膽固醇所以令到我極度滿足，差唔多成碟都比我食晒，唔知佢點樣整，令到嗰個酥炸嘅脆片，一啲都唔介口，日後真係蘇蘇脆脆，嗰個墨魚片，入口實在，每一啖都食得好滿足！下次返嚟淨係食墨魚片同埋叫掌翼就夠啦~

家人喜歡食潮州菜，又不想食太貴，所以今日就來到了位於灣仔及銅鑼灣交界的潮膳。環境挺不錯，十分光猛而且坐得幾舒服的，我們只有兩個人都給了張四人枱，很寬敞👍🏻在餐廳門口位置還有師傅即場切滷水，感覺很新鮮和衛生餐牌上有不少選擇，而且還有經濟的二人餐，但思考完一輪，還是想只點我們想吃的食物，所以就沒有點餐。我們一開始點了凍烏頭、是日例湯、墨魚丸併牛丸、蠔仔烙和例牌鵝片。例湯先上來，是粟米蘿蔔煲豬展。這個湯有在家喝的味道，俗語是「煲得好融」，湯料的味道全部入了湯中，雖然是簡單的材料，個湯卻是很甜，而且湯渣給得很足，就算煲完湯都好好食之後來的是墨魚丸併牛丸，首先見到個樣已經好開心，因為有很多紫菜說回丸類，墨魚丸味道較出色，一咬下去即刻有一大朕墨魚的味道充斥口腔，還有些墨魚粒粒; 牛丸就口感取勝，非常彈牙，我個人就比較喜歡牛丸^_^之後再來是潮州凍烏頭，這個是平靚正的代表一大條烏頭都只是78元，同埋肉質鮮美結實啖啖肉，稍微點一點普寧豆醬提一提味就非常好食。靚的烏頭會有黃色的油份滲出這是蠔仔烙，應該有加入木薯粉做底，所以口感煙煙韌韌，加上雞蛋的香味和蠔仔的鮮味，很香口，而且份量慷慨，蠔仔的數量不少，都

今天跟朋友約了吃飯，最近外出吃飯有點頻密，都吃窮了，所以就找了家比較便宜，新開的潮州菜。鹵水細拼盤（$148）裡面有滷水鵝、豬腩肉、紅腸、另一種不知名的腸、豆腐等等，底下還墊了不少豆芽。滷水鵝的份量不少，皮下帶了一層脂肪，吃起來香而不膩，不錯。冰梅脆香骨（$88）骨都是一字排，很大塊，色澤鮮亮金黃，賣相就很吸引。吃起來梅香很突出，肉不算太嫩，但是大大口咬下去，超滿足。豆醬炒時蔬（$68）今天的時蔬是菜心，豆醬味鹹，炒菜很香。菜炒得剛好，不會過老/太生。潮州綠豆爽（$25）好大一碗，建議兩個人食用。味道清甜，不是很甜，去皮綠豆有點咬口，黏稠度適中。

灣仔。。。好一塊食肆臥虎藏龍之「為食」福地！。。。能夠在這裏立足的餐廳，肯定都有一定的水準， 要麽是擁有祖傳獨門秘方；要麼是發明過特別的招牌菜。。。 或是由財雄勢大的財閥設立的連鎖專門店； 不然，不出半年。。。很可能已經會被 超強的競爭 ，殘酷的現實逐出 灣仔 丶「被亅淘汰掉！今日來到這家新開業不久的潮州鹵水店， 不要看它「裝修平實，其貌不揚」， 能夠以挑戰者姿態進駐灣仔 ，並且取得不錯口碑，深受街坊歡迎， 其實一點也不容易。我都是在朋友間「八掛亅到它的 潮州食品「又平丶又靚丶又正」，所以 根據眾人口碑 慕名而來「一親芳澤亅的 。Okay，今晚吃什麼好呢？就在電光火石的一瞬間 ，我看到明爐玻璃櫃裏面的鹵水名物， 色澤金黃，油香丶賣相俱佳。。。令我垂涎欲滴！ 來到寶山，當然不能空手而回 。好，就等我們先叫一碟「鹵水拼盤(小)亅來滿足一下口腹之慾，大快朵頤 。 拼盤裏面有鹵水鵝片丶鵝翼丶 鵝掌 丶鵝肉 丶腩肉丶豆腐及芽菜。 。。在眾多滷水選擇之中，我最喜歡吃鵝翼，貪它夠入味！ 我亦愛吃鵝翼皮與肉之間。。。 煙煙靭靭的一層， 充滿膠原蛋白collagen，正！！除此之外，我們還吃了以下的潮