潮膳 (已結業)

呢晚幫朋友慶祝生日，一早問左佢想食咩菜，佢話想食潮州菜，講真本身我自己都好小食潮州菜，都唔知香港邊到有好食又出名既潮州菜。咁橋有朋友同我介紹話灣仔有間叫潮膳幾好食，咁我就決定今年幫呢個朋友慶生就去潮膳啦！餐廳環境:餐廳入面環境都唔錯，起碼比我想像中既潮州菜館好，以前成日以為食潮州菜既地方一定好污糟，但呢間潮膳絕對唔係，坐得都算舒服，另外有個位置係有師傅係到整野滷水野食。餐廳餐牌:餐牌食物既選擇唔算多，主要分為套餐、滷水、小菜類同一啲推介，本身我朋友想叫套餐，但我怕食唔哂，所以就覺得散叫好似仲好，同埋可以叫自己想食既野。我地最後叫左三款小菜，個人覺得都算幾經濟實惠。鵝片例牌 $128食得潮州野真係無可能唔食滷水/鵝片，潮膳叫個例牌價錢都還可以，鵝片份量都還可以，每一片都真係幾大塊下，咬落去幾嫩，味道還可以，唔會有鵝腥味，壽星朋友覺得呢個係經濟實惠之選，我就覺得味道幾優勝！潮式凍烏頭 $88我平時好小係街到食成條魚，呢個係朋友介紹，話呢間一定要食烏頭，份量就真係一條上，配埋個source真係幾正，骨唔算多，我個人係好怕煩好怕食到骨，但我都覺得呢條魚係OK，只要小心dd就一定唔會食到骨，d骨

每次一提到去灣仔搵食，都會聯想到一個「貴」字；皆因近年灣仔租金不斷飈升，就算平食都變咗貴食。幸好最近友人介紹咗這間新開的潮州菜館「潮膳」俾我，據說店裡嘅菜式不但價錢公道，而且大部份食材都是大廚喺潮州當地搜羅，每天新鮮運到香港，絕對值得一試。餐廳位於灣仔軒尼詩道 338 號北海中心地下，門口的玻璃櫥窗掛了數隻滷水鵝，賣相亮澤肥美，非常吸引。拉開趟門而入，店內地方不大，屬街坊小館格局，不過整體感覺唔算擠逼，而且椅桌擺放得整齊企理，配上一室淺木色的裝潢，簡潔舒服。先研究一下餐牌，散點項目唔算多，有潮州滷水、招牌滷水鵝、潮州糉、地道潮州粥、精美小菜、特色潮州粉麵、廚師推介粿類及甜品等。不過，如果唔想動腦筋嘅話，店子亦另備有三款二至四套餐可供食客選擇。其實剛進門時已被門口掛著的大大隻滷水鵝吸引著，所以決定先點客滷水鵝片 ($128/例)，然後再邊吃邊揀。先試一塊鵝肉，肉質嫩滑、有嚼頭，滷水味甘香醇厚，絕不搶喉，尤其欣賞師傅片鵝的刀功，能夠做到皮細肉嫩的效果。鵝片下面墊有大豆芽和手掌般大的滷水豆腐，豆腐口感紮實，豆香十足。接著來一客潮州蠔仔烙 ($78)，平日上潮州菜館食嘅蠔餅，大多數都係炸出嚟，

環境4分：新開餐廳地方光猛企埋，Ｄ位算ＯＫ好坐，又唔會密麻麻，可以畀四分。衛生4分：中間斬料廚房望落都幾乾淨，阿叔兩隻手帶曬手套，感覺都好衛生。服務5分：阿姐就好似生手左Ｄ，但係最話得事位哥仔就又勤力又好客，發現落錯單仲即刻換嘢食，仲客氣到加送左碟佢家鄉先有嘅五仁豆腐，唔比滿分都對人地唔住。味道4分：1)      十八蚊碟灼菜心都好脆又唔油。2)      滷水豬肚完全唔呷，而且好爽，雙拼豆腐同墊底嗰Ｄ芽菜都入曬味。3)      蠔仔烙又軟又淋又香口。4)      例牌滷水鵝片塊塊都係真材鵝片，個皮夠軟滑，Ｄ肉都好肉地。5)      送嘅五仁豆腐就最好味，個皮好似年糕咁彈，個心就嫩滑到呢，加埋淋面Ｄ五仁又脆又甜，一定要食！抵食4分：堂食唔使加一，雙拼只需加十蚊，二百幾夠飽肚又有甜品送，可以畀四分。

