紅椒力量 (已結業)

今次係第二次黎，第一次黎果陣，係去開V-CITY果頭做野，見價錢ＯＫ，入去試下。坐低覺得幾舒服，環境光猛乾淨，叫左個泰式卥豬脾飯食。好味！Ｄ豬手炆到軟身，豬皮同豬肉都好入味，送飯一流～仲有埋老火湯，多料，真係煲出黎，有骨膠原，唔係稀流流果種。講返正題，今日同四個朋友去屯門影相，諗起個豬脾飯，就一齊去依間食晚飯。去到坐滿人，等左一陣有得入座。今次可以試埋其他小食！泰式鳳爪，爽口彈牙，酸酸辣辣，夠晒醒胃，轉個頭就搶晒！一上菜即刻搶晒系列，相機都未拎起就食晒，好彩佢地都有留返Ｄ俾我:春卷、串燒、蝦餅春卷香脆、串燒香氣撲鼻，加埋沙爹醬就最正！蝦餅如果可以彈牙Ｄ就好，又或者係整一大塊，用筷子串住炸，切片上碟海南雞飯，雞肉夠滑，油飯夠香！幾欣賞依度Ｄ炒野，夠味，唔油我地叫左星洲炒米、炒貴刁、乾炒牛河當中最好食o既係乾炒牛河!! 我下次黎一定要再食!整體黎講，依間鋪頭令我地好滿意，環境舒服，職員有禮貌，食物好食，賣相ｏｋ，價錢合理。未試咖喱、檬粉果ｄ，下次試埋。走o既時候，其實我地未食飽，我地要留肚再戰下一站！^^

今次係vcity入面, 見呢間主打泰國菜, 8點前入坐, 唔使等位直入!今次一共兩個人, 因為個朋友都唔係太食得辣, 所以無得試冬蔭公湯 ....... 見到其他客人食真係好似好好味咁, 可惜!什錦拼盤:一共有5樣野 : 魚餅, 蝦餅, 雞翼, 春卷, 串燒咩都可以試下, 唔錯, 雞翼外皮夠脆, 特別係串燒, d 肉keep 得好好, 唔會老, 搞到我好期待之後個半打沙爹串燒沙爹串燒:最多可以mix 兩款, 有雞、豬、牛三款, 我地要豬牛拼 ~狂推牛!!!肉質讚!!!沙爹味濃, 食唔停口!扎肉金邊粉:清清地上湯, 淨食小食又唔夠飽, 全部小食都係濃味野, 我覺得叫個淡味既粉唔錯, 而且可以填下肚, 暖下胃~香茅豬頸肉:呢間真係個火侯控制得好好, 串燒之後, 豬頸肉又係肉質正, 又爽口又滑, 重有少少肉汁, 加埋d香茅味, 好滿足!!香茅雞翼:真係實物如圖!!!同什錦拼盤雞翼一樣, 不過呢碟就惹味d, 要夾埋d蔥同香料碎一齊食! 食一碟什錦拼盤得兩隻又點會夠侯, 點都要叫多碟啦, 真心推介!

星期六專登渣車入左去V City行街!個度都幾大..賣既野都有幾多同集中, 星期六都唔算多人, 總體感覺不錯!咁難得入到黎梗係食埋飯先走啦..所以就食左呢間!呢到係食泰國野, 咁第一樣叫既當然係冬陰公啦!同一般出面食到既唔同…呢個有正宗泰國風味, 同係泰國食到既味道差唔多!!冬陰公都真係幾足料, 個湯夠酸夠辣, D料入哂味!D蝦好爽脆彈牙!個湯夠鮮..但要注意有D辣…第二樣叫既就係咖哩薄餅!呢個真係好好食!連友人平時唔多食薄餅都覺得好好食!因為佢真係做到內軟外脆!真心推薦!之後食左串燒,可以一次叫2種唔同既肉..我地食左豬同雞…串燒燒得唔錯, 睇落以為脆口應該會好乾, 點知裡面好多肉汁, 好juicy~ 其實仲好想試牛,但因為朋友唔食牛所以就無叫了..食左個咖哩雞飯定食.., 咖哩好有椰香同香料味, 一食就停唔到口, 好食!!!..而且又唔算貴, 仲好多嫩滑既雞!!!最後,仲每人叫左一杯野飲!波羅冰同青檸梳打, 兩杯個味都適中, 唔會好似出面既過甜, 而且都有鮮果味!不俗!

