神燈海鮮酒家 (V Point)

營業中

休息中

神燈海鮮酒家在銅鑼灣開新分店，佈置採用中式設計，中式檀木家具，及高掛大紅燈籠，營造古典的東方韻味。坐在帆船設計的卡位，充滿古樸優雅的氛圍，隔間設計，融合中式元素，提供舒適的用餐環境。黑松露燒鵝燒鵝外皮油光亮澤，入口酥脆，肉質鮮嫩。燒鵝以黑松露醃製及風乾，帶有濃郁的松露幽香。肉汁豐潤，肉質軟腍細嫩。黑松露的獨特風味，中西融合的烹調方法，讓每一口都充滿層次感，充滿驚喜。糯米炒糕蟹金黃色的糕蟹讓人垂涎，蟹殼內有澎湃的蟹膏，入口稠密鮮香。糯米煙韌，蟹肉的鮮香渗透糯米飯中，蟹肉香甜鮮味，濃厚滋味，讓人一口接一口。蜜汁燒脆鱔燒脆鱔口感酥脆，邊緣微微焦香，鱔肉札實、富彈性，蜜汁的香甜味道洋溢，啖啖惹味鮮香。伊比利亞叉燒肉質肥美厚身，傳來陣陣炭燒香氣，入口脂香豐盛，純純的肉香，配合一點點的焦糖化，令人回味無窮。濃雞湯脆米海皇粒粒泡飯雞湯香濃醇厚，襯熱把炸米倒入湯中，等待數秒後，炸米吸收湯汁精華，微脆惹味。湯內裡有帶子、彈牙蝦肉，美味鮮香，每一口豐富滋味。

呢間酒樓環境太暗，茶壺很重，斟茶斟到手都攰，侍應服務態度麻麻。🌷富貴瀨尿蝦餃裏面真係有一隻瀨尿蝦，瀨尿蝦味道較淡，唔覺得特別好食。🌷魚翅蟹肉灌湯餃個湯濃郁，真係有一排排魚翅，食完個餃都唔會太飽滯。🌷藥膳滋補雞腳雞腳入味，唔會有太濃的藥材味，食完個唇會有啲黏黏地，有膠質。🌷蛋黃千層糕白色部份的包太多和厚身，而蛋黃碎和冬瓜蓉個層則太少，比例唔均勻，口感唔鬆軟，比較乾身。其實酒樓有蛋黃千層糕，我都會叫黎食，因為我真係好鍾意食，不過暫時都未食到以前的味道。如果你有好介紹，話我知吖！

佐敦「神燈海鮮酒家」屹立佐敦多年出名食懷舊粵菜，最近酒家於銅鑼灣登龍街開分店，同朋友試下去銅鑼灣神燈，估唔到平日座無虛席 入到餐廳，中式雅致裝修設有貴賓房，仲有卡位，感覺好舒服，真係適合朋友聚餐或者家庭聚會  精美茶壺，竹卷menu好有特色，餐廳有卡位坐得舒服 蜜汁脆燒鱔燒鱔外皮燒得好香脆，食前加試少少檸檬汁酸酸甜甜去油膩感好開胃即燒伊比利亞叉燒皇伊比利亞豬叉燒肉質好嫩滑多汁，油脂分佈得好均勻，半肥瘦適中叉燒帶有油香，加上蜜汁甜味，令人一試難忘黑松露玻璃燒鵝 (1/4隻） 燒鵝外層炭黑色，入口有陣陣黑松露香，皮下唔會有一層厚脂肪，鵝肉亦都無羶味，做到皮脆肉滑，燒鵝旁邊醬汁有酸梅醬同燒鵝汁，再點燒鵝汁黑松露香更香濃糯米炒膏蟹糯米飯炒得十分香，入口質感軟硬適中，糯米飯加入金黃色蟹膏，令糯米飯更有風味，一鍋糯米炒膏蟹份量唔少，可供4至6人享用無論係環境定係食物非常高質，絕對值得一試！

