臻 (已結業)

星期6約左媽咪係西環飲茶，今次去左一間以手工點心做主打既新式茶樓 臻。佢既地理位置超方便，係香港大學站山道B出口隔離。 規模唔算大，但坐滿坐客人，仲會見到點心師傅係度整點心添。睇完個menu，見到佢地寫住茶錢每位HKD 5,免收加一。食物就叫左傻豬叉燒包 (3個，HKD 33)杏香荔茸鴨 (3隻，HKD 38)，一籠相思 (3個，HKD 38)，同埋鳳爪排骨蒸飯配3款點心(松茸素菜餃，金箔墨汁芝士蝦餃，富貴金魚餃，HKD 48)。佢地整出黎既點心真係維肖維妙。簡單既叉燒包整到隻好似豬咁，勁可愛，差點唔捨得食。 荔茸鴨其實就係芋角，味道唔錯，但佢地真係整到成隻鴨仔咁，認真唔容易。至於一籠相思，佢地係酸酸地既puff，賣相就以雀籠內面放隻相思雀。好貼題呀，味道幾特別。至於個蒸飯，味道都幾好，仲有蟲草花添。另外個3個點心都整得好出色。睇得出藝術同中國飲茶文化既cross over，大家得晴閒都黎試下呢間手工點心茶樓啦。收費就可以用現金，信用卡或者8達通都得。

久唔久都會好想飲茶，男友話西環呢間點心店好得，所以放假就去左試下喇~迷你潮州粉果 $28先黎試一試D傳統點心先，潮州粉果細細粒整得好精緻，食果時又方便，可以一啖一粒。個皮都做得好好，好晶瑩煙韌，餡又足料，爽口既沙角，花生韭菜樣樣齊，唔錯!!沙嗲金錢肚 $33好怕出面食金錢肚得PAT醬，仲要金錢肚就比得勁少碎濕濕甘。但呢到睇相就知冇呢個問題啦~件件都一片片好完整甘!!金錢肚煮得好軟腍，一咬就斷，不過最正都係個沙嗲，好香好惹味!!杏香荔芋鴨 $38呢個點心真係超超超得意呀，賣相黎講真係滿分，可愛到唔捨得食左佢。不過可能要造型既關係，荔芋比較實，芋頭亦都唔夠香~雖然唔算難食，不過可以做得更好~鳳爪排骨蒸飯 $48 (送油菜一碟)蒸飯係用個煲仔上，勁大碟，你睇D下排骨，係粒粒分明，唔似出面D茶樓撈勁多粉黎蒸，真係食到排骨既TEXTURE，而唔係一PAT粉。飯都蒸得好靚，粒粒分明架，$48份量甘大，仲有菜送埋，仲要有質素，真係好抵食!雖然呢到既點心比一般茶樓係貴，但質素亦都比出面高，如果你對點心有要求，都值得入去試一試。

今天放假，家姐想去飲茶！其實我有些抗拒，因為酒樓㸃心味精多，而且蝦餃、燒賣等等的㸃心，好多時都有很多肥豬肉，所以我很不喜歡去飲茶！最近，石塘咀開了一間專吃㸃心的食店！身為孝順妹，既然家姐想飲茶、吃㸃心，我就想起此店！我們點了：蠔皇鮮竹卷、鮮蝦炸雲吞、儍豬叉燒包、一籠相思、特色麻辣燒賣、龍蝦湯蝦皇餃！1）首先要介紹龍蝦湯蝦皇餃：店員先送上兩隻可愛的龍蝦，然後再在你面前倒入龍蝦湯！湯不咸，很香龍蝦味！而餃子裡面除了，有隻蝦外，還有蝦膠！外皮很特別，吃落口是QQ的！2）特色麻辣燒賣：其實沒太大驚喜，一點點麻辣味，勝在沒有肥豬肉！3）儍豬叉燒包：外面現在很多點心小鋪，都有很多這個樣子的款式；不過我很喜歡裡面的餡料不太咸！4）鮮蝦炸雲吞：炸得脆脆的，但內餡只得一料蝦仁，吃炸雲吞雖然不是只吃裡面的餡料，精華其實在於雲吞皮！可惜這裡的雲吞皮不夠香口！5）一籠相思：我很喜歡這個造型，內餡是蓮蓉和少許的柑桔，中和了蓮蓉的甜度，值得一試！6）蠔皇鮮竹卷：我最喜歡的傳統點心，入面有些芹菜、甘筍絲等！入口不咸，腐竹卷入口還脆脆的！清新！總結，我真的很怕吃味精超重的點心，但這裡是即叫即蒸，是值得再去的！

