築地日本料理 (金百利廣場)

營業中

休息中

抵食，但冇服務。因為晚上六點後冇堂食，所以四點幾去食個下午茶。睇個價錢好平，不過份量都少咗。嗌咗兩個下午茶餐同埋兩個小食，下午茶餐都係啲魚生飯，烏冬。主食味道正常，小食嗌咗炸魷魚鬚同埋牛油雞翼，炸魷魚鬚好食，外脆內軟。不過牛油雞翼就麻麻，好似普通雞翼咁，冇乜分別。跟餐嘢飲嗌左凍檸茶，啲茶色好濁，唔知係咪用錯咗茶膽。一入到去未掃安心出行，未量體溫，佢已經係咁叫我哋入去。入到去嗌嘢食個侍應完全冇出過聲，唔知係咪社企。可能晚市唔做，所以五點幾已經準備收檔，係咁收走啲嘢好似想趕走我哋。

有時啲餐廳係要上樓嘅咁搵𨋢啦或者搭一輪電梯之後去到餐廳門口就會覺得嘩點解可以咁早已經咁多人搵到間餐廳而且食緊咁間餐廳一定唔錯😋自己一個食冇辦法啦少少地嗌個壽喜燒鍋同一盤魚生啦天凍輕鬆叫做打個微型邊爐即刻暖笠笠牛最好食就係啱啱變色嘅時候😆呢盤又幾靚俾個大close up先冇落filter但好鮮色唔識用肉眼睇海膽但佢啲紋路好清楚食落都好味好鮮最鍾意係赤貝係家鄉日本嘅味道😭冇得飛就食多幾餐刺身啦😝

耐唔耐我都會去「築地日本料理」食野，今次又食下D未食過嘅。地獄海鮮鍋，好足料，海鮮包括有青口、帆立貝、大蝦、墨魚、蟹棒，味道鮮甜；配菜包括有泡菜、豆腐、小棠菜、紅蘿蔔、椰菜、香蔥；泡菜湯底，味道酸辣，食落好惹味。味之鰻，表面鋪有芝士、蒲燒鰻魚，味道咸香，內有青瓜、龍蝦沙律，口感好豐富，食落好清爽。三文魚三味，蟹膏三文魚壽司，蟹味濃郁，雙重鮮味，飯粒口感軟硬適中；炙燒三文魚壽司，表面鋪有蟹籽、沙律醬，三文魚油香更加突出；三文魚壽司，肉質嫩滑，食落有鮮味

平時去金百利食都係食嗰兩間平野，其他餐廳冇乜興趣。不過，去openricehk 搵食，睇中左呢間築地日本料理 。佢嘅野食好多款式，價錢亦幾抵。第一當然食下冷盤頭盤啦。呢個三文魚腩刺身真係不得了，一件6件，每件又厚又肥美！好味呀🤤壽司方面都幾吸引，亦多選擇。我就俾啲圈物吸引左，叫左加州卷同味之鰻。加州卷好難會做得難食😂味之鰻好滿足，食完版兩碟壽司已經飽左3份一。鐵板牛舌幾惹味。份量OK, 不過就薄左啲，味道正常。我自己鍾意煎多啲，呢個用炒嘅我覺得麻麻，口感冇咁爽脆。小食炸軟殼蟹正正常常，炸粉厚左少少，但ok。最後呢個牛肉野菜壽喜燒推薦呀！又有肉食又有菜食，跟一隻生雞蛋。個鍋滾緊時再打隻蛋睇住佢熟真係好治癒。相睇個鍋好似好細咁，其實下底有好多菜，浸左喺甜豉油湯啲娃娃菜超好食，我呢個唔愛食菜嘅人都食左好多菜😂我一定會再黎，野食唔錯，選擇多同埋價錢抵食呀！尤其個壽喜燒我係好推薦。

