祥仔辣辣 (The LOHAS) (已結業)

自從喺節目上睇過名廚Ricky大展身手，一直都想試下佢旗下嘅川菜餐廳祥仔辣辣。呢日就相約好友去食午餐。午餐有lunch set，雖然由星級大廚主理，但價格相宜，百元左右已有不少選擇。我們仨決定點兩個lunch set再散點一客酸菜魚。龍蝦湯蝦球拉麵配特色四小碟（會員價$128)湯底明顯真材實料，用上新鮮龍蝦熬製，湯頭鮮甜濃郁，味道毫不人工。幾隻大蝦球爽口彈牙，鮮味十足。拉麵略嫌煮得稍腍，但掛湯度尚可。我最鍾意特色四小碟，11款小菜中揀4款，心大心細咗一輪揀咗涼拌拍青瓜、辣滷珍肝、麻辣豬耳及辛辣紅海蜇花。幾款香辣前菜呈上來嘅時候紅油滿滿，好彩辣勁未算好厲害，微微辛辣醒胃又帶點刺激！涼拌青瓜則剛好中和一下其餘三款前菜嘅辛辣，比較清新。去骨海南雞飯($128)估唔到川菜餐廳都有海南雞飯食，一於試試！海南雞配上泰式辣醬及醬油，雞件肉質嫩滑，雞皮彈滑，都唔錯。如果加點創新fusion元素會更加impressive！招牌祥仔酸菜魚($248)呢度嘅酸菜魚係招牌菜，價錢比想象中平！一上枱就聞到花椒及迷迭香嘅香氣 ，原來呢度嘅酸菜魚喺川菜嘅基調上，仲融入咗唔同特色香料，例如法國菜經常用到嘅迷迭香、泰國

知道名廚Ricky開左「祥仔辣辣」，今次慕名黎幫襯。嗌左兩個午市套餐：去骨海南雞飯同埋紅燒牛腩石鍋飯。去骨海南雞飯蕃茄、青瓜、雞、飯分開四邊擺放在碟上，好似藝術品。雞肉嫩滑。飯上放了少許薑蓉，令飯食落更香口。雞點埋酸辣汁食更滋味😋！紅燒牛腩石鍋飯欣賞佢牛腩同飯分開上。飯唔會被牛腩嘅汁整到濕曬，令飯保持到乾身。用石鍋盛飯，可以keep住飯嘅熱度👍🏻。飯唔係淨白飯，重混入左d蛋，為白色嘅飯添上色彩。牛腩大大嚿，夠腍身。醬汁撈飯一流！黎到祥仔辣辣唔係唔食辣嘢呀嘛～招牌祥仔酸菜魚入面加左Rosemary，好香口。除左魚肉嫩滑外，配菜都同樣出色！配菜豐富，有萵筍、鹹酸菜、蓮藕、芽菜等。 萵筍爽脆鮮甜。鍾意佢將鹹酸菜切成條狀，食落爽脆有口感。蓮藕切成薄片，同萵筍和鹹酸菜一樣爽脆。嗌左兩個午市套餐，同朋友各加左$10嗌左兩杯野飲： 百香果菠蘿茶同埋青蘋果梳打。食完辣辣嘅酸菜魚飲番杯凍飲解辣啱曬！

上次試過祥仔既特色出前一丁🍜今次去試埋祥仔辣辣🌶🌶🌶岩晒喜愛食辣同酸菜魚既我😆今次試左個2人套餐份量都好多😍所以絕對夠食😂重頭戲：祥仔招牌酸菜魚🐠最特別係加左Rosemary 係上面令到酸菜魚即刻變得好fusion🥰味道非常之夾！😋又夠酸又夠辣🤤爐魚份量又多又鮮甜又滑又無骨🐟加上自家製酸菜入面仲有萵筍芽菜辣椒花椒等等嘅配料食到停唔到口🤤🤤🤤另外其他小食都做得同樣出色👍🏻❣️酸辣紅海蜇花➡️海蜇好爽配埋酸辣汁食，非常開胃😍🐔招牌口水雞➡️夠晒麻辣 雞又嫩又滑，正😋🦐宮保蝦仁➡️勁大隻蝦！爽口彈牙！配埋酸酸甜甜嘅汁醬非常入味！🤤🌮自家酸菜炒肉末配薄餅➡️好似泰國既生菜包咁🤣只係將生菜變左薄餅！包住酸菜肉碎咁食，非常特別！🤩🥦干鍋福建椰菜花➡️炒得又辣又香，令本身無味既椰菜花變得更滋味😋甜品：酒釀桂花湯圓➡️好香桂花味，但味道比較甜😆飲品方面我哋都叫咗新出嘅特色飲品🥥椰紫➡️好香椰子味！配上碟豆花加鳳梨汁，味道好清新好特別👍🏻🥑牛牛➡️用咗牛油果溝牛奶溝煉奶味道好清甜好清新，又可以解辣，鐘意食牛油果嘅朋友必飲！😆