男友從加拿大回港，投訴食得太多西餐、快餐，攪到好熱。作為女友當然要唸唸幫佢洗塵晚餐應該食乜好 。  選中菜是必然，廣東菜雖好但又欠缺新意，於是帶佢琍位於銅鑼灣和灣仔交界的  如果坐地鐵到銅鑼灣比較近，大約十分內的距離。店子夠大， 裝修較為簡陋帶點茶餐廳的影子，燈光足、坐得唔會太過迫夾。 雖然是潮州菜館，但正如一般茶餐廳般，小炒、咖啡奶茶也應有盡有。一心來吃潮州菜,所以我們點了價錢合理 二人餐 $248 上菜效率相當高先來 有鹵水鵝、鹵水豆腐、大豆牙墊底我咁大個女第一次食 , 口感原來是煙煙靭靭，粿皮相當薄透, 韮菜墟得滿滿，雖然有小許油膩，但襯熱食都幾好味。 天熱太熱所以點了比較開胃菜式  以一字骨先炸後封汁，排骨大件好似上左光油一樣，閃閃令。炸粉唔算太厚，肉都不小，亮點當然是醬汁，酸酸甜甜相當開胃。自問對蠔一向有點抗拒，但男友話吃潮州菜必點, 所以都會一試。蠔仔和蛋醬混和煎到女金黃色再配上魚露提鮮，蠔仔比蛋黃更多，所以蠔迷有福了，正因為煎得香香所以沒太大腥味，可以接受，男友一個可以KO一大碟 。重點推介 套餐+ 38/位幾個字形容晒 : 每口湯也相當香濃、黑椒又可以驅風，岩晒我

雖然豬豬唔係潮州人,但係都幾鍾意食潮州菜。 嗰日行到嚟灣仔,發現呢一間潮州菜,於是就入去試下啦。 發現佢雖然位於旺區嘅大街~灣仔軒尼詩道,但係價錢都非常合理。一般嘅平民潮州街坊菜都有供應。 當然少不了潮州粉麵同滷水師傅即場處理嘅滷水站。 即使係唔常見嘅粿類同甜品,呢度都有供應。仲可以選擇外賣添。 一路等位,一路睇住滷水師傅切滷味,啲口水就嚟流落地下啦。 我們選擇了加$20把小菜轉為套餐。 原來套餐中的油菜也不是普通的白灼菜,而是方魚炒菜心。用方魚炒的菜,多了一份翠綠中的香甜味,而且更有誠意。 接着出場的就是細滷水拼盤。這可以算是雜錦滷水拼盤,比純粹一碟滷水鵝片,更加可口入味。豬豬幾時也說接近骨位置的肉,其實更加嫩滑好味。墊底的大豆芽和豆腐,吸收了滷水的精華,好吃得不得了。 到底五仁豆腐又是什麼呢?原來是把嫩滑的豆腐炸起,在面頭鋪上五種果仁碎。當中包括了味道濃郁的花生。 吃的時候,有吃花生醬豆腐的感覺。 冰梅脆香骨,味道甜美,最適合送飯。 不過大熱天時,我們卻選擇了吃飯粒分明的潮州粥,認為更加合適。 潮州甜品中最出名的一定是反沙芋,我們自然不會錯過。 被糖衣包