呢間餐廳之前都想試今次就同朋友一齊聚一聚食晚飯食物選擇都幾多有飯、有麵、有壽司叫咗個二人餐有蟹子沙律、串燒拼盤、小食、主菜同埋甜品，仲有埋嘢飲個人覺得二人餐二百幾蚊來講有咁多嘢都幾抵食沙律都幾大碟，味道唔錯串燒有雞翼，雞串同埋燒菠蘿雞串調味唔錯，有啲醬汁菠蘿大大嚿而且都幾甜小食方面就試咗佢嘅餃子味道唔錯，不過略嫌煎得唔夠脆主菜有拉麵同埋飯叉燒拉麵味道不過不失，有啲粟米同埋木耳絲佢個飯反而有驚喜，啲豚肉唔會好乾而且有啲醬汁，撈飯食一流另外再試左佢嘅中華拉麵麵質幾有彈性，有啲蛋絲、粟米同埋叉燒絲加埋麻醬幾開胃卷物試咗佢嘅鰻魚卷同埋牛油果軟殼蟹卷軟殼蟹唔夠脆，牛油果有少少黑個人鍾意食佢嘅鰻魚卷多啲，上面有芝士加埋鰻魚一齊食口感幾豐富套餐甜品揀咗佢嘅柚子蛋糕同埋奶凍蛋糕味道有少少怪，柚子味唔算好出奶凍入口幾滑，而且奶味夠重整體唔錯

今日係沒有訂位下在除夕夜都即係有位都算好彩,皆因我未夠7點入座,快人一步囉。忽然想吃壽司又想吃壽喜燒,於是入來試吓。叫了三文魚壽司,海膽手卷,一些卷物咁啦,價錢不算太貴,味道ok,不過不失。略嫌海膽手卷嘅海膽份量少左啲,可能我以為至少有兩口咬,一啖之後就只有飯,感覺差少少。後來嘅壽喜燒,牛肉片就好夠,菜亦算多,煱夠熱,但隻蛋落埋左一邊,賣相差dd,而且冇金菇,冬菇得一粒就孤寒左少少囉。好彩甘粟紫薯餅,炸得好,熱辣辣送上,又有咬口,好食!我只係覺得ok咋,但門口好多人等位同埋有咁多like, 我估我冇叫到最好食嘅菜式掛🤪

今天同朋友到銅鑼灣行工展會，然後一齊再去銅鑼灣食日本菜，朋友選了築地😋午市去好熱鬧，應該不錯吧🤤餃子豆腐鍋冬天凍冰冰，最好就是點一個鍋物來吃，我們點了餃子豆腐鍋😋數十元，但材料豐富，又夠健康，吃得飽飽。炸餃子要趁熱吃，脆卜卜，新鮮炸起。湯底是奶白湯，不同種類的蔬菜都吸收了湯汁，有豆腐、金菇、小棠菜，吃起來更有香甜味道。壽司已點了午市套餐，就簡單點幾款最愛吃的壽司吧。有腐皮壽司、吞拿魚蓉壽司、帆立貝壽司，都很新鮮。其中吞拿魚蓉更大有魚香味，個人十分喜愛。另外點了加洲卷，有蛋、青瓜、蟹籽，好吃😀赤貝刺身超新鮮！赤背鮮嫩橙紅，吃落十分爽口，「索索聲」😋😋我同朋友一人點一份，吃得夠本😌😎選擇都幾多，價錢都合理，難怪午市咁多客人喇，要book mark 呢間餐廳🤤😆

今日同美魔女舊同事到銅鑼灣，Shopping 完畢😮‍💨😮‍💨要一齊吃港女最愛的日本菜😻😹餃子豆腐鍋材料豐富，有豆腐、金菇、小棠菜、炸餃子🥟，湯底是濃濃的奶白湯，是甜甜的。午市套餐都幾抵吃，有很多小食可以追加， $100已經非常飽飽。牛油雞翼跟套餐叫只需加$9 ，雞翼炸皮脆卜卜，充滿牛油香氣，很抵吃！壽司🍣點了腐皮壽司、吞拿魚蓉壽司、帆立貝壽司🥰腐皮壽司甜甜的吞拿魚蓉和帆立貝壽司都很新鮮，不錯。赤貝刺身原隻的新鮮赤貝刺身外表呈橙紅色、帶光澤，食落肉質爽厚，鮮味十足😻連底下的紫蘇葉一起吃下，更有營養價值。我同美魔女同事都非常滿意這餐午飯，非常不錯。計劃下次再來吃晚飯，一樣性價比高，期待呢。

