煲仔榮記 (已結業)

👦🏻上年係黃大仙番工已經上慈雲山食過榮記，食過招牌特濃沙嗲牛肉麵，真係超好味！今次黎到旺角煲仔榮記，就諗住入去試下。一去到門面好有港式味道，行懷舊老香港既路線，滿懷期待黎食沙嗲牛肉麵，結果令我好失望🙍🏻‍♂️。🌟煲仔沾麵覺得依款菜式幾有創意✨，好有日式風格，以沾麵既方式黎食沙嗲牛肉麵都係第一次。等左15分鐘終於有得食，份量真係一個公仔麵，問左侍應仲話無得比錢加多個麵底，果下已經好灰。最灰既係，個沙嗲係極咸，咸到即刻要叫野食果種，真係成碟唔多想食😵‍💫。🌟流心奶黃蛋撻由於唔夠飽既關係，決定叫左個流心奶黃蛋撻。蛋撻上層芝士，內裏有好香既咸蛋黃，真係幫煲仔榮記拉番啲分。整體而言，肯定唔會回頭再食，完☹️。

旺角茶記有好多，想食碗沙嗲牛肉麵唔難，但如果想食一碗特別d既沙嗲牛肉麵，就可以試下呢度既煲仔沙嗲牛肉麵😋碗麵好重花生醬味，味道濃郁，如果嫌唔夠重口味，佢枱面都放左d醬汁比客人自行加配🤤牛肉都幾淋，麵質正常發揮，唯獨碗面同出面茶記沙牛麵份量差唔多，正常男仔淨食一個麵未必夠飽😬口渴可試埋佢個樽仔奶茶，配埋沙牛麵一齊食相當唔錯😝但要留意，平時客人非常多，如果想食就要早d去拎左位先，同埋等野食黎都要d時間，趕時間就未必岩🥴

今日同表弟去旺角行街，諗住去食下午茶，跟手就帶佢去食一間好出名嘅餐廳「榮記煲仔」其實呢間嘢已經係第二次食,第一次冇post因為真係唔係咁好味，因為呢間舖係新開嘅分店啲嘢未到位我都覺得情有可原，今次第二次食啲嘢食都唔係太好味，今次都係點咗佢最出名嘅沙爹牛肉煲仔麵，味道係好濃，不過咸得濟，要自己加水撈淡少少蕃茄濃湯牛肉麵，味道一般，純蕃茄味，欠缺層次感，最後自己加啲蝦油同蒜蓉油，味道先出返嚟。老實講呢間嘢除咗裝修係頗有特色之外，嘢食真係一般般，而且款式唔多選擇。呢個懷舊特色嘅裝修值得一讚如果大家唔介意食物嘅味道純粹想懷舊一下香港嘅特色大排檔可以去試下。我就唔會再去食第三次㗎啦。

煲仔沙嗲牛麵曾經風靡一時，但係慈雲山實在太遠。知道係旺角開左！又正值寒冬當然要去試下暖笠笠既煲仔沙爹牛沾麵d油多到驚⋯⋯好在食落都幾香花生味。至於煲仔既作用唔大，打卡居多啦。呢幾塊牛就加左三十蚊有d唔值呀另外仲叫左臘味煲仔飯，但太餓相都無影就食左。飯粒粒分明包裹住臘味既油香，臘腸味道正常、潤腸好腥、臘肉好鹹最失望既係煲仔飯竟然無飯焦呀！！！全餐飯最好食係你啦。茶味香濃，鍊奶味夠出加上布丁質地滑嘟嘟

煲仔榮記煲仔榮記我相信大家一D都吾會陌生💁🏻‍♀️呢間煲仔飯係位於旺角每次經過都係超級多人排隊🥶之前黎過二次想入去食🥺但….人群實在太鼎盛我呢D無耐性既朋友仔放棄😂今次有幸佢吾算多人俾我入到去試下😚1️⃣ 蘭王窩蛋牛小排煲仔飯 🍳🐮🍲朋友話佢朋友推介呢個煲仔飯, 見到個名又咁吸引wo, 又蘭王蛋🥚又有我中意食既牛 🐮所以我地都一齊點左呢個煲仔飯🤣論賣相個煲仔飯望落去幾吸引既香味再配上半生熟橙黃色既蘭王窩蛋🍳同牛小排, 未食已經另我好有瑕想😂但食落去就有D失望🥲…以煲仔飯黎講我就略嫌佢既飯焦吾夠多同香😅 牛小排都比較薄, 吾夠惹味🤥 相對都比較普通, 感覺有D似屋企蛋撈飯咁😦 如果以呢個價錢想食煲仔飯我覺得可以有更多好嘅選擇😣不過值得一讚佢地入面既環境位置係闊落坐得都吾會有壓迫感☺️另外員工嘅服務態度都Good Good👍🏻👍🏻既等位嘅時候員工好細心咁問我朋友到咗未因為佢哋要齊人先入到, 而佢哋陸陸續續都有好多人黎排隊, 而果位員工知我朋友仲有五分鐘就到, 所以都安排我入去坐住先☺️ 好人性化~有服務😆喜愛指數: 💗💗

