臨記車仔麵 (已結業)

香港地食車仔麵已經係好普遍既事，但可以食到一間咁出色既，真係難得。今日朋友帶左個仔出黎一齊行街食野，去到商埸見到呢間舖勁多人排隊，即刻走去搵返個靚位，跟住大隊一齊食。入面原來勁大，自己入去搵個位，睇完食咩就出去排隊買野食，非常方便。佢選擇有好多，呢個紙只係小部份，背後仲有小食，出奇地有好多小朋友可以一齊食既野呀。我叫左咖哩湯，讚岐烏冬，瑞士花香雞翼，回味豬大腸，銀芽咖哩湯有小小辣，烏冬彈牙，雞翼超入味勁鐘意，豬大腸冇怪味又大舊，銀芽爽口，仲叫多左個好出名既油炸鬼雞翼，外脆真係油炸鬼味，入面鮮嫩多汁，我朋友就叫左河粉，牛腩，秘製牛孖筋，溏心蛋，可樂，傳統湯底，原來傳統湯仲可以選擇清湯，加腩汁，加沙爹汁，我選擇加腩汁，河粉正常唔會煮到散，牛腩大大舊，仲有一半肥膏一半肉，好嫩，牛孖筋彈牙，骨膠原非常高，溏心蛋出奇地好食，咬開即刻流心，好特別連入面都好有味，非常出色，最開心係可以大人細佬一齊食，朋友仲要玩野俾可樂個仔飲，阿仔笑得幾開心。另外在叫多個甜酸齋，阿ｂ又可以食，我地又可以食，最岩一家人。

今天去到藍田搵嘢食，附近無咩選擇，就只得啟田商場比較多食肆，發現一間專門做車仔麵，朋友們都說很耐沒有食車仔麵，就決定入去食，門口大大個餐牌，介紹有什麼餸可以選擇，雖然大排長龍，但可以一邊諗一邊排隊，咁鬼多選擇都諗咗好耐，最後點左2set車仔麵，1個叫牛魔王和1個叫大隻佬，雖然係set好既車仔麵，但都有4款湯底和7款麵條給我們選擇，店員還推介油炸鬼系列，我就點咗件炸豬塊，另外還有瑞士雞翼和車仔麵檔唔小得既韭菜豬紅。味道方面比較出色的就是炸豬塊，外面香脆裡面juicy，厚身得來唔韌夠新鮮，超值之選。車仔麵幾好食都算抵食，瑞士雞翼甜甜哋幾正。價錢唔貴三個人食算係唔錯，下次會再食。

已經第二次食呢一間臨記車仔麵，今次去到佢喺藍田啟田商場嘅分店，覺得仲要比之前黃大仙竹園嗰間分店更好吃！我同朋友都鍾意食辣，所以就叫左呢度嘅麻辣湯底都只係加$1，首先我食左佢哋唐三藏套餐，另外我朋友就食咗個化骨龍，我就諗住清清地，唐三藏裏面有蘿蔔、豆卜、菜心、鮮腐竹、雲耳同埋銀牙，全部都係好吸湯料味道嘅餸菜，而且啲餸菜仲好新鮮添，我最鍾意食蘿蔔因為真係好甜，另外鮮腐竹嘅份量亦都夠多，爽。佢嘅湯底可以話好味過某間連鎖店嘅米線！因為驚自己唔夠飽，所以叫多咗個酸齋，我覺得藍田大一輩的街坊都會好喜歡！下午茶嘅時候亦都只有$24，任食車仔麵套餐，唔怪得咁多街坊都嚟光顧啦。

