神川日本料理

營業中

休息中

一間𣎴起眼的小店，原來三個月前才開始做廚師拍板 (Omakase), 事先跟店預訂好budget ，㕑師就會幫你預好最新鮮食材。前菜為芥辣螢光魷魚，三文魚鼻軟骨青瓜和海膽豆腐，很開胃又鮮味。之後再上小吃沖繩縣白魚，口感不錯。期待的刺身併盤包括沙甸魚，青魚深海池魚， 三文魚，吞拿魚，銀雪魚，吞拿魚腩，海膽魷魚，很新鮮而且口感很滑。再來一客一夜乾馬頭魚，炸吞拿魚骨，澳洲慢煮牛肋骨， 中拖羅壽司 。。。廚師好願意跟顧客溝通及解釋，氣氛好又吃得很滿足，cp值超高的一餐。

每次想食刺身都會諗起呢間小店從來都唔會令我失望。仲要次次都有驚喜 賢師父佢超有heart。啲菜式又成日創新令我地次次都食過番尋味佢地成日都有唔同既刺身。有時仲會有唔同食法 神川已經成為左我同老公既日本野食既飯堂今次第一次食呢個一夜干烤魚 好surprise r條魚好滑 好有鮮味 外皮又脆脆地 基本上係對一條魚既要求全陪都齊晒下次黎要早啲頂先得 見倒隔離枱食慢煮牛肋條 同焗拖羅 隔離枱話好好味呀奈何我地得兩丁友。食唔倒咁多。下次約埋多啲人再食晒佢地

第一次食omakase, 我見呢間平民化啲，價錢有平有貴，我就揀左中價$500 per head試下食物質素係幾吾錯咼！最中意係師傅耐心解釋每一道菜式真係令到食落口有feel d頭盤: 日本介蘭，配埋個芥末醬，爽甜！另外第一次食倒海膽味豆腐，好食特別！之後就到我至愛嘅刺身，分別有手捉嘅喜之次，師傅話手捉質素好啲仲有個刺身併盤，樣樣都好鮮甜，但值得一提係超肥美魚油香嘅toro,仲有超中意佢個魷魚包住薄荷葉加海膽，真係perfect嘅配撘！仲有值得一提佢個南瓜署容真係超好食，不過我吾記得左影相跟住就食左個豚肉卷，真係炸得好脆！最後個慢煮牛都整得吾錯，雖然有少部分位置蟹口啲，但整體都好腍，配埋個柚子粉都幾好食！最後師傅送上柚子芝士蛋糕，真係幾好食，又吾漏！推介

家姐於上環既壁畫終於完成為左慶祝佢畫左5日終於完成因為佢好鍾意食日本野我就搵左神川同佢慶祝一下神川位於較靜既位置但行上去都幾方便店沒有特別靚既裝潢簡約平實牆上用黑板寫住'用心製作既美味又驚喜'令人更加期待Omakase 係唔會知道師父為你安排d咩每一次食嘅時候，都係懷着期待嘅心去迎接每一道菜而呢一間廚師發板同一般食嘅有好大分別大約7成嘅菜式會係熟食先上前菜由左食起 醋醃海草三文魚鼻 味道非常特別 三文魚鼻比較爽口帶子邊裙 海膽豆腐 豆腐有濃郁既海膽味 好好食👍🏻食廚師發板邊少得食魚生侍應好體貼咁教我地由淡味食起以及每一款魚生嘅食法1.青魚 不加鼓油 沾小小Wasabi就可以食到佢最新鮮嘅味道2.赤貝鮮甜3.池魚好肥美4.三文魚頸位 無三文魚腩咁肥 但比起平時食開既三文魚部位 味道較濃5.中toro，未去到入口即溶嘅境界，但係魚香味比較重，超讚6.魷魚海膽，海膽非常之甜7.大Toro，好重魚油！入口即溶😍食完前菜及魚生就開始嚟熟悉澳洲牛肋骨以慢煮方式烹調左8小時肉質爽口😌呢個吉列卷好特別用左和歌山南高梅加入豚肉及大蔥每一啖都有好香濃嘅豚肉味之外仲有酸酸meimei 既梅味幾特別南瓜薯仔沙

