肥公車仔麵 (已結業)

最近唔知點解太愛食車仔麵，去到邊都搵有無車仔麵，終於上網搵到間貌似唔錯既車仔麵-肥公車仔麵。見到menu以為選擇唔多，但係原來佢前枱仲有好多餸係無寫出黎，例如菜生腸個啲。我從來未係車仔麵食到生腸😆感覺好新奇😊我叫左4個餸，生腸大腸豬紅通菜油麵😋仲係朋友到拎左雞翼同牛腩試。大件夾抵食，你望下佢份量多到！我覺得所有餸都好好味，係豬紅唔夠爽口。其餘都好滿意😋唔講真係唔知，咁多野食只係$32。到底有幾多好味既車仔麵😆

這間車仔麵檔之前都只係聽過。因為出名唔接受訪問。唔會為咗宣傳做任何野。都幾有性格。但因為好少機會嚟大角咀，所以都未有機會試。今日剛剛好夾到男朋友放工。本來想去車品品。但佢因為疫症。所以改咗只限外賣，所以唯有找其他東西吃飽。這樣就比我哋找到這裡了。原來這裡都很近太子的。我哋一直都在外圍經過都唔知。其實我哋都有考慮食唔食㗎。因為這裡的格局很市井。現在很多地方就算快餐店門面裝修都已經很講究。但這裡真是一間只有桌子和椅子的地方。不過都決定試一試。因為真係不停有人出出入入。好似真係好值得去一樣。那就試試囉我哋一進去就比海量嘅菜包圍住。我選擇了韮菜、豬大腸、酸齋、牛筋腩河粉做麵底。自己點完後都覺得自己好似衝動咗🤣一定好貴啦。但原來都唔係太貴。夾咗支大可樂五十蚊都唔需要⋯我本人好喜歡食蔥。所以叫咗佢哋多青。見到都好鬼開心😃還有加腩汁。河粉麵質都幾好。份量好足夠。腩汁無咩味道有點失望。最恐怖係酸齋，味道唔夠入味。食落口感很差。咬極都咬唔散，好似食緊一舊麵團豬大腸好正唯一一個值得贊的食物剛剛見到牛筋腩大大件。所以自己都點咗，但食落後悔到不得了。唔係因為佢哋煮法的問題。有高嘅烹調技術、都需要好嘅食材才可以

呢排係社交平台睇到好多車仔麵嘅介紹，見到好多人都推介呢間，又話好好味，好抵食，我成日都心思思想去試吓，成日有意無意係老公面前提，老公成日都話帶我去食，但一諗到佢收工都已經好攰，放假又得一日休息，都想佢好好休息吓。🤗🤗🤗估都估唔到，我老公真係真係真係好鍚我（重要嘅要講3次嫁🤣🤣🤣），佢話我成日都話想去試，佢尋日休息就真係帶我去食。（哈哈！好曬添😎😎😎）🥰🥰🥰肥公車仔麵我就覺得真係好好味，起碼唔好好似深水埗、觀塘、好出名果兩間咁，湯底同材料得個死甜，佢真係食到本身食材同烹調嘅味道。👍👍👍我哋分別叫左6餸同7餸再加粉麵底，配埋支樽裝大可樂，每分都係$6X，真係好抵，講真而家出面食個4餸唔加嘢飲都要成$4x-$5x啦！記住，我哋係中午時間去食，並唔係下午茶時段，所以真係好味又抵食。😋😋😋

早排睇十大車仔麵既推介見到肥公榜上有名😳當然要黎試試佢係咩料子啦第一碗蘿蔔 牛腩 豆卜 通菜/蘿蔔清甜無渣 正正子🤤豆卜用黎索汁一流👍🏻👍🏻牛腩好香牛味又炆得好入味🥺而且好淋好易咬加分🤩下次黎真係想叫埋牛筋試下 haha通菜新鮮又唔老 好感動🥺🥺第二碗大腸 雞尖/超超超超超級推介佢地既大腸啊🤩處理得乾淨 食落無屎味而且鹵得超淋超入味😋出色👍🏻/雞尖同樣鹵得入味😍佢地既鹵水汁真係功不可沒啊/拿拿拿 快啲睇下佢地既鹵水野睇見都流口水😫😫如果唔揀佢地鹵既餸都一定要叫姐姐加啲鹵汁啊/‼️另外留意返佢地逢星期一例休‼️唔好摸門釘啦

