緣聚鮮鍋 (已結業)

荃灣大鴻輝的緣聚鮮鍋，是我食過最多款式、種類的放題之一 ，餐廳環境舒適，裝修雅緻，放題有自助有手機 自行點菜， 非常方便及快捷！入座前先揀一個湯底，我們要了個鴛鴦鍋，日式豬骨湯底拼風味麻辣鍋。自助熟食放題場地大，款式多，有炸物、 熟食、刺身、壽司、湯、 沙律小食 、甜品 及飲品……等等。手幾點的有:熟食前菜、餃子類、肉類、特級食品、星級食品…等， 任點任食。入座後先取了一些喜愛的自助放題，要了豬腳薑、煎餃子、灼蝦、薯條等…，展開了放題序幕。刺身要了三文魚、鮮帶子、鮮蝦…等。三文魚油香鮮美，帶子鮮甜新鮮，蝦肉爽口又鮮味…，好味。美國安格斯牛肉美國安格斯牛肉切得大件及很薄，帶冰底上，顏色鮮豔亮麗，認真高質又有牛味！美國穀飼肥牛美國穀飼肥牛，肥瘦相間，入口油香。羊肉片最愛羊肉片，滋補又美味，重覆點了三次呢。牛柏葉，牛柏葉腍中帶點爽口，麻辣的湯底令牛柏葉增添美味。半殼扇貝，細細隻，但鮮甜美味，一口一隻。蠔肉是廣島蠔， 肥嘟嘟又軟又滑，帶有廣島蠔特別的鮮味。雞仔入口軟軟滑滑的，夠滋補呢 ！還要了一些喜愛的沙白蜆、大蝦天婦羅、茄子天婦羅…等，最後食多個甜品，嘩， 放題真是食得非常開心又滋味！！

荃灣緣聚鮮鍋主打2小時任食自助餐吧+火鍋～包刺身、 特級牛肩胛肉眼$168 起～9款湯底選擇！+$9就可自選鴛鴦湯鍋 6款刺身 （有赤蝦同油甘魚添）沙律、前菜、多款熟食、前菜、丸類、菜類火鍋配料、甜品（啫喱、涼粉、雪糕）選擇了壽喜燒湯底，美中不足是二人用一個湯底，只包一隻雞蛋。肉類就QR code 點單！海鮮都係Qr code點單最吸引我梗係超長飲品櫃，多款無重覆、仲有花茶壺、清酒、梅酒、思樂冰同熱麥精。整體食物質素都算對得住價錢，望落新鮮、乾淨企理，以款式取勝。如追求高質食材嘅呢度就未必係選擇喇！

今天難得盡時收工，便和爸爸吃餐好的，這間位於荃灣非常出名的buffet店，自助任食區食物多得驚人，中日韓甜品刺身飲品酒類等等都應有盡有，我們行了很多轉都未攞完😂 火鍋底選了清熱氣的芫茜皮蛋湯，芫茜及皮蛋都非常足料絕不手軟，黃金時段每名客人更免費送贈特級靚牛，雪花紋分佈平均，淥一淥十秒左右便可進食。通過QR code點餐，更可任叫美國殼飼肥牛、特級牛肩胛肉眼、豚肉及羊肉等，同樣碟碟新鮮肉味濃郁😋 海鮮包括蠔肉、半殼扇貝、沙白等即點即送上。我最喜愛的是刺身區，有鮮帶子、三文魚、希靈魚、油甘魚、吞拿魚、榮螺片及赤蝦，是我吃過種類最多且非常新鮮的刺身區，而喜愛吃生蠔的朋友可即叫即開，每隻$10價值便宜。另一個值得讚賞的是飲品區提供超過20款冷熱飲品，而酒類更有清酒、梅酒、Apple Cider、及6款來自世界各地的啤酒👍🏻 就連那些年的熱樽裝維他奶也能品嘗，非常貼心。相信很快會與朋友們再次光臨，大飽口福😋