搵到呢間祥仔辣辣，呢度嘅set lunch有辣有唔辣，加上環境咁好，又多卡位，我哋好鍾意❤️🌟酸菜魚～材料豐富，真係好大鍋😍，魚塊非常嫩滑，而且冇咩骨，材料有酸菜、豆芽、萵筍、蓮藕，酸辣都配合得好好，仲食到有一陣清香，原來係因為上邊擺咗嘅菊花瓣，好特別！🌟香菇海鮮泡飯 🌟海鮮炒拉麵～海鮮材料有魷魚粒、蟹柳、蝦仁、冬菇粒前者用魚湯泡住，好鮮味後者嘅炒麵爽滑，有甜醬油嘅香味，灑上芝麻特別香口Lunch set 仲配上兩杯特飲CP值高👍

小朋友見自己居然平日都有份去街，就要求比佢哋揀餐廳食lunch，真係識嘆🤣。酸菜魚 （一鍋）～我叫咗BB辣，酸辣度適中好適合我，爽脆嘅酸菜和鮮嫩嘅魚塊，都非常高質，配料有土豆芽、萵筍片，整體都無咩可以挑剔襯。瑤柱冬瓜肉碎泡飯～冬瓜和肉碎呢個絕配係每一個小朋友都鍾意，呢度個泡飯，仲用上魚湯，湯頭清澈得來唔會太濃味，好啱夏日。海鮮炒拉麵～材料好豐盛呀，有蝦仁、水魷魚、蟹柳、菜心，醬汁甜甜地，有少少似上海粗炒嘅味道今次用咗更彈牙嘅拉麵，兩個小朋友都大叫好啱食😆我哋跟套餐免費配左日式紅豆豆漿和蜜桃梳打，兩者都唔會太甜，配合我嘅酸菜魚飲落好清爽😘

黎到祥仔辣辣梗係要食佢既招牌菜酸菜魚😋依度既野食其他都好有質素，係為食家既必去之處😆小明為食餐單: 福建炒蝦麵🍝 $128炒麵上先有几隻大大隻既蝦球，好爽口彈牙好有蝦味🤤炒蝦麵好入味，味道剛剛好，麵質仲好好添😍香菇海鮮泡飯🍲 $148泡飯我喜歡等水同精華浸曬入飯先食，飯好有海鮮香味，又有好多切粒既海鮮，啖啖都有材料，飽肚又好味🤩招牌祥仔酸菜魚🥘 $248魚肉好嫩滑，入口魚又香又滑，我最仲意d魚皮，特別香🤤加左好多好多酸菜同辣椒，非常惹味🤤魚肉好多好足料🥰青蘋果梳打🍹 (特色午市套餐+$10)好清新既青蘋果味，配上梳打，飲落有d氣，好chill🥰百香果菠蘿茶🍹 (特色午市套餐+$10)百香果酸酸甜甜，加上茶味，好解渴，係唔錯既夏日飲品😍

突然心血來潮好想食酸菜魚同川菜🌶所以就揀咗呢間由知名大廚Ricky Cheung打造既 祥仔辣辣 新式川菜餐廳試下Lunch Time時間全場爆滿，真係人氣十足👍🏻招牌祥仔酸菜魚可以選擇辣度，叫左小辣🌶 呢度既酸菜魚用上鱸魚片🐟來炮製，魚肉好滑嫩又冇骨，真係啖啖肉😍 個湯底酸辣度岩岩好，酸菜魚內仲有好多不同配料，有好新鮮萵筍、勁爽脆既蓮藕片同埋好入味芽菜🤤三樣配菜都好鐘意😬 同埋真係好大碟，堅係份量十足！抵食！午市Lunch Set其實都好多選擇，有辣同唔辣既Set迎合到唔同嘅食客. 我地就分別叫左水煮牛肉米線🍜同農家小炒肉石鍋飯🍚水煮牛肉米線🍜午市套餐配四款特色小食水煮牛肉米線睇落好似好辣，好彩食落無想像中咁辣😬帶點麻既感覺！四款特色小食，每一款都非常惹味😍麻辣豬耳同香辣木耳好爽口好食👍🏻 口水雞入味肉質嫩滑👍🏻 麻辣粉皮好滑溜辣度適中. 農家小炒肉石鍋飯🍚估唔到呢個農家小炒肉又幾惹味，用上尖椒、京蔥、辣椒同肉片去烹調，食落嘅味道有少少似回鍋肉咁但又冇回鍋肉咁油膩，有少少辣送飯食一流😍 配既石鍋飯仲要係蛋炒飯底，好香口😁下次過黎決定試下佢地水煮魚先

