神川日本料理

營業中

休息中

如果你唔介意餐廳冇裝修，但係食物質素係超水準的話，你值得去試依間餐廳。其實食咗呢間餐廳都好幾次啦，決定今晚寫返個食評俾佢。神川嘅廚師發板係別有用心，完全係為你度身訂做。食過咁多次都冇一次會失望嘅。如果想食呢間餐廳，記得預早打電話預約同埋同師傅講有咩想食或者對啲咩食物有敏感。

記得從前在香港大學返學，食物都是簡單的東西，最出名的就是當時的兩個姐姐，也是之前請坐的老闆。 再回到校園，感覺不同了很多，不過在驚嘆的是自從有地鐵以後，食物的選擇多了很多。 還記得大學的時候約女仔食飯係西環，吃日本野都要想過度過，冇番一千幾百，邊有好野食。 但今時不同往日。 西環不同的是，當中最進步的係打邊爐和日本菜。 神川日本料理，就是一間幾令人impressive 的地方。 不同與其他的廚師發辦，不是一個價錢然後你有什麼壽司什麼刺身或者什麼前菜，這裡的style更隨心所欲。 記得那天經過舊校園的時候，在附近餐廳吃過便飯，就選了這裡。 簡單叫了個發辦，同樣有多種不同熟食，刺身。 不過最驚喜的是多種不同刺身，魷魚海膽卷，三文魚，拖羅和鯖魚。 四種刺身的質素也很精美，特別是拖羅入口即溶的類別。 前菜也有驚喜，那時候吃的鮟鱇魚肝，完全冇想過有呢個驚喜，以咁平的set的價錢，吃到這樣的滋味，是不錯的。 當晚還吃了了不少熟食，價錢也只五百到位。 要說不好的地方，當然有，至少地方不會像那些貴價日本影一張坐得非常舒適，但一個家常菜的價錢，我覺得還可以接受。 有朋友說我常常寫貴價的日本野太離

小同約食飯，黎左呢間位於西環嘅omakase餐廳，特點係可以自由定價，然後師傅會因應定價黎幫我地諗有咩食，好特別👍🏻 因為未試過質素點，我地揀左$500一位試下先，如果好會再番黎。同其他omakase唔同嘅，除左係自己suggest價錢外，佢呢度嘅omakase較多元化，唔會淨係得壽司、湯、刺身咁。例如，今晚會有一貫係沙律、一貫係魚鮫、一貫係三文魚籽多士，全部都好食的。刺身超新鮮，真心好食。未試過喺omakase有一貫係沙律，可能有啲人覺得唔抵，但我覺得好好食！呢個多士都正，咸嘅三文魚籽配炸多士係完美配搭，冇得輸。如果你食omakase係求環境、求服務就唔好揀呢度。但以食物同價錢黎講，呢間好食得黎又豐儉由人，唔洗破產都食到餐好野，會再來的！

三人叫了500蚊的set前菜是鰻魚青瓜，非常清新海膽豆腐，神來之筆，想不到咁夾。和番茄芝士，味道由淡至濃，盡顯層次。魚刺身，點薑容同蔥，很喜歡薑夾魚的味道，薑的辣同魚的鮮味配得剛好。7款刺身，最喜歡海膽鮋魚，不同的鮮味在口中爆發出來。拖羅也是入口即融，欣賞小店細心講解食用的先後次序，最後的一件拖羅在之前的刺身襯托下回味無窮。魚子芝麻醬沙律菜，想不到魚子可以這樣襯沙律菜，自己也可試整。味噌燒茄子，自己是茄子控，大愛，很有風味。燒大蝦，有酒店水準。甜品，蛋糕，店俾得每人試一小杯梅酒，朋友說梅酒好易入口。有蚊滋，咬了好多口，癢了好幾天。

是日於工作中認識已久的朋友來家訪兩位主子，馬上看看有甚麼好吃，於OPENRICE找了5間沒有「喊樣」的小店，朋友決定試神川，早上1130決定碰碰運氣，訂個位～接聽的職員很有禮貌，並且很細心及有耐性解釋訂位的安排，最後決定試一試Omakase，看看每位$500-600的質素如何～小店位於第三街以上的水街，不留神可能不為意店舖的存在～ 店內大約有16個位，店子小小的，幸好是晚只有我們及另一檯客，相當寧靜～先點清酒，餐牌上的不是最時令，還好他們建議直接把店內有的清酒拿出來，最後挑了這瓶生酒吟釀，入口不太甜亦不會辛，有點點無濾清酒的感覺，現時這個天氣冷喝確實不錯～師傅放下前菜後細心介紹及進食次序，由左至右為漬物、海膽豆腐魚籽、蕃茄cream cheese，前菜入口清新，海膽不會很creamy，反而帶點點清甜味道～刺身拼盤，沒想到份量這麼多，共有7款厚切！師傅介紹後亦很細心提我們進食次序，其中最為欣賞的是帶子灑上青檸汁後沾海鹽吃，入口清甜，很有夏天的味道；海膽墨魚卷入口creamy且有香甜的海膽味；最意想不到的是有厚切中拖羅及大拖羅，魚油甘香！日本蠔可選擇生吃或網燒，點了生吃，比想像中大隻，配以