週未相約幾個朋友過屯門行街食lunch, 之前經過都見多人排隊, 心諗應該都會OK呱~ 今次可能我地晏左, 見唔多人排就決定試下佢啦~咖喱牛腩飯, 牛腩煮得夠淋, 一咬就咬得開, 而且夠入味, 唔錯!!! 薯仔起沙又滿滿咖喱味, 真係唔錯~個咖喱就係重香料味同椰奶味, 可能多椰奶? 咖喱夠濃郁但又唔會過份濃味~~ 整體唔係太辣, 怕辣既人都可以試下~冬蔭公肥牛湯金邊粉, 個冬蔭公夠酸又夠辣, 睇到d辣油係面就知有幾辣得刺激~d蘑茹粒入哂味, 一d草青味都冇!!!! 肥牛唔算太肥, 有少少肥膏~~岩岩好, 唔會好油膩!!!泰式鳳爪個爽口, 一食個時酸酸地, 食食下鳳爪鮮味出黎, 我就鐘意加埋辣椒碎食好惹味!!香茅豬扒煎得唔錯, 雖然油膩d, 但係勝在裡面多肉汁, 而且好重香茅味, 食食下就停唔到口~~香茅雞翼比豬扒更正, 黎到已經聞到陣陣香茅味!!!皮煎得好脆口, 裡面雞肉好嫩滑, 咬落外脆內滑!!推介~~另外有2杯野飲無相睇: 菠蘿冰同菜蜜, 都算唔錯, 有足料去整而且甜度適中, 值加8蚊!!~~個set都幾多野揀~~如果平日黎就唔洗加一!!!!

某日下午於屯門辦事後，於v city隨意進入了這間名叫紅椒力量的餐廳，本來也沒甚期望的，不過吃過後又覺得美味又抵吃，令我喜出望外，下次於v city不知吃甚麼好的話，我會再來試試其他食物的!下午茶餐牌有2版，由港式茶餐廳的三文治、泰式冬蔭公河、馬來喇沙、星泰炒粉麵、青咖喱飯都有供應，炒粉麵價錢大多是$35，還包熱飲，以v city的商場定位來說簡直是超平，所以我未吃前都不敢抱有期望.泰式椒糕乾炒牛河 ($35)乾炒牛河是即炒的，內裡的牛肉份量頗多，而且辣味幾勁的，所以好惹味，內裡亦沒有我討厭的芽菜，所以食得開心又放心星洲炒貴刁 ($35)友人選了這款炒貴刁，看賣相也很吸引，試吃後覺得幾重咖喱味，內裡還有車厘茄、肉片及小蝦，味道也不錯，不過我個人較喜歡吃這店的乾牛河!餐飲熱鴛鴦這店的鴛鴦奶味較重，沒有澀味，個人覺得都可以接受.熱檸水友人的熱檸水賣相對辦，應該都ok.這店星期一至五免收加一，以$35一碟即炒麵食，絕對交足功課.

跟uncle mami去v city逛逛走走…不知道要吃什麼好…隨便走進了這間紅椒力量…看起來還不錯…是吃泰國菜的…價格也很便宜不貴…加上我也很愛吃泰菜就進去試試看吧…點了我最愛的"酸辣鳳爪"好好吃…酸辣度剛好…不會很辣…很開胃…我一個人差點吃完整盤…哈哈再來是看到很多人點的"喇沙串燒" 有豬牛雞可以選…一盤半打可以選2樣…豬肉串燒超嫩…不會鞋口…肉不會燒到很乾…不錯!!雞肉也是我喜歡的…很香口…這裡不是咖哩…是配喇沙醬吃…我自己個人很喜歡這喇沙醬…帶點點甜…配肉一起吃…很香很可口!!主菜是咖哩牛腩飯…好值得推薦!!咖哩好香…不會死咸…輕輕的椰味帶出了咖哩味道…拌飯好讚喔: 我們都每人吃一碗!! 還有牛腩超嫩超軟綿綿的!! 嘩嘩…推推…我們超快吃完呢~~套餐有附湯…很濃味…不是普通滾滾就算…真材實料!! 我uncle mami都說讚 (因為我們在外都很少喝外面的湯…都味精 ==)我跟媽媽都愛吃撈檬…酸酸的特別開胃…好吃好吃!!很值得一讚是飲品非常好…媽媽點的椰汁冰她一直說好好喝~~我點了熱柚子茶也好好喝…我也聽到旁邊坐的大嬸說她的紅豆冰好喝…早知道我也喝紅豆冰試試看*因為點套餐都有附飲

