煲仔榮記 (已結業)

七點前黎到都已經要拎飛等位好彩等10分鐘左右同埋拎飛時會問食煲仔麵定飯話排隊會不同點左~沙爹龍蝦湯豬肉餅煲仔粉絲其實唔太有龍蝦湯味但沙爹味都有既仲有少少花生碎豬肉餅好一般可能唔熱煲仔上檯時係無滾住既同慈云山店好唔一樣~沙爹雞湯滑牛煲仔麵朋友點既對比龍蝦湯相對咸DＤ不過連埋麵一齊食都可接受但個麵就偏爽身朋友都嫌唔夠淋身呀滑牛ＯＫ既我唔好牛試左一件無蘇味既

素聞慈雲山榮記金蠔煲仔飯，但可惜一直未有機會到此一試，知道它在旺角開了分店，便立即朝聖一下。晚市人潮很多，已經等了大半小時，服務員說要吃煲仔麵的話要再等多一會，如果吃煲仔飯則快一點，幸好本來我就想吃飯😂店內有兩層，布置仿效懷舊香港，上層還有一幅放滿各類酒瓶的特色層架，雖然店面不大，但枱沒有放很多，一定也不擠逼，還可以輕鬆地與友人傾談。事前沒有看過榮記的菜單，原來有白鱔煲仔飯，在徘徊白鱔與金蠔之間，我最後還是選了白鱔。要知道現在有白鱔的煲仔飯餐館真的很少啊！白鱔煲仔飯果然沒有讓我失望，雖然飯的份量不多，但飯質不錯，沒有稀爛；白鱔肉質新鮮彈牙，豉汁沒有死鹹，魚油微微滲入飯底，滿足感爆燈。同行友人選麻辣肉餅，麻辣味加肉餅配煲仔飯，只說不是我杯茶咯。附設特製醬油，當中我最愛蝦油，帶點輕輕鹹鮮的香味，撈汁鹹甜味也適中，可惜我把飯焗久了，飯焦有點多😶另外也點了瀨尿蝦乾，本身瀨尿蝦也沒有特別的味道，製成乾還期望什麼😂但當伴菜小吃也不妨一試。

呢度一開張，雜誌又介紹，門口時常又有人排隊，個招牌又得出，聞名煲仔沙嗲牛肉麵很久，難得星期六，大約五點半左右經過，沒有人排大隊，等一會就可以入座，梗係要試吓啦！在外看不到裏面環境的，一入去充滿懷舊嘅味道，但座位就很少。梗係要試煲仔沙嗲牛肉麵，但唔知點解配龍蝦湯湯底，湯底又唔覺得龍蝦味好濃，同個沙嗲牛肉其實都唔夾，雖然煲仔上又唔係熱辣辣，完全冇驚喜，甚至普通茶餐廳嘅沙嗲牛肉麵仲好味侍應還說可以加點蝦油配襯，我諗加埋都唔知食到什麼味道另外就試吓特別啲嘅冷麵，虎蝦都算爽口彈牙，個汁都有啲特別此外，餐牌上見唔到飲品list, 侍應用咗急口令嘅速度講咗有什麼飲品可以叫，我淨係聽到xx茶…….,所以飲品都冇叫到

💛💛💛又來一間黃店🤙🏻係香港開業超過50年嘅慈雲山榮記茶餐廳曾經創下每日賣出80煲招牌沙嗲牛麵 😱最近終於登陸旺角🤭於是即刻去試試佢🤙🏻一嚟到不得不讚嘅係佢哋嘅裝修遠處已經見到一個特大花牌 好鬼搶眼🤪入到舖頭彷彿就好似返咗去七八十年代嘅香港主打懷舊 墻身貼滿咗好多舊香港嘅照片😭香港以前真係好靚好令人懷念😖招牌沙嗲牛麵（$78）佢哋提供好白搭嘅煲仔麵選擇湯底可以簡沙嗲、蕃茄或者龍蝦湯麵就可以揀公仔麵或者粉絲最後餸方面可以揀牛雞豬都得坦白說嘢食方面真係有啲失望🙍‍♂️價錢偏貴 但質素比較普通以為特登用煲仔上 啲湯係會熱滾滾 點知嚟到唔完全無滾😫 同埋沙嗲嘅味道都唔算太突出覺得比較淡同唔夠香濃😕炭燒賴尿蝦乾（$30）見到有啲傳統小食就即管試吓點知嚟到份量極少😟極唔抵食味道覺得比唔上係大澳小販買到果種

