影片
港鐵銅鑼灣站 D4 出口, 步行約2分鐘
繼續閱讀
電話號碼
28850268
開飯介紹
以海鮮為主的一人蒸氣火鍋餐廳，有單點及套餐選擇，餐牌更列出蒸煮時間指引，讓你品嚐最鮮嫩的滋味。座位之間設有拉簾，即使獨自用膳也享有私密空間。
繼續閱讀
附加資料
用餐時間120分鐘
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
優惠
9折
八府巡按海套餐 1人蒸氣火鍋晚餐 - 豪歎至尊海鮮、特上肉類
$439
$488
9折
九五之尊套餐1人蒸氣火鍋套餐-豪歎刺身、至尊海鮮、特上肉類
$628
$698
相關文章
船渦 @ 銅鑼灣原來蒸鍋都有自私食…咁就要試下呢度主打蒸氣海鮮鍋…裝修都幾木系…配合埋柔和燈光…氣氛唔錯。 話明support自私食…每張枱都裝左獨立蒸爐…如果你真係得一個人黎的話…仲可以落簾…咁就啱哂I既你同me今日點左兩款餐…大家都以海鮮為主…貴d既就多少少海鮮同跟安格斯牛肉。 就算平個餐…海鮮種類都算豐富「九品芝麻官」套餐有白蜆…大蜆…蝦…北寄貝…鮮魚片…而「八府巡按」 套餐就有白蜆…蝦…北寄貝…鮑魚…元貝…貴妃蚌…鮮魚片…龍蝦…子王。 兩個都包左餐前小食呢度最貼心就係清楚列明每款食材既蒸煮時間…咁就唔會嘥左咁靚既食材呢度所有海鮮都清洗得好乾淨…貝類無沙。 所有海鮮都好新鮮…特別是龍蝦，肉質飽滿，入口彈牙仲有鮑魚都好爽口彈牙。 肉類方面有美國肥牛…安格斯牛同豚肉。 牛就當然安格斯比較優勝dd…話時話佢地個豉油調得幾好味…帶少少甜…唔鹹…蒸完既食物點少少就啱啱好除左蒸鍋食材外…呢度都包左主食一份…我地點左米線同蟹粥。 當你蒸到咁上下…店員就會為你準備好主食既安排。 蟹粥底由店員代為處理，加埋其他海鮮精華後味道濃郁…為呢餐畫上完美句號船渦不單止提供新鮮海鮮食材…見到有自己魚缸就知。 服務都洽到好處…整體唔錯#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #船渦 #銅鑼灣 #蒸鍋 #海鮮
繼續閱讀
CP值爆燈！銅鑼灣一人一鍋蒸海鮮✨同老公撐枱腳嘆海鮮🦞 放工攰攰哋，想食好啲又唔想煩？去銅鑼灣「船渦」就啱晒！呢間一人一鍋蒸氣火鍋餐廳，唔使自己買餸洗切，新鮮海鮮送到你面前，啱晒我哋呢啲懶人😝今次每人叫咗一個套餐:「八府巡按海套餐」($488): 呢個套餐真係超級豐富！海鮮拼盤好震撼🤩 有龍蝦、鮑魚、元貝、蟶子、貴花蚌、白蜆、蝦等等，仲有安格斯牛肉添！龍蝦啖啖肉，仲有膏，肉質彈牙又鮮甜！其他海鮮都好新鮮，完全冇腥味，蒸完仲保持到鮮嫩口感。套餐仲包前菜沙律、炸餃子同芝麻雞翼，同埋蔬菜拼盤同甜品。我就揀咗南瓜芋頭粥做粥底，吸收晒海鮮嘅精華，好鮮甜！「九品芝麻套餐」($258): 抵食之選！海鮮方面有白蜆、大蜆、貴花蚌、蝦、鮑魚同鮮魚片。白蜆帶有淡淡海味又無沙，大蜆就更加厚實，口感豐富。貴花蚌肉質鮮甜！肉類揀咗美國肥牛同雞肉，肥牛油脂分布均勻，雞肉都幾滑，唔會嚡。每人一個蒸爐，仲有指示教你每款食材要蒸幾耐，就算唔識煮嘢都唔怕！👍🏻 飲品方面都好多選擇，有sake、啤酒等等，我哋就一人一支啤酒🍻食物質素高同份量超多，海鮮都幾新鮮，服務態度都唔錯，想食新鮮海鮮又唔想煩？快啲去「船渦」試吓啦！😋
繼續閱讀