今日去開藍田探朋友，發現啟田商場新開左間車仔麵店，就係正冒險樂園對面哩間望落去裝修得幾靚仔又乾淨同埋都幾闊落喎，您知啦，車仔麵店通常都係一於入去試下先原來哩度係自己買野食先，然後聽到number就自己拎野食既，一條龍，好方便喔我地咩都想嗌呀，最後嗌左「瑞士花香雞翼」「孜然新彊燒雞翼」「牛魔王」配粗麵，牛孖根，腩肉，蘿蔔，陳皮魚蛋粗麵，同埋一個熱檸茶一個熱檸水搵原位無耐坐低好快就嗌我地number啦即刻試吓個瑞士花香雞翼先，又幾特別喎，有別於一通既瑞士雞翼呀，多左份花香既味道，我好鐘意呀孜然新彊燒雞翼，好夠味道，不過略嫌凍左少少。「牛魔王套餐」包牛腩，牛肚，牛丸，蘿蔔。牛丸反而係最出色，應該係手打既至於我碗牛孖根，腩肉，蘿蔔，陳皮魚蛋配粗麵蘿蔔好清甜呀，魚蛋好爽口，腩肉唔會好肥，岩岩好，牛筋就有啲肥再嗌左碗菜心，份量多到呢

臨記都真係成日食，話晒係屋企樓下夠方便。鍾意佢食車仔麵得嚟，食材真係有自己烹調過，唔係就咁用滾水淥一淥就放上碗咁Hea。自選車仔麵（$64）每次都食糖心蛋同牛筋，呢兩日簡直就係臨記嘅王牌🥰。溏心蛋比日式拉麵店更好食，蛋黃濃郁之餘🐣，外面用醬油浸過，非常入味；牛筋分量超多，入口溶化🐂。豚爽肉都幾香口，其餘兩款配料都正常正常。例牌必點蕃茄湯底，但今次烏冬賣晒所以就揀粗麵，感覺上比烏冬大碗好多，好似食極都唔完咁😂。粗麵質感唔夠爽，同時唔係薄，所以都幾飽肚，有d可惜嘅係粗麵吸收唔到蕃茄湯底，味道唔夠濃郁。不過單飲蕃茄湯的確唔錯，食到蕃茄自身嘅酸甜🍅，仲有唔少蕃茄蓉，感覺好健康。自選車仔麵（$53）爸爸點叫左豬皮豬大腸韭菜牛筋麻辣粗麵，佢每次都點呢幾款配料，佢話係食車仔麵嘅王牌絕配😂。個麻辣湯底點左中辣🌶，聽佢講都幾夠辣，不過佢個碗我真係冇乜興趣試，食車仔麵嘅好處就係每個人都可以揀自己鍾意食嘅配料，唔一定要同人夾，自由度好大呢！油炸鬼豬扒（ $15 ）今次個油炸鬼豬扒都炸得唔錯🐷，唔算太油膩，口感鬆軟，份量正常。原味豆漿（ $8）呢間豆漿唔錯，帶甜味之餘但都仍然飲到有豆香🥛。

今日就係勁懶出街喺屋企附近試左依間臨記車仔麵😝 晏晝一點鐘嚟到已經好多人，好在鋪面夠曬大，點完餐再搵位坐低然後攞埋嘢食都係五分鐘，有效率! 我嗌咗一個讚岐烏冬底嘅車仔麵😂 配咖哩魷魚/牛筋/溏心蛋🍳omg半熟糖心蛋真係超好食，入面係十級流心😍😍😍 咖哩魷魚份量非常多，同平時酒樓食點心一籠咁上下份量，爽口彈牙!牛筋跟夠軟淋，入口軟骨半溶化狀態!!!! 必食之選😍 我仲嗌咗油炸鬼豬扒，厚身大塊! 煎得啱啱好非常香口😋一啲都唔鞋。油炸鬼雞翼同豬扒一樣炸得剛剛好，食厭咗土匪就可以試下呢隻! 加九蚊就可以配埋凍檸樂抵呀😆

呢間臨記車仔麵，係少有平價而又非常乾淨企理嘅車仔麵檔。平時去開嘅車仔麵檔都比較地踎，呢度有地踎嘅價錢，但係相對高質。今日我嗌咗牛魔王，配搭車仔麵少有嘅蕃茄湯底🍅又幾特別喎! 牛魔王包括--牛腩/牛肚/牛丸/蘿蔔/韭菜，餸菜分量非常之多!牛腩炆得好淋而且入味。 牛丸非常爽彈牙。同蕃茄湯底估唔到可以咁相親! 孜然雞翼非常香口， 又夠juicy!菜心都好靚全部好粗身，而且份量算大碟15蚊非常抵食! 仲有不得不提嘅酸齋，好煙韌，酸酸味味非常開胃!!