大鴻輝有很多放題及任食火鍋，今次試了緣聚鮮鍋，不用於樓下排隊搭lift，只需沿扶手電梯上3樓，在門外要先選好餐及火鍋湯底。我們點了特濃沙嗲湯底，湯底味道真的十分濃郁。餐廳提供了很多類型的食品，有熱食、壽司、刺身、前菜沙律、火鍋配料、飲品、雪糕及甜品等等。.特級牛肩胛肉眼肉味香，有少許油脂令肉質更滑。茶碗蒸用了較高身的器皿，雞蛋十分滑溜，加上蟹柳及蟹籽，味道鮮甜。發現有款丸很特別，是榴連味道的外層跟平常的海膽丸相似，但餡料變成了少少甜的榴槤蓉，第一次食，喜愛榴槤的朋友可以試一試。刺身方面，有我喜愛的油甘魚及帆立貝，油甘魚油香味重，帆立貝新鮮鮮甜。另外還有希靈魚、三文魚、吞拿魚等等，每次可取三款刺身。帶子連殻煮，都算乾淨，上菜的速度快份量多，回本之選。食飽飽還可用第二個胃去食甜品，有很多我喜愛的啫喱啫喱有不同的味道，還有大菜糕、牛奶凍等等。飲品多不勝數，啤酒都有不同產地，又有Apple cider，好多選擇

我地黃金時間黎都係$228一個人 首先選湯底 麻辣拼豬骨而且手機下單好方便👍🏻刺身每一次限選三款帶子 三文魚 吞拿魚及牡丹蝦 都鮮甜 特別係三文魚腩好肥美😍😍 重點推介厚薄適中軟熟 飲品區域選擇 梅酒, 清酒 可樂 沙冰,全部任喝火鍋材料可以自助手機下單 壽司可以外面自助區攞 糖水自助區超吸引 有 黑白涼粉 椰果粒等等 黑糖漿 花奶同雪糕而且無漏單上菜超快✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $228 𝘱𝘦𝘳 2.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 緣聚鮮鍋荃灣眾安街55號大鴻輝(荃灣)中心3樓˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

今日放工同家人黎到放題。入座前先選好湯底，選了日式豬骨濃湯。個湯底味道濃度岩岩好，適合打邊爐夾肉同菜。出面都有好多種類可以拎，有冷盤，打邊爐食品，麵食，熟物，飲品櫃，雪糕櫃。冷盤有八爪魚仔，螺仔都幾好食。打邊爐丸類，腸都多選擇。麵食除左出前一丁仲有不同粉麵，烏冬可以選擇。熟物有炸薯角，炸餃子，炸蝦，雞翼，豬手等等。飲品櫃有好多選擇，有可樂系列，韓式飲品，清酒，自助花茶，仲有熱維他奶。刺身有赤蝦，帶子，吞拿魚，三文魚，榮螺片。赤蝦好鮮甜好味道，帶子口感同鮮味十足。另外，可以用入座qr code輸入落單。西班牙豚肉肉質良好，口感一流。雪花牛油脂分佈平均，入口即溶。響鈴，山根，炸魚皮都係配合打邊爐最佳。雪糕櫃都好多選擇。

呢間火鍋任食放題好正，嘢食飲品甜品都非常多選擇，而且質素都好好，環境也衛生。我哋加咗$18要咗期間限定嘅藥膳雞煲湯底，一餸上枱已經聞到好香嘅藥材味，仲會附上原隻雞脾，好足料，而家秋涼食好保暖。呢度除咗火鍋配料，仲可以任食刺身壽司，有三文魚、帶子、赤蝦、油甘魚等。就連餐前小食都有好多款，我最鍾意食佢嘅泰式鳳爪，酸酸甜甜好開胃，朋友就鍾意佢整嘅蒜泥白肉同韓式泡菜，好有水準。熟食有清酒煮蜆、雞肉串燒、秘製雞翼，啱晒同行既老人家同小朋友食。仲有啲炸物小食好似薯條薯餅章魚小丸子，全部都熱辣辣，新鮮炸出嚟，質素好高。火鍋肉類配料，一定必食特級牛肩胛肉眼同西班牙梅頭豬肉，兩款肉都切得好薄身，好有肉味，又唔會有太多肥膏，食多幾碟都唔覺得油膩。甜品同飲品亦好多選擇，花多眼亂，甜品只有雪糕frozen yogurt，仲有豆腐花、蒟蒻、乳酪、雪耳紅棗糖水。我就最鍾意佢有唔同嘅花茶，可以自己自由配搭，沖成一壺，一邊食火鍋一邊嘆茶。呢度性價比真係好高，價錢唔貴，又多嘢食！

