紅椒力量 (已結業)

其實我自己唔係好食得辣，不過我身邊的朋友仔都好鐘意食，見佢地之前成日就我食唔辣既野，見天氣開始轉涼，今次秋季GATHERING 就決定以火辣辣的作為冬季的序幕，去左間連個名都好狠的 - 紅椒力量拼一拼啦!我的朋友果然唔留手，味味都點辣的。有見及此，我都叫了杯青檸梳打來定一定驚先。XD雖然唔太食得辣，不過都覺得個鳳爪辣得來好開胃，酸酸甜甜辣辣地，味道好有層次，是一個好合適的前菜。呀, 唔記得講，紅椒力量其實係食星馬野既，咁就一定唔少得串燒啦!我地就叫左雞同豬各半打來試，個人認為肉質ok，夠入味，唔點醬汁都好食。主菜方面，金邊粉可說是是晚亮點，我的朋友簡直讚不絕口!!! 雖然佢都好辣下，不過個味真係好野味，所以我一啖青檸梳打一啖金邊粉都食左半碟呢!最後就係個人的推介 – 咖哩雜菜蝦球飯，咖哩可說是我平日唯一會食的辣野，所以我對佢好高期望，而佢亦冇令我失望! 我個人最喜歡的咖哩是有濃濃的椰奶味，而個汁一家要 “傑”! 佢呢兩點都做得好好, 而且最好的是雜菜並沒有被咖哩過度淹至林晒，反而好有咬口，感覺好鮮嫩，連埋飯食真的very good!

今晚補記產假最後一天的食記，最後一晚都出街? 是的，因為這次去的是地點就近、相當方便，近期愛去的屯門V city；其實，可以連同家人一同用餐，輕鬆快捷，感覺特別開心呢!V city在MTR層下的一樓，有著不少的食肆，各適其式；而Pepper Power就是主打星馬泰菜式，門口時尚簡約、店內鮮明光潔企理，而且也有BB椅提供，當晚為食囝囝也在店內吃得十分開心~返工前夕天陰有雨，心情悶悶的，不過胃口卻奇好 (或是與天氣較凍有關!)，一口氣點了超多菜式呢，當中大部分是廚師推介，首先是新加坡海南雞飯 ($62，廚師推介)，配以香茅油飯及老火例湯上檯，份量十足。先飲老火例湯，當日是蓮藕排骨湯，當然難與家中的老火湯比，不過味道也算清潤可喜，最重要是飲來沒多少味精，感覺較健康。雞件是胸位加翼位，為數不少，點上三色醬吃得滿足，如果肉質再鬆點會更好；而最欣賞其實是油飯，香口得來不會太膩，一口氣連吃大半碗!!接著的泰式鹵豬脾飯 ($55，廚師推介) 就是甜魔媽媽的大愛，鹵豬脾的外皮軟稔富膠質，微甜又入味，誘人非常，中間的肉質也鬆化好吃，拌以軟熟的絲苗白飯太好吃了!! 至於鹵蛋由於一開頭就給為食Matthew

前幾天跟老公及兩個仔仔去到屯門的Vcity逛逛，行到累了就去左紅椒力量食晚飯。入店的時間大約是6:30都尚未到正常晚飯時間，所以cherry都不用等位就可直接入內。餐牌有各式各樣的美食，價錢都不貴，大多40-50多元就有一款。cherry最後選了4樣，第一款是哥哥所選的正宗馬來雞翼喇沙米線($48)。雞翼很香口入味，哥哥呢個雞翼王超喜歡~~而喇沙湯底味道很香濃，cherry覺得好味。第二款是泰式炸蝦餅($45/4件)，cherry個人覺得質地唔夠彈牙淋左d，但味道方面算唔錯，細佬佢超喜歡吃，一個人食左2件，要比5分喎~~第3樣是沙爹牛肉串燒($52/6串)，其實除了牛肉外還有豬肉同雞肉，餐牌上規定每一碟只可選一款，但我覺得若果可以同時選擇雞肉同豬肉就更好。牛肉串燒外香肉嫩，加埋個甜甜地的沙爹醬，cherry一個人都食左3串呢，正喔~~第4樣是泰式海鮮炒金邊粉($52)，這個海鮮方面不算太多，而味道方面是酸酸甜甜有點微微的辣，入口覺得本身味道是不錯但略為覺得味道較淡，若可以濃一點更好。最後還點了3杯飲品埋單才$263(免加一)，不需300元就一家人食到超飽，堅抵~~

