潮膳 (已結業)

呢排食得西餐韓餐多，所以想食下住家飯，但媽媽大人吾得閒煮，於是呢日係會展放工後就約埋係附近做野既fd黎食潮州菜。呢間餐廳係軒尼詩道，吾難搵，入到去裝修簡約企理，真係有家既感覺。夏日炎炎，首先當然要嘆番杯凍奶茶。呢杯凍奶茶有茶餐廳既風味，香滑有回甘，熱奶茶應該會更加好飲。呢度有二人餐四人餐散叫小菜提供。潮州滷水有好多款式揀。滷水細拼盤份量夠哂3個人份有突，有鵝、豆腐、五花腩……鵝肉吾肥，脂肪層吾厚，斜切，啖啖嫩肉。豆腐索滿滷水味，大大舊，好juicy。沙茶芥蘭炒牛肉，呢碟住家菜，牛肉同芥蘭份量比例一比一，性比價高。芥蘭嫩綠，牛肉吾un，沙茶醬好惹味，而且夠多，沙茶可以撈埋d芥蘭食，黎多碗飯就perfect池。潮州凍烏頭，無魚腥味，原條大大條上，吾錯。紅燒豆腐配埋類似魚片既肉絲黎炒，好有口感。呢度仲有我最鐘意既"勿演"(墨丸)，呢餐滿足哂了。

呢日約左同學兼同鄉食飯，慶祝sem break，當然要食我地既家鄉菜－－潮州菜。上網見呢間潮州菜館吾太貴，小菜大多吾過100蚊，岩哂我地呢d 月尾打工貧友仔。Menu前後兩面，好簡約。上汕頭必食既牛丸，呢度都有，一樣咁彈牙。牛丸有肉汁，牛肉味比汕頭食既真實d，而且感覺紫菜湯中和左d油膩感。呢碟骨外皮甜甜地，但吾黏口痴牙，有d似咕嚕肉既朋友，吾同既係大舊d同埋外皮有dd焦糖既脆口感。每舊都係肉連骨，所以d肉幾嫩滑。蠔仔同蛋"混為一體"，煎到好香，但又未到燶。夾起都吾會散，而且吾油，餸飯或就咁食都得。豆漿少甜，幼滑，無豆渣，岩哂我胃口。呢度仲有翅食，賣相幾靚。餐廳牆上掛滿野食相，Menu簡約黎又幾有道理。

身為潮州人的我，潮洲菜絕對是我其中一款喜愛的粵菜。放工經過灣仔這一家潮州菜館，時間還算尚早，店內人不多，所以決定和友人吃個潮州晚飯!餐廳空間大，座位間也算寬闊，光明整潔。下午茶套餐價錢合理，以後有時間也想來試一下下午茶。除了單點也有一些套餐提供，但這天我們選擇了單點，下次再來試一下套餐!只有兩個人所以點了細鹵水拼盤，有鵝，腩肉，豬耳，紅腸，驚喜的是還有札肉!雖然沒有豆應，但食肉獸的我完全不介意!大地魚炒芥蘭很爽脆，不會過老，份量足，大地魚碎令整個菜鮮美有提升!蠔仔肉碎粥份量很多，兩個人吃絕對夠!蠔仔份量一點也不嗇吝，每一匙也會有蠔仔，十分美味最後點了個甜點，南瓜芋泥粿，潮州粿是我很愛吃的甜點，這裏有不只一款可選，亦有咸的，令人喜出望外。價錢也很合理，是很滿足的一餐。

今晚和周丁丁打算去西灣河吃飯，結果發生了些事去不成，只好在灣仔吃個晚飯。這家餐廳燈光通明，座位寬闊。餐牌所見，有不少粉麵和潮州特色菜。例如潮州滷水、粿類等。⭐️鳳爪燉螺頭湯$58點了盅鳳爪燉螺頭湯，配料有鳳爪、肉和螺肉，入口清甜順口。⭐️冰梅脆香骨$88排骨炒得很均勻，排骨均沾上醬料，啃排骨真的很過癮呢！⭐️豉油皇煎大花蝦$40花蝦不算大隻，入口蝦肉爽脆彈牙，味道不俗。⭐️芥蘭炒牛肉$78 炒牛肉頗鹹，芥蘭稍微油膩，如果廚師手下留情，相信更美味！▪️服務尚周到，會主動更替碟子。