平時好鍾意去神燈食飯🤗知道銅鑼灣開左新店🥳即刻有埋朋友一齊去試吓😊新店環境好舒服除咗大廳仲有包房😌店員服務滿帶笑容😊食物方面除咗單點菜式仲有晚市套餐選擇👍🐷伊比利亞叉燒皇係酒家招牌菜😬叉燒食落肉質軟腍帶爽勁🥰油脂香而不膩🤤配埋甜甜地嘅蜜汁非常juicy🥰😊黑松露燒鵝將鵝肉的鮮美與黑松露的芬芳結合😍每件鵝肉非常嫩滑😊鵝皮帶油香🤩點埋黑松露梅醬帶來獨特風味享受🤩🦀招牌糯米炒糕蟹打開煲蓋陣陣去香味🤩隻蟹都好大隻又多膏😍生炒糯米飯吸收哂鮮甜蟹汁精華🤤煲仔裡仲有好多飯焦好香脆🤤撈埋啲蔥一齊真係令人垂涎欲滴😋蜜汁燒脆鱔食落外脆內嫩的鱔😍淋上蜜汁甜中帶鹹😊唧少少檸檬令鮮味提升😊一口接一口😍蟹肉菠菜豆腐盒😊係豆腐內包裹著蟹肉和菠菜😊面頭淋上微鹹芡汁😊簡單清新又健康😊總結每款餸菜大大碟😜食材新鮮份量好足夠☺️ 而且非常好味😋下次叫多啲朋友一齊食多啲餸😂

​聽同事講起呢間酒樓名，就咁聽個名好似幾得意，就上網搵下D comment，見到D佈置幾古色古香，評分又幾高，就帶屋企人去試下。蜜汁叉燒腸｜⭐⭐⭐⭐｜$42叉燒不過不失，無乜特別，但腸粉皮值得一讚👍🏻！皮薄、咬落口又夠黏糯彈牙，好少酒樓做到呢個口感。富貴瀨尿蝦餃（兩件）｜⭐⭐⭐⭐⭐｜$32由蝦同瀨尿蝦夾埋一齊做餡，除左食到蝦個彈牙口感，瀨尿蝦個海水咸香帶到成件事提鮮。本身蝦餃剩係得蝦個甜味會略嫌單一，加左瀨尿蝦之後，甜同咸兩種味道衝擊下不但無違和，反而仲加左分！市橋白賣｜⭐⭐⭐⭐｜$38唔知係咩黎，上網 search 完，專登叫黎試下。一般由鯪魚、臘腸、蝦米、魚蓉做餡，面頭再鋪一小片臘腸整成。鯪魚打得幾好，幾彈牙，本來都唔係好特別嘅事黎，但片臘腸再次做到畫龍點睛嘅作用，再一次咸香味令到鯪魚個味道提昇。蛋黃千層糕｜⭐⭐⭐⭐｜$36蛋黃餡唔會好乾，容易吞，中間加左D爽爽地同脆脆地嘅不明物體增添口感，加分！魚翅蟹肉灌湯餃｜⭐⭐⭐⭐⭐｜$52估唔到真係有翅喺入面，成隻灌湯餃都佈滿餡，勁足料，食完一隻都飽咗一半😂香煎涼瓜鯪魚餅（三件）｜⭐⭐⭐⭐｜$38鯪魚肉都係夠彈牙，落左少量苦瓜落去刺激客人嘅

今日假期帶住屋企人去享受下午茶🍵。一坐下，我哋就點咗壺茶，然後慢慢考慮要叫咩點心🤗。我哋選擇咗玄米茶，呢種茶喺其他茶樓唔多見，茶香🌿清新，口感輕柔，完全唔澀，飲落好舒服。廚房推薦：蜜汁脆燒鱔即燒伊比利亞叉燒皇白灼青蔬呢兩道菜係必試，連經理都推介，脆燒鱔同叉燒都好正👍🏻。脆燒鱔的皮烤得香脆，肉質又肥又多汁💦，完全冇腥味，味道甘香。而叉燒同樣出色，外邊微焦，肥瘦比例完美，肉質鬆軟得無話可說💫。點心選擇：富貴瀨尿蝦餃酥皮菠蘿叉燒包蟹籽蝦仁燒賣瀨尿蝦餃好少見，餃皮薄透，裡面有一隻小瀨尿蝦和蝦滑，鮮味十足🦐。菠蘿叉燒包則外皮香脆，叉燒餡鹹甜適中，還是微微熱辣，食落真係好好味😋。總體來講，今次的茶餐體驗非常愉快，食物質素高，絕對值得再來！