好耐之前就聽過呢一間茶記la但係慈雲山真係太遠。知道佢喺旺角開咗間分店之後，一直想黎試下😋。附近做完野，9點左右到門口仲有人等緊位。等左5分鐘就入得👍🏻坐低，別無他想，一心試佢地最馳名嘅沙爹牛肉公仔麵(湯麵)湯底有2款簡，雞湯同龍蝦🦞專程黎試佢個沙爹，所以揀咗雞湯底配。湯底冇想像咁濃，自己覺得岩岩好。中意重口味嘅朋友可以簡返”沾麵”。雖然係公仔麵底，但個硬度真係”岩岩好👍🏻😍Good Fit💗額外叫多左個小食瀨尿蝦乾齋食太咸la🙈食到最尾有幾條腥腥地份量係多嘅，送酒嘅朋友岩曬，齋食就唔建議唔算抵食，但值得一試。會encall。

裝修有特色懷舊風。餐廳提供嘅呢幾款醬汁都係有得賣嘅普遍係38蚊一支，蠔油唔記得。睇完menu主要都係煲仔飯煲仔麵及串燒為主我哋兩個人分別叫咗一個煲仔飯同煲仔麵另外仲有網上推介招牌嘅串燒。算比較普通既煲仔飯，唔特別，唔好特別期待，但都好味既。鱔都好味。落埋佢個come lo汁，味道更加出。叫左個沙嗲雞湯豬肉餅公仔麵，冇試佢個沾麵，但都已經非常之濃味，食落個人感覺較咸，令人有啲口乾。如果重口味朋友可以試佢個沾麵。應該會好開心依個燒鱔白十分推介，好好味，肉質彈牙，油脂好香，味道岩岩好。

旺角榮記茶餐廳新店 試試新品沙嗲牛肉沾麵 到底夾唔夾呢？.呢日平日中午岩岩開舖去到舖內地下 座位唔多 一陣間就滿場店內環境幾新穎 偏向港式設計例如有戲棚 天下太平裝飾枱面仲有 蒜油 撈汁 蝦汁 蠔油（輕輕試過 個人幾鐘意蠔油 🙈）.⭐️沙嗲牛肉沾麵$78本來想點粉絲 點知冇晒 最後點返公仔麵沙嗲汁 用煲仔上 好熱個汁相對比 湯麵更濃 更重口味👍🏻沙嗲汁夠濃稠 每條麵輕易沾到唔少汁同慈雲山分店嘅沙嗲汁差唔多 都係大量花生粒👍🏻公仔麵做都幾彈牙 滑身🤦🏻‍♀️算係好重口味嘢食 重花生香 個汁好肥肥🤦🏻‍♀️食到太多汁 最後有少少食濟 同想飲水.⭐️蕃茄龍蝦牛肉湯麵$78蕃茄味唔重 龍蝦湯反而好重味鍾意龍蝦湯底嘅朋友呢個應該會唔錯（暫時個人最鍾意蕃茄湯 係三哥）.#hkfunfoodrecord窮遊香港#hkfunfoodrecord_旺角.#煲仔榮記 (旺角)地址：旺角花園街1號鴻禧大廈地下K號舖.⭐️評分：味道：4/5環境：3/5服務：3.5/5抵食：3.5/5

天氣凍左一直想食煲仔飯，旺角越嚟越少選擇。入咗新開嘅呢間煲仔榮記。首先要我一人等咗半小時。睇到餐牌上煲仔飯其實價錢唔平。最普通都要$88。心諗如果好食係值得等。把心一橫試試。坐低左之後，揀左最普通窩蛋牛肉飯。侍應同我講要半個鐘佢話太多煲仔。我話雨特登過嚟食，仲等左半個鐘。心諗，你間嘢係食煲仔飯，多煲仔唔係應該架咩，呢個唔係意料之外嘅運作wo。咁佢最後都話可以15分鐘攪掂咁我就算。佢個蛋係用日本蛋，其實如果好食你俾普通蛋我都一樣好好食。反而唔好攪咁多。值得一贊係，飯焦做得不錯。但整體味道真係不及老一輩有個炭爐煲個d。總括來說，$88的價錢絕對不值,什至有啲普通茶餐廳都可以做得好過佢而價錢可以平2成