之前食過慈雲山榮記 個煲仔沙嗲牛肉麵真係好出色❗️近排知道榮記開左分店係旺角 方便甘多當然要去試試啦😍▫️沙嗲龍蝦湯公仔麵配滑牛肉🍜個龍蝦湯🦞味唔係好出 沙嗲味又唔係好夠 好淡口🥲個滑牛肉普普通通～▫️沙嗲雞湯粉絲配雞皮卷煲仔上係夠熱既 本身諗住粉絲比較吸湯應該好d 點知個味同之前慈雲山食個個味都差好遠😭個雞皮卷都ok 但又唔算出色🙈▫️沙嗲雜錦🦑😟沙嗲味同魷魚 牛栢葉 豬皮完全分開 入唔到味 好失望😣會覺得係焯完再倒d汁就算佢裝修好特 好岩打卡 但係食物質素真係有待改善😣

係旺角行完街見到有間新開嘅煲仔飯印象中煲仔飯都係啲舊式老鋪見呢間新開又幾乾淨就去試吓啦經典煲仔飯款式都算多我最後都係揀咗一個諗住出面少啲機會食到嘅煲仔飯「海三寶煲仔飯」有蝦乾賴尿蝦乾銀魚仔諗住會好香，不過係有啲失望嘅唔可以話唔好食，不過就唔夠香啲飯完全冇蝦乾銀魚仔嘅鹹香味似係一煲有飯焦嘅煲仔飯上邊放咗啲餸咁而且有啲硬食到一半已經咬到好攰😅如果可以將呢三寶分開加係其他煲仔飯就好啦題外話，隔離枱食緊沙嗲煲仔麵聞到好香，下次可以試吓。

之前已經喺慈雲山食過老店嘅煲仔麵，見喺旺角開咗，於是帶朋友去食。新裝修比舊店有特色，但都係走老香港懷舊路線。我哋叫咗沙嗲牛肉煲仔麵，上枱嘅時候唔算好滾，點知食落，公仔麵質都剛剛好，亦都能掛滿沙嗲汁，維持一貫水準。朋友介紹，再叫左個蠟味煲仔飯，有潤腸、臘腸、臘肉，頗有驚喜😍😋首先三個餸都非常多油香，雖然肥咗少少，但係食煲仔飯最重要就係啲油香。最值得讚嘅係個飯，雖然份量唔算好多，但係火候控制得啱啱好。飯焦卜卜脆，而且咬落並唔會黐住啲牙，朋友話應該真係好多油先可以做到咁香脆。雖然肥膩，不過我都剷底照食，因為好食嘅煲仔飯又唔係咁容易食到。😋😋鍾意食煲仔飯嘅朋友一定要試吓。枱面有蠔汁、蒜油、蝦油同鼓油。蠔油好似係佢哋嘅推介。我試咗少少，覺得個蠔油都幾鮮味，雖然有啲戥，但就鮮啲，所以我都買咗一支返屋企。回頭指數：85%

煲仔飯味道一般，飯有D係生，湯麵味道ok夠濃厚，但味道就算點好，服務差就唔會再有下次，最先係門口派飛果位小姐，問佢嘢都好似唔想答你咁（因為我21:00拎飛，可能係差唔多近截單時間掛）到21:10左右有位可以入但又無話叫你可以坐邊，去到門囗位置就企咗兩個員工喺到傾計阻住我入去，問佢可以坐邊又晦晦氣氣咁答我，再好味嘅餐廳我都唔會再去

以沙爹牛肉麵馳名既慈雲山煲仔榮記開左係旺角，每次經過都係見到長長既人龍，今次終於的起心肝去排，等左45mins有多，終於入座😅以香港懷舊既概念作主題，先講佢門口頂上既竹棚都非常架勢，又大又搶眼，入面其實好少位，店內既牆上都放左「煲仔榮記」既戲棚招牌，另一邊牆就貼左「天下太平」既懷舊遊戲，睇得出裝修好花思沙爹龍蝦湯牛肉麵本身諗住沙爹都好重味，仲要揀其他味既湯底咁得意既，我就揀左龍蝦湯，黎到其實都唔係好聞到沙爹香，食落沙爹味都係欠奉，龍蝦湯底亦都係食唔出，反而就食到少少紅色一丁既味道，$78紅色一丁，極度失望招牌金蠔蝦乾煲仔飯煲仔飯製作需時，都要等一陣先有，金蠔味道都幾香，蝦乾咸咸香香，送飯一流，一向鍾意食飯焦既我，都覺得呢個煲仔飯既飯焦也未免太多了罷，白飯得好少，煮既時間拿捏得唔好，overcooked，真係咬到牙骹軟沙爹牛麵真係名過於實，最基本既沙爹味道都做得唔好，同價錢完全不相乎，好彩無嘥時間入慈雲山試，係旺角都唔值排咁耐