位於銅鑼灣嘅築地 有啲小日本既感覺 呢個日本料理價錢都幾親民 牛肉野菜壽喜燒 ($88) 冬天好想打下邊爐 壽喜燒既湯底一如既往既甜 除咗牛肉之外 有秋葵 娃娃菜 溫泉蛋 豆腐 等好多唔同既菜 好豐富😋芝士雞卷 ($65) 呢個特別啲 喺出面好少見到呢款野食 呢個係炸雞上面鋪左芝士汁同三文魚子 雞肉入面釀左蔬菜 咬落好有口感👍🏼 芝士汁好突出 私心大推😝三文魚腩刺身 ($68) 有四塊厚切既三文魚腩🙊 好肥美 性價比高菠蘿串燒 ($18) 好甜同多汁 冇咩筋 好易咬開👍🏼凍朱古力 ($35) 好濃郁嘅朱古力味 上面有啲忌廉 好邪惡鹽燒牛舌（ $28 ） 呢個牛舌相對就比較普通 燒得有啲乾身蝦蝦三笑 ($38 ）三文魚子壽司 ($28 ）壽司都算幾新鮮 三文魚子好多汁😋

銅鑼灣真係好多美食🥰今日想食日本野，所以就上左去金百利廣場搵食😋黎到門口已經見到排緊隊，睇黎呢間都幾吸引😊等左一陣我同朋友都入得啦😋菜單款式五花八門，壽司/刺身/拉面/石鍋飯樣樣都有，仲有多款特色小食🤤搞到我同朋友都叫唔停手，落左成枱都係野食😝😝🥢芝士雞卷 $65超多芝士醬🤩🤩好似熔岩咁🥺🥺係咁溶哂出黎😛😛超好食！！又大件，十分推介😍🥢叉燒拉面 $72個湯好濃郁😛係雞白湯底👍🏻👍🏻叉燒好大塊，真係啖啖肉😙😙配埋軟熟既拉麵，真係好吸引😝惹味十足🥢加州卷 $32加州卷既內餡都幾豐富同健康，有青瓜，牛油果同埋蟹柳，好有口感🤩🥢綠茶冷麵 $58好高營養價值嘅蕎麥麵😛消脂一流☺️將醬汁同芥末倒入後，攪拌就可以食得☺️冷麵爽口且清新，超級開胃🤤🥢芝士年糕入面爆漿芝士😋😋熱辣辣出爐，咬住都拉到絲😍

今日Lunch要幫公司買野， 走到落去銅鑼灣揾物料， 行到咁上下， 就去金百利廣場揾野食。 望望下有間喺7樓的築地日本料理， 於是就上去嘆個日本菜午餐。臨近聖誕， 都係要對自己好d, 叫左個極地築地魚生丼， 因為貪佢有海鮮缸，可以提供新鮮的海鮮。 魚生丼上送上， 果然係極地， 有超大份海膽， 三文魚籽， 蟹籽，大蝦。海膽勁甘甜， 入口回甘， 超正， 三文魚籽， 蟹籽粒粒分明， 入口卜卜聲， 三文魚籽咬破後， 魚油填滿口腔， 正。大蝦新鮮爽甜， 彈牙。

餐廳位於銅鑼灣站近地鐵出口，很方便.餐廳空間不算大，枱子也不算特別多，不過人潮卻很多.menu 選擇很多，每款也想試，所以我們叫的小食比較多，想主攻小食😂💠龍蝦沙律 Lobster Salad🦞 $12龍蝦肉多，味道香濃，口感清爽.💠加州卷 California Roll 🍣$32入面包了蟹柳、牛油果和青瓜，而外面加滿了蟹子，飯質軟熟，口感豐富，爽脆可口.💠日本芝士年糕 Cheese Mochi 🧀$38年糕煙韌，外層香脆，入面的芝士很香口💠自家製餃子 Homemade Dumplings 🥟$38餃子底部經煎過，個入面包滿菜肉，點上秘製醬汁，味道大增.💠芝士雞卷 Chicken Roll w/ cheese 🧀🐓$65雞卷又長又大件，外皮炸得10分香脆，雞肉軟滑多肉，上面淋有芝士汁，好像在吃韓式炸雞😍💠叉燒拉麵 Original Pork Ramen 🐖🍜$72 叉燒大塊，夠軟腍，肉質鎖着肉汁，甜而不油膩，還帶有少少焦香.拉麵湯味很濃郁，麵條柔滑，吸了濃湯的味道😚💠綠茶冷麵Green Tea Soba 🍵🍜$58有好清新的綠茶香味，淋上冷麵汁，在加Wasabi，麵條爽口彈牙有有少少辣