OMAKASE？如果你係日本菜FANS定必知道係咩黎，假如少留意都唔緊要，等我呢篇文帶你去食一次OMAKASE！OMAKASE即係廚師發辦，可以話係日本其中一種既飲食方式，你諗唔到食咩？唔緊要，廚師會幫你諗，一般係香港食既OMAKASE都偏貴，而今次到呢間位於西環既「神川」就主打平民路線喲！你講低你既BUDGET，廚師再為你發辦。小店不大，座位幾枱，怕冇位既可以早小小黎 我就試左$ 500 /人既OMAKASE，一共有六道菜式首先有頭盤：由左至右，分別係日本芥蘭，帶子裙邊，海膽豆腐日本芥蘭好爽脆，配上芥末，令人開胃;帶子裙邊同樣爽口;海膽豆腐好特別，豆腐上配有海膽同菊花片，唔腥而且嫩滑，仲齒頰留香。第二道菜 - 沙甸魚刺身師傅（老闆）介紹要將沙甸魚卷住伴上既蔥花同姜蓉，本身沙甸魚刺身味道較淡，同蔥花，姜蓉一齊食提升左渠既鮮味。第三道 - 刺身拼盤師傅介紹先後進食既次序，分別係(a)紅衫魚，(b)赤背，(c)池魚，(d)魷魚海膽卷，(e)三文魚(頸)，(f)拖羅，配上自家生磨WASABI紅衫魚同赤背新鮮彈牙; 池魚用上熟成3日做刺身，肉質鮮嫩好多;魷魚海膽卷特別於內層卷上左紫蘇葉，先有海

位於西環嘅小店主打廚師發板，唔好以為少點就食唔到新鮮嘅食材係呢度嘅食物真係非常新鮮。呢度唔係食裝修嘅地方而係真係食佢食埋啲品質，師傅有講有笑所以一定會返轉頭再食佢新鮮嘅食物。先來頭盤，最喜歡佢嘅安康魚竿當時係最當做嘅，配合少少嘅調味上面亦都有姜戎同埋䓤。肥美亦都充滿香濃嘅味道。另外日本海草亦都大有驚喜，非常開胃亦都有醋味道非常喜歡佢嘅沙律份量好大而且非常開胃，另外仲有番茄仔同埋洋蔥，新鮮非常清新。另外呢道菜亦都別有特色因為佢係用一塊塊自己切好嘅麵包，每一件都看過而且上面的都是調味過。旁邊配合三文魚子同埋吞拿魚茸，玩得又食得非常好味。今晚嘅刺身亦都不錯，日本人鍾意食吞拿魚，大家都知，平時食得最多，都一定係赤身、拖羅，最喜歡佢嘅吞拿魚，充滿油脂，而且好大件。每次食日本菜都覺得新鮮嘅服務同埋師傅嘅服務都好重要，呢道兩樣都做到！唔到早晨咁有驚喜，鹽焗魚有佢嘅鮮味同埋甜味，肉質好彈牙而且唔會太多骨所以食落去啖啖肉，鍾意食刺身同埋食熟悉嘅客人都可以提早打電話問定師傅今日有冇靚嘅魚呀！自家製嘅芝士蛋糕一樣落足心機，藍妹芝士蛋糕上面亦都有好多藍梅！師傅嘅用心同埋食物嘅材料都令我想之後再食多次，小店要加

穩世好味又抵既omakasa,師傅好有心！下次一定再光臨！魚子馬糞海膽青瓜豆腐：層次分明，魚子大大粒，馬糞海膽好似蟹膏十分香口，配上豆腐一小編青瓜，味道恰到好處。2，刺身拼盤：有池魚，牡丹蝦，三文魚，中吞那魚，吞那魚尾，魷魚筒加紫菜海膽，池魚鮮味十足，牡丹蝦非常大隻，成隻手指咁大，非常新鮮，三文魚魚油非常多入口即溶，吞拿魚魚,尾加自家製醬油再加上芝麻粒味道非常特別，中吞拿魚加少許Wasabi在家日本豉油，入口即溶，魷魚筒紫菜加上海膽，非常美味。3，冰鎮菜，日本番茄：冰鎮菜＋3種不同的醬料，分別是自家制豉油，沙律醬，小艷，番茄加冰鎮菜再加以上醬汁，冰鎮菜爽脆，番茄來自日本，連番茄皮都可以食，非常新鮮多汁。4，BBQ馬頭魚，先行用醬汁，酒，鹽先行葉制兩個小時，然後風乾八個小時，細火慢焼，肉質結實，非常有餘味，這道菜是傳統日本菜式。5，日本雞扒加薯蓉，雞扒是來自日本九州，燒烤至九成熟，肉質鮮嫩，多汁，外皮香脆，口感恰到好處，薯蓉10分好味。6，蕎麥湯麵，蕎麥面來自師傅由日本親自訂製，加上豉油湯底，上面有炸粉，蕎麥面非常爽口。7，檸檬柚子芝士蛋糕，柚子皮，芝士味十足，加上柚子皮非常特別。整體而