前幾天到屯門拜年,拜完年後就行下Vcity,之後就食埋個飯睇金雞2!Vcity入面都幾多唔同既餐廳,由於想食泰國野,就揀左呢間pepper power試。我地叫左幾個前菜,有: 什錦拼盤, 泰式鳳爪同香茅雞翼什錦拼盤: 我最喜歡個春卷同串燒,好好食,加埋d汁,酸酸甜甜好開胃!香茅雞翼平時食飯閒閒地都食十幾廿隻,所以拼盤得2隻又邊夠喉,所以再追加多個!我平時唔多喜歡出面的香茅味,不過呢度的卻沒有出面的嗆喉味,雞翼外脆內嫩,好有口感!泰式鳳爪是我每次到泰式餐廳必點的,呢個泰式鳳爪酸酸辣辣,食落味道有好多層次,值得一讚^^!好了,到主菜了!我地點左3個,分別是:海南雞飯,咖哩雜菜飯同泰式海鮮炒金邊粉。海南雞飯:呢度個飯同雞油的比例好好, 唔會油太多食落口油林林咁!最後是個雞!好嫩口加埋個甜豉油真係好夾! 整體我會比90分!咖哩雜菜飯: d菜浸係咖哩汁內都仍然爽脆又入味,之前試過好多d菜被咖哩汁浸到林晒,呢度都算唔錯!最後是泰式海鮮炒金邊粉: 呢個最好的地方是料多, 花生碎多! 其實呢個菜係邊度食都冇咩分別, 不過好多地方都麵多料少, 連花生碎都少! 料少我可接受, 但花生碎都少就不能理解,花

由於諗唔到食乜四圍行，行過呢間嘢門口個侍應生出嚟問係咪兩位， 我地就俾鬼迷咁入左去， 當時已經九點半，入面有仲幾枱人我地點左綠咖哩雞飯及辣椒雞肉炒飯， 食物質素如題， 綠咖哩裡面既雞又干又硬，仲要係雞脾位置！！估計風干雞應該擺左不止一日 。 至於辣椒雞肉炒飯，上枱后食左一啖已知不妙，因為一啲都唔辣 。我即係番開啲飯睇下有無辣椒，結果當然無啦。我即刻諗起兒時讀過既國王的新e， 笑左。我唔夠聰明，食唔到辣椒，只食到一口油除左食物不濟外，服務勁差。1. 第一道食物嚟左，即刻有人嚟收錢，我問個侍應“你地幾點收鋪“，侍應答我“就“，我問“就，即係幾點“，個侍應好似聽唔到我問既嘢，只話“只收現金或八達通“，我朋友話俾八達通，居然伸手想拎佢張八達通 ，我朋友即刻話“下， 我跟你出去俾“ 。究竟呢間嘢有無訓練啲員工？ 張自動增值既八達通好比一張無密碼既EPS，個侍應伸手拎張八達通想點呢？要不要打開個銀包俾個侍應找贖？？2. 既然咁趕時間收工，就唔好招攬顧客入嚟，從落單到過嚟收錢係十分鐘，嘢食都未齊已經答我就收鋪 3. 收完錢后，侍應就係旁邊掃地拖地，期間發出“砰砰嘭嘭“同埋枱櫈摩擦地下既尖聲，