今次同姊妹約定到將軍澳潮聖，再去附近的將軍澳康城路覓食，行經見到「祥仔辣辣」的美食好吸引，食店人流很旺，用餐輕鬆暢快的好地方。進入祥仔辣辣，環境雅緻舒適，佈置和擺設十分美觀，舒適很寫意，餐廳服務細心，充滿中菜館的格調。餐牌上設有菜式的圖片，美食當前無法抵擋，放縱一下自己，吃得滿足一點。我選了幾款食品，招牌酸菜魚、紅燒牛腩石鍋飯及香菇海鮮泡飯，上菜速度頗快，食物質素很好，享受美食的滿足滋味。招牌酸菜魚我被外型迷倒，招牌酸菜魚份量多，賣相相當吸引，看起來巳令人心動震撼了，魚肉肉質鮮嫰爽滑，自家酸菜入味，紮實彈牙，香氣撲鼻，入面仲有芽菜及蓮藕，非常爽口，都是健康的食物，多吃都不妨，滿載的味道清新，別有一番風味。紅燒牛腩石鍋飯熱燙燙的紅燒牛腩石鍋飯，特別惹味，食起來熱度非常令石鍋飯的鮮味提升，牛腩水準優質，厚度相當，肉質肥厚鮮嫩，肉汁豐富，保持新鮮結實，食落不會太過油膩，齒頰留香，讓人一試難忘。香菇海鮮泡飯泡飯香有口感，香菇及海鮮肉質爽口，唔會太過熟，恰到好處，仍然保留了誘人的味道，味覺和口感湧現出來，令我喜出望外。祥仔辣辣 (將軍澳)地址：將軍澳將軍澳康城路1號 The Lohas 3樓35

祥仔辣辣分店越開越多，行開過黎就決定黎試試佢嘅午市套餐，款式都幾多，有辣有唔辣，仲有湯麵或飯揀。「午市套餐」龍蝦湯配蝦球米線，特色四小碟揀咗酸辣紅海蜇花、辣滷珍肝、川味口水雞，尖椒皮蛋。唔食辣嘅朋友可以揀呢個米線，湯底飲落去真係有淡淡嘅龍蝦味，蝦球仲有三大隻，咬落去超爽彈。四小碟嘅珍肝同皮蛋都好食，皮蛋係用上黃金皮蛋，比起一般皮蛋嘅味道更易入口。水煮牛肉拉麵（小辣），特色四小碟揀咗涼拌貢菜、麻辣粉皮、香辣山木耳，酸辣紅海蜇花。牛肉同拉麵索晒湯汁，估唔到小辣都已經幾辣，辣得黎好過癮，會越食越麻。四小碟推薦海蜇花，夠晒爽脆。「招牌祥仔酸菜魚」（小辣），份量都幾大，夠3-4個人食，黎到見到都畀佢咁多辣椒嚇親，但飲落其實真係得小小辣，如果食得辣可以試兩至三隻辣椒。酸同辣嘅味都幾平均，唔會互相搶咗個味，個湯仲可以直接飲添！切片嘅鱸魚係主角，魚肉好大件而且好嫩滑，湯入面仲有大量芽菜、窩筍，蓮藕，全部都係我鐘意嘅配菜，食完真係好滿足。

今日約咗閨蜜行街，突然好想食酸菜魚，就去咗位於康城嘅祥仔辣辣食lunch~餐廳以四川菜作主打，最啱食辣嘅朋友。店內環境寬敞，中午時段已經幾full下，下次早啲book位先得！和朋友各點了特色午市套餐麻婆豆腐石鍋飯$108炒飯用上石鍋盛着保持溫度，誠意十足，送上枱仲係熱辣辣。嫩滑豆腐加上花椒辣椒同葱花，食起上黎又麻又辣超夠味，送飯一流！去骨海南雞飯$128賣相非常吸引，雞同飯的份量頗多，雞肉味道濃郁且已經去骨，方便享用。沾上兩種醬料，黑豉油和辣醬，很惹味，再配合黃金飯底，香氣十足，吃起來真的回味無窮。Lunch set +$10仲有杯特飲，同朋友嗌左青蘋果🍏梳打同蜜桃🍑梳打，岩哂夏天解渴一流！招牌祥仔酸菜魚 $248係我最愛嘅酸菜魚🥰，今次點左小辣，酸菜特別好食，唔會太酸又夠爽脆入味，配上香滑的鱸魚和香濃的湯底，惹味十足，新鮮開胃👍🏻👍🏻