今日做孝順女陪阿媽食野，竟然發現這間新開兩星期的地方，就入去試試。這間「臻」完全給我的感覺是一個 coffee shop，但竟然是食點心太特別。他們服務也很不錯。花膠廋肉螺頭燉湯～味道不錯，但湯料比較少，如果多 d湯料就正啦。蛋白杏仁茶～味道不錯，不是太甜，但我覺得如果加一些杏仁碎效果仲好。帶子扇貝餃～不知為何會有幾條硬條，唔知加去點心底有咩用，但裡面的帶子和蝦都幾好味。特色麻辣燒賣～非常特別，有花椒味，不算太辣，鍾意食辣的人可以試下。芝麻蝦多士～d芝麻幾香，味道不錯，但份量比較少。特式米網蝦腸粉～似出面酒樓，內米網真係幾脆，味道也不錯。總恬來說，叫了六樣味道真係不錯，我覺得值得試。

星期日下午兩點，人客不多，但最奇怪我一點半打電話想訂位，職員竟然同我講全日Booking full晒，我哋walk 仲有大把位，由兩點開始食到大約兩點九，根本無乜人客入嚟，何來full晒？！ok算，我一心嚟食嘢既。。。裝修唔錯，簡潔光鮮，座位又唔太迫同焗促。地點就近地鐵站，唔難搵。呢間食肆食手工，朋友介紹，但價格太高，所以响我個waiting list排咗好耐隊，見阿sir生日就請佢嚟試試喇！金沙熊貓 $33同一般流沙奶皇包無分別，賣相靚靚但包唔夠熱，扣咗少少分一籠相思 $38因為賣相靚所以叫，但雞仔好細隻，味道似帶酸既鳳梨酥龍蝦湯蝦皇餃 $48又係我因為賣相靚而叫既，湯底好龍蝦好好味，但蝦餃皮太厚太硬，反而蝦蛟好彈牙蟹肉竹笙灌湯餃 $32唔好味，湯底好淡，稻香好食過佢好多一口鮑魚燒賣皇 $48呢個點心令我對唔住阿sir，話說呢個燒賣係阿sir點既，一上枱我都已經Ｏ咗咀，因為我唔知只得一粒賣，阿sir叫我食一半，當我一咬。。。成粒鮑魚跌咗落地，我嚇到唔識比反應，望住地下粒鮑魚，同時間有個職員極速執走佢，完全無理我感受，我心諗佢可能會補番粒鮑魚比我呢，定一定神後同阿sir匯報，到最後食肆

不清楚是否受到可愛系同事的感染，這天約了絲打共聚，竟又來到一間公仔點心店。坊間做公仔點心的專門店越開越多，未知這間的水準如何。首先出場的乃是龍蝦湯蝦皇餃，造型類似兩隻蝦在湯裡游泳，諸如此類。龍蝦湯味醇溫和，而蝦餃撇開造型還是爽口有蝦味的。松茸素菜餃皮薄餡多，餃皮搓得通透，口感煙煙靭靭，蔬菜粒勁爽，更啖啖松茸香，我們都十分喜歡。豬型、嘔奶型、黑金型的流沙包小人都食過；這裡的做成熊貓型，老實說，外型未能突圍，普通了些，但說到食味尚為不錯，包軟而流心餡亦充滿奶香，是不是熊貓型已不再重要了。小人至愛的就是蟹肉竹笙灌湯餃，湯底極清而又夠味，餃子皮腍滑，食到中間的肉餡是滑得在口裡溶化的，非常滋味。有美食，又可以和絲打共享，絕對是喜樂與共的一餐！

之前在開飯已找到這間食肆的點心很可愛，3月4日星期六，剛好有時間，於是出動往這間食肆一試點心。到步已16:00，可能新開，不是太多客人，所以不用等位，有入內已有人招待坐下開茶。我便立即忙於在點心紙圈點心。實在太吸引，很多動物很可愛，我大多數點了可愛點心。點心終於到。儍豬叉燒包=叉燒包，樣子很可愛，有點不捨得食。除了賣相好吸引，味道好味。熊貓=流沙奶皇包，流沙很流饀，味道可以。一籠相思=我都唔太清楚饀，類似梅子，酸酸地。雀外層類似鳳梨酥嘅酥，好鬆化，其實ok, 不過我本人不太喜歡。杏香荔芋鴨=其實係3隻鴨隻，用杏仁做翼及咀，類似蜂巢芋絲，不過無蜂巢，面層鬆軟，呢款很好食，味道很好，我可能喜歡芋頭，特別喜歡。金魚餃=蝦餃，應該蝦餃冇咩分別，只是賣相比蝦餃特別及大隻了，比正常一籠蝦餃少了一隻，我很喜歡蝦餃，所以認為味道可以。天鵝酥=其實是甚麼，應該是什菌類，不過除了鵝頭比較硬似餅乾，可以不吃，其餘是一隻酥，酥很鬆化，好味道，但我覺得饀偏咸了一點。另外，我還叫了鳳爪排骨飯，這個味道普通，可以，無特別不好。不可不提，還叫了“脆皮馬蹄糕”，馬蹄糕外層包了層不知甚麼皮，非常好味，因為外脆內軟，最重要