星期五晚上 Happy Friday 飯局我就心思思想食下潮州打冷野於是搵左呢間就腳 有冷氣既潮式菜館夜晚8 點左右去到已經好多人 小店經營 香港買少見少 支持支持餐牌主要有潮式鹵水野 同招牌菜可惜今晚無哂豆漿飲唯有飲湯啦鮮淮山豬肚湯 有驚喜 無雪味 胡椒夠濃夠入味豬肚口感好 豬肚又係考功夫既材料 必叫！韭菜粿 飯前小食 足料 美中不足係油左dd普寧豆腐 有臭豆腐既外型同口感 唔鍾意臭豆腐既 要試下呢隻 跟住到小菜 呢味一定一定要叫就係蠔仔烙我覺得佢係唔同style既柯仔煎 蛋 粉 蠔比例適中 點少少魚露 一流🤟🏻重點係 佢蠔既份量絕對比其他店多 呢度既沙茶係獨自調味 於是叫左碟 沙茶炒牛肉呢碟餸味道適中唔太咸 送飯精選最後食完 店員問要唔要埋甜品我就緊係要啦 要左個 綠豆爽 （好似係）甜度輕微 有種食完好滋潤既感覺整體味道不錯 多人一點可以試埋鹵水拼盤！

潮膳裝修乾淨企理, 雖然餐廳唔算大, 但係都坐得好舒服! 餐廳食品選擇好多, 由名貴菜式, 例如鮑魚,  魚翅, 凍蟹, 花膠. 到潮州粉麵, 小炒, 粿類, 餃子等都有.鹵水拼盤(小) $148有潮州紮肉, 鵝件, 鵝翼, 鵝掌, 豬頭肉, 豆腐, 非常豐富!鹵水汁味道恰到好處, 點左鹵水汁更加美味!鵝肉鮮嫩香滑, 鹵水豬頭肉甘香惹味! 潮州紮肉同豆腐都好好味! 必食鹵水拼盤!冰梅脆香骨 $68上碟熱辣辣, 香噴噴！豬肉入味, 輕輕一咬已經離骨！醬汁酸酸甜甜, 好開胃!鹵水鵝片 $128食完鹵水拼盤未夠喉! 再叫多個鹵水鵝片! 大大片鵝片, 啖啖肉無骨! 鹵水味道同樣適中, 唔會太鹹, 點小小醋, 更好味!木瓜燉花膠 $168花膠又長又大片! 個湯底都好鮮味!正! 花膠對皮膚好, 再加上木瓜, 滋補養顏!  

經過灣仔呢間潮州野，突然好掛住打冷。入左餐廳，餐廳好闊坐得好舒服。叫左個二人套餐食。炸鮮蝦雲吞外皮炸得好脆。入邊有大大舊既蝦。蝦好新鮮，而且成個炸雲吞整得好好食。整碟滷水拼盤。好多種肉係入邊。豬耳好爽口，鹵水味道夠香但唔會太鹹，鹵水汁整得啱啱好。雞肉點埋個醋食，味道好，好開胃。我鍾意既豬肚都係入邊，同埋有肥豬肉食。好有細個既回憶。冰梅脆香骨整得勁香。醬汁酸辣好開胃。而且排骨肉質鬆軟，有水份。呢個真係好好味。整碟潮州蠔仔格。好似台灣蠔煎。蠔好新鮮，無乜腥味。加埋辣醬一齊食。好刺激又開胃。真係越食越餓。啲野都好好食。最後黎個綠豆爽。鍾甜甜既馬蹄粉。加埋綠豆，成個好清甜，清熱之選。好滿足既一餐。