見最近好多人去食就同朋友去咗試下入到去裝潢都幾靚 不過位同位之間就比較迫講翻啲食物先兩個人嗌咗個小食沙嗲什錦$30呢個個味好淡 我覺得麻麻秘制豉汁白鱔煲仔飯$118 呢個啲白鱔份量都幾多唔錯 同埋都有飯焦幾好食本身係嗌蟲草花北菇滑雞煲仔飯 但應該落錯咗單 俾咗麻辣雞煲仔飯🤣真係好辣 食得辣先好嗌haha😂但除咗辣味之外就無乜味😂要撈佢地嘅蒜油蝦油先有翻啲味之後重嗌咗佢地嘅流心奶皇蛋撻，等得都幾耐下，熱辣辣咁上枱 而且非常流心 呢一個唔錯最後重嗌左樽仔奶茶，味道正正常常

近排開始轉凍❄️，即刻就想起之前一直bookmark🔖左好耐的慈雲山砂鍋🔥沙嗲牛麵🐮🍜，原來係旺角開左分店咁方便，我當然要同大家一試啦💁🏻‍♀️👉 沙嗲牛肉🐮煲仔沾麵 🍜($78)沙嗲牛麵🐮聞落去係好香🤤但食落去個花生醬🥜唔係好濃偏淡😅？不過用瓦煲上🍲真係好吸睛👀，一上枱個個都望住😎值得一提餐廳提供各款特色醬料🍯俾你自己落，必試「蝦油🦐」，加完會有d似坊間食到的櫻花蝦🦐拉麵🍜咁🙆🏻‍♀️👉 窩蛋牛肉🐮煲仔飯🔥($88)必食推薦💁🏻‍♀️冇諗過咁好食超級驚喜😋✅佢個自家製豉油超級適合撈飯🍚，甜甜地之餘又唔會過鹹仲帶鮮味👍🏻✅窩蛋🥚採用可生食的日本蛋🇯🇵撈埋有糖心蛋的效果超正😍✅主角牛肉🐮份量夠多又非常嫩滑😚✅最後煲仔飯🍲飯焦精粹絕對唔可以錯過😉P.S: ▪️超多人預左要等位😮▪️裝修fancy行港式復古路線📸，環境同座位都算舒服

好多人都去依間店到食😂而我都係睇到啲人打卡既相好靚而黎😇但試一次就夠晒😂真心講好鹹沙嗲牛肉撈麵兩人share一碗就夠，第一啖覺好食，唔錯，但越食越鹹同越辣😂沙嗲味係濃既，如果自認重口味可以去食😂沙嗲小食有魷魚🦑牛柏葉，但佢地都係就甘煮再撈上沙嗲汁,所以一啲都唔入味

次次行經都有人排隊，又聽啲人話慈雲山總店好好食，見今次時間早冇乜人就入去試下個沙牛麵啲牛肉都算香港地道口味，即係用咗好重手嘅鬆肉粉嘅口感，沙爹就死鹹冇花生味重味精，麵又太淋唔彈牙，應該係cheap野，雖然用砂煲煮，但除咗係gimmick, 食唔出對個麵嘅味道上有咩加乘。如果呢個麵係佢地招牌菜，有啲好奇點解可以生存咁耐白鱔煲仔飯比普通更普通，飯冇魚味，飯同餸應該係分開煮，飯有啲啲生，而且冇乜飯焦，更唔好講煲仔飯應該有嘅焦香味成餐飯最值得一讚係罐可樂夠凍，最有水準得呢樣基本上間鋪係食裝修食名氣而唔係食嘢嘅 試完一次冇下次，有啲後悔，唔明點解會有人排隊

星期五晚上同同事收工一齊黎到旺角排隊! 為咗食慈雲山開到去旺角既煲仔飯。📝原來煲仔飯源自廣州嗰邊，精髓係米和食材分段擺入瓦煲，在爐上以長時間蒸熟。食材的味道/汁就會完美地被飯吸收，加上必備的豉油撈埋熱食絕對係一流。一路食隨著熱力散去，底部飯形成飯焦，又香又脆。店內裝修方面，以舊香港元素為主，綠色格仔紙皮石、中式霓虹燈、枝裝汽水、紅色鐵閘等，以為鋪面細細得一層，原來上到去2樓都幾大。想食又唔等於識食，對於煲仔飯甚至中菜博大精深，學習欣賞中 (倒米中🧐)🥘煲仔湯麵 ($78) 沙爹、雞湯、雞皮卷、公仔麵“沿用於香港已有50年歷史的老字號——綿香沙嗲” 寫到咁，好大期望。沙爹湯底略咸，湯底以為係杰身，但其實比我想像中稀。湯的表面唔算多泡，比起openrice上面見到啲人喺慈雲山主店算正常。另外他們加了很多花生碎，一路食記要撈埋底部的花生碎。麵底ok軟硬適中，整體覺得都會想再食，不過唔包野飲$78個人覺得定價略貴🤔🍲秘製豉汁排骨煲仔飯 ($88) Spare Ribs in House-Made Black BEan Sauce Claypot Rice 見到cover張相狂落Come撈汁，好