環境是有夠樸素的，沒有什麼環境的氛圍，不過不收加一，服務態度也還行，就接受了吧。被廚師推薦500一人的，要不他說便宜點的沒東西好吃，也吃不飽。感覺不強制高消費但是也勝過高消費了。前菜幾道還行，味道很鮮美，但太少了份量。到後面的fusion主要飽肚子的，但是菜式就很雞肋，炸雞排感覺出現在這裡不和價格和omakase的期待，還有卷物也有點濫竽充數。食材是夠新鮮，但份量少，最後老公也沒吃飽。後面想再點菜吃但是太晚了要關門了就作罷。

同男友去慶祝周年紀念 預早book左夜晚omakase 師傅好細心 會問清楚你既飲食喜好同budget 再度身為客人準備唔同既菜式男友知我極愛海膽 所以就order左成板海膽 當晚用左成板海膽整海膽杯 海膽好鮮甜 無腥味 兩個食一板都唔會頂胃刺身好新鮮 有肥美既拖羅 魷魚紫蘇包海膽卷 蝦 三文魚等等基本刺身 師傅有建議刺身既進食次序 但我就隨自己中意咁食 無跟另外有成條魚刺身 唔記得叫咩名 配薑食都幾特別 多士跟魚子（都係我最愛）同用吞拿魚整既source 兩個人食唔曬咁多件多士 好飽軟殼蟹沙律好青新 呢個都係佢地既招牌沙律 好開胃！軟殼蟹卜卜脆最後有慢煮牛 唔記得影相 第一次係日式餐廳食慢煮牛 牛肉好腍 份量都多 因為最後一道菜黎 我地已經飽到食唔曬 甜品係豆腐雪糕加培茶cheesecake 由於飽得濟 我地只係食左雪糕 全晚大約有7/8道菜 食完真係超級飽 每樣菜都好滿意 師傅每上一道菜都會介紹 雖然環境唔高級 地方細細 但就有賓至如歸既感覺

閘蟹 海膽豆腐 番茄加芝士呢款前菜非常之特別，首先左邊望落去係一個炸嘅小閘蟹，食落去唔單止面殼都食得最重要嘅係竟然會有香味，而且好爽脆，味道偏濃。建議食呢款菜由左至右開始食比較好，跟住係海膽豆腐，基本上出面既店，都一定唔會好似呢間店咁樣整呢個海膽豆腐唔單止口感係同豆腐一樣，但同時間佢都會帶出海膽嘅鮮味，甚至會覺得佢呢個海膽豆腐仲好食過真正嘅海膽。最後，番茄加芝士，番芳係選用細細粒既生車厘茄，加埋芝士鹹鹹地又會甜甜地。食完你三道餸，基本上你都會覺得好開胃，甚至乎會為你既味覺帶上不一樣既刺激。清心苑白飯魚清爽又鮮甜加埋少少醬油連埋呢一個嘅姜條一齊黎到去食，食落去唔會好腥，而且個口感既配搭同平時食既白飯魚既感覺好不一樣。刺身拼盆呢度嘅刺身拼盤最值得推介，個魷魚海膽，實在係太好食，首先魷魚包住個海膽非常有咬口，鮮味一湧而上，然而加左一塊好特別既葉，只要一咬到佢，就會帶出海膽既鮮味，味覺會感到清新脫俗。另外，呢到三文魚，係用頸既部分去做，食到咁上下既時候，舌頭既中間位會感受到一種油油又不油膩既口感，係我從來無食過。銀雪魚，食落去亦都好特別，咬落去好似食緊一個肥肥地嘅豬肉咁樣，但同時你又會食到海鮮