講起滷水野，潮洲的美味煮法是最令人垂涎欲滴的，讓人一食難忘。今天和朋友想食潮州菜，不想去酒樓，所以在OpenRice揀了一間較為平民的潮州菜館，這餐廳位於銅鑼灣和灣仔之間，銅鑼灣鵝頸橋再向灣仔方向走大概5分鐘左右就會見到。餐廳格局類似茶餐廳，但是乾淨闊落，坐得舒適。除了一般的潮州菜式之外，還有很多很地道的潮州果點心，樣樣都想試，可惜胃只得一個滷水拼盤少$148滷水拼盤有滷水鵝，滷水豬耳，滷水豆腐，五花腩，鵝掌鴨翼。滷水味香濃，鵝肉滷得入味，鵝皮很薄無咩油脂，肉質嫩滑不鞋口，而且無雪藏味，少見好味的滷味。另外滷豬耳爽脆有咬口，送啤酒一流。滷水豆腐夠曬入味。凍烏頭$88潮州名菜中有很多都屬於涼菜，最適合在炎炎夏日食用，當中我尤愛凍魚。雪凍後的烏頭魚，肉質不但更結實，而且鮮甜味更濃。沾上普寧豆醬更醒胃。勁大條，啖啖肉。菜莆蒸滑雞$78雞本身醃得夠入味，火候同時間掌握得好，雞肉嫩滑無比，配白飯都食多幾碗👍粟米餅$58第一次食潮州粟米餅，見到廚師推介所以試一試，晶瑩剔透，非常誘人，味道甜甜脆脆👍

我係半個潮州妹，細個時屋企人帶我去打冷就會好開心，大個咗之後，竟然身邊人都係潮州人，所以喺食方面，我倆好夾，好鐘意周圍去搵潮州打冷食今次嚟到灣仔搵食，叫咗個2人餐潮州凍烏頭，呢個真係唔係到到都整得好食，呢到整得好好，條魚一啲泥味都無，鮮甜肥美，加埋啲魚油，堅正呀普寧豆腐，咪睇佢平平無其咁，實際係內外兼備呀，外面脆口，內裡軟滑，確實係不可思議呀豆醬炒生菜，估唔到豆醬同菜炒埋一齊係咁好味，咸咸地咁，個生菜師傅炒得勁爽滷水併盤，有鵝片，鵝翼，豬頭肉，腩肉，豆腐，滷得好入味，但又唔會覺得勁濃味，味道方面真係啱啱好架綠豆爽，我第一次食呢個咋，又幾得意架喎，唔甜吖，讚呢個係店員突然攞出嚟俾我，原來係用嚟點豆腐嘅，嘩~ 一點咗又完全唔同晒，更加正

放工後獨自一人晚餐，在公司附近選了這間潮州菜。餐廳有各款潮州菜式，有潮州鹵水打冷，潮州糭，還有潮州翅，正宗潮州風味。鳳爪燉螺頭湯內裡有鳳爪，非常足料，每一淡都有螺頭的清香。郊外油菜油菜是菜心，非常有菜香，沾上少少蠔油，非常惹味。潮式併盤跟白飯非常大盤，一個人也食不完。最愛是鹵水鵝片，鵝肉鬆化，鹵水味香濃，咸味適中。鵝皮很香嫩軟滑，紅腸，豆腐，五花肉及鵝掌都很入味，越食越滋味。豆漿非常有豆香，不太甜，味道適中。

今日放工自己一個係灣仔四圍行，決定食埋晚飯先返去，行行下比我見到間食潮州野既餐廳，就食呢間啦！入到去發現餐廳新裝修，環境唔錯，店員服務都幾好！咁我就叫左個鵝片飯！鵝片有五大片，鵝全部去哂骨啖啖肉，肉質鮮嫩唔乾身，食到好有鵝既香味！呢個鵝肉跟左個白醋，白醋既酸味更帶到鵝肉既美味！我仲叫左個椒鹽九肚魚，炸到外層好有鑊氣，脆卜卜，粉漿唔會過厚岩岩好！仲叫左個豉油王煎大花蝦，大花蝦非常大隻，蝦肉入哂豉油味 爽口彈牙！

第一次到這裏，叫咗一個红燒雲吞潮州翅。味道無乜，只有兩粒雲吞，翅都有D。地方還不錯，但今日太飽食唔到第二樣嘢。佢哋有個例牌红燒潮州翅$28x.00一個，但好似雲吞潮州翅的大小!!