星期六夜晚V city食飯, 間間都好多人等位, 懶得等位既我就決定同友人去呢間無人等位的鋪頭食飯入到去, 過左陣送上2杯水, 之後叫野食啦, 叫完我話唔好收menu住, 想睇下飲品, 個侍應已經眼超超, 無耐就問都無問仲要唔要menu就收左去, 算!! 頭盤泰式鳳爪黎到, 點知完全唔凍的!! 味道又好淡, 食完都無開胃的感覺另外仲叫左炒金邊粉, 冬陰公粉都OK的.仲叫左個炸蝦餅, 有4件, 食食下期間覺得怪怪地, 一D蝦味都無, 望入去個餡, 覺得係魚餅!!就叫個侍應黎話黎錯左, 個侍應再次表現不爽!! 去左同疑似經理的人講, 經理走埋黎, 望入D餡都話係魚餅, 但完全無提過, 亦都無意慾話換過俾我地!! 係要我地出口話換過2塊俾我地, 個經理仲話"換過2塊牙??" 俾錯左換過岩既係常識吧!!! 仲要由頭到尾一句唔好意思都無!! 唉! 到換完返黎, 咬左一啖, 根本就係無換過!!! 依然係無味道的魚餅!! 直頭懷疑只係拎入廚房再拎返出黎!!! 最後無食到!!! 間野所有人的服務態度都好好好差!! 呢間野唔會再去, 不可一, 不可再!!! 寧願花時間係隔離的餐廳等位!

約左朋友泥屯門V city 食飯。點知我個人笨笨地唔識路，叫了住附近的朋友拯救我。等到朋友，就選了這家泰國野試下啦。坐位寬敞舒適，服務都幾好，最重要係見佢餐牌價錢幾實惠。夜晚一個set 都係幾十蚊。合理合理。先叫了一個雜錦拼盤，一個拼盤有蝦餅，春卷，雞翼，雞串燒！兩個人食剛剛好。雞翼炸得乾身無油，外脆內汁夠。蝦餅都炸得剛好，香脆可口。我欣賞佢醬汁齊全，唔洗下下叫人拎比我。又可用不同醬汁配對美食。不過我好傷心地掉了串串燒落地下，就係咁。。。無得食！跟住我地仲叫左個冬蔭湯，不得不讚這個冬蔭功湯真係要必點啊！！佢不算辣(其實正常都不太辣) 湯底濃香已經正，仲要好多料，係每一匙都不到料咖！d 料有魚片，海鮮，菇類，真係足料好味而且湯底惹味濃郁。又鮮又微辣又可口，而且份量好大，就算三四個人都應該夠分，超推薦！吃完小食，飲完湯，要整個麵泥食下，點了個海鮮喇沙，先講個湯，濃郁而杰身，完滿足了的感覺，湯是好rich 的喇沙味和椰香，一上枱就不停飲個湯底，再講材料，一大堆餸，海鮮，豆卜咩都有。大滿足呀！還叫了個青咖哩雞飯，上枱時有點驚訝，未看過青咖哩會如此真的青色，試味後口感不錯，咖哩味香濃惹味。最後我

今次又黎屯門V City覓食。見到Pepper Power有tea set好似幾吸引就決定入去試下啦。環境都幾舒服，同朋友各自叫左青咖哩雞飯同咖哩牛腩飯，都係34蚊再送野飲，仲要唔洗加一，好抵！我地加左八蚊轉椰汁紅豆冰同咸檸七。賣相都好吸引同埋好香！ 椰汁紅豆冰唔錯，椰汁夠香。 咸檸七都係咁啦XD好飲。 青咖哩雞飯唔係好辣~但係D雞都幾滑幾入味，好好味！不過如果可以再多D汁就更加好！我比較鍾意食多汁 XD 而咖哩牛腩飯都唔錯，反而比青咖哩辣少少，牛腩好正，唔難咬XD不過都係可以再多D汁因為太肚餓所以叫左個雜錦拼盤同一個椰汁咖央多士。 雜錦拼盤幾好味，特別好鐘意個雞翼,其他就不過不失啦～ 椰汁咖央多士好香，加埋D咖央醬真係好好味～下午茶真係好抵，下次有機會再去試其他野^^