雖然自己家住西環，不過好少過水街果邊食野，心癢癢又想再食OMAKASE，碌下openrice見到屋企附近嘅「神川」有做OMAKASE，即刻約同樣住附近嘅中學同學試一試！有樣野真係要讚一讚，師傅會事先詢問客人有無咩唔食或者特別要求，務求每一道菜都可以得到客人嘅歡心！神川舖面唔大，室內大概坐到10多人，室外terrace位就得3個左右，舖面細細，以居酒屋形式，感覺更親切！第一道嘅前菜賣相已經非常精緻，左起嘅「醋海草配三文魚鼻」酸酸的帶起客人嘅味蕾，而且魚鼻夾脆，口感特別。中間嘅「海膽豆腐配三文魚籽」將海膽融入豆腐內，香濃幼滑，而最右、帶點西式fusion感嘅是「有機蕃茄配忌廉芝士」，正！接下來就到刺身喇～第一道係沙甸魚刺身，配以薑蓉同蔥花，再蘸上小小酸汁提味。第二碟就有總共有7款刺身，左至右食。最左嘅係池魚，有別於一般嘅網撈，神川採用嘅係手釣嘅池魚，油分較多，肉質亦較為紮實；而左前嘅為三文魚頸，油脂分明，正！右面有燒過魚皮嘅竹莢魚(前)、吞拿魚、中拖羅，以及竹蘿上面熟成左15日嘅大拖羅，真正一啖一滋味！最後右後嘅海膽墨魚卷，中間包住紫蘇葉，煙un有咬口。 然後就係「黑松露水菜沙律」。水菜有

lee度係我同老公成日黎既然地方老闆好有心幾,omakase同平時普通丼都食過…冬天仲有sukiyaki…小店黎講真係好努力... 食材新鮮, 就算隔離食緊omakase但係唔敷衍食al la carte既客人本人最愛魚鬆飯, 滑蛋牛丼D牛肉好正, 有牛肉味同厚cut之前同朋友 omakase老闆比好足料架 唔會擔心食唔飽牛肋骨好食,但係覺得可以考慮用美國牛 本人鍾意牛味濃郁的美國grass-fed牛多士配飛魚子同唔記得咩魚係超級好食…omakase建議打電話去booking,老闆會好細心咁問鍾意食咩,有咩唔食然後介紹

最近筆者愛上了到港島西區覓食，皆因那邊近年因地鐵通車後而變得食肆林立，而且當中更不乏特色小店，實在值得去探索一下。前陣了來到水街上段一間日式小店，店內採用了類似傳統的居酒屋裝潢，古雅整潔，店子小小只有約4-5張餐桌，但一點也不覺擁擠，反而縮短了廚師與客人之間的距離，互相即興交流，很有地道日式小店的在家風味。選擇小店的其中一個原因，是這裡有提供一個廚師發辦套餐，有齊前菜、刺身、沙律和主食，價錢只是$500左右，看來十分吸引，當然要試一下啦。首先登場的前菜三小碟。三文魚軟骨配青瓜片，師傅選用了外邊較少吃到的三文魚軟骨配上薄切青瓜片，佐上自家調製的酸汁，入口軟彈帶嚼勁，青瓜和酸汁的清新酸香辟去了腥味之餘亦令整個味道變得更清爽開胃。醃漬螢光魷魚配麵豉醬汁，原隻新鮮螢光魷魚經醬汁醃製過後，入口Q彈，濃厚鹹香，咬破魷魚桶身的刹那，膏香在口內瞬間爆發，甘香醇厚，那種美食實非筆墨所能形容。海膽豆腐配菊花海膽三文魚子，師傅以海膽汁製成嫩滑的海膽豆腐，驚喜的是海膽味十分突出，佐上甜美的鮮海膽和鹹香的三文魚子，幾種味道融合後的鮮甜滑溜在口腔縈繞不散，實在特色出色。手釣池魚刺身，手釣池魚價錢較網捕的貴上一截，

今日是和hubby相識33年，當然要吃一餐好的慶祝一下。這間日式小店裝潢簡潔平實，面積不大坐位不多，所以一定要先訂枱。客人只雖告訴廚師你的消費預算，可以$350、 $400、$450或$500如此類推，便可享用廚師拍板。今日我們是$500一位，廚師會和客人溝通，很耐心解釋每一道菜的食材和製法。食物美味又特別，價錢又平民化，還免加一，真的值得一試。三款前菜也很精緻，左邊的是青瓜三文魚鼻軟骨，第一次吃三文魚鼻軟骨，很爽脆，配上酸酸的汁和青瓜，很開胃。中間的是用麵鼓醬醃瑩光魷魚， 很喜歡這種醃漬食法。右邊的是海膽豆腐，把海膽加落豆腐內，上面再加新鮮海膽、三文魚籽和菊花瓣。全部都很特別和好味。宮城白魚刺身第一次吃白魚刺身，口感不錯很特別。沙甸魚刺身平時都是吃罐頭茄汁沙甸魚，原來沙甸魚都可以做刺身，一點腥味也沒有，本身味道較淡，加上薑蓉、蔥花和特製酸汁，令味道提升了。雜錦刺身刺身全部都是厚切，有竹籤魚、北海道銀鱈魚、大拖羅和三文魚頸。銀鱈魚鮮甜滑身；大拖羅肉質柔軟肥美入口即溶；三文魚頸可比美三文魚腩，一様很肥美；最特別是竹籤魚，用火槍炙燒魚皮，迫出魚皮的油脂，充滿油香。黑松露水菜沙律爽脆的水菜和