朋友準備移民，當然要餞行。獨立房間有最低消費，人多好辦事，輕易便達標。炸油條非常香脆，外層滾滿了金沙十分咸香，內裡的蝦膠緊實有彈性，雖然菜式有點油膩但每人半件無傷大雅。叉燒很大份，性價比不錯，而且瘦中帶少肥，肉又軟中帶嚼勁，加上解膩的醃蘿蔔，實是一道美味的菜式。房間外有大櫃正在風乾多隻燒鵝，相信此燒味是熱賣菜式。燒鵝確實皮脆肉厚而且肥膏不多，絕對是食肉獸之選。阿拉斯加蟹肉厚紮實，以雞油花雕蒸更添鮮味，一大盤蟹腳滿足了所有人的胃口。蝦多士伴以蟹膏甲羅燒出場霸氣十足，蝦蟹共冶一爐，賣相與實力俱佳。焗魚腸是人多才會點的菜式，因為可一起分擔膽固醇，魚腸鉢的蛋皮焗得焦香，魚腸處理得宜，不油也沒有泥味。煎炸及肉類菜式頗多，顧及健康也點了幾款味重的蔬菜，不竟清淡菜蔬未必合適。幾款蔬菜均有咸鮮的配料提味，層次豐富。蒸阿拉斯加蟹剩有不少蟹汁，經理建議以伊麪撈之，可惜伊麫上枱時温温吞吞，蟹味一點乜不突出。牛奶布甸奶香與甜味剛好，小小一樽，恰到好處。

神燈海鮮酒家銅鑼灣新分店， 佈置古色古香， 小橋流水 ，附庸風雅， 大紅燈籠高高掛, 每個角落濃濃蘇杭水鄉風情 , 環境舒適寬敞。糯米炒膏蟹 $568糯米炒膏蟹， 用大沙煲原煲盛上， 保持溫度， 打開蓋時 ， 還冒著煙, 香氣十足 ， 原隻膏蟹放在飯面上， 蟹殼填滿 金黃蟹膏， 又香又滑， 糯米飯入口軟糯 油潤， 啖啖米香， 吸塑了膏蟹的鮮香， 滋味加倍提升， 帶來驚喜。蜜汁脆燒鱔 $268上枱時，香氣十足，肥美的燒鱔 , 鱔皮燒到香脆香口， 鱔肉鮮味爽彈， 咀嚼時 ，甘香的魚油注滿味蕾， 加上香甜的蜜汁， 讓人喜歡。黑松露燒鵝 /四分一隻 $238烏卒卒的燒鵝皮， 用黑松露醬醃製， 燒鵝皮燒至油光亮麗， 外皮玻璃口感， 香脆可口， 鵝肉不但軟嫩， 還充滿肉汁， 肥而不膩 , 加上濃郁黑松露醬的芳香， 中西融合 , 不一樣的燒鵝 。即燒伊比利叉燒皇 $268厚切伊比利叉燒， 啖啖肉口感， 肥瘦適中 , 燒到軟稔滑溜，拌飯認真一 流。龍蝦湯脆米海皇粒粒泡飯 $198龍蝦湯底金黃香濃，襯湯底熱燙燙，將炸米倒入湯中， 脆卜卜炸米吸收鮮甜湯汁，啖啖鮮香美味， 伴隨豐富的蝦肉及帶子肉