一聽到廚師發板就會用「貴」字黎形容，但早前經住在西環的朋友介紹之下，去到一間比較唔起眼的平民價的廚師發板，朋友就為我預約了來試試！廚師發板是要預先訂位，廚師先可以預早安排及準備食材架！店舖小小，座位不多，沒有華麗的裝潢，很佈置很有日本風味！前菜：前菜是冷盤，左手面先日本海草，上面白色的珊瑚，白色的珊瑚質感柔軟，但沒有什麼特別味道，而海草配上微酸，海草十分爽口彈牙，好開胃！而魚肝比較都比較備咸，上面有點蘿蔔蓉可以減去其魚腥味，好特別新鮮！刺身：平時食刺身拼盤都係大路三文魚果類，不過今次廚師就為我地準備左一D另類同平時好少食到的刺身，分別有汁煮吞拿魚、鯖魚、甜蝦、墨魚海膽卷及北海道三文魚～汁煮吞拿魚是有一拌著惹味的醬汁及蔥花混入吞拿魚刺身，切成條狀十分易入口惹味，吞拿魚肉質十分嫩滑！而另一個比較特別的是墨魚海膽卷，口感對比強烈，海膽十分新鮮，而墨魚亦都好易咬開！甜蝦都特別大隻鮮甜，沒有腥味！北海道三文魚跟平時橙色的不同，好特別鮮嫩～而第一次生食鯖魚又唔錯，口感十足，入口肉質比較爽甜！日本蜆：日本蜆雖然小小的，不過廚師輕輕燒過，原汁原味，好鮮甜，不加任何調味都已經好好味～甲羅燒：這份甲羅燒十

生日同男朋友去呢間日式小店食omakese。坊間嘅omakese都係壽司壽司加壽司，no offense，但食嘅都係新鮮食材，時令刺身，師傅嘅功力唔太食到。用左咁多年開飯，今次呢間餐廳令我打左人生第一次嘅食評。我地比左嘅budget係$650@1，究竟食左咩？唔廢話，想睇嘅繼續睇落去！第一道(近自己嗰邊  左至右)三文魚鼻  中間忘記左咩名  右面係面豉日本芥蘭  前菜非常好食酸酸地 係大眾可以接受嘅範圍 十分開胃 每樣都好精緻好好食 前菜已經食到師傅嘅誠意 最好食嘅係三文魚鼻  小小爽  小小煙un  幾難忘第二道沙甸魚刺身配薑蓉 對沙甸魚嘅認識係罐頭茄汁沙甸魚 冇諗過沙甸魚刺身係咁滑 入口冇腥味 真係食到魚味 第三道刺身拼盤 我盡力打返係咩刺身 左手面係即開原隻帶子刺身 唔係冰鮮 好甜之後嗰款魚唔記得左係咩名再之後好似係池魚(冇記錯嘅話)跟住係三文魚魚腩 有蔥嘅嗰碗係吞拿魚尾 自家醃製 最後最中間嘅係拖羅一句講晒 去過築地都冇食過咁好食嘅刺身唔係大路食到嘅刺身每一款都真係好鮮甜 尤其係吞拿魚尾 師傅話呢一個部位好多功夫要切晒魚尾嘅筋 又要用豉油醃製不過講咗咁多食到嘅都係好味同埋好