「鵝係架堅冷」呢句可能係大家都識既潮州話。番左成日工，點都要叫個湯滋補一下！好足料，是日靚湯係松茸螺片雞腳湯！零味精，好清甜！想食打冷市區都有選擇食潮州野梗係要食滷水啦我地兩個好懶選擇又貪心，咁就貪方便叫個滷水拼盤黎食啦。有雞蛋，滷水鵝，豆腐，豬耳，紅腸，滷肉......鵝肉超滑無蘇味，最鐘意個豆腐吸曬最正既汁！豉油王大蝦有手掌咁長，每口都係肉而且個殼已炸到好脆，成個都食得！粉漿比例剛好，蛋漿都夠薄而且好多蠔仔，記住點魚露食！

姑姐嘅仔即是我嘅表弟😬⋯⋯剛從意大利回港探親兼購物！因為意大利所有物品都非常貴！所以佢每次回港都瘋狂購物！仲有梗係香港嘅美食啦！在意大利根本唔可以食一餐正宗嘅潮州菜！我表弟情有獨鍾⋯⋯非常喜愛潮州菜😋碰啱又係銅鑼灣灣仔一帶購物！經過灣仔軒尼詩道北海中心地下，甘啱見到一間潮膳潮州菜館又有潮州菜食丶小菜丶墨魚丸丶潮色點心⋯⋯啱晒我表弟🤓而且環境都唔錯好闊落！最怕坐得迫迫夾夾😬咁就入去試吓啦！凍烏頭$88肉質鮮美雪白，而且非常結實，配以豆醬！其實我個人覺得唔需要配豆醬都已經好鮮味😬蠔仔烙$78正宗潮州蠔仔烙有別於普通嘅炸蠔餅！佢哋嘅做法係用番薯粉！口感煙煙韌韌！蠔仔非常鮮味緊緊熟！加入大量嘅蔥粒！加入雞蛋🥚鮮味十足😋冰梅脆香骨$88採用一字骨，外層炸得非常香脆，內裏保留肉汁！加上秘製醬汁甜甜酸酸充滿梅香！ 而且份量都唔少，我嘅表弟食到舔舔脷😋淨雙寶$63手打墨魚丸和豬肉丸雙拼！ 手打墨魚丸雪白彈牙！連豬肉丸都做得非常彈牙🤓我表弟連湯都飲埋！鼠殼粿四件$42乃是潮州汕頭嘅傳統小食之一！由鼠麴草提取汁液加入糯米粉丶綠豆蓉造成嘅甜點🍮軟糯香甜😋我表弟今日非常滿意

今日和同事忽然興起想吃潮州菜在openrice 找到這間潮膳開業至今的全好評果然名附其實可能是weekday 的關係，人不是很多同同事漫談坐得幾舒服門口掛著的滷水鵝令人食指大動呢懶得諗ge 關於點左個二人精選套餐前菜是普寧豆腐 和滷水拼盤原來普寧豆腐即是脆炸豆腐，剩著熱蘸上韭菜鹽水吃，外酥內嫩，豆香濃好正宗的一味潮州小吃呢至於滷水拼盤以二人份量來說毫不遜色可惜的是並沒有滷水蛋在裏面呢鵝肉肥膩的皮脂咬下去油香四溢潮州小菜要數最懷念的實是這蠔仔烙蠔仔、麵糊、蛋煎得好香蠔仔的份量再多一點就更佳了配著魚露吃好味另一小菜選了 黃金脆牙帶可惜的是只有二件呢，不過牙帶魚著實是不便宜的魚...炸得蘇香，魚肉新鮮彈牙因為天氣太熱的關係竟然我倆都不想吃粥結果點了這個馬鈴薯粿馬鈴薯粿是汕頭有名的小吃呢，是家庭過節食品果然是地道的潮州館連這個都有呢最後發現竟然全部點的都是煎炸品XD連忙叫了二杯豆漿解膩完全滿足了我突如其來的潮州欲