今晚為了幫老闆訂飛機票(私人旅程)而要留守在公司處理，直到八點幾才離開公司，認真無奈。晚飯趕不及回家吃了，唯有在最近公司附近的VCITY找吃的。差不多八點半鐘，商場的人流比假日少三分二，本來想去試試新開的利小館，不過晚市並沒有晚套餐，如果一個人吃碟麵加個小食就輕易地消費了過百，老實說我每星期有六至七日都是在家吃晚飯，所以好似今天要突如其來出街食的話，是很不想傷荷包的說。於是走去商場的餐廳層看看，各間食肆都只有半滿的食客，連最旺場的牛角都不用等位，可是現時又咳又有濕疹，燒烤就免了，土司工坊的喇沙﹑Izumi Curry的咖哩…統統重口味的都要避開。在煩惱著的同時，突然想到早幾天無聊之下上網翻看食評，當看完紅椒力量的食評後，發現在餐廳剛開業時(八月到九月)的評分多數是喊臉，但到十月份開始就全是笑臉，我感到好好奇究竟是什麼的一回事﹖難道店方有參看食評而作出改進嗎﹖好，趁今晚就去參透一下吧﹗XD女店員帶位之下，要和一對情侶人搭四人枱，看到食客不算多，吉位總是有的，但我沒有要求調位，不久旁邊對情侶走了，感覺就鬆動好多了。餐廳主打星馬泰的食物，晚餐主要是食各式粉麵飯，有馬來咖哩﹑泰式咖哩﹑星洲喇沙

17/11中午就入左黎屯門，無計啦因為今日要勞動幫個fd搬屋執野！勞動前就梗係要食個豐富lunch補充下體力啦！去左個新新地既商場Vcity既一間叫pepper power食，由一田超市上電梯轉左就係，個位都幾顯眼。中午12點幾都未算太多人，而且2個人都好快有位！肚餓啦，拿拿臨叫野食先…我就叫左個泰式鹵豬脾飯，d豬脾正呀！d肉好腍，鹵水汁好入味，而且肥瘦均勻，仲有半隻鹵水蛋喎，份量都足夠！Fd就叫左泰式海鮮炒金邊粉，因為佢唔係好食得太辣，所以order時叫左少辣。佢話個味好味，佢將旁邊d花生碎撈埋金邊粉，個味就酸酸甜甜但帶d辣辣地，夠開胃。我都夾左d黎試，又真係幾ok，金邊粉又好煙韌彈牙，我見佢碟野用料都幾足，有蟹柳、蝦、墨魚…..d金邊粉都幾多下…另外叫多左2個小食。1個豬頸肉，啖啖肉而且帶點微辣又唔會太油膩，正呀！另1個係半打雞肉串燒，雞肉鮮嫩，炸得金黃，點d沙嗲醬食，good 啦！最後，當然飲返杯野啦！Fd就叫左椰汁紅豆冰，佢話勁香椰子味，而且係勁多紅豆，甜度適中！我就叫左什果冰，底中勁多雜果，味就偏士多啤梨味，都唔差！超飽囉！講返環境，以簡樸為主都係木檯木凳，唔多花巧野！而服務

今晚試新野男友生拎位，我地點左喇沙$45-湯夠濃，幾野味滷水豬脾飯$52-個汁唔夠，但好好味，豬脾又唔太肥，好入味！泰式酸辣鳳爪$48-味道一般味，酸味適中，但唔夠辣加左$8 凍檸檳整體食物都唔錯，係鳳爪唔夠辣，下次我去試食其他。服務員好勤力，食完啲野，兩，三分鐘就即收，仲好有禮貌添！

yo~family day！難得星期日一家人逛街，最後又來到Vcity覓食！見到有間叫紅椒力量(Pepper Power)，商議後就決定在這間食啦，看看有多power嘛！嘻….晚上7點左右，人流都幾多，但都是稍等片刻就入座…環境>>我覺得挺開放式那般的，因為都是以木柵圍著，不是密封式的！色調好似要配合回東南亞風味，設施都是以木為材料，感覺平庸得來挺舒適的！好啦！看看餐牌先，嘩！都幾power，真係泰、越、印、馬星菜都有些喎，幾多選擇！一行6人就叫了以下的食物啦！1) 海南雞飯>>老實說，一定不會用新鮮雞，但雞肉確是很滑，至少不會 “梅”，而油飯當然很香啦，而且不會油太多！加上還附送一碗老火湯，老爸說不錯呢！2) 之後來了小食拚盤>有雞翼、豬牛雞串燒各一、2件好似炸芋絲豬肉卷、蝦餅…每樣都可以食下，幾好！適合眼闊肚窄又貪吃的客人叫呀！炸物好夠熱，串燒配上沙嗲醬，別具風味呢！蝦餅就當然配甜酸醬才一流啦，啖啖的鮮蝦味，讚！雞翼同豬肉卷我沒有食，媽同哥就食了，他們都說幾好味！3) 還有的是泰式鳳爪>>辣得很刺激！初初食下去不會太辣，而係食