師傅好好人 會細心解釋食材點處理 、每道菜既特別之處 同埋食法，睇得出師傅對食物既要求同埋用心。木魚配菜、魚肝菜入面有d黃芥末，呢個係師傅即日創作既一道菜式；酸梅汁配魚肝真係好夾 好開胃 䱽魚刺身片 好新鮮 彈牙 煙韌同埋好甜 加少少檸檬汁更好味刺身拼盤 好豐富 同埋吸引，其中比較深刻係鱈魚、拖羅同埋墨魚海膽卷全部都好新鮮而且師傅嘅刀工幾好。鱈魚用火槍燒過 好香中拖羅 比其他地方食個d更加厚 好甜 入口即融魷魚海膽卷超級特別，魷魚同海膽中間既紫蘇葉令呢道菜增加咗層次，有畫龍點睛既作用，另外魷魚好爽口、海膽好甜鱈魚 左口魚壽司鱈魚同左口魚都好鮮甜，最鍾意食有油脂嘅壽司咪油嘅香味真係好正冰菜 配番茄 超正冰菜好爽番茄好甜 超多汁 平時唔多鍾意食番茄的我都愛上了師傅特製一夜燒 一夜燒好花時間處理，係師傅最近先開始重新開始製作既菜式，睇外表以為d魚肉會好乾，但係食落先知原來係好甜 好嫩，師傅話每個客食完都讚不絕口燒雞雞肉好嫩 師傅燒到8-9成熟，另外雞皮加咗海鹽落去燒 有d脆 夾埋好香口，一定要配埋沙律醬一齊食蕎麥麵 望落簡單，但係好考功夫，麵質好彈牙，湯好好飲！柚子檸檬handmade ch

從未試過omakase, 朋友介紹呢間抵食，就試一下，果然有驚喜！前菜係酸醋海草加山芋蓉，微酸彈牙的海草好開胃！跟住係刺身，好新鮮，尤其青檸鹽花將帶子既鮮味更加突出，魷魚包住海膽口感倍增！之後有兒童都岩食既八爪魚丸和漢堡+薯茸，要特別提到個薯茸，好creamy 之餘仲加入好清新的青瓜片和蛋白粒，令到薯茸口感和味道都有多重感受，簡單食物都感受到師傅對食物既認真和著重細節。不得不提是一碟馬頭魚一夜燒！條魚係加入了糖，鹽，醬油等的調味料醃了‘一夜’再燒的，可能是醃得耐，魚質變得好挺身彈牙，魚醃了味道剛剛好，連我呢個平時出街唔會叫魚食既人都覺得好好食！最後是青瓜玉子蟹子卷，看似平平無奇既壽司，一食落口，飯不黏，青瓜爽，食得出功架！聽說師傅是在高級酒店/餐廳做了多年，還很有熱誠地介紹每碟餸的特點，今晚晚飯每人300還要是免加一，真的是小店的價錢，大師的質素！

大家有睇過深宵食堂都比老闆既熱忱感動到呢間店係我覺得超似深宵食堂既一間小店店既位置都地點都好唔就腳下, 如果唔係係附近上班都唔知有呢間店之前食LUNCH已經見到有呢個好得意, 就和友人一起去預約告知預算是每人500, 其餘的事就交給廚師了每次吃廚師拍板的都會又緊張又期待海草 魚肝呢個海草湯係凍凍地既, 海草比起其他店食到既更爽口同埋鮮味十足!!! 估唔到第一道菜就已經咁SURPRISE!! 而魚肝既口感有少少粉, 同佢既醬汁十分配合, 勁厚勁有口感八角魚, 原隻赤貝, 三文魚腩, 吞拿2款擺碟好精美, 平時好少食到既八角魚都有, 個人黎講最鐘意食既就係三文魚腩, 一放入口油脂味極香濃, 但入到口又唔覺得好油膩, 三文魚腩爽滑之極, 不用點醬油已經好夠味!!!水菜蔥頭溫泉蛋我食咁多餐日本餐廳都未見過有類似既菜式可以點, 廚師表示呢道係一道FUSION菜, 係佢自己創作既, 想不到又幾特別!! 比我想像中更加既好味, 水菜呢道菜色本身係香港就已經好少, 但佢爽脆既口感真係一食就難以忘記!!!吞拿魚卷物每一塊都FILL滿了厚厚的吞拿魚肉!! 醬汁, 吞拿魚, 飯團都互相配合著, 望住每塊都有