今日週末老公去灣仔做完嘢，约我去行下，順便食埋晚餐，經過北海中心，見一間潮州菜店，名叫潮膳，望到廚窗掛有鹵水鵝，真係好耐冇食過，而家見到就好想食，於是我們决定今晚食下潮州菜，那就入座了！韮菜豬紅：豬紅好滑，韮菜嫩綠，份量有一大碗，抵食！鹵水鹅片：一片片的鵝片，冇骨啖啖肉，鹵水味道適中，不會太鹹，點些醋食更好味！鹵水豬肚拼鹵水蛋：豬肚洗得乾乾淨淨冇異味，好有口感，鹵水蛋好香又入味。冰梅脆香骨：排骨炸香後沾滿冰梅醬汁，酸酸甜甜的，好好味！潮州魚丸麵：潮州魚丸真的好彈牙，難怪潮州魚丸甘出名，湯底清甜，麵爽口。值得推薦！豆沙水晶球：表面是煎炸過，所以有脆口感覺，豆沙餡飽滿，甜甜的，脆脆的，好好味！

今日喺灣仔收工，住灣仔的同事問我好唔好潮州野，我話都可以，佢帶左我去北海中心話想試下間新開的”潮膳”，餐廳裝潢新穎簡潔，坐得幾舒服。潮州蠔仔粥 $58潮州菜必食當然要點個潮州粥，係佢米粒同湯分得幾明顯，食落似湯飯，有飽足感，粥的材料豐富，有粒粒飽滿的蠔仔、肉碎、蔥花和冬菜等等，蠔仔能夠帶出海鮮味道，我都食左幾碗。韭菜豬紅 $48 +$20轉套餐奉送白飯一碗、油菜一碟，可樂+$5愛韭菜的我，必食韭菜豬紅，湯底夠味，豬紅入味，還帶點口感，韭菜很嫩口不老冇渣。冰梅脆香骨 $68 賣相吸引，香味十足很惹味的樣子，肉多骨細夠肥味，輕輕一咬已經骨肉分離，味道帶甜酸，很入味。今天两個人都點的菜都不多，下次叫多點人一起就可以多點些別的菜試試。

今天約左朋友去灣仔買野順便食飯，經過北海中心這間潮州菜餐廳，我們都好久沒有打冷，今晚就試試吧。看看餐牌有4人餐都不錯，上面的菜式都是我們想食的。四人餐 $398滷水拼盤 食潮州野怎能少得了鹵水拼盤，當中有鵝片、鵝掌翼、札肉、腩肉、豬耳，還有最底下的大豆芽。鹵水都夠入味，鵝片肥瘦適中，每樣都做得不過不失。小菜三款 （$98以下）：蠔仔格 - 我們點了蠔仔烙，蠔仔都有不少，煎得金黃香脆，但粉比較多。凍烏頭 - 烏頭都夠件頭，肉質嫩滑，但食到中間有點腥味。冰梅脆香骨 - 很有驚喜，醬香味十足，肉多骨細，有口感之余又不韌，很入味。方魚炒時菜 （芥蘭）芥蘭新鮮翠綠，入口脆身夠嫩冇渣。原來水晶粿和百合綠豆爽都沒有送來希望下次再試。

廣東菜食得多，但潮州野這真係比較小，今晚這嚟到公司附近嘅潮膳食下正宗潮州菜啦(^^) 餐廳價格親民，一碗粉麵都係40幾，好抵食！我地先點左個潮州魚丸跟粿條($42)😬 原來粿條係似河粉咁，食落煙煙韌韌嘅，而魚蛋真係非常彈牙！魚味十足，每粉形狀不一，相信係手打先會咁😸😸 小菜要左蠔仔煎👀👀 係落左薯粉煎個種，蠔仔都幾多，點一點甜辣醬更惹味❤️❤️ 加左20蚊轉餐，有一碟油菜、白飯同野飲😻 生菜如果大碟d更好啦！另外再要左個細滷水拼盤😀😀 好豐富嘅拼盤，有鵝、豬肉、豆干、豆芽等！味道甜甜地，點番附帶嘅醋食味道更突出🐥🐥 Hot lemon tea and iced lemon tea are both fine❤️🐥