屯門V city 開左甘耐，今日終於有機會來到！行完商場，當然搵食，見呢間唔係好駛等位，便決定食呢間。先來一個雜錦拼盤，一個拼盤有魚餅，串燒，春卷，雞翼，全部都好食咼！特別D魚餅同春卷整得好脆口好香口，正！鹵豬脾飯 - D鹵水汁好好味，D豬脾鹵到入晒味，又唔係太肥，好好！海鮮抄烏冬，佢D烏冬幼身，但抄完又唔會太“林”，配合埋D海鮮同我至like肉鬆係面，又加左xo醬，辣辣地，good！冬蔭湯，有冬蔭功味！再濃d會重好！海鮮喇沙，我只食左幾條，口感好ok，d米線好爽口，d湯好夠味！總括來講，呢間餐廳d食物真唔差，是好食的，不似會甘多人彈的！不過其實見近期d人已經開始讚的多，我相信呢間餐廳是一路進步中，如果大家來到v city搵食，呢間餐廳絕對幫襯得過呢！

前幾日放工，之後同女朋友去吃飯。兩個人一路行一路在想要吃什麼，當煩惱要吃什麼的時候，就停在這間紅椒力量門前。反正未吃過，肚又餓，就入去試一試。入到內坐下，就發現是一間以泰國菜為主的餐廳，而且價錢比想像中的便宜。因為我本身比較喜歡吃辣，所以泰國菜很適合我吃。之後我跟女朋友就隨意選了幾個東西來吃什錦拼盤因為想一次過吃幾種小食，所以就叫了這個什錦拼盤。每一種小食都很好吃，而且又有幾款醬汁，所以每一種小食因應不同既醬汁而令味道有所不同。要我選擇當中最好吃的，應該就是雞翼和蝦餅。雞翼和蝦餅外皮脆肉質滑，炸得剛剛好。吃下去的口感很好，蝦餅因為炸得剛剛好，所以咬下去的口感十分彈牙。冬蔭海鮮湯這個冬蔭海鮮湯在我個人而言，我十分喜歡。因為我喜歡吃辣，所以這個很適合我。而且這個湯內的材料很多，用料十足，又有足夠的香料，所以香味很夠，而且味道非常好。湯的材料包括好幾種的海鮮，令湯更加鮮味。雖然有點辣，但會令人停不了口。這個湯給我的感覺很地道。泰式鳳爪這個菜對一些喜歡酸酸辣辣的人最適合不過，因為酸辣適中，唔會辣得太過火。這個會令人吃到不能停口，因為十分開胃。很貼心的地方是這些鳳爪是沒有骨的，應該是事先拿走了當

我+老公+朋友3個人買左飛睇雷神，見仲未食飯就行左去Vcity試Pepper Power.唔講真係唔知佢地係食泰國野架@@我地3個人都好餓，叫左都幾多野食。2飯1粉1湯2小食2飲品，$500有找！都還算可以接受！最值得一提就係個冬陰公湯，連我個泰國華橋friend都話正宗，仲一路話個廚應該係泰國人喎海南雞好稔呢個粉既量真係好多，食左少少就好飽！好彩有2個男仔咁食得 !!好味冬陰公小食我最鐘意個春卷同雞翼泰式鳳爪都好好味，但我就覺得有少少太辣，要一路飲水一路食飲品就叫左菠蘿冰同雜果冰，童年回憶返晒泥

