緣聚鮮鍋 (已結業)

大家鍾唔鍾意打邊爐嗎? 我絕對係一個火鍋控呢!😍好鍾意打邊爐的我! 近日又開始可以去邊爐啦!呢晚到了荃灣的緣聚鮮鍋😙真係好抵食呀!即使黃金時間都係大約$220左右一個人🤩-當日一去到在入座前會先點選湯底🥘這次選了蕃茄湯底呢!🍅🍅火鍋配料可以出去自己取外，仲可以經過電腦點呢!而且選擇都仲有好多，我點了有玉子豆腐、牛柏葉、豬紅等🌽🌶🥬🥬出面仲有丸、其他火鍋材料等!🥬🌽🥦🥕-除了火鍋外，仲有刺身可以取呢!除了三文魚、仲有希靈魚、吞拿魚等等!好多選擇呀!🍣🍤在外面仲有好多麵食選擇!除了火鍋，仲有好多熟食!當然仲有沙律同菜啦!🥗🥝🥬🥒-最想分享在甜品入面仲有涼粉呀!🍮好耐無食我立即有試呢!仲有乳酪雪糕! 都係平日少食的甜品!🍦🍨岩晒喜歡好多選擇，又想試不同的食物!🥢

有選擇困難症嘅人，最好就係食自助餐😅！因為唔洗煩，見到咩就食咩！但係每次去到緣聚together 都係重幾磅😅因為荃灣緣聚分店除咗寿司仲有火鍋🍲任點，配料仲好多選擇，蠔🦪肉一定係最受歡迎的其中之一，仲有水魷魚🦑，好大粒啲雞春子......火鍋料真係應有盡有！公仔麵仲係出前一叮麻油味！適合現代社會人的口味！記得打邊爐點菜要留肚呀！因為仲有寿司🍣刺生，相比之下，刺生品種就比較少，但寿司類就生蝦黑松露寿司值得推介，不錯👍🏾加$10蚊仲有生蠔🦪食，抵！飲品雪櫃佔用空間都好多，因為好多不同種類的飲品提供！適合不一樣的客路。除此之外仲有生啤，今次係萍果味somersby 啤酒🍻！正！竟然旁邊比我見到有暖暖的樽裝維他奶🥰。真係飲野都飽！仲有甜品🍮雪糕等等！下次會再嚟！👍🏾

難得疫情稍為放緩, 作為一個為食鬼, 一定要周圍去探索和食好西!想起自己好久沒有打邊爐, 但是又想食日本壽司和刺身!實在苦惱!不過在緣聚鮮鍋這裡, 就能夠一次過滿足這兩個願望!所以我跟女朋友二人便到來一試究竟!先說價錢, 放題來說, 真的不貴, 二人同行在黃金晚餐時段只是港幣458。相信其他時段會更便宜!入座時候, 職員會先叫你選擇一個火鍋湯底!實在是花多眼亂, 我們叫了壽喜燒, 有在日本吃的七成的味道 ! 大讚一下!然後, 火鍋配料, 除了可以出去自助區自己挑選花多眼亂的食物之外, 也能夠用手機自助下單!手機裡下單的都是比較特別的食物, 例如小籠包! 是火鍋用的小籠包, 我實在是大開眼界!味道也不錯!另外, 這裡食物種類繁多, 也有各款甜品和啤酒任飲任食!也有生蠔, 刺身, 壽司各種東西! 以這個價錢來說, 味道偏好, 而且環境舒服, 上菜速度也快!絕對是朋友之間或情侶拍拖值得一去的餐廳!希望限驟令解除之後, 我會和朋友一伙人再戰一次!!

食物不行，非常差勁！又係一個垃圾店👎👎👎服務員一點沒有理檯前或者地上垃圾，服務態度非常惡劣👎👎👎食品太小，只係汽水比較多，枱面碟子從來沒有收過😂😂😂😂😂（總之就店不可以再有下一次幫襯）☠️☠️☠️（大家不要記得記得考慮清楚再坐低，要比錢㗎）這個價錢去那裏除便也可以吃到飽，👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎

呢間嘢的確乜都有，飲品種類算多，自助熟食，火鍋配料，壽司刺身都有齊，但好老實講，冇乜邊樣係擺得落口。我8點入座，先講熟食，豬腳唔夠“淋”，豉油雞翼肉質好“鞋”，炸物係千年炸物，唔暖，炸皮硬掘掘，感覺食麵粉，其他貌相都唔討好，都已經冇試了。嚟得食火鍋放題，其實都唔會對熟食抱好大期望，所以都係著眼於佢嘅刺身同埋火鍋。刺身食咗四種，三文魚、吞拿魚、帶子、牡丹蝦，三文魚冇味，吞拿魚冇味加發黑，帶子正常有甜味，但係牡丹蝦真係一絕，初時見到有，覺得好正有得任食，但每次只比一隻，攞完返到埋位，一剝蝦頭就見到淤黑色咁，聞落仲有唔妥嘅味道，食落口仲有好多沙，不特止，仲有好大條黑色嘅屎，究竟係咪食用刺身嚟？？？然後到火鍋，點咗個豬骨湯底，佢個湯只可以用有味嚟形容，好似平時一樽樽加湯嗰啲湯咁，叫做有鹹味囉……到配料方面，先嚟每人有兩片送嘅牛肉，味道唔錯嘅，食完就冇㗎啦，但其他任食牛肉又薄又冇味，好差。水魷唔知點咁，有陣怪味，豬皮唔爽脆，咬落韌韌地咁，蜂巢豆腐有酸味，已經放唔落入口，即吐出！丸類全部都好麵粉好膠，連大型連鎖凍肉鋪嘅丸都好食過呢間…，菜類就平平無奇，總括配料方面係非常之差，沒有突出之一！我本人未

今次係第2次食呢間野，第1次食果陣覺得ok啦，而且今次黎到唔洗排隊直接可以入座，就選擇食呢間，但經過今次之後我以後唔會再黎😡一入到去坐卡位，邊爐野食用手機落單，個位好闊幾舒適既，而且人唔多都幾安靜。但食物種類唔算多，野食黎得快係加分既。食左半個鐘左右，男朋友出左去拎其他嘢食，咁我繼續食啦，之後眼尾望到窗邊有野爬緊，望一望係曱甴嚟嘅，嗰下已經嚇到無乜食慾，咁就等男朋友返嚟啦，然後我再望下位個地下，原來唔止一隻，之後就叫店員過黎啦，佢整死左窗邊果隻但地下果隻唔知佢有無整死到定已經爬走左啦，咁佢就問洗唔洗轉位果d，咁我諗住應該唔會再有就話唔洗，快快食完就走啦，點知之後又發現到一隻細細既喺牆度爬，嗰陣頂唔順就舉手話要轉位，然後個店員好似覺得呢啲好小事咁，仲要講咗句:明明早兩日先滅完蟲，好似覺得我哋喺度搞事咁，就咁將我哋果煲轉去後兩個位就算，咁我嗰陣其實已經唔想再食，但無奈俾咗二百幾蚊，都係諗住快啲食完就走，到走之前我哋經過返原本坐嗰個位，發現有一隻曱甴直情喺枱度爬緊，令我覺得呢間野嘅衛生真係好惡劣😑呢間野嘅衛生差都算，啲店員服務態度十分差，發生呢啲事竟然可以一句唔好意思都冇，俾貴啲仲要食到成肚

今日同朋友慶祝生日,所以帶左佢黎食呢間緣聚鮮鍋~我都已經唔係第一次黎,不過真心,黎呢間野,一次一定唔夠!!因為佢真係款式多到嚇親人!!!!首先要早一訂位,因為就算大鴻輝已經有好多出名既餐廳,呢間永遠都食爆滿,基本上如果你冇訂位,你就要等到夜晚9點後先可以入坐.如果訂左位,好多時都可以準時入坐,職員帶位時,你真係要記清楚自己坐邊,因為真係大到嚇親人,先講飲品..10個櫃,想要咩都有,另外仲有熱飲,有10款以上既花茶等你自己配答!!男人老狗唔鐘意??唔緊要 仲有清酒,梅酒,酸梅湯!!!勁呢~~跟住就到熟食,有飯,有炸薯條,麥樂雞,薯格,蒸魚,雞翼,天婦羅等等,仲有刺身,壽司,沙津,甜品~~~嘩....食完呢到仲洗打邊爐既??都係先拎野返去打邊爐!!返到坐位,朋友已經叫左個壽喜燒湯底,另外仲拎左萵筍,各色各樣丸,冬瓜,台灣腸,生菜等等返黎,仲唔夠??唔緊要,原來仲有一部份係手機落單,問你夠未??手機多數係牛肉,豬紅,雞子等等~先講下壽喜燒湯底,甜甜地既湯底,食牛最令佢帶出個牛味,非常好味,冬瓜,豆卜仲可以吸曬個湯底,可以飲個湯,超正~叫呢個套餐會送一隻日本雞蛋,我就打開左放落支匙,係上面遙幾

