翠園 (德福廣場) (已結業)

一落機,第一時間就趕去同親戚補做冬係英國已經plan好晒d飲飲食食行程第一站就係而間古董店\"碎\"園,點解叫而個名?睇落去啦=]!一早已經叫mummy訂好位諗住試下佢http://i7.photobucket.com/albums/y270/ekoeko/DSC01224.jpghttp://i7.photobucket.com/albums/y270/ekoeko/CIMG1687.jpg番到九龍灣,我上去擺\底行李,就趕落去一落到去...唔係呀嘛14個人,比張10-12人既table我地之後問佢\可唔可以換張大d,開頭個待應都唔係咁想換不過我地就話一早訂左14人table 而家咁樣,根本係冇心留table咁,訂泥做乜??之後有個高級小小既,就同d待應講過幫我地換換既時候,佢\張d杯整跌左,整爛左亦都係\"碎\"園既由來http://i7.photobucket.com/albums/y270/ekoeko/DSC01225.jpg之後有個女經理就走埋同我地講話佢\包今晚既野飲不過根本上我地個套餐\都有野飲送8點15分入席想食野呀??九點半啦=]!慢過慢魚http://i7.pho

唔知係咪要做酒席既關係,服務同食物都差左,茶杯都係要換(次次d碗筷茶杯都洗得唔乾淨!),要扣分!今次食左:1. 古法炒桂花翅- 唔知係咪翅本身冇味既關係,只食到芽菜同蛋味,係幾香既,但3百幾蚊食食芽菜同蛋就覺得唔多抵,不過真係有一條條既翅既,不過唔粗,好彩有半價咋!2. 茶香豬- 皮夠脆,但勁多肥膏,肥到食左一半就放棄左! 3. 潤腸菘菠菜煲- 味道幾好,不過過多潤腸菘(真係真材實料),肥膩左d同埋菠菜份量少左d!4. 燕窩麥皮豆腐甜品- 好重杏仁味,落左麥皮怪怪地,味道麻麻!5. 擂莎芝麻卷- 呢個就幾好食,好香滑!想客人多d幫襯,除左搞宣傳之外,應該更要著重食肆本身吸引客人既基本要求- 服務,味道同衛生! 缺一不可! 成日都黎幫襯,都唔希望越食越差架!

自從幾星期前阿媽講到翠園的"花雕蛋白蒸蟹箝" 幾咁好食之後, 一直想0黎呢度食飯, 今日終於訂了6:15pm 檯一行4 人0黎食晚飯.- 油雞(例牌): 雞皮甜甜的, 好香玫瑰露味; 雞肉一般嫩滑, 味道尚可, 不過幾"血", 食得都幾麻煩.- 燒腩仔(例牌): 原來係signature dish... 燒腩仔切到bite size, 皮好脆, 唔係咁油又唔係咁鹹, 肉就少少0鞋兼幾乾, 整體還可以.- 瑤柱蝦乾雞粒煲仔飯: 今日天氣唔夠凍, 叫煲仔飯都係純粹想食... 飯粒分明, 夠乾身, 不過唔係咁入味. 瑤柱同蝦乾都無乜特別, 雞肉粒就出奇地好食, 好滑! 一煲飯係"4 位起" 的, 但每人係分到2 大碗, 雖然味道唔突出, 份量搭夠咁啦.- 糯米釀雞翼: 成晚就係等呢個! 賣相極靚, 雞全翼脹卜卜咁好有趣 件雞熱辣辣, 皮極脆, 唔係咁油, 肉算幾juicy, 入面糯米飯就幾黏, 甜甜0地咁, 加加埋埋成隻雞翼口感同味道都一流. 推介!- 瑤柱魚肚菜苗: 菜苗無草青味, 好爽脆, 好好食; 魚肚切到一條條, 賣相似海蜇, 食落煙煙韌韌咁, 不過無乜味.裝修好靚, 不過