老婆濕平唔煮飯，惟有call 兄弟陪食飯見到樓下V City 紅椒力量 pepper power主打東南亞菜，兄弟話要試試。餐廳環境企理，幾個大隻仔坐下唔覺迫還算舒適。兄弟們叫了海南雞飯，鹵豬脾飯 冬蔭公及什錦拼盆等食物，飢腸轆轆的我想幾時有得食，轉頭侍應即送來熱騰騰冬蔭公，酸辣適中材料足，好飲!!!海南雞飯雖然不是鮮雞但肉質夠嫩滑，果碗飯雞油味香正，連碗例湯都非常足料好鮮味，初期以為自己好彩呀姐比多D 我，見鄰枱都係咁多 。應用上大量豬骨熬製 ，非常鮮。鹵豬脾飯夠入味嫌切得大大舊，什錦拼盆OK醬汁好味尤其是個沙嗲醬，試埋飲品紅豆奶茶紅豆大大粒有咬口，珍多冰及什果冰OK，價錢合理，這個價錢食到幾個大隻仔攬住肚走 。

同屋企人行Vcity,行到餓,本身想出商場食(因為通常商場都好貴)走前經過呢間野,睇一睇餐牌,又幾抵食,仲要無加一服務費泰國菜一碟野都係40幾蚊,大型商場,晚市,竟然做到呢個價錢？！以為會好細碟啦！點知樣樣都大大碟！搞到食唔哂！泰國野比我感覺都係又貴又細碟架嘛！呢間野令我對泰國菜改觀哂！真係好抵食,4個人食8碟野,食到嘔,湯同飯都無食哂,因為價錢太抵,每樣都想食,眼闊肚窄！一定會再有下次PS.等野食期間有上Openrice睇下呢間野既食評,      見到咁多負評仲以為會好差,以為帶錯屋企人入黎添,點知原來咁好食

睇返之前D留言，其實好似誇張左少少。我地2人差唔多晚上9點先去食所以唔駛點等位。個裝修同環境都幾好，好乾淨。2人叫左3樣野，咖哩札肉喇沙，咖哩焗豬扒飯，雞肉串燒。D野食一上，比我地預期既分量大份好多。2個人叫3樣野，最後個豬扒飯係食唔晒要拎走。個咖哩札肉喇沙真係值得一試！越食越好味！！！而雞肉串燒一碟6串，只可以固定一種。如果可以撘埋其他豬牛，每樣2串，試下不同口味就最好！

今日入V city行街街, 行到累找間餐廳食個下午茶, 點知想不到有甘好食的喇沙睇下個下午茶餐牌, 三十幾蚊有個喇沙和野飲,即刻試下佢實在想不到正宗喇沙在香港都食到 ， 個湯底相當講究，應用上大量魚乾、豬骨及蝦殼熬製 ，非常鮮美, 真係有機會想再食如果有機會入V city, 不妨試下, 絕對推介!

有朋自遠方來,6個好友去屯門購物,外來朋友想試泰式食品,於是上來睇睇有乜好食,呢個商場泰式食品係得呢間,唔係要行返去屯明市廣場,但見喊仲多個笑,始終有卻步,但朋友又好想食,又行到鬼死咁攰,於是膽粗粗試下,點知有驚喜,並唔係之前食家般的投訴,要平反一下...泰式鳳爪 – 夠酸辣,開胃一流香茅豬扒 – 香茅味夠,不過乾身左少少串燒 – 個汁好惹味,但又係乾身左少少海南雞飯 – 雞幾滑,點埋醬汁入口味道唔錯,個飯好好味,唔算太油,好香耶味鹵豬脾飯 – 個鹵水汁好香,豬脾夠稔又入晒味,食落口又唔算油海鮮喇沙 – 個味道好好,香而不太辣,侍應見我地果碗索晒水唔夠湯,仲主動問我地加唔加湯,抵讚咖哩牛腩 – 咖哩味濃,d牛腩又係炆酊稔晒入晒味咖哩雜菜 – 侍應推介,起初驚辣,不過食入口原來椰味較濃,一d都唔辣,女仕們0岩晒仲有杯奶荼紅豆冰 – 聽落怪怪咁,實際好好飲,甜味適中,唔會話太甜…