早排疫情仲係未咁嚴重嘅時候，有一晚收工之後決定同朋友去放鬆下搵一間放題大食一餐，荃灣英皇多餐廳就係人都知嫁啦，因為我哋揀黎呢一間緣聚，價錢平唔再講，款式非常多，無論係壽司熟食定係甜品，睇到花多眼亂啊！壽司仲有刺身，可以職場叫師傅切俾你，非常新鮮而且都衛生，另外熟食方面啲嘢都好夠熱，而且地方非常闊落攞嘢嘅時候唔會同人有推推撞撞，順帶一提係餐廳仲有比紙袋黎裝口罩呢一點非常之貼心，疫情過咗之後希望可以快啲再嚟試多次啦！

午市光顧，揀了最貴有刺身的一款，第二位平價，但原價加一。刺身有三文魚、希靈魚、蝦、螺肉、墨魚等。每次最多揀三款，員工每款給兩片。刺身質素正常，三文魚幾厚切，當然話正常，就沒有特別鮮味啦！部分火鍋料，或者是較貴的是用手機app落單。落單容易，上菜很快，但款式少。如：兩款牛肉、豚肉、羊肉、牛柏葉（叫了一次就冇得揀了）、餃子、還有其他不太吸引的，所以唔記得。肉的質素比一般火鍋為高，薄薄，有肉味，唔點醬料都👌。還有許多大路的火鍋料在大堂任取，蔬菜、菇類算新鮮，款式也算有選擇。多款粉麵任取，連韓國麵都有得揀。生根、響鈴、炸魚皮、芋絲、不同款式的丸類都有。還有日式前菜，但頗鹹。壽司🍣同熱葷都有幾款可選。我最鍾意是甜品，有兩味道的乳酪雪糕，媽話太酸，但我覺得好味。還有桶裝雪糕自己添。一杯杯小小的奶凍也可有選擇，其中蜜瓜味奶凍，媽話👍。飲品選擇多，我自己酙了壺梅酒，味道不錯。現有優惠，除開每位百四元，除app火鍋料選擇少外，其他都合理及不會失望的。

今晚同屋企人嚟「緣聚鮮鍋」打邊爐，大家都讚不絕口，真心驚喜！餐廳位於荃灣大鴻輝中心，環境非常闊落，坐得舒服。湯底選擇包羅萬有：黑蒜湯底、壽喜燒、風味麻辣、蕃茄湯底、芫茜皮蛋...... 而我哋就揀咗要加$18嘅「椰子雞煲湯底」🥥🐔除咗用QR code點餐之外，大部份火鍋配料都係親自出去拎，選擇非常多，嚟幾次都未必食得晒所有種類！刺身好新鮮，每次只限攞三款，隻蝦勁肥美！牛肉質素都唔錯，雪花幾靚。飲品選擇好多，花多眼亂，最終我揀咗飲啤酒😁😁咁抵嘅價錢，有咁多嘢食，絕對滿意！必有下次！

疫情稍為緩和 又係時候同屋企人聚一聚 今日揀咗一間超抵食嘅餐廳 喺大鴻輝 3樓 地點超方便 叫緣聚鮮鍋地方非常大 格局好似食自助餐咁 好多嘢食都可以去公眾地區拎 有多款前菜，冷盤，熟食， 壽司，刺身，自家製甜品，雪糕…… 仲有多款火鍋配料選擇 例如:蔬菜，麵類，丸類！好似壽司咁 平時嘅餐廳可能只會提供四至五款選擇 但係緣聚鮮鍋就唔同 壽司都有好多種 生嘅/熟嘅/卷物/火炙都可找到，而且賣相仲相當吸引！刺身種類有榮螺，帆立貝，油甘魚，吞拿魚，三文魚，希靈魚，仲有大蝦！整體全部都好新鮮，而且冇雪藏味，個人很喜歡大蝦， 啖啖肉，而且好鮮甜！鍾意食蠔嘅朋友仔有口福了 即開生蠔10蚊隻 超抵食！ 這裏除了生蠔要額外付費外 其他都係任飲任食 一個價錢包曬出去搜羅完一堆美食之後 乖乖返回座位準備打邊爐 火鍋湯底揀咗椰子雞 湯底清甜不油膩 雞件是另上的 仲要係雞髀位置 肉質嫩滑唔鞋口 為咗令到個湯底更甜 拎咗好多蔬菜放入湯底之中牛肉片非常高質 色澤紅潤 油花均稱另外仲可以用QR code手機落單 大量火鍋配料 提供選擇 最欣賞嘅係全部都細細碟 咁樣就唔會造成浪費 食客嘅角度又可以試多啲唔同款式海鮮都係