好幾年前已知道有「緣聚」這一間餐廳，當時想去的是其元朗店，但卻總是未能成行。輾轉之下來到了荃灣分店光顧。「緣聚」位於大鴻輝中心的3樓全層，搭扶手電梯上去就是，不須和其他人迫升降機。餐廳地方寬敞，食物區與座位各佔一半面積。食物種類相對多，由餐前小食、沙律、魚生，到甜品、清酒、汽水都有齊。120分鐘的任食放題絕對可捧腹而歸。魚生、壽司：剌身選擇都算多，比較大腦的三文魚、吞拿魚都有。較驚喜的是有赤蝦，質素平平但勝在過口癮。餐前小食區：有炸物也有熱食。拿了秘製雞翼和清酒煮蜆嚐嚐，味道不過不失。最近超高人氣的台灣麻辣鴨血，沒想到這裡會有這款湯底。湯底材料聲稱有鴨血、豆皮、京葱、指天椒干和小米椒。但不知是不是漏了的關係，鍋內並沒有鴨血。湯底顏色雖然很紅，但入口只是微辣，都是相對容易接受。稍嫌店員以清湯底加湯，沖淡了整鍋的麻辣味道。火鍋食材：肉類、海鮮類等需要手機下單，而其他如丸類、蔬菜等則現場夾取就行。款式選擇都幾多，更有少見的豆腐串。放進麻辣鴨血湯底，剛好盡索湯底精華。麵類：每次的邊爐都會以麵食作為完成式。這邊的麵類選擇也頗廣闊。不過如上所述，加了清湯後沖淡了麻辣湯，食物的惹味度大減。甜品、飲品

天氣涼涼地，最啱打邊爐🍲，荃灣緣聚鮮鍋做緊120分鐘任飲任食，地方大，食物種類多，冷盤熱菜、壽司刺生、沙冰雪糕、沙律甜品、熱湯熱茶、啤酒汽水，樣樣齊全，真係超飽超滿足💯。除了自助餐火鍋放題，仲有抵食價$10一隻即開法國/日本生蠔。老公點了特級牛肩胛內眼，我就較為喜歡農場雞件🐓，幾有雞味，西班牙梅頭豬肉也不錯，青口超大隻，食埋多款壽司已經飽飽哋，攞返啲蔬菜菇類平衡一吓，然後再飲了一碗紅蘿蔔湯，最後再來一杯蜜瓜味沙冰和豆腐花，食咗咁多，人均消費都不用三百元，真係平過自己喺屋企煮😉。總括而言，餐廳衛生情況良好，店員上菜和收碟都很有效率，價錢合理而且選擇多，十分推薦！

來過大鴻輝中心很多次，第一次吃緣聚的自助餐，想不到比想像的好，性價比高～食物方面種類很多，冷盤小吃有八爪魚、螺肉、中華沙律，連蒜泥白肉、手拍青瓜、鳳爪也有，炸物小吃當然也不例外。火鍋材料蔬菜很新鮮乾淨，我和朋友也吃了很多皇帝菜，萵筍很爽口鮮甜，火鍋壽喜燒配日本蛋，內裡有豆腐、洋蔥，味道清甜。牛肉紋理也很美，分佈平均，上菜又快，下單一會就上菜了～新鮮即開生蠔都只是$10一隻甜品方面除了乳酪雪糕還有蜜瓜味，我也吃了兩杯，還有可以夾糖超豐富，這個價錢有如此豐富的食材，性價比很高，很快下次要再來吃個夠～