呢間食店都算做老字號, 記得師傅從前經常都會去尖沙咀間老店, 點知時移勢逆下間食店終於摺埋左, 咁o岩尋晚師傅路經場此地, 見好耐都冇試過, 咪諗住入去緬懷一番, 於是就去接待處拎張飛仔, 諗住等一陣啦, 睇知咁好彩唔使等位喎, 於是乎就行入去啦! 沿路九曲十三彎, 行左大約十秒到先到晚飯大堂, 一眼望見得十幾張晚飯枱 , 唔算旺, 但係師傅企左係度一陣都冇人帶位招呼, 於是乎索性自己搵位, 終於搵到張枱 喇, 埋到去都依然一個人招呼都冇, 有冇攪錯呀? 咁大間酒樓搵個伙計招呼都冇, 大佬你呢度要收加一架, 師傅火都黎咪唔鬼幫襯, 即閃囉!師傅覺得就算d食物幾咁好味, 就算食左識飛都好啦, 如果招呼係咁差就等執都得啦! 總括黎講第一個印象已經好差, 今次食物就未試但係服務就肯定係好差, 如果可以比零分的話, 師傅一定會送隻蛋過佢呀, 真係一肚氣, 下次仲會唔會黎就未知, 不過可以肯定係短期內都唔會黎住, 費事激親!

貴網大改革之後,連在聚會上也搞些新點子.改革第一擊,就是在上個月首辦的神秘試食會,在九月份多位曾出過食評的食家當中,抽出十位食家參與,小弟能夠成為其中一位列席者,何止與有榮焉,直頭開心也來不及..這個"神秘約會"地點,是在九龍灣德福的"翠園",份屬美心集團下之其中一個"Number".原來也是歷史悠久的老店,年紀比小弟更大,一直也不知.是夜十位列席食家當中,有些一早已成好友,有些亦曾有數面之緣,其他的全部素未謀面,反而感覺新奇刺激.未入場之前會諗會有些什麼新人?大約係點個樣?)很久沒有這種冀盼了.坐下望望是夜菜單,看看其菜式,也是一些新派粵菜之類,同P.J說今夜的菜式相信會對你口味.)先來個古法炒桂花翅,貌不驚人,亦有人看相之後說其為炒雜碎.但炒得極為乾身,翅針彈牙,盡吸收其蛋絲,蟹肉的味道..味道清淡,P.J吃罷讚不絕口.竹笙瑤柱鯊魚骨湯味道濃鮮,火喉十足.雖然用上鯊魚骨去煲,可是質感又不算很杰.腿茸醬炒原隻鮑魚,店方特意在鮑魚上挑幾刀,令到其腿茸醬能更入味.鮑魚本身質感很爽,用上同樣爽口的翠玉瓜,也算是不錯之組合.用金瓜來襯托著鼎湖上素,金瓜本身已經稔熟鮮甜,兼盡索上素的味道,反而

今晚來左呢度食飯, 賀姐姐同母親大人生日. 叫左個四人餐:太雕酔乳鴒- 都算入味, 不過隻乳鴒好瘦!回味醬燒半月鴨- 上枱見到隻鴨同隻乳鴒差唔多size, 先至知點解叫做半月鴨, 外皮有d脆, 都叫做ok生煎菜肉飽- 一般貨色薑蔥鳳脂蒸海斑- 條魚唔太大, 不過食唔出"鳳脂"味!花膠竹笙燴生翅- 花膠竹笙份量ok, 翅很少, 又幼, 差d搵扣唔到!!!桂花炒魚肚- 唔見有桂花, 但有碎蟹肉同金華火腿碎, 味道ok啦三蝦生o者時蔬- 呢過好勁蝦膏味, 亦較鹹, 送飯之選精美鮮果盆- 一般貨色, 不過上碟掛得好靚環境好新, 裝潢有fusion feel, 很清潔, 侍應服務ok.整體算ok啦!