朋友話要食靚仔嘅中菜，我諗都唔諗就帶咗佢去…“神燈海鮮酒家”呢間”神燈”係銅鑼灣嘅全新分店。之前都食過佢佐敦分店，覺得啲嘢食精緻好味又大份，就帶朋友去銅鑼灣分店試吓先。神燈嘅選擇好多，如果只係第一次試，其實淨係食signature dish已經夠。銅鑼灣分店嘅環境古色古香，飲品Menu更加係好似荊軻刺秦王嘅竹簡😂。但呢度真正打卡嘅地方其實係佢嘅嘢食…伊比利亞叉燒皇 $258標準高端中菜菜式。叉燒又甜又淋，半肥瘦，夠大嚿，基本上冇乜好挑剔。黑松露燒鵝1/4隻 $238燒鵝同雞鴨唔同，1/4隻已經相當大隻。鵝肉油香豐富，皮又脆，兼帶黑松露味，就算唔點佢提供嗰兩隻秘製醬汁，我覺得已經夠晒好食。蜜汁燒脆鱔 $278脆鱔即鰻魚，但更彈牙，個人認為係今晚最好食嘅菜式。真正做到外脆內軟，加上佢表面嘅蜜汁同內裏嘅爽彈肉質，滋味無窮，令人欲罷不能。糯米炒糕蟹 $588相當大份嘅菜式，一嚟到已經嚇親。打開蓋，成隻大膏蟹就喺入邊。用芫荽同蟹膏炒落啲糯米度，無論係蟹膏同芫荽嘅味道都完全融入糯米當中，豐富無比。呢個菜式係味道同飽肚度兼備嘅終極菜式。四頭南非鮑魚鵝掌 $198朋友話唔夠食所以追加嘅菜式。估唔到南非

星期五晚去到人頭湧湧好彩Book 左位唔係應該都食唔到果然係海酒家見到每枱都必點糯米炒膏蟹我地都叫左黎試下大大隻膏蟹 好厚肉 爆晒膏 每一件蟹都有好多膏好香 好邪惡 蟹嘅油香同鮮味滲入左煙韌嘅糯米飯裡面個飯上枱之後由得佢唔好兜均住 你就會得到焦香脆口嘅飯焦啦😋黑松露玻璃燒鵝好新奇 因為佢係黑色皮嘅 用左秘製醃料去醃製燒鵝食落去皮薄脆身 油脂爆發 鵝肉肉味香濃 可以配上黑松露醬汁酸甜解膩同時增添松露香氣 燒汁芥末大尾魷魷魚爽彈 燒汁香口 加上芥末小小嗆鼻嘅刺激感越食越上癮法式蜂蜜芥末蝦球蜂蜜芥末醬偏酸甜 配炸物好夾 神燈小炒皇去食中菜一定要食小炒皇每間餐廳都有自己嘅特色依到有豬板筋 油條 四季豆 馬碲 腰果 蝦乾好特色嘅配搭 送酒一流

秋風起🍂食蟹係我第一件諗起既事🙈來到神燈海鮮酒家既銅鑼灣分店，平日居然都坐落客人（真係好耐無係香港見過呢個情景）‣ 糯米炒膏蟹 $588呢餐既重點絕對係呢個糯米炒膏蟹，蟹蓋入面超多膏，好甘香！糯米飯又炒得粒粒分明，絕對係今晚既MVP‣ 蜜汁脆燒鱔 $278眼前呢碟脆鱔用試蜜糖同檸檬汁，酸酸甜甜好開胃。而且外皮燒得好爽脆‣ 即燒伊比利亞叉燒皇 $258‣ 黑松露玻璃燒鵝 1/4隻 $238呢到既燒味都唔簡單，有幾乎每枱必點既黑松露玻璃燒鵝同超腍既即燒叉燒皇！黑松露玻璃燒鵝睇落黑蚊蚊但係外脆內嫩，油脂豐富，酸梅醬上亦都加左黑松露😳勁香！叉燒肥瘦均勻，有蜜糖既焦香👍🏻.

糯米炒蟹膏🥢一場味蕾的盛宴中秋佳節必定首選中菜💓以江南蘇坑古典優雅風格為主環境超有格調，仲設有貴賓房添！🔸糯米炒膏蟹🦀必試❣️超高質，勁多橙紅色蟹膏口感豐腴，蟹肉仲好鮮甜！糯米飯粒粒分明，混埋蟹膏真係一流～超鐘意仲有勁多飯焦🤩超脆口🔸黑松露玻璃燒鵝 1/4隻烏卒卒嘅燒鵝真係第一次見！用咗黑松露 & 秘製醬料醃製燒鵝油香四溢，再沾上松露醬酸酸甜甜，超開胃🤤🔸金沙鬼馬百花釀油條超好食！油條表面沾滿金黃色鹹蛋黃仲炸得好香脆，中間釀咗滿滿蝦膠食落好彈牙，大滿足之選！🔸生炸黃油雞 半隻兩個人食啱啱好，份量十足！黃油雞外皮超香脆，中間肉質嫩口📍 神燈海鮮酒家 (V Point) (銅鑼灣)銅鑼灣登龍街18號V Point地庫 #銅鑼灣美食 #中菜 #中菜小炒 #銅鑼灣中菜 #中菜推介 #銅鑼灣好去處 #海鮮控 #燒鵝 #燒味店