今次到哥哥出動喇！我地去左荃灣緣聚鮮鍋嘆超抵食任食buffet加火鍋放題😍哥哥想食自助餐😚同時又想打邊爐，烚芝士丸、龍蝦丸😆喺網上面搵咗一輪終於搵到呢度👍🏻一次過可以滿足晒哥哥嘅願望💗我哋平日嘅夜晚去，任食兩個鐘大人$208小朋友$128🌟我哋揀咗哥哥最愛嘅健康有益蕃茄湯底🍅行到去到個位度未坐低哥哥已經飛奔出去自助吧度開動😆首先拎餐前小食，炸魚皮、炸餃子、炸雞粒、薯條、薯角、薯餅、蛋撻等等小朋友最愛香口小食💗然後就到壽司沙律吧🍣 款式好多種選擇😍 魚生刺身即叫即切非常鮮美🥰三文魚，螺肉，帶子，希靈魚，吞拿魚每次排隊可以揀3款😋飲品都係可以無限自取，款式真係多到數之不盡🌟可樂罐裝汽水紙包飲品檸檬茶芒果汁提子汁真係多到眼花撩亂😋除咗呢啲大路款式之外佢哋仲有花茶專區添🌸揀咗啲鍾意食同飲嘅嘢返埋位之後我哋就開始用手提電話揀火鍋配料，除咗可以用電話落單之外其實出面都仲係有好多唔同嘅火鍋配料選擇🤩瓜類、蔬菜、即食麵、丸類、豬紅魷魚玉子豆腐真係諗得出嘅呢度都有😁火鍋醬汁都係可以自己喺出面調教真係好方便👍🏻食到最後就梗係食甜品🍮蛋糕、啫喱、雪糕球、夾糖😍連雪糕機即唧乳酪都有👍🏻兩個鐘頭真係食到飽晒😍我

我和家人喜歡吃的東西有所不同，吃放題也是一個好選擇。 這次我和家人到荃灣這家 綠聚鮮鍋放題試一下。我們五點鐘入座，想不到門口已經有一條龍排隊， 餐廳也非常受歡迎。這個放題的食物各適其適， 日式方面有刺身，例如鮮蝦，帶子，三文魚，吞拿魚等等；有壽司， 例如熟食的鰻魚壽司，腐皮壽司，蟹柳壽司等等，所以大人小朋友都啱食。 打邊爐方面可以手機落單，肉類魚，肥牛，雞件或海產例如扇貝，豪等等， 扇貝特別新鮮，家人也點了多次。 打邊爐當然不少得配菜，他們有新鮮娃娃菜，金菇，冬菇，生菜等等， 全部也是嫩嫩綠綠的，非常新鮮，而且洗得很乾淨。 還有幾種特色日式烏冬拉麵， 小朋友愛不擇手， 我覺得也非常爽口彈牙。另一邊還有熟食，例如我最喜愛的早餐薯餅， 熱辣辣外脆內軟， 還有炸魚皮，薯角，麥樂雞等等， 再飲返杯酸梅湯或菊花茶， 下一下火就最啱。 最後當然是甜品，他們有朱古力，綠茶等。雪糕上面可以加棉花糖，可樂糖等等。這個放題的產品種類繁多，適合一家大小或三五知己，每人可以吃到自己喜歡的東西。