餐廳非常整潔企理，主打滷水拼盤以及其他招牌潮州菜式滷水拼盤 - 小（$148）主要有扎肉、香滑滷豆腐、豬耳、滷蛋同鵝片！鵝切到一片片，好整齊，肉吾嚡口，點完醋更可食多幾塊。而底下扎肉及豬耳係我最愛，表皮入埋滷汁，香口好食、軟硬適中。好high全被我吃光光底下好多芽菜，記得唔好錯過沙茶芥蘭抄牛肉（$78）非常有鑊氣，每一條菜都抄得非常均勻，沙茶醬適量沾到菜及牛肉，牛肉都非常爽口，爆香左，咬落去索索聲，配白飯一流！雙色水晶粉粿（$32）粉果炸香左之後，特別好着口。一個綠豆、一個紅豆蓉，唔會太甜，老人家都可以適量食用。凍豆漿、熱豆漿綠豆爽好似綠豆沙咁樣，不過冇咁甜，一樣非常適合唔同年齡嘅人飲

很久沒有去潮州打冷， 往日街邊打冷的氣氛已經逐漸少见。今天在灣仔放工行到北海中心，竟發現一间潮州菜館。 本來打算吃拉麵的我們立刻轉plan， 去吃很久沒有食的潮州菜。菜館新裝修乾淨企理。餐牌由名貴菜式， 如鮑魚， 魚翅 ，凍蟹到各種地道小吃，粿類，餃子 ， 潮州粉麵， 小炒等應有盡有。先來一個鹵水拼盤(小)每款有少量適合二人份量。 有潮州紮肉， 鵝翼鵝掌，豬腩肉。 唔係凍冰冰的滷水拼盤，仍有餘溫。 鹵水汁唔會有好強烈的花椒八角味， 亦唔算太鹹，恰到好處。 鵝肉鮮嫩，鵝的翼比較細。 有幾片鹵水豬腩肉都很甘香惹味。我們想吃凍的馬友魚，但竟然售罄，轉叫了凍烏頭。 很久沒有吃凍烏頭魚。魚身並不算大條肥美，但魚肉很香甜，蘸上黃豆醬吃別有一番風味。黃豆醬比較偏鹹。 建議可選用一些冇咁鹹嘅黃豆醬。韭菜豬紅都非常經典。 分量很大韭菜鮮嫩香甜。 豬紅很滑但唔算太入味。潮州蠔仔粥個湯很有鮮味亦有不少蠔仔肉和肉碎。 加上堂芹芫茜，鮮香撲鼻。 但對我們來說亦是偏鹹一點。鼠穀粿(3 件) $26本打算叫一個很傳統的小吃 但已售罄， 叫了鼠穀粿(3 件)。 外皮是炸糯米，餡料是綠豆蓉。 綠豆蓉幼滑亦唔算太甜。 糯

抵食潮菜@灣仔四人餐有個滷水拼盤、三款小菜加個菜，仲有埋甜品先至 $398，相當抵食 👍🏻滷水拼盤好大盤，有好多款唔同嘅滷水食物！最特別係有幾片潮州魚蛋，好鬼彈牙 😋潮州凍烏頭聽就聽得多，今次係第一次食。烏頭好大條，肉臟清得好乾淨，一啲腥味都無～因為條魚好大條，所以好多魚肉阿。啲魚肉好滑，點少少豆醬就 OK潮式蠔仔烙比台灣蚵仔煎口感煙韌啲 😁粉漿比較少，所以好清楚睇到一粒粒肥美嘅蠔仔～冰梅脆香骨就好似咕嚕肉咁，都係酸酸甜甜好啱夏天食，非常開胃 😋排骨上嘅冰梅漿好均勻～生菜幾新鮮，無炒到好油咁，都幾健康。潮州菜粿四件都係唔同味，正阿！右上長扁嗰塊係馬鈴薯粿，同其他菜粿個樣好唔同，馬鈴薯味道好香。左上黃色嗰個係南瓜芋泥粿，外皮係甜甜嘅南瓜味。韭菜粿好明顯係綠色，入面有好多韭菜餡。後面嗰個係雙色芋泥水晶粿，啲芋泥好香甜，味道好好！最後一人一大碗綠合爽清熱解暑～