今朝去左翠園飲茶,服務依然唔多妥,見d餐具唔多乾淨(我同男友既都唔多乾淨,夜晚既好乾淨架喎?!)叫佢換,都係拎隻有漬既黎...汗!上湯粉果- 幾特別,男友話都幾好食,蝦彈牙爽口...不過平日既比較好食,人多就食物質素也下降!椒鹽魷魚同蔗汁糕- 冇炸粉既椒鹽魷魚相當討好,味道唔太鹹,份量都頗多!蔗汁糕- 略甜,唔夠清香(粵江春既較好食)小心流沙包- 包既餡好滑,仲甜甜地,唔錯!义燒腸- 唔知係咪用左隔夜义燒,同前幾晚食既义燒皇差得遠,粉皮好黏,呢個唔多得!可以唔叫...燒賣- 我冇食到,不過魚話幾好食... 食物都算ok既,不過冇晚市咁好囉!

繼粵江春後又一好食既中菜...义燒皇拼燒鵝- 燒鵝就普普通通,不過义燒皇真係幾好食,有滑既感覺!蔥爆魚羊鮮- 魚係桂花魚片,好滑又爽口,羊有少少蘇蘇地,不過好惹味! 呢個都好食!蝦子柚皮- 係男友叫既,我只食左一舊,因為我唔多鍾意食,不過佢就成碟食晒,仲話好入味!上次去食既'醬燒百日鴨'及'腿茸炒鮑魚' 都好正! 值得試下! 不過女侍應唔多識廣東話咁,仲有矇下矇下,建議搵高級d既人寫菜及serve!

因為爸爸喜愛食大飽，佢試過話好食過九龍灣大榮華大飽，所以同佢去飲茶。馬拉糕- Good，咁古式既馬拉糕好小有，深啡色果種。大飽- 冇乜特別留意大飽點先好食，味ok。炸春卷腸粉- 炸兩好食d。燒腩肉(燒肉) - 好食，皮脆，不過略貴略細($48約16小粒)，不過翠園係應該貴既。其他點心- 大致上幾好。不過最特別既係，既然新開，既然係美心集團，樓下亦有間美心皇宮，既然收得貴，點解唔用d較有經驗既侍應呢？話說我填完點心紙，叫侍應收，佢拎住張點心紙望一望，話要填檯號，我心諗妳咪填囉，佢再重覆一次，我覺得奇怪，難度佢唔記得檯號？我拎個牌佢睇，跟住佢再講多一次要填檯號，跟住囉我手上支萬寶龍筆，支筆幾百蚊姐，唔係唔借得俾妳用，但點解侍應會冇筆既？？？同埋點解妳要用唔開聲講呢？搞到我好似低能仔聽唔明妳講野咁。由於發現有d碗有污漬(翠園都係咁？)，所以洗下啦，洗完諗住去倒水啦，跟住有另一個侍應行過話幫我，我諗住俾佢啦，但佢得一隻手閒，另一隻手已經有污糟碟拎住，咁我有兩碗水，佢只能拎一隻碗，我心諗妳點拎呀？佢示意我放其中一隻碗係污糟碟上，我心諗冇理由丫，以為佢叫我倒d水落去，點知我想倒果陣，佢話"唔好倒呀

衷心感激系列已去到十二集, 一次事件的發生令我感到點點温暖, 認識一個朋友是緣份, 能成交心之好友更是難得, 不是和每人也能投契, 虛假表面的只屬交際, 絕稱不上情, 但當然又不會含惡意害人之心. 世界上每人都有自己的一個朋友圈, 圈與圈可能有時會有些重叠, 又可能會保持一些距離, 但相信一定不可能有兩個完全相同的圈吧. 從來不阻止其他人去結識和關懷自己的朋友, 但又不會强迫別人去混入自己的朋友圈, 我的好友不一定可成你的好友, 互相介紹相識不難, 可否進一步成為真心朋友或好友就不是一件易事, 不能成為深交也不是一件壞事. 五個人叫了四個餸.1.蝦籽竹笙扒豆腐–個汁不太杰幾香, 可能有蝦籽關係吧! 炸豆腐件滑滑不油膩.2.豆豉雞煲- 雞肉爽但分量小, 幾油下.3.蘿蔔烙–煎得不油但好像欠缺一點火喉, 蘿蔔絲爽口, 蝦仁只是點綴下, 點埋魚露吊出味來.4.帶子瑤柱蟹皇炒鮮奶–炒得幾嫩滑, 蟹皇也算多, 但食多偏溜.5.白飯三碗–飯煮得偏生, 有點兒過硬.服務不算懇勤, 有點兒傲慢及沒有應有的禮貌.