當晚我同朋友一行六人，就分開咗兩張並排嘅四人枱，三個三個咁坐～枱同枱之間隔咗差唔多一張櫈嘅闊度＋喺枱邊放置咗塊透明隔板，而且每張枱都釘死咗，係冇得自己拉近啲㗎🤣有時傾得太起勁嘅時候直頭會不自覺起身圍咗喺隔離枱一齊傾⋯⋯呢個時候侍應都會過嚟提我哋每次最多四個人，唔好違規喇😅但我哋成班女，有時講講吓都係會唔小心愈傾愈埋⋯⋯麻煩晒侍應每次嘅善意提醒🤣🤣圍爐記得要有防疫意識呀！！食物方面～湯底叫咗【椰子雞湯】，因為雞係湯到咗之後先自己加，所以第一啖湯冇咩味，幾淡。第一件事就出去拎嘢食豐富吓個湯🤣自取食物嘅範圍都幾大，應該有鋪面3分1咁大，分開咗壽司刺身、丸、菜、麵食、沙津、雪糕、甜品、配料、飲品⋯⋯但放喺食物櫃嘅動漫figure最搶我嘅注意力🤣食物嚟講就不過不失啦，普普通通一間自助任食嘅火鍋餐廳，冇咩係特別出色得令人suprise~

今晚為慶祝朋友生日，大家都提議吃得「豪」一點，我們最後選擇了位於荃灣大鴻輝商場的「緣聚先鍋」大吃一頓。餐廳很寬敞，佔了全層，有多個自助食品區。坐下來，我們先用QRCODE 選了火鍋料，豬、牛、羊、雞、蠔、貝等20種火鍋食材，種類太多，不能盡錄。然後我們分工合作，有的去取飲品，有的去取餐前小食，有的去取蔬菜。飲品包羅萬有，除了汽水啤酒外，還有日本清酒和梅酒，都是自助任飲的。我嘗了小杯梅酒，入口香醇，真是好酒！開胃前菜有一般的沙律，更有辣泡菜和豬耳朵等特色小食。日式食品區有十款以上的壽司和多種刺身可供選擇。我選了三文魚、吞拿魚和油甘魚。魚肉刺身新鮮肥美，甘香可口。正在吃得津津有味的時候，火鍋料來了，放得滿枱都是。因為實在太多的緣故，我已經記不起吃過甚麼了，不過，印象比較深刻的有：牛肩，肉質軟中帶爽；蠔肉，熟透仍不失蠔的鮮味；雞肉，肉厚而嫩滑；餃子，美味的肉餡加上爽滑的外表，我一口氣吃了四隻！吃得差不多了，又到吃甜品的時間。甜品部的甜品種類繁多，琳瑯滿目，有布甸、啫喱、蛋糕、涼粉、雪糕、生果、糖果......等，我只選了其中幾款。一輪衝刺過後，已經超負荷了，晚餐在歡樂聲中結束。雖然滿足了胃口

今日放工與朋友同遊荃灣， 無意中見到一間招牌寫住-緣聚鮮鍋 （日式 刺身任食+ 火鍋放題），價錢又大眾化，便決定一探究竟。沿着扶手電梯上3樓，餐廳 裝修美觀 ， 枱與枱之間不會距離太近太逼， 地下乾爽不油不滑， 舒適滿意。 火鍋湯底 我們選擇了比較少見的 壽喜燒湯底， 並無添加任何味精，食材豐富多元化，既可滿足喜歡日式的我（壽司刺身）， 又可以滿足喜歡火鍋的朋友。一坐下，餐廳便每台送了一碟雪花肥牛，牛肉鮮嫩多汁， 厚薄適中軟熟，西班牙豬肉 更是令我們驚喜，肥瘦適中，爽脆肉嫩，重點推介😋蔬菜及菇類選擇種類很多，新鮮嫩綠， 雜圓品種亦有10數款任君選擇👍日式專櫃，除了魚生和壽司款式多之外，還有師傅現場即包的手卷都很新鮮。飲品方面，啤酒汽水有幾十款可供選擇 多不勝數，甜品選擇也很多，值得推薦 的糖水自助區，有少見的雪燕，可配搭黑白涼粉、蘆薈粒、椰果粒等等⋯⋯隨自己口味加上黑糖漿、花奶或者椰奶同食，正😋晚市還有10元1隻即開生蠔，今次太飽，下次再去試試。