喺沙嗲牛肉麵群組見到介紹試過慈雲山嗰間，見佢新開咗喺旺角，諗住再試一次。（純粹咁啱經過旺角，又唔使排隊）🍜煲仔沾麵$78落單4️⃣個步驟1️⃣醬汁2️⃣湯底3️⃣餸4️⃣麵底☝🏻沙嗲龍蝦湯豬肉餅出前一丁。沙爹湯杰身，味道濃，入邊亦都冇芽菜嘅。個人覺得偏咸，龍蝦湯味唔算突出。豬肉餅雖然入邊Juicy，但肉質都幾乾身。加埋一齊其實感覺都幾油膩。分開上嘅出前一丁，其實已經變咗一餅嘢，夾落湯嘅時候都幾麻煩。似乎湯麵上應該會比較好🤭總結：我相信如果個湯用嚟打邊爐會好食。餐廳由鐵閘到牆身裝修都刻意營造懷舊嘅感覺。而且舖頭入邊都係播放住八九年代嘅金曲。

話說有一次經過旺角，見到個招牌好吸引，於是入去試下。入到去點左一個煲仔沙嗲牛肉麵，個賣相係靚仔，第一啖還好，點知食食下真係唔對路。首先，味道太鹹，我食完之後一口氣飲左一支水都未解到渴（注意係一支😰）。其次，係丁麵太腍，因為個沙嗲醬好濃，個麵底太軟身的話，真係感覺食緊米糊咁，口感好差。最後，價錢偏貴，就算個沙嗲醬幾足料都好，牛肉又唔係好多，真係唔值得78蚊尼個價錢，性價比好低。所以尼間舖頭可一不可再😅

一向都聽聞慈雲山既名物-煲仔沙嗲公仔麵，時常都想去一試，但太遠，始終未能品嚐此名物。剛巧經過旺角，原來開左間分店係度，三點左右，唔使點等位，等一兩張枱就可以入去，心諗，新店新裝修，好過去慈雲山啦！室內有bar枱又有4人摺枱，用透明膠板分開兩個兩個咁坐，枱就有啲細，感覺有啲迫，不過啲食物都一樣細細碟細細煲，所有價錢相對有些貴。煲仔沙嗲公仔麵配豬肉餅唔係額外加錢，如果配牛小排要加50蚊。一出場，果然如傳聞一樣，滾住上，睇都知個湯超濃，忍唔住，飲啖湯先，嘩！極邪惡又濃郁，呢個沙嗲係有花生粒果款，同長洲通記好相似，湯咁濃，麵掛汁就一定架啦！佢地整既麵唔係煮到琳哂，要自己用筷子揚開啲麵，食落剛剛好，軟硬適中。個豬肉餅就無特別，有啲乾身同埋無乜味。一碟兩串既燒白鱔，配麻辣醬，咬落竟然爆汁，啲鱔油爆飛出來，不過幾貴，呢碟野既價錢等如一個煲仔沙嗲公仔麵了。試埋個煲仔飯先，窩蛋牛肉煲仔飯，牛肉勁多，煲底係堅有飯焦的，我唔客氣，用鐵匙羹不停剷啲飯焦出嚟食，加埋勁多豉油，好好味，性價比高過煲仔沙嗲公仔麵，如果要講挑剔嘢，個蛋黃上菜時已經穿左囉。地方細細，服務好，上菜都快，味道係好，但食完好口乾同埋好眼瞓，食