首先要在這裡謝過OR和阿P的要請，阿J我才得以有機會出席這神袐試食團。其實我間唔中都有幫襯銅鑼灣翠園，相比之下，德福這分店形象較新派，食物味道及賣相亦較細緻，整體上討好。是晚的菜式偏清淡，難怪南瓜看完餐牌即說呢餐應該啱我食。古法炒桂花翅乃係全晚我最喜愛的菜式，師傅炒功一流，將蛋、翅、蟹肉及芽菜炒得非常均勻及不油不膩。鯊魚骨湯略嫌不夠濃和起膠，始终不及金葉庭的好。金瓜鼎湖上素亦見精彩，用了原隻南瓜作器皿盛着炒雜素，賣相和味道都有水準。炒原隻鮑魚及小蔥魚羊鮮就普通了點，尤其是那炒羊肉，一點味道也沒有。糯米釀鳳翼和農圃的不相伯仲，如果雞皮可做得輕盈些就更好，某些部位入口偏硬，影響了口感。生煎菜肉包反而比到驚喜我，包身很軟有彈性，菜肉餡亦很清來。花彫蟹肉燴伊麵很足料，生拆的蟹肉很鲜，加了日式蟹子為平凡的伊麵增添不少新鲜感。最後的燕窩麥皮杏汁布甸，雖然個人認為味道一般，卻十分欣賞加入麥皮這新點子。吃得很高興的一個晚上，笑面是真心給翠園的。可惜的是大會並沒告之我們這頓飯的價錢，如果要以正價吃此餐，未知大家又會否「臉容」有變呢？

今次真係要多謝open rice!抽中左做神秘試食團，o係十月八日，黎德福翠園試食，呢間餐廳開左個幾月，冇試過，今次係第一次黎。等齊人就開始試食啦。古法炒桂花翅，翅本來冇咩味，不過炒埋蟹肉、蛋等材料又幾香，蟹肉很鮮味。竹笙瑤柱鯊魚骨湯，湯煲左好耐，竹笙爽口，鯊魚骨應該有很多骨膠原，唔會太濃味，唔錯。腿茸醬炒原隻鮑魚，鮑魚爽口，同蒸感覺既好唔同，配以黃、紅椒炒。覺得鮑魚都係蒸好食d。金瓜鼎湖上素，用南瓜裝住菇同素，南瓜好茸，幾好食，平時不太喜歡菇類，所以唔係我杯茶。忘記問師傅係唔係蒸熟南瓜...小蔥魚羊鮮，嗅到好大陣香草味，但食唔到魚同羊既鮮味，被香草味蓋過晒。糯米釀鳳翼，全晚最喜愛既菜色。雞翼炸得好香而且脆，釀了不少糯米。兩者唔同口感，但非常配合。生煎菜肉包，包底部唔會煎到脆，包比較軟熟，冇咩肉汁，比教普通。花雕蟹肉燴伊麵，個賣相好靚，有蟹肉同蟹籽，但覺得個汁太"熙"燕窩麥皮布甸，有好大陣既杏仁味，平時對杏仁一般既我都覺得不錯，燕窩好大舊。整餐都唔錯，但烏蠅都想黎試食，不過呢d意外因素好難避免既!是晚年資最小既係我，有機會再參加open rice既聚會!