康城商場其實都有唔少新餐廳進駐，當中今次就去咗其中川菜餐廳祥仔辣辣。今次就中午去食點了佢嘅午市套餐及酸菜魚。餐牌當中有招牌午市套餐就揀了龍蝦湯配蝦球米線配自選四小碟、香菇海鮮泡飯、招牌酸菜魚。龍蝦湯配蝦球米線配自選四小碟自選四小碟種類相當多，其中招牌口水雞、酸辣紅海蜇花都好好味，口水雞辣得夠香，每一啖都好惹味。酸辣紅海蜇花同萵筍相當合配都幾爽口。招牌祥仔酸菜魚酸菜魚叫咗小辣其實唔食辣嘅朋友都啱，酸菜魚又冇骨啖啖肉相當唔錯，加上芽菜、蓮藕等真係正呀。香菇海鮮泡飯呢個真係飽肚之選，而且配料亦都好多，每一口都食到好多香菇海鮮。最後點埋佢嘅特飲都啱啱好了。

今日去日出康城探舊同事, 中午時段見肚餓, 齊齊落樓搵野食, 原來「祥仔辣辣」係日出康城都開左分店, 諗起很久前係第間分店食過酸菜魚, 印象中味道唔錯, 而且正好供應LUNCH-SET, 就入去食返個lunch啦。二話不說, 即時order【招牌酸菜魚】HK$248可自選辣度, 什至唔辣, 我地揀左小辣。湯底辣辣地又酸味味好開胃, 去骨鱸魚又嫩又滑, 不過要小心, 間中有幾件都有幼骨。 有唔少酸菜同芽菜墊底。Lunch-set我地各自揀一款share食 【海鮮炒拉麵】HK$128豉油皇炒過, 偏乾身唔太油, 有魷魚、蟹柳、爽口嘅蝦同菜芯莖, 色彩配搭吸引又豐富。【香菇海鮮泡飯】HK$148湯底清甜, 飯粒完全索左個湯, 配有東菇粒、魷魚粒、蟹柳粒、蝦。東菇粒煮得未夠透, 有咬口感。Lunch-set 加$10 追加特飲青蘋果梳打: 餐廳自家調製, 淡淡青蘋果味又好夠汽紅豆豆漿: 紅豆好林偏甜, 整體飲落都好夠甜

又到一年一道既母親節啦! 孝順既寶寶當然要請家人食返餐好! 媽媽喜歡吃中菜, 今次找來一間有海景既中餐 (之前經常跟客户來,因為環境好!) 一坐下 我們點了招牌酸菜魚, 水煮牛,海南雞飯和四小碟. 其中四小碟也令我們好驚喜, 因為份量一點都唔少😂 當中口水雞更是無骨的 我在香港也沒見過口水雞也走骨這樣體貼! 加分!! 酸菜魚不用多説 看圖就知份量非常非常多!! 海南雞油飯很入味; 水煮牛線, 牛肉比例亦好好多, 一啖米線一啖牛噤食都可以食到尾

很久沒見這位新界區的朋友，今天相約先吃午飯，再到處走走。朋友點了無骨海南雞飯，我點了農家小炒肉石鍋飯，再點了招牌祥仔酸菜魚，我跟朋友都能吃辣，所以要了大辣。海南雞飯一來到我們就嘩了一聲，雞皮很像黃金，金黃色的，還沒吃已經口水直流。海南雞很嫩滑，配醬料吃可以，不配也可以。小炒肉的肉質不柴，很惹味，適合比較重口味的人，配的飯裡有蛋絲，很特別。酸菜魚份量挺多的，賣相也很漂亮，很少見會有Rosemary作裝飾，另外還有自家製酸菜，大荳芽，蓮藕片。魚很嫩滑，但要小心點，有些魚有刺，不過只是一小條。湯也好喝，每一口都是魚，配菜和湯，嘴巴塞的滿滿的，很滿足。

陪爹哋媽咪去探完親戚，順便帶佢哋食d好嘢先😘。上網都睇過附近有咩佢少食又或者未食過嘅🧐🧐，最後搵咗呢間叫做祥仔辣辣嘅川菜。佢嘅午餐都好多選擇，我哋就叫左2個午餐加一個酸菜魚。魚香茄子石鍋飯 $98魚香茄子味道好濃郁好香口，而且有少少辣，配上呢個蛋炒飯味道相當匹配，個汁撈飯一流😍🥰。蕃茄濃湯溫泉蛋拉麵 $108雖然呢個拉麵賣相比較普通，但係湯底都十分濃郁，而且拉麵嘅質地好有咬口，加埋溫泉蛋食超級夾。招牌祥仔酸菜魚 $248呢個酸菜魚有好處就係可以選唔辣，但係我哋最後都揀咗少少辣，我覺得酸菜魚要有辣味先至好食😋。好豐滿嘅酸菜魚，加上佢底下仲有其他配菜，食落個魚好滑，係超出我哋想像的味道，連怕食辣嘅爹哋都食咗幾轉🤣🤣🤣，話下次要再食😁😬