貪心既慾望永遠都係無止境嘅😂 想食放題又想打邊爐，心思思又唔想二選一，緣聚鮮鍋就可以完美咁滿足到你💓 平日任飲任食2小時都只係$208，真的絕對超值~·先講放題，自選區域範圍超大，分分鐘比酒店自助餐範圍還要大🙀 港人喜愛既壽司刺身提供多款選擇，特別推薦牡丹蝦及帶子🤩 其他自選區域包括 🥗沙律區、前菜區、熟食區、🍰甜品區、🥤飲品區、🍦雪糕區等等，如果你想食得豪啲，仲可以以每隻$10食到即開生蠔🐚 款式真係多到令人唔知點簡，非常誇張！·而🥘火鍋方面，自助區配料選擇亦相當豐富。包括🍢雜丸類、香腸類、🍄菇菌類、🥦蔬菜類、🍲拉麵烏冬類，而部分配料如🥩肉類、🦐🐙海鮮類等則使用QR code落單，個人特別推薦廣島蠔及帶子，雖然是冷凍配料，但廣島蠔size都幾大隻，淥熟後仲啖啖肉，無乜縮水👍 而特級牛肩胛肉眼質素不錯，肉味香濃。

120分鐘火鍋放題，第一次黎食左一個半鐘就話我夠鐘，要埋單走。今次第二次比多次機會，食左大半個鐘左右，一個鐘都無，我同老公一齊出去拎野飲，返返埋位連個煲都比人收埋。。個呀姨仲要笑笑口，唔好意思都無句，唔會再有下次。

緣聚做緊第2位半價 更經濟 午市$98@位+10% 減第2位半價 約$83.3只有薄薄牛豬各2片 份量少嘅炸響鈴 炸魚皮 脆脆唔油 任取有refill菜類新鮮~ 虫草花 鮮冬菇 油麥菜 生菜……丸類~粉粉口感唔啱食 魚皮餃有牌冇出熱盤小食~ 好味 豬紅 燒賣 滷亦 洋蔥牛肉 有refill小籠包~肉餡飽滿有肉汁稍為皮較厚 唔夠熱加錢另叫牛板腱 大大碟 份量足 $28即開生蠔 $10@要加一 新鮮 ……日本細隻啲 甜啲 法國大隻少少 都鮮味 飲品sake梅酒都係任飲 有湯有飯 夠晒飽 經濟之選炎炎夏日 坐窗邊就出晒汗

荃灣食嘢地方多，但今次呢間係openrice都可以訂位。方便，係前身（英皇）大鴻輝，最鐘意去係有港鐵2數優惠😜，好過無嘛坐好後就點選湯底，種類都多店員就按人頭送第一碟肥牛，嘩大大片。雪花分明，6大約十秒我就吃，肉唔鞋，都算係高質。不錯👍🏻任食都多款底。冷食熱食都多款選擇點了2轉日式剌身，生蝦超大😍😍😍😍睇相更加正，最緊要鮮甜，新鮮貨，帶子不算大，三文魚厚，都不錯油甘魚都加分。大家可試試麵款都有好多款，介紹下試試日式烏冬。但時間上我滾了6分鐘，烏冬陣牙。不粉，煙韌汽水真係超大超多。數之不盡。啤酒，梅酒，果汁，沙冰，可樂，應有盡有帶子比較冰，時間要6耐小小，雞子，不是每間任食都有，所以都不錯壽司區都大多款時間大約90分鐘，真係一路吃一路拎野食，超正