琴晚食了一間十分正宗又有特色的潮州食家，位置係灣仔，交通都幾便利，食物又出色，值得同一家大細幫襯！每日精選燉湯-螺頭雞腳藥材湯。螺頭十分鮮美，絕非其他地方的味精湯可比！材料好足夠，雖然一人一盅，不過小編2個人飲都唔覺少。韭菜豬紅。份量充足，少許辣，味道好惹味。豬紅結實得黎唔怕硬、無碴，烹調得剛剛好。鹵水拼盤（細）款式都幾多，包括鹵水鵝、鵝翼、豬肉腸、紅腸、豬耳、五花腩、大豆芽。鹵水鵝唔算太肥，皮亦都算薄，好入味，齒頰留香！潮州蠔仔粥。十分好味，蠔仔夠大粒，新鮮、無碴。加肉碎煮成潮州粥，來食潮州打冷必定要食！鼠殼粿（4件）呢味係甜品，幾特別，外面煎得幾香，又咁乾身，十分難得。煙煙韌韌，幾Q，內面的係綠豆蓉，少少甜但唔怕膩，值得一試！總括來說，呢間潮州打冷味道正宗得黎味道幾啱香港人，唔怕食完勁口渴，而且空間好足夠，十分鬆動，坐得舒服，值得同一家大細一齊來幫襯。

話說我鄉下除咗同大部份香港人一樣係日本之外 我仲係一個潮州人咁我係真係返過潮州食潮州菜嘅而香港嘅潮州菜就算你食完覺得幾好味但同潮州嘅潮州菜都仲有一段距離今晚食呢間係我幾滿意之餘又幾平嘅一間由於平時返工ot少住家飯食我去親邊都要嗌湯食壽司都要飲個麵豉湯扮有湯水滋潤呢間嘅湯令我好滾動一盅一人份量一碗係鳳爪 一碗係淮山豬肚熱辣辣又夠火候筆起會見到將鳳爪/豬肚煲咗好耐煲出唻嘅油光炸九肚魚香口熱辣辣不在話下個炸皮非常薄又夠脆 九肚魚又嫩又新鮮多汁滷水鵝掌雖然你見到佢隻碟入面有啲油但隻鵝掌係好乾爽唔係滷水嘢就諗住冇人知你新唔新鮮就算個醬汁幾香 個咬口係扮唔到(得罪講句 女人街標字頭係垃圾)呢度嘅鵝掌食落你會覺得爽 食極都唔溜手打牛丸墨魚丸食牛丸時我已覺得 好似我喺潮州時食嘅咁呀 好彈牙 入面又有牛肉嘅油份點知個墨魚丸係更好食食到思鄉呢碗綠豆爽就真係好有潮州感覺可能因為潮州小食好多時都用到綠豆粿呀 綠豆糕呀 之類綠豆爽個味其實好清好平實 個口感滑滑地 解釋唔到點解咁鐘意

又完結左一日辛勞的工作天，放工約埋同事齊齊去打冷。怕熱既我唔想坐街邊所以揀左呢間比較舒適價錢又平民化既潮州食館。個裝修幾企理，有別於平時食開既潮州食店係門口見到d鹵水鵝就零舍肚餓好彩仲有位唔洗等，員工好有笑容，俾餐牌我地睇果陣仲推介左幾款小食，服務態度幾好由於太多款式唔知揀咩好，最後決定要位二人餐，貪佢乜都有夠晒豐富，仲有埋糖水頭盤係炒雲吞，不過不失強烈推介韮菜豬紅超級入味，豬紅又唔會好爛牛肉炒芥蘭，d菜幾嫩鹵水拼盤，咩都有d，鴨腳豬耳豆腐等等，鹵得好入味，岩晒喜歡損骨既朋友綠豆爽，去油膩一流胡椒豬肚湯，可以再辣d椒鹽九肚魚，新鮮炸出黎，好惹味，而且份量算多