知道屋企附近開咗一間比較有特色嘅中式 飯店, 所以今日專程去試下,店內裝修乾淨整潔,坐得幾舒服。叫咗豬仔叉燒包及熊貓流沙包,包皮做得非常鬆軟,小朋友一定會喜歡,叧外金箔蝦餃及金魚餃味道亦算中上, 基上大部分嘅點心味道都算幾好, 可惜最後叫咗一個蟲草花蒸雞飯,原本味道都算係合格,點知食食下發現有一嚿雞屎忽,比較令人失望,而價錢亦比較貴咗少少, 但亦都值得一試,侍應服務亦都非常貼心、有禮貌, 值得一讚,整體今次都算係一個精彩嘅午茶。

There are so many cute looking dim sum restaurants sprouting up. A coworker, who lived in the area posted on her Facebook page dim sum that were placed in a bird cage. Curious, I decided to go give it a try.Located in Shek Tong Tsui, quite near the MTR station exit where there are already a number of really great little places to eat, is this small dim sum restaurant. They only do day service and are closed at night. Featuring regular dim sum, they also have cute character dim sum available.The

近日媽咪圈興起去食手工點心，我也跟風一下，選了一個下毛毛雨的星期六中午，早上打電話去想訂台，可惜當日訂台的數量滿，只能walk in 拎台，故我自己12:30先去拎台，當時大約8成滿座，好彩我人少2 大1 小，只要2 人梳化位置便可，剛好門口附近有空台，侍應見我一個也比我先坐，不必齊人才可進入，又不會要限時只可食幾耐。侍應態度很好，有特別要求也會處理，不會黑面，有問有答。眼見兒童椅只有約3-4張，數量比較少，因為客人大部分都是有小孩一起的，有些可能帶2 個，如果一團媽咪去飲茶，兒童椅唔夠分。未等爸爸同阿囡到達，我便先入單點心了，大約下單15 分鐘左右，爸爸同囡囡到了，點心便分批送上台，囡囡一見那些得意可愛造型的點心，手仔已經立即出動了。杏香荔茸鴨$38 /3 隻造型得意，鴨仔用杏仁片造有嘴有手腳仲有尾包，見到都會唔捨得食，荔茸部分不會太厚，內包有豬肉碎，香茹粒等，很脆口，不會太油，好味道。金沙熊貓 $28 / 3 個熊貓造型的流沙包，味道一般，不是太有奶黃味道。傻豬叉燒包 $28 / 3 個豬仔造型比熊貓得意，面部比較有立體，內裡叉燒不會肥，醬汁也不會太咸。富貴金魚餃 $38 / 3

Zhen is a new restaurant set opened near the neighbourhood of Sai Wan, just down Hill Road from our HKU campus. It serves contemporary dim sum, with both traditional Chinese fare and modern Western approaches. They interpret with some Western ingredients and putting an adorable presentation on them. This afternoon, we start with a cold appetizer, blanched okra served with soy sauce and wasabi dip. The cute little panda custard bun is impressively made with an excellent lava center that has just

之前係open rice見到呢間餐廳，覺得好得意，所以趁放假前來一試。搭地鐵到香港大學站，跟住B2出口，係出口就見到廣告牌，跟住轉彎就到目的地，都好方便架因為去的比較早，所以餐廳得兩檯人。這個荔香鴨的造型實在太可愛喇，用杏仁片做鴨仔的手手腳腳，見到都唔捨得食。咬一啖，香香脆脆，🌰好細膩，咸咸地。熊貓流沙包咬一啖，d沙係咁流出來。好味呀！🐷仔叉燒包，味道就麻麻地，🐷仔造型都比較普通。金魚蝦餃，貪在造型得意，蝦肉雖多，但味道唔夠鮮美。一口鮑魚燒賣，38蚊一隻，其實等於加一粒細鮑魚係燒賣度，都有d創意，價錢亦都合理。龍蝦汁墨魚造型蝦餃，唔記得道點心的原名😂龍蝦汁的味道好濃郁，蝦餃用左一整隻蝦做成墨魚造型，裡面仲有幾隻蝦仁，用料十足。抵食！總而言之，呢間店d野味道賣相都算ok，價錢又唔貴，好抵食😍