依家小店係朋友介紹，專程Book位過黎試下。出面食Omakase係一個好貴嘅野，但呢度五百蚊一位就可以食到。今晚黎到已高朋滿座，要等一陣安排座位。前菜：日本海帶配鵪鶉蛋同安康魚肝。由左至右開始食。日本海帶配鵪鶉蛋：冷盤，酸尾尾的，好開胃。安康魚肝：冇腥味，與其他肝類既食物作比較，佢既魚肝冇咁膩，配上青蔥更突出魚肝既鮮味。秋刀魚刺身：9至12月係秋刀魚盛產既月份，所以口感肥美及豐富，有質感，但要配合適量既薑蔥同特製嘅酸汁更可蓋上魚本身既少少腥味。刺身拼盤：牡丹蝦、原隻帶子、吞拿魚頸同海膽魷魚卷。由左至右開始食。不得不提及一下佢既Wasabi好新鮮，帶有辛辣味。刺身好新鮮，牡丹蝦同帶子好大隻。吞拿魚頸口感豐富，重油脂味。海膽魷魚卷中有薄荷葉，我個人覺得蓋過左海膽既味道。三文魚籽、吞拿魚蓉、香草多士：有趣的Crossover，將三文魚籽同吞拿魚蓉塗滿係多士面黎食，估唔到咁夾，好好味。黑松露日本水耕菜：日本版火箭菜，好新鮮同爽口，配上酸味味既柚子汁同黑松露，清腸胃既感覺出現。日本雞扒：來自日本雞，師傅煮到九成熟。佢叫我地唔好怕雞皮，要連皮點沙律醬食，雞皮超香口，有少少濃濃地，反而更覺惹味，雞肉

今次同媽媽黎到西環嘅一個隱世巷仔食日本菜～～聽朋友介紹佢地係做比較特別嘅Omakase 唔係一般要用上千幾蚊 而係客人講自己嘅人頭budget 師父再根據個budget配搭時令嘅材料去煮菜式😯😯.我同媽媽都係第一次呢種Omakase新體驗 我地決定set 500 budget☺️試下呢款新式omakase 由師父拍板～.前菜有兩小碟～一邊裝住蘿蔔一邊裝住魚肝!呢款係昆布煮蘿蔔 用上麵豉作調味 食落清甜無渣 好味啊！另外一款係鮟鱇魚肝 面頭加左柚子作點綴 令到食落鮮甜 無腥 食到魚香入口即融.之後就係刺身有赤貝 咬落非常爽甜～鯖魚加上香蔥 好新鮮 蔥薑襯托重口味嘅鯖魚超好味！海膽墨魚卷 彈牙墨魚緊緊捲住海膽 中間用上紫蘇葉 令味覺層次更豐富～仲有肥美嘅三文魚同中toro.之後係大根沙律 上面灑上木魚絲同芝麻醬 啲蘿蔔係薄切 食落爽口帶甜 超難忘！😍.一個辣三文魚蓉反卷嘅卷物中間除左夾住三文魚蓉外 仲加上炸蒜 咬落中間脆卜卜辣勁十足 真係好惹味💓.鹽燒吞拿魚鮫 真係第一次食～啖啖魚肉都散發住魚香💓魚質超嫩滑 烤得陣陣炭燒味 超和味！點上柚子醬油 平衡左魚膩感👍🏿.最後師父端上一份豆乳鍋 去暖

話說聖誕假黎到最後一日，其實已經食咗好多好嘢；等着要寫食評。但係呢一篇啦，必定要寫先。因為佢哋嘅服務態度實在好好。最後一日懶惰啦，所以唔想出街啦。就叫咗網上外賣平台。本來點左幾樣食物當中包括一個滑蛋牛肉飯。但係落左單之後幾分鐘，呢間鋪頭嘅店員就打電話俾我啦。因為佢哋鋪頭嘅牛肉賣晒，所以問我好唔好轉雞或者轉豬。但係禁啱我老公呢淨係鍾意食牛，所以我問佢可唔可以轉鰻魚飯。我都唔介意加多＄20嘅。但係呢因為網上外賣平台個系統唔可以隨便改單，一係呢就要成張單cancel咗再由頭點過，係相當之麻煩。然之後店員就話唔緊要啦，係佢哋冇牛肉，但係又冇將餐牌改正，比我落左單，所以佢哋免費將個牛肉飯upgrade貴$20嘅鰻魚飯。我相信比着第二間餐廳就會逼你一定要轉雞或者一定要轉豬啦。事不宜遲即刻嚟去片睇吓啲食物呢個係餐牌上邊星星推介嘅其中一款魚生飯。的確係非常之唔錯！個海膽可以見到係非常之廷身，絶唔會溶到一pat pat嘅海膽。三文魚魚生係入口即溶，魚油係非常之豐富。所以入口非常之滑溜！另外值得一提係佢嗰啲日式嘅珍珠米飯係做得好好。佢個米飯係有煙韌嘅咬口，而且有飯嘅甜香。加上富日本香甜醋嘅味道，係非常之醒