這是一間面積很小的小店, 記憶中整間餐廳只有3-4組桌椅, 但已有兩位廚師和一位侍應姐姐為我們服務! 清酒: 不會太酒精味道, 充滿米香, 而且酒色很清澈, 帶一點點香甜的...  おまかせ開動!!! 吃日本料理時, 上菜次序一般是: 按食材味道的淡味吃至濃味, 涼食吃至熱食... 第一道菜: 這是三個小前菜, 它們都很精緻, 前菜小巧精緻, 合格!!! 海膽真的很很很(((鮮)))(((甜)))!!! 第二道菜: 章紅魚刺身都很新鮮, 充滿光澤!!! 第x道菜 (((主菜))): 吞拿魚腩燒得很焦香, 吃多了會膩, 因為油脂真的太豐富了... 第三道菜: 一整尾的池魚刺身, 同樣地很新鮮, 廚師先生的刀工很好, 每片刺身厚薄都很平均!!! 第四道菜: 雜錦刺身四點, 刺身都很厚切!!! 魷魚海膽卷, (((鮮甜)))無上限!!! 第五道菜:蟹籽沙律沒有特別! 第六道菜:炸豚肉卷物, 外脆內軟, 不錯!!! 最後一道菜:薑汁芝士餅, 芝士味道比薑汁濃厚, 本人不喜歡(((薑)))這東西, 不予置評了...

約咗朋友去食廚師發板，實在太高級所以不得不分享！雖然地方唔係好容易搵，但係都多人嚟呢度食嘢。呢個係前菜， 一碟是有海膽同三文魚子，非常清新; 中間嗰碟好爽口的；左邊嗰個就係三文魚下巴，酸酸地又爽口好開胃。沙律除咗有好多沙律醬之外表面仲有蟹子，食落去口感非常清新而且開胃。刺身方面由有三文魚、吞拿魚、銀鱈魚 、竹簽魚同埋魷魚包住海膽。三文魚好肥美；吞拿魚其實係拖羅部份入口即溶無筋非常鮮味；銀鱈魚非常滑身又香甜、最特別係魷魚包海膽，兩者配搭相得益彰令口感非常豐富。透明的刺身魚口感爽口彈牙，味道比較清新唔會有好重嘅魚腥味。吉列這個口感外皮比較香脆，達致一個十分豐富的味道和口感仲有個燒魚，如果冇記錯好似係吞拿魚尾，燒得好香，分量十足而且質感都OK滑！食到停唔到口。甜品係薑汁芝士cake，本身芝士會比較飽肚，但係加上左薑汁少少清新嘅香味之後，令到個味道中和左，食完都唔會話太過膩。

友人很好, 知我喜歡去high tea, 故每逢長假期都會帶我去不同地方tea一tea, 聖誕假期去了淺水灣, 而今個復活節就去了尖沙咀, 仲要吃我最喜歡的抹茶。為了答謝她的悉心安排, 今晚輪到我請她吃飯作為答謝。知她一向對廚師發辦很有興趣, 其實我自己都極喜歡, 今晚有藉口俾自己享受一下, 哈! 帶她走進一個她甚少踏足的地區, 就是我很喜歡的西環。今晚來到一間較隱敝的日式小店, 門面簡簡單單, 設有兩張露天座位, 感覺很寫意。走進內裏, 地方小小, 只設有五張二至四人枱, 而最入端就是開放式的廚房重地。灰泥的牆身貼上幾張日本海報和有關店子的報導, 裝潢簡簡單單, 平實簡約。除了廚師發辦外, 亦有單點菜式, 分別有小食、沙律、玉子燒、燒物、刺身、卷物、軍艦、壽司、丼、拉麵等等, 店子雖小, 但選擇不少。不過, 今晚一心只是想着違久的廚師發辦。******************************第一道三式前菜, 由清至濃吃，左邊是三文魚鼻軟骨；中間是帶子裙邊；右邊是海膽豆腐。爽口的三文魚鼻軟骨 配上清爽的青瓜薄片 和爽滑的昆布，味道酸咪咪，正好用來打開胃仔迎接陸續出場的菜式。帶子