呢日女編陪男編去左佢母校個邊探個就黎榮休既老師，之後就係個頭食埋野先返屋企！男編話已經好耐無返黎呢邊，呢度變化都唔少，無乜胃口既我見到有麵食就入左去！我地搵好位坐低之後就睇有咩好食呢日我真係無乜胃口，所以淨係要左碗5寶紫菜湯，入面有齊魚旦、魚片、墨丸、牛丸、魚皮餃、紫菜同菜心！本身口淡淡既我，飲左幾啖紫菜湯之後胃口開返啲！魚片有兩片牛丸都幾彈！但自己都係偏愛墨丸同魚皮餃男編就要左碗牛筋河，飲凍檸茶佢話入面有好多舊牛筋，好抵食我地仲加左十蚊要左碟油菜添當日見到唔少一家大細喺度開餐，男編仲講笑咁話遲下可能到我地呢個咁既大細路，唔激嬲我個時又真係幾sweet既

今日同小朋友去學野，佢一放學見到呢塊車仔麵牌就話要試，其實佢5歲都未食過車仔麵，出面真係越來越少餐廳有得食車仔麵，所以難得見到連我都好想食，即時入座。不過當然同我以前食開嘅車仔麵唔一樣，這間感覺很新淨，亦都十分衛生，車仔麵始終係我嘅兒時回憶，食既時候都覺得非常懷念。小朋友叫咗番茄湯底，揀咗烏冬麵俾佢食，湯底酸酸地好開胃。小朋友鍾意食芝士腸，蘿蔔同埋佢最鍾意嘅雞翼，雞翼我都試過好入味，小朋友唔使2分鐘已經食晒兩隻，證明非常好味。我自己就比較貪心，叫咗個清湯底但就叫咗好多餸，包括有牛筋，冬菇，蘿蔔，酸齋等。牛筋勁大舊，每食一啖都好似食到骨膠原一樣，感覺非常滿足我叫清湯因為我想叫炸醬，辣辣地好好味，食到我零舍開胃，正！除咗車仔麵我仲叫多咗兩款小食，第一樣就係炸魚皮，每一次食車仔麵都一定要點，脆卜卜好好食，小朋友都食到舔舔脷。另外一款就係油炸鬼雞翼，係店員推介嘅，我見幾得意就試吓⋯估唔到真係好好食，外邊用油炸鬼炸起，好香脆，但係入邊雞翼依然可以保持住好多肉汁，雞肉好鮮嫩，非常有驚喜，我哋叫咗咁多嘢食，初時仲以為會食唔晒，估唔到因為我實在太耐冇食車仔麵，呢個回憶令到我十分開胃，叫咗咁多嘢我哋完全

去咗身體檢查，咁順便喺藍田嘅啟田商場搵嘢食，呢個商場都比較舊應該好多街坊喺度，搵嚟搵去唔同嘅餐廳 ，見到呢間臨記都幾多人食，係食香港傳統車仔麵 ， 咁就試吓啦。好鍾意食豬紅嘅我，叫咗一碗韭菜朱紅豬腸 28$。不過佢哋嘅朱紅嘅味道唔算太好味。反而車仔麵比較好食，車仔麵我叫咗超大一碗，揀咗好多款菜，其中糖心蛋都幾推薦，$10一粒糖心蛋，一咬落去蛋黃汁爆曬出嚟，有少少甜味唔錯。另外佢嘅炸魚皮都幾好食，唔係嗰啲炸耐左嘅魚皮，脆卜卜咁樣，浸左落湯10秒都脆脆地真係幾好食。

學星爺話齋臨記都係演員！雖然依度叫臨記但絕對唔係茄喱啡，二打六！係有質素，夠貼地既港式車仔麵！星期六中午時間人數唔多，好夠冷氣！小朋友們都食得好開心！好啱一家大細平平哋來共聚天倫！牛魔王入面有牛肚牛腩牛丸，牛氣沖天！不過最欣賞嘅都係個蘿蔔，夠淋同入晒味！仲有大量韭菜！選咗咖喱湯底，少少辣，好醒胃！鬼馬炸豬扒外皮炸到真係有啲似食緊油炸鬼，塊豬扒都唔會炸得太乾！下次會試埋個油炸鬼雞翼！得閒經過都會再黎臨記開餐！