最近搬咗去旺角住，阿哥介紹有間車仔麵好鬼正，叫我一定要去試下，每次路過呢間店都大排長龍，呢2個星期六都落雨，人龍比較少，但都座無虛席，終於都試咗，真係好鬼正，我個人差唔多每次食車仔都會叫豬腸，呢度嘅豬腸真係好鬼好食，係我食過最好味嘅豬腸，其他餸都好好味，搞到我之後嗰個星期六都忍唔住要再幫襯佢

之前看到有youtuber報導肥公！🤷‍♂️🤷‍♂️呢間正正就係我小學時候，🏅🎨🚌🚌經常光顧，所以今天決定從來舊地，拾回廿多年前的回憶感覺！👨‍❤️‍👨👨‍❤️‍👨正所謂10年人事幾番新，更何況廿幾年！💁‍♂️💁‍♂️店舖外觀變了，乾淨明亮得多，👍🏻從前旁邊士多都俾佢租左，🤔🤔還偷聽到姐姐講，可以上隔離樓上坐！應該生意好左好多😏😏😏我到店的時候是下午兩時，心諗可以避開午餐時段既人潮，🤫🤫居然，係全店爆埸！😨😨😨我都企左五分鐘先可以有位，😴😴豬腸: 🥇🥇🥇保持到水準，無臭味👍🏻豬皮：🥉🥉🥉正正常常，爽口，豆腐：🥈🥈🥈淋滑有豆香，可惜炸得咪夠香口，口感偏散雞翼：🎖🎖🎖必食推介，一個字講哂，好x滑👍🏻牛筋：👋🤐🤦‍♂️都吾知係咩位置，口感吾同牛孖筋，怪怪的，有漸牛「蘇」味！一淡，放棄埋單加一支大可樂，70元 ，性價高，🙏🤙👍🏻👏一間食店能夠開到甘耐，仲要能夠保持到甘客人，真心俾個讚，希望能夠繼續多幾個廿年！加油💪

位於旺角大大碗粥了嘅車仔麵Lunch時間去到門口已經排咗一條長龍舖頭位置不多，所以好多人都買外賣返去食每一碗車仔麵最低消費$25餸款每樣$7-$15粉麵每樣$7起車仔麵湯底都十分夠味，牛肚煮得好琳，蘿蔔好甜冇喳，雞翼同牛腩都好入味，豬腸清得幾乾淨冇異味整體來講價錢平大大碗打工仔抵食之選評分：8/10

充滿本土地道風味，呢間排長龍嘅車仔麵，人氣十足！豬腸，絕對係鎮店之寶，非常入味，一定要叫！滷水雞翼牛腩豆卜樣樣都唔錯，最後，當然要配返枝支裝可樂，gur 哂🙂🙂

這就是太子最著名的肥公車仔麵, 就算是很早到也有一條很長的人龍. 她的營業時間是早七晚七, 猶如一間早餐店, 除了因為地點方便吸引人流外, 她最出名的是豬大腸, 連豬大腸也有兩個Level呢! 最欣賞是她的Preimer大腸頭, 肥而不燥夠咬口, 脂層豐滿而乾淨, 畢竟汁煮的比炸的大腸要求更高, 也更容易看到污糟的地方. 原條牛腩條也夠入味而鬆軟. 至於價錢方面, 和一般車仔麵差不多, 不算是特別便宜, 而水魷要十五元就有點Overpriced了!

去開旺角，見呢間既人龍超長所以就打算試下。店鋪好利害，我地一直坐低食，一直人龍絡繹不絕！佢係小店傳統setting。不過快在流水作業！第一個人負責麵同時菜，下一個專做餸，最後個人係野飲加收錢。叫左一個三餸，一個四餸，加左個樽裝可樂。總共72蚊，係好抵既晚餐，難怪咁多人排隊。我要左時菜，蘿蔔同豬紅。最開心係蘿蔔量好多，通常俾一兩舊就算。湯係偏清既，幾好！另一個都係蘿蔔同豬紅，不過加左牛肚同豬腸。男朋友表示腸好食。都聽到去到七點幾已經賣哂。大家可以考慮試下！

