影片
更多
2020-05-27
860 瀏覽
幾個月前就留意到呢間新開嘅日本野，初印象係一間貴價嘅鐵板燒，喺近工業區地段黎講可謂定價不菲，所以一直都係觀望態度。 不過見開咗咁耐都坐滿人，應該有一定水準，所以今晚嚟試吓揀咗焰月廚師發板 ($980)。先付胡麻醬冷奴作為唔鍾意食豆腐嘅人，難得地覺得好好食，有種自家製豆腐嘅清香。 作為配菜嘅冰菜都好新鮮，口感好得意。時令季節刺身五點間八切片包埋醋汁同蔥絲一齊食，酸甜開胃，魚味濃得黎夠鮮，食唔慣白身魚生既人都接受到。肥美嘅鰤魚腩輕輕燒過，一咬落去油份就唧晒出嚟，感覺似食緊火炙左口魚裙邊，加埋明太子醬更加香。原粒帶子燒到半生熟，新鮮嫩滑，因為夠大粒所以好有口感。 不過幾鮮都好，帶子始終比較淡味，用紫菜包住之後有少少搶味。金目鯛同樣係表面火炙左，鯛魚香味好濃。 最驚喜係山藥蓉已經調好味，同鯛魚一齊食味道啱啱好，感覺清新。師傅首先刨咗岩鹽係拖羅表面，然後搽上芥辣，再包紫蘇葉同紫菜。 不得不讚所有調味嘅份量啱啱好，岩鹽鹹淡適中得來可以引出拖羅嘅鮮味，可能師傅特登拍一拍紫蘇葉令香氣可以散發出嚟，食到好突出嘅紫蘇葉，同時所有味道豐富而調和，係我食過最好食嘅拖羅卷。漬物係其他舖頭都食到嘅牛蒡同喬頭，牛蒡
先付胡麻醬冷奴
作為唔鍾意食豆腐嘅人，難得地覺得好好食，有種自家製豆腐嘅清香。 作為配菜嘅冰菜都好新鮮，口感好得意。
時令季節刺身五點間八切片包埋醋汁同蔥絲一齊食，酸甜開胃，魚味濃得黎夠鮮，食唔慣白身魚生既人都接受到。
肥美嘅鰤魚腩輕輕燒過，一咬落去油份就唧晒出嚟，感覺似食緊火炙左口魚裙邊，加埋明太子醬更加香。
原粒帶子燒到半生熟，新鮮嫩滑，因為夠大粒所以好有口感。 不過幾鮮都好，帶子始終比較淡味，用紫菜包住之後有少少搶味。
金目鯛同樣係表面火炙左，鯛魚香味好濃。 最驚喜係山藥蓉已經調好味，同鯛魚一齊食味道啱啱好，感覺清新。
師傅首先刨咗岩鹽係拖羅表面，然後搽上芥辣，再包紫蘇葉同紫菜。 不得不讚所有調味嘅份量啱啱好，岩鹽鹹淡適中得來可以引出拖羅嘅鮮味，可能師傅特登拍一拍紫蘇葉令香氣可以散發出嚟，食到好突出嘅紫蘇葉，同時所有味道豐富而調和，係我食過最好食嘅拖羅卷。
漬物係其他舖頭都食到嘅牛蒡同喬頭，牛蒡沾上芝麻更加香口，如果可以refill就好喇。
鐵板燒二款
鮑魚明顯食到昆布煙燻嘅香味，嫩滑彈牙。 最特別係用鮑魚內臟煮成嘅醬完全唔腥，配埋飯食鹹淡啱啱好，係想encore嘅味道。
金鯛外型好強烈，廚師特別講明魚鱗都食得。 本來以為即使係脆脆地都會有過硬嘅情況，估唔到薄薄嘅魚鱗食起上嚟就好似普通脆皮一樣鬆化，金鯛亦都鮮甜夠滑。
吸物係魚湯，雖然外型普普通通，但係係樸實嘅美味。 師傅話係用好多唔同嘅魚骨熬制而成，唔腥嘅秘訣係加咗好多薑，唔怪得咁奶白色，仲好似飲緊花膠湯咁濃郁。
手握壽司五貫頭三款係白身魚：目張、曹以同魴鮄，魚味比較清淡，完全唔腥，食得出好新鮮。 講真三款嘅味道分別唔大，主要係口感上由比較軟身去到彈牙。
值得一讚師傅喺配料上好用心，調味粉分別用咗調味粉同薑蓉，可以突出到魚味。 師傅仲會喺魚生上面掃上薄薄一層豉油，鹹淡啱啱好，食嗰時直接放入口就好完美。
令我最印象深刻嘅係最後嘅象拔蚌同海膽壽司。 一入口就感覺到濃烈嘅象拔蚌鮮甜味，同想像中一樣爽口彈牙，厚切嘅關係好有肉感好滿足，表面仲灑左少少橙皮，帶一絲清新。
海膽壽司份量毫不手軟，來自北海道嘅海膽完全唔腥，入口只有甜味，甘香醇厚，餘香久久不散。
壓軸嘅手卷本來以為只係填肚之選，但見到師傅喺面前嘅製作過程真係唔簡單。 首先係吞拿魚茸入面拌入蔥絲同脆脆，然後用火槍將拖羅皮入面嘅油脂燒出黎，滴落吞拿魚茸撈勻，再燒一燒紫菜包成手卷。 一入口就感覺到拖羅嘅油香，比起一般食到單純切成拖羅粒嘅餡料更加有層次，味道好豐富。
時令果物蜜瓜熟度啱啱好，多汁鮮甜，完全係最佳賞味期嘅生果。
由於舖頭細細，所有客人都圍住吧枱坐，眼前就見到師傅煮嘢食嘅過程。 上菜時師傅會簡單介紹菜式，基本上大部份魚名都好似冇聽過咁，多口再問魚名寫法