呢間元祖位於慈雲山嘅餐廳以煲仔飯同瓦煲沙爹牛麵而聞名 book mark咗好耐一直欲欲想試但嫌遠🙈 宜家旺角都有分店 終於可以試到喇 可惜感覺聲名過大 失望而回 哭🥲餐廳裝潢的確有心思 用左好多舊香港元素 例如紅色鐵閘 綠色假窗框 大排檔木枱 十大酷刑摺櫈 最矚目係一開始門口上方大大個做大戲嗰啲戲棚花牌 加上紅紅綠綠嘅霓虹燈 非常搶眼(已經搬返入店內)˜”*°•煲仔沾麵($78)•°*”˜ ˜”*°•煲仔湯麵($78)•°*”˜ 兩款煲仔都係有四樣野需要揀 分別係1)醬汁: 沙爹🥜/麻辣(湯)🌶️/番茄🍅 2)湯底: 龍蝦湯🦞/雞湯🐔3)餸: 揀滑牛肉/牛小排+$50/豬肉餅/雞皮卷 4)麵: 公仔麵/粉絲🍜最後揀左沙爹龍蝦湯滑牛沾公仔麵 同埋沙爹龍蝦湯雞皮卷湯公仔麵~兩碗都係龍蝦湯 但兩碗完全品嚐唔到龍蝦味🦞 沾麵好似倒左成罐粗粒花生醬落去咁 超級濃!超級杰! 每啖都會咬到花生粒🥜 但油份相對上都超級多🙈 滑牛冇特別冇比較冇傷害 沙爹湯麵即刻覺得失色不少 雖然湯嘅份量唔係多 食食下都變左沾麵咁 但沙爹味道就淡口好多 亦都冇乜花生碎˜”*°•麻辣三寶($30)•°*”˜ 有豬皮 魷魚 牛

自從睇左肥佬黎條片後，一直都bookmark左呢間野，終於呢晚特登去佢旺角店朝聖😍夜晚好多人排隊，排左半粒鐘先入到🥲店舖座位較少，但有個好有特色既花牌，好有懷舊氣息。>煲仔沙爹牛肉麵：我地揀左龍蝦湯湯底，我果碗湯底比較濃，公仔麵煮到岩岩好，好掛湯，好多花生碎，食落好香口👍🏻>瀨尿蝦乾：雖然佢用個迷你竹蘿好岩打卡，但蝦乾好鹹，就咁乾啪真係唔掂，要用黎送酒食先岩😭>流心奶黃撻：蛋撻係曲奇餅底，入面有鹹蛋黃，但有好多黃油流出黎，好x肥，我俾哂男友食😝>茶走奶凍：呢個比較有驚喜，奶凍滑溜，好香奶茶味，一擺出黎仲會出煙，打卡都幾好。決定下次去試下煲仔飯😆

我哋食咗個貴，仲難食過普通茶餐廳嘅沙爹牛肉麵。。 。超級無敵失望！入到去餐廳個裝修係幾型嘅，坐低望一望個餐牌，款式唔算多而且價錢偏貴，不過喺旺角貴租，d嘢食貴都好正常我哋分別叫咗個沙嗲什錦同沙嗲牛肉麵。雜錦有水魷，牛柏葉，豬皮。但黎到發現就係烚完d嘢撻pat醬上去，嗰三款野係完全冇味。。。然後個沙爹牛肉麵，個牛肉都仲可以接受，至少有味，口感食落算ok，但個湯底超級失望！都唔知係咪想我地試下枱上個4隻可以買番屋企嘅調味料，碗麵淡到爆！！明明沙嗲最重要係花生同埋香料嘅味！但入面係完全食唔到有沙嗲味！咁淡我咪落曬個4隻調味料，個蠔汁同come撈汁都叫有啲味，但蝦油同蒜油係超淡味！點加都食唔出有味。。。證明完全唔足料整啦。。。仲要$3x蚊支。。。超失望，78蚊個沙嗲牛麵，仲難食過我喺屋企煮個$4蚊出前一丁。。。真心無下次。。。

見樓下經常多人排隊，米試下。要羅飛。第一次食梗係食勻麵同飯。我地揀左個沙爹牛公仔麵（龍蝦湯）+ 金蠔乾蝦飯。檯面有好多自製汁醬可試。食牛麵時，職員介紹用蝦汁，都幾有櫻花蝦味。食飯時，我地試左撈汁及蠔汁。個飯幾多飯招，米飯亦好好食。佢地既煲比一般煲仔飯細少少，一人分量岩岩好。入座時，見好多人都叫左個流心奶王撻。要整15分鐘架。個皮係曲奇，超強牛油味。都可一試。*2100截煲仔飯，2130截煲仔麵。*成張單二百幾