黎過金百利幾次，每次都係下面等𨋢等好耐，有朋友話試過一間價錢合理而且味道唔錯嘅日本餐廳，啱啱好6:00去到都已經有六七枱滿左。一打開餐牌，我足足揀咗10分鐘，先諗到想食咩，因為真係太多選擇啦而且每樣都好靚，每樣都好想食。最後我嗌左豬扒煮蛋飯($72)，鹽燒鵝肝雞翼($52)同埋最後忍唔住加多左一個鐵板綠茶布朗尼($48)。自己一個人去食，自問唔算大食，真係食到好飽好飽。豬扒煮蛋飯新鮮即炸嘅，好鬆軟，豬扒無筋，同醬汁洋蔥蛋好夾，而且好鍾意用日本珍珠米來做飯底，溝埋呢啲半熟蛋真係一流。鹽燒鵝肝雞翼坊間都冇乜試過，餐廳好俾心機讓左啲鵝肝入去雞翼入邊，係無骨嘅，雖然唔算太食得出有鵝肝味，但係整體都幾夾，外皮燒得好脆，而且會配埋一個酸酸甜甜嘅汁，中和返雞翼嘅鹽味。用鐵板上嘅布朗尼好大份，有成個拳頭咁大，上之前侍應姐姐會問想要咩雪糕，可以揀綠茶味或者豆腐味，我就揀咗後者。本身跟埋個綠茶汁，應該係淡綠茶用黎吊下味，豆腐味好清新，唔會有好多額外嘅死甜味，而且好濃好重豆味，配埋brownie本身嘅甜味啱啱好。喺銅鑼灣鬧市搵到一間日本嘢唔超過$100又要多選擇嘅，呢到應該會係top 5!

銅鑼灣金百利最多食店選擇，剛係果頭做完嘢去睇吓有咩食。search openrice見有間築地日本餐廳好似幾多人like，就决定上去幫襯。餐牌好多選擇，價錢又好合理，樣樣都好想食😆一個人食乜好呢？…我就選了🥢海膽帶子卷 $68外有帶子同海膽，內有🥑牛油果蟹柳，味道配搭好夾😋吃落有層次感，帶子鮮甜。🌶地獄海鮮鍋🫕 $98加了個烏冬 $20天氣凍咗梗係食番個Shabu Shabu啦😋喜歡吃辣嘅我🌶🌶哩個辣度唔算好地獄😆不過湯底幾香濃幾鮮味，因為好足料👍海鮮有元貝🦪青口🦐蝦配菜有娃娃菜，冬菇，金菇，豆腐，粉絲，泡菜，蘿蔔等。個烏冬一早放入鍋裡，吸哂濃郁辣湯非常好味🤤

已經好耐無嚟銅鑼灣了。今日就試左呢間朋友話，都幾多人幫襯嘅”築地日本理料”。果然名不虛傳，果真有人等位，好彩可以先做booking,所以唔駛點等，就好快安排到座位啦！我一打開菜單，見到有刺身，壽司，烏東，拉麵，日式熟食，林林總總，各式各樣嘅日本野食都有，所以嚟到呢度，一定搵到啱自己口味嘅菜式嘅。我叫了：黑蒜豬軟骨拉麵，油魽魚刺身，鰻魚壽司，劍魚壽司，活立魚壽司，鱆紅壽司。黑蒜豬軟骨拉麵～上菜時，十分滾熱，蒜味好香，豬軟骨好淋身。我去日本料理餐廳，其實一定會叫壽司和魚生，所以，今次都唔例外，我叫左各類魚的壽司，品嚐唔同魚類嘅味道。壽司飯都算中規中矩，魚生也算新鮮，味道亦算不錯。可惜，我去當天沒有海膽銷售，無緣品嚐。有點失望。因為叫左拉麵，食埋壽司魚生，已經相當飽了。今日又快快樂樂食左一餐好嘅。