🔥 船渦上船啦！蒸氣海鮮塔x火鍋 雙重暴擊！喂～同班食肉獸殺咗去銅鑼灣「船渦」開海鮮派對！玩「蒸氣塔+粥底火鍋」一船兩食，未開爐已經聞到陣陣鮮味，忍唔住狂吞口水啊！試勻兩大皇牌套餐，真心要同大家爆seed分享！ 九品芝麻套餐：海鮮山震撼登場！一揭蓋！海鮮塔疊到成座山咁高～**爆膏翡翠鮑、爽脆海蝦、肥嘟嘟黃蜆、蒜香扇貝**，仲有厚切**龍躉片**！師傅蒸嘅時間啱啱好，鮑魚彈牙唔韌，黃蜆蒸到啱啱爆開，一啖嗦落去💦 *鮮甜海水味直衝腦門*！最絕係底層嘅**精華粥底**，蒸海鮮嗰陣啲汁「滴答滴答」滲落去，滾到米粒開花，食到尾啖啖都係海鮮精華，鮮到黐線啊！ 🍜 魚湯烏冬：乳白魚魂湯單嗌嘅魚湯烏冬係神級隱藏menu！湯底熬到牛奶色，飲一啖～**濃郁魚香+胡椒辛香**直捲舌頭！烏冬吸湯力爆燈，嗦入口滑溜帶煙韌，掛滿湯汁唔會水汪汪，我直頭捧碗飲清光！ 八府巡按套餐：海陸空霸氣全開！升級版海鮮塔再加碼**安格斯牛小排＋手打墨魚丸**！牛小排雪花靚到反光，蒸完點少少豉油～*肉汁同油香係口腔玩碰碰車*🚗！墨魚丸真係打到起膠，咬落彈牙到跳舞，仲食到粒粒墨魚肉！海鮮part多咗**爆膏龍蝦仔同手掌長蟶子**，龍蝦鉗一拆～*成舊白雪雪肉飆出嚟*，鮮甜爽口到好似跳咗落海！ 可樂＋芬達：爽氣沖天組合！汽水雖然basic但配海鮮係無敵！冰凍汽水「嗞～」一聲衝落喉，即刻中和味蕾，仲有種去海灘燒烤嘅懷舊感～ 由蒸海鮮嘅原汁原味，到粥底盡吸精華嘅震撼，兩種食法完美夾擊！店員仲會幫手計時蒸海鮮，我淨係負責「揭蓋→哇→狂食」就得，懶人天堂認證！ 📍銅鑼灣謝斐道500號維安商業大廈3樓 （港鐵銅鑼灣站C出口行3分鐘） #船渦 #蒸氣火鍋 #銅鑼灣食神 #海鮮山攻略 #魚湯烏冬我杯茶 #香港美食地圖 #相機先食 #蒸海鮮鮮過游水 #foodie暴龍
繼續閱讀
早前同朋友去咗銅鑼灣船渦食蒸火鍋，有幾款套餐揀，價錢同內容都幾吸引，我哋就分別試咗九品芝麻餐同八府巡按套餐。九品芝麻餐開頭有個沙律，青瓜絲都新鮮爽脆。炸物係章魚燒（2粒），外脆內軟，章魚粒幾彈牙。 海鮮方面有白蜆、蝦、鮮魚片、大蜆、北寄貝、鮑魚，每樣都新鮮，大蜆同北寄貝啖啖肉，冇時間指引，唔怕蒸到過火。 肉類有美國肥牛同豚肉片，牛肉油脂分佈靚，豚肉薄切易熟，食落唔會柴。 丸類就有招牌三寶丸：牛骨濃汁牛丸、薑汁皮蛋貢丸、招牌墨魚丸，全部都彈牙有咬口，特別鍾意墨魚丸，好彈牙。八府巡按套餐（$488）就再豪華啲！ 前菜一樣有沙律，炸物係餃子同芝麻雞翼，雞翼外皮香脆帶芝麻香，餃子汁多味美。 海鮮方面超豐富，有白蜆、蝦、北寄貝、鮑魚、元貝、貴妃蚌、鮮魚片、龍蝦半隻、蟹半隻，龍蝦同蟹雖然唔多但夠新鮮，入口啖啖鮮味，貝類好鮮甜，貴妃蚌都好爽口肉類有安格斯牛肉同雞腿肉，牛肉細嫩帶肉香，雞腿肉嫩滑。 丸類同樣有三寶丸，每款都彈牙有誠意。 最後食埋個南瓜粥底鍋，吸盡海鮮精華，好滿足。兩個set都有蔬菜拼盤，配搭豐富，最後有小小嘅一口糯米糍，成餐都幾滿足。
繼續閱讀
呢間朋友介紹我去食~所以收工約左同事去食,主要係揀set再蒸黎食,再用湯黎煮粥或麵,海鮮整體都好新鮮好好食,蒸牛肉就第一次試,但感覺意外唔差,但一定要點汁食,如果唔係會好乾柴~牛味好重,個粥幾好食~都唔錯GE體驗,唯一唔好係唔包野飲~食完要去買返杯"廢水先搞得惦!!
繼續閱讀