朋友推介嘅酒樓，主打手工粵菜，唔少菜式都幾特別同有創意，啱晒鍾意試新嘢嘅朋友~🔘黑松露玻璃燒鵝 (1/4隻)真係第一次食黑色嘅燒鵝，外皮香脆，充滿鵝油香氣，肉質細膩，帶有微微嘅鵝脂香，喺呢度嘅招牌菜之一，點都要試吓~ 🔘拆肉瀨尿蝦元貝釀玉環 平時嫌麻煩好少食瀨尿蝦，拆肉瀨尿蝦啱晒我呢啲懶人，真係功夫菜，平時好少見到有得食，元貝超大粒好鮮甜，唔會蒸到過熟，呢個菜絕對係實物靚過餐牌張相好多~ 🔘糯米炒膏蟹 一開蓋就香氣撲鼻，膏蟹煎炸過好香口大隻多蟹膏，糯米飯軟糯入味有飯焦，份量足夠四個人食，太好味忍唔住食咗幾碗飯🤣🔘燒汁芥末大尾魷 大尾魷即係尾部較大嘅魷魚，如其名地肉厚，口感Q彈，味道鮮美，微辣芥末汁同紫洋蔥都非常加分，食唔停~🔘羊肚菌紅燒豆腐 豆腐軟滑，加上羊肚菌嘅獨特香氣，醬汁都係偏濃郁嘅口味~

神燈係香港罕有嘅手工粵菜餐廳之一，全新銅鑼灣分店，多款招牌菜，感覺相當驚喜😍首先係糯米炒膏蟹🦀，膏蟹份量十足，蟹膏滿滿，糯米炒得乾身，吸收咗膏蟹嘅鮮味，好惹味。而招牌必點嘅黑松露燒鵝，鵝皮燒得香脆，鵝肉嫩滑多汁，黑松露嘅香味滲透鵝肉之中，好香☺️ 係一味非常有創意的菜式，將傳統燒鵝提升到另一個層次。蜜汁脆燒鱔金黃香脆，蜜汁嘅甜味同鱔魚嘅鮮味完美融合，口感外脆內軟。另外，滷水豬生腸處理得非常乾淨，豬生腸口感爽脆，唔會太韌，點埋醬食好味😋 涼拌豬腳筋爽脆彈牙，醬汁酸甜開胃。最後係竹笙白玉，竹笙爽口，豆腐滑嫩。神燈嘅菜式將傳統粵菜嘅精髓同現代烹飪技巧完美融合，每道菜都充滿驚喜，絕對值得一試！

最近神燈海鮮酒家喺銅鑼灣開咗間新分店，環境好舒適，坐得都幾舒服，上菜速度都幾快，侍應態度熱情細心。滷水豬生腸($158)：爽口彈牙，滷水味夠濃，完全唔腥，蘸埋甜醬芥辣仲過癮，超好食！ 涼拌豬腳筋($98)：爽脆又夠清新，仲有好多膠原蛋白添！蜜汁脆燒鱔($278)：個皮脆卜卜，鱔肉又嫩滑彈牙，蜜汁甜甜哋好惹味！黑松露玻璃燒鵝(1/4隻，$238)：係今次嘅亮點！燒鵝皮呈亮黑色，做到皮脆肉嫩，食落仲有陣黑松露嘅香味，真係值回票價！糯米炒膏蟹($588)：係佢哋嘅招牌菜，果然名不虛傳！蟹膏好多，同糯米飯炒埋一齊，香噴噴，勁好食！份量又夠多，啱晒同朋友share！最後，荷香萱威麒麟雞($188)都幾好味，雞肉嫩滑，除咗有陣荷葉嘅清香，仲有咸香嘅火腿同埋香菇，口感幾特別。