香港大學站附近有間超得意點心店 賣相勁可愛 味道亦都唔錯！ 點左set lunch有例湯 健康冇味精 好飲 一口鮑魚燒賣 $38 一粒 矜貴得黎又唔算太貴 鮑魚真材實料 鮮味彈牙 而且燒賣吸收哂d精華 味道好香 賣相更加唔使多講啦 嬌俏豬仔叉燒包 $32 勁可愛！ 餡料相當充足 外皮夠薄好鬆軟～而且味道相當好 ！ Set Lunch 要左點心拼盤每款特色點心集於一籠 一飽眼福同食慾！墨汁芝士蝦餃 芝士味都幾濃郁~ 又幾特別 熊貓造型既流心奶黃包 亦都係好得意而且皮亦都係好軟熟 而且做到真正流心效果 值得一讚甜度非常適中 好好味！地址:西環西營盤山道48號南昌大廈地下C舖

自從西環地鐵開通之後，不少新式特色餐店進駐，住在西環的人包括小妹當然感到幸福不少。記得以前小時候和家人到酒樓飲茶，來來去去都只有廖廖可數的酒樓，食得多都覺得沉悶。但時至今日，西環沿線已新開了幾間點心專門館，用中式點心加上西式配料泡製出的新潮點心，打破舊域的界限，飛甩老套，自然吸引不少年輕一代男女的關注。位於香港大學站B出口正後方的臻，就是結合中西飲食新舊文化和食物完美呈現。餐廳營業時間為上午11點至下午9點，餐紙全天候只得一張，暫時睇落並無其他特價午餐或晚餐點心紙。不過相信新店開張無耐，人客不見得多，或是下午茶的關係，所以餐廳都較為清靜。但筆者亦發現都有幾個途人經過餐廳時主動攞張點心紙睇下餐廳究竟有乜野食。建議餐廳其實可以主動積極一些，派員工到地鐵站外派傳單加強宣傳。門面採用金色瓦面的設計，古代圓形扇葉，感覺古典得來又貴氣敦煌。室內同樣高貴典雅，左邊一面是雲石面與金色梅花竹間形成的牆身，右一邊卻是用上紅色磚塊疊成的牆身，襯有圓形瓷碟的擺設，刻意將華麗與沉實一面取了平衡的中間點，令客人感受到尊貴同時亦能舒服寫意地用餐。餐紙就是兩頁的點心紙，一共分有廚師推薦、點心、湯品、前菜、飯麵、主菜等

從網上得知屋企附近有間新開既新派點心, 所以尋日星期日就去試下啦! 餐廳位置都幾近香港大學站, 由山道出口步行至餐廳應該不用十分鐘。我地到達時係中午時分, 幸好有一張吉枱, 遲我地一步既食客就要等一等喇。MENU選擇唔多, 如果想食腸粉既恐怕要失望了。我地總共點左五樣食品分別係: 海皇扇貝餃、鵝肝醬蝦春卷、胡麻手撕雞、水煎包、招牌蒸飯配銀雪魚及墨汁芝士蝦餃胡麻手撕雞 $32 – 一般, 冇特別, 麻醬唔夠香海皇扇貝餃 $38三件 – 味道一般, 冇鮮味水煎包 $38 三件 – 全餐最好食, 包煎得夠香但唔會油林林, 味道夠招牌蒸飯配銀雪魚 $58 – 食蒸飯唻講豉油都好重要, 但呢度冇提供, 我都冇問; 飯粒夠乾身但唔硬, 鱈魚味道同質地都不錯, 但稱不上係”招牌”墨汁芝士蝦餃 $45 三件 – 賣相一絕, 但咬下去就失望了。。。皮唔夠滑, 蝦肉唔鮮兼唔爽, 味道同芝士好似唔多襯(冇相) 鵝肝醬蝦春卷 $38三條 – 好味, 新鮮炸起好脆口, 唔油, 但唔多食到鵝肝味整體而言, 食物既賣相比真實味道吸引, 以上冇一樣食物令我深刻同值得推介。如果大家唔係街坊, 個人意見唔值得長途跋涉。