今日要好多謝Openrice.com 邀請我o地做神秘試食團(純粹幸運被抽中!)去o左德福一期o既翠園試菜!第一道菜: 古法炒桂花翅我o地o係客家好棧都食過同一道菜, 大家o既質素都差唔多最impressive 係有大大舊鮮味蟹肉第二道菜: 竹笙瑤柱鯊魚骨湯嘩, d 湯應該煲o左好耐, 奶白色好濃味入面的竹笙好大好爽, 唔似其他舖頭的細片又薄, 印象難忘!第三道菜: 腿茸醬炒原隻鮑魚蒸o既鮑魚仔就食得多, 炒o既好似都係第一次!查實我一向都唔鍾意食鮑魚, 覺得好似橡膠又冇味....不過今次炒得唔錯, 起碼隻鮑魚仔係有味道的, 我會食第二隻的!第四道菜: 金瓜鼎湖上素有什菇、黃耳、白果等, d 菇炒得入味但又清清地, 唔錯!第五道菜: 小蔥魚羊鮮羊肉好「林」好好味, 魚片薄、無骨、唔腥, 連食魚較奄尖o既老公都話唔錯第六道菜: 糯米釀鳳翼當大家都食得好飽, 問始失去戰鬥力之際, 仲o黎個咁滯o既糯米釀雞翼雞翼皮唔肥, 釀o既餡料仲有d OX 醬之類, 手工之作, 唔錯!第七道菜: 生煎菜肉包一見到菜肉包, 老公即時諗起上海的美味肉汁生煎菜肉包有少少Expectation 之下, 相對覺得

好多謝Openrice請去神秘試食, 見到了不少久仰大名的食家.九個餸, 真係食得好滿足lei~~~古法炒桂花翅: 好高貴的菜式, 好香的炒蛋香味, 很香口, 桂花翅炒得很滑, 師傅說係有兩種翅的; 有蟹肉, 金華火腿, 芽菜.... 口感不足.竹笙瑤柱鯊魚骨湯: 很濃味的湯, 魚骨令個湯有"膠膠"地的口感, 但不算特別, 瑤柱不是原粒的, 散哂.腿茸醬炒原隻鮑魚: 本來頗有期望, 但似XO醬炒鮑魚, 鮑魚好細粒, 係屋企都會食到的質素, 反且黃椒真係好甜.金瓜鼎湖上鮮: 好美的一個菜式, 南瓜好好味, 本來已好愛南瓜, 這個好夠淋, 是南瓜茸的狀態, 食了1/4個; 各樣的菇都很好吃, 尤其係一種口感似海參的菇, 滑滑的.小蔥魚羊鮮: 魚同羊都唔特別, 但係個京蔥"獻"好香好味, 個羊真係好淋同滑ga, 但友人話似沙嗲牛肉wor.糯米釀雞翼: 脹卜卜的雞翼, 脆卜卜的外皮, 雞肉嫩口, 糯米好食黏黏的, 糯米內還有臘味lei.生煎菜肉包: 冇脆脆的包底, 冇湯汁, 但係如果當佢係一個包會係好食的, 因為個肉好味, 包都香軟, 上面舖有肉鬆, yummy.花雕蟹肉燴伊麵: 我的最愛,

上星期有幸應本網站職員之邀,尋晚(8-10-2007 Mon)6:45pm帶同女性朋友R o黎到,已經有多位真正食家o黎o左,7:30pm齊人了,豐富而美味o既晚飯正式開始了,一共有八道菜.1.古法炒桂花翅一上枱,已經臭到好香,真係好香,見到有蛋,有好多蟹肉,好夠味.2.竹笙瑤柱鯊魚骨湯個人覺得夠香濃,坐我身旁o既靚靚翠園職員話呢o度o既湯真係夠老火,油亦係日本入口o既健康油,的確,成碗湯係唔油膩,但可能我食慣清淡啲o野食物,覺得鹹o左少少,而真係真係少少啫.3.腿蓉醬炒原隻鮑魚呢個我no command啊,留畀南瓜寫吧.4.金瓜鼎湖上素三個大大個o既南瓜載滿上素,冇諗過齋都可以咁入味,咁好食,南瓜又夠甜,好味啊.5.小蔥魚羊腩一開始先食鮮魚片,魚片已沾滿羊肉o既羶味..6.燸米釀鳳翼切開雞翼,臭到好香o既臘味味道,食落唔膩,雞翼皮炸得夠脆,一向唔食臘肉o既我,都可以接受,真係唔錯啊.7.生煎菜肉包唔…..覺得呢個冇咩特別8.花彫蟹肉燴伊麵伊麵好淰,呢個都好夠味.9.燕窩麥皮布甸面上舖o左好多燕窩,白白o既布甸有著好濃烈o既杏仁味,內裡麥皮亦多,豐富o左口感,呢個做得好特別.食完上列所