第三次幫襯臨記車仔麵，一如既往，午餐時間門口都會大排長龍，好彩餐廳效率快，由落單至取餐前後唔洗10分鐘，岩曬放lunch既學生同上班人士！雲耳豆卜蘿蔔鮮茄湯米粉鮮茄湯湯底濃郁，酸酸甜甜好開胃，豆卜索曬湯汁好入味，蘿蔔冇根好清甜，米粉份量適中，整體味道好唔錯，十分抵食！蠔油小花菇小花菇炆得好入味，但唔會過鹹，細細粒但有咬口，中意食菇既朋友可以試試～自製鮮竹卷自家製既鮮竹卷，餡料惹味，外皮香脆，好味！牛腩牛腩偏肥，味道不過不失～脆味豚爽肉煎得好香好脆，肉質厚實，外脆內軟，好香口，雖然經過煎炸，但食完都唔會覺得油膩！鹽酥雞軟骨（$15）有驚喜既小食，雞軟骨炸得好香，口感爽脆，配以椒鹽調味，相當惹味，食到停唔到口！

太耐冇食車仔麵，今日同屋企人到附近商場再食臨記車仔麵。😋我們各點了蕃茄湯底，蕃茄清新開胃，令人不禁一口接一口。每碗車仔麵都送生菜，我們揀了必食的菜式例如:雞翼，豚爽肉，咖喱魷魚，炸魚皮，糖心蛋，每個餸都做得十分出色。我們當然有叫吸湯的餸菜，如豆卜，蘿蔔，腐皮，冬菇，陳皮魚蛋， 吸咗蕃茄湯嘅餸菜果然係非一般嘅滋味， 而且食落重會增加飽肚感覺， 非常優質。臨記車仔麵勝在多菜式，價錢優惠，味道又合宜，係速食之選。

黎開藍田搵朋友又未食飯就食碗車仔麵啦，臨記有唔同分店但從來都未試過，首先呢間分店鋪面好乾淨企理，令人坐得幾舒服，職員態度亦都好有禮貌，特別係廚房個叔叔會同啲老友記講小心熱，慢慢食啦呢類說話，令人感覺好窩心。車仔麵我叫咗花菇、魷魚、溏心蛋、唐生菜同豬大腸，粗麵，清湯配埋腩汁仲有少辣，加埋個炸雞翼小食，總73蚊，最中意係花菇，細細粒，夠曬稔同入味，浸落湯連個湯都有菇味，魷魚同豬大腸都係，我會為左佢既滷味再黎，因為真係好稔同入味啊！😋秘製辣醬我淨係叫少辣，可以叫大辣令湯底更香濃，麵餅就稍微可以淥稔啲，少少硬同夾唔斷，不過中意食硬啲既人就一定會中意。至於炸雞翼就非常香脆，炸之前有醃到所以雞肉都有咸味，唔係得個脆字，下午茶都算多人黎食，好多人外賣，因為抵食加好食！

來到藍田見到 食肆林立 而呢間臨記車仔麵門口大排長龍 決定一試有幾款套餐車仔麵供選擇，亦可以逐個餸自選，每款餸的價錢亦親民而且有唔同既小食簡今次點了一個牛魔王套餐另外一份是散叫牛魔王套餐有5款餸包括牛腩，牛肚，牛丸，蘿蔔和韮菜牛腩，牛肚煮得好入味 而韮菜份量亦好多抵食而散叫的則點了溏心蛋，咖哩魷魚，牛柏葉，牛根，牛肚蕃茄湯味道鮮甜 可選擇加辣其中最值得一提的是溏心蛋溏心蛋一咬落去蛋汁溢出而且好滑 食一個唔夠喉而咖哩魷魚味道亦很好 又夠爽口彈牙另外，小食方面點了一份瑞士雞翼雞翼煮得夠入味 面頭又有點蜜糖花香不錯不錯