雖然呢期油尖旺亂亂地，好似搞到好大鑊咁，但師傅一於少理，趁著週六有啲時間，加上醒起呢間食店逢禮拜日休息，所以點都要出黎會一會佢，呢間食店，師傅記得之前都寫過 ，唔知有冇走到樣呢?難得去到食店係唔使排隊，可能因為接近佢打烊嘅關係，所以師傅二話不說就去柯打食物 ，叫咗油麵做麵底，之後再叫咗豬紅，豬皮，豬腸，酸齋牛柏葉同埋牛肚，加咗咖哩汁 ，再加咗支汽水，就係師傅嘅是日晚餐。落完單，好快就可以有得食，先試個湯底，湯底都幾清甜，味道唔算太濃，但亦都唔飲唔到有味精，嗰種感覺都幾舒服，再撈埋咖哩汁，香辣辣還可以喎。之後就係個豬紅，豬紅一粒粒，入口煙韌，但滷得唔算好入味，不過唔會碎濕濕，還可以。豬皮就比較參差 ，都係屬於偏腍，唔夠爽口，但就幾入味，唔算話煮得好出色。至於牛肚係一敗筆之作，牛肚非常韌，完全唔腍，真係韌到一個點，點咬都咬唔爛嗰種，感覺好差，好似唔知同緊啲乜嘢喺度搏鬥咁。再落黎係在酸齋，酸齋反而冇乜特別，就係酸酸地嘅山根，一般。最後係牛栢葉，牛栢葉又灼得幾爽口，份量都幾多，但係就冇乜味道，因為純粹灼完，就放落個碗度，點少少咖哩汁，味道都還可以。最後係豬腸，豬腸就幾肥身，滷得幾入味，口感唔錯

曾經呢間車仔麵係我每日都會食，有一段時間我住喺旺角我亦都見到呢間車仔麵大排長龍，咁我就一試，點知一次之後就上癮啦佢嘅大腸煮得好入味另外佢最特別嘅有個牛腩根，亦都係只有呢度先有加埋佢嘅辣椒油真係冇得頂湯底濃郁分量充足價錢實惠難怪大排長龍！

肥公車仔麵係太子必吃車仔麵！ 呢間肥公車仔麵係我讀小學的時候經常去食！最近也才裝修好，間嘢至少有十幾二十年歷史而口味還不錯，今次叫咗粗面的面底〜勁爽口，配菜叫咗：豆卜，牛百葉，雞亦尖香菇 而我女朋友都叫咗粗面，配菜：牛腩，豆卜，香菇，雞亦尖。個牛腩係一定要叫！我偷了一塊來吃真的口感勁好味! 牛百葉好爽口！面底的湯汁也是絕配！飲支可樂 再食啖麵 根本係人間天堂🤤🤤🤤🤤 由細食到大 食咗咁多年都會依舊支持 因為真係好正！

我男人好中意食黎間車仔麵 差唔多每個星期都要有一餐 不過餐廳位置都唔算太過方便 每次都要趕收工 再係地鐵站行一段時間過黎 因為7半就關門 而且去到7點基本上已經無咩選擇餐廳衛生環境望落去都算ok 但有一次見都個阿姐fill辣椒油 整跌左辣椒油入面個匙羹仔 居然搵抹台塊台布去抹下就算之後放返入辣椒油度 有個食客見到出聲問個阿姐 阿姐居然話'係甘嫁啦 你咪唔好食' 親眼見到 真人真事 所以大家衡量下食唔食尋日去基本上米線 米粉 河粉好多都賣晒 唯有嗌粗麵啦 我男人就嗌左幼麵豬腸豬紅翼尖 幼麵豬紅牛腩雞翼 粗麵(好味指數: 😋😋)其實食左甘多次我都理解唔到佢有幾好食 但我男人就好中意 價錢又真係ok既 而且有樽裝汽水tim(為最高)整體食物質素: 性價比: 推薦指數:

一次飯局中，有友人問到哪裡有好吃的車仔麵，在座兩位朋友不約而同，異口同聲提及這間「肥公車仔麵」，讓我不禁對它產生興趣，暗暗記下它的名字，然後找了一天，與太太一起去吃車仔麵。店舖位置雖遠離最車水馬龍的彌敦道，但其實不算難找，位置並不是太偏僻。到訪當日，店內室外的座位雖然未有爆滿，但我倆坐下之後，前來光顧的客人可是沒有停過，絡繹不絕的，這車仔麵店的生意果然是好。看過餐牌，連隨來到麵檔前面，指指點點的，點來蘿蔔、豬腸、雞翼三款車仔餸，加份通菜，配以粗麵，伴以可樂，稍等一會，等到付款之後，拿回座位，一頓平民美食便可立刻享用。友人沒介紹錯，這兒的車仔麵確是好，雞翼足有三隻，大隻多肉；豬腸肥厚，有膏入味，但又無洗不乾淨的豬臊味；蘿蔔大塊爽甜，以索湯粗麵伴吃，還有健康的蔬菜與不健康的可樂作伴，既飽肚，又滋味。才四十多元的價錢，換來一大碗的美味車仔麵，抵食，好食！