初初行過見到冇乜人食，都唔係抱有太大期望，但見價錢都合理就行左入去個環境都唔係太差如果D枱唔係咁迫會再加分好啦講返啲食物先叫左個豬肶飯，而我朋友就叫左個豬扒湯濛豬肶略嫌有少少“UN” 但D汁就OK，而且個份量都叫多。有八舊左右，每件都有2個＄5餅咁厚個湯濛雖然比較清 但友人就話岩岩好而豬扒都好入味（問左待應拎左支撈濛汁，點黎食仲正）仲有其實D侍應態度都幾好Total改左3次單都冇話黑面，呢方面都幾抵讚

話說呢, 之前有分享過起VCITY 既峰壽司 & 羅麥記既兩篇食評~! 今日, 同MAMI起屯門一帶四圍閒逛, 行左幾個鐘都有D攰喇, 想搵個地方飲杯野~就咁岩經過呢間紅椒力量, 見到有TEA SET~ 試試吧! 呢到TEA SET 價位$26- $50 左右, 有三文治, 湯粉麵, 小食, 炒粉麵, 焗飯... 等等~ 下午茶黎緊算好多選擇^^媽咪叫左 "冬蔭香茅豬扒金邊粉 $34 (下午茶) 跟熱飲" , 碗粉一擺起我地面前已經聞到好香既冬蔭功味, 嚐一口~  竟然有驚喜, 有落足料果然唔同, 湯入面有南薑, 檸檬葉, 香茅, 指天椒, 草菇, 出奇地香濃~ 略欠左DD椰奶, 唔係既話湯底會更香更滑~!!  香茅豬扒入味, 香茅味很出, 美中不足, 豬扒應該唔係即叫即整, 所以豬扒唔係熱的~!雖然有不足之處, 但呢到既冬蔭公湯, 仍然絕對值得一試~ ^^  而我就叫左 泰式豬頸肉撈檬 $32 (下午茶) 跟熱飲 , 對比之下, 呢個的確比冬蔭功湯粉差很遠呢~ 豬頸肉食落好似無醃過咁, 肉質有太過乾身, 完全無平時既豬頸肉爽口油香感覺 , 而且豬頸肉又係一早整定既, 所以唔熱的~ 這

服務友善和招呼夠快。食物落單後都自不用等好久就有得食。食物方面:咖喱有誠意，香料十足。雞翼味道唔不錯，還肉汁流出。炒飯稍為乾身。炒菜夠大碟。整體不錯，都幾好食，有機會會再試。

下午茶時間與朋友到VCITY食個Tea! 由於是假期，好多間餐廳都爆多人，唯獨是這間【紅椒力量 Pepper Power】不多人，我們一行五人都不用等位。門口大大的下午茶manual有成六十多款選擇! (價格由26元到42元)我們本想吃一些比較light d 既下午茶! 但想像不到頭十三個較輕便、便宜的下午茶都沒有供應。我們問侍應是否售罄，他說「不是，只是今天沒有供應。」經我們計算，有供應的套餐有約42個。 最平宜的套餐全無供應。最平的要由30元起。如果店內沒有供應，為什麼餐廳門口大大的餐牌還有的呢? 這間餐廳的做生意手法是如何，我相信大家都心裡有數。  由於已經坐下，我們唯有點其他我們原先是不想吃的食物! 【香茅雞翼撈檬】 & 【豬頸肉撈檬】不好吃，雞翼和豬頸肉都是凍的! 一點暖的感覺都沒有，肉質好硬，撈檬份量少。 【肥牛喇沙】肥牛喇沙加了很多很多椰奶，朋友說沒有意見。【冬蔭豬頸肉金邊粉】冬蔭豬頸肉金邊粉味道夠淡，不好味! 豬頸肉凍而變硬了。  味道不好，好多食物又冇得食。仲有就係侍應落單有D混亂。以後都唔會食，唔會光顧! 最後, 我地終於知道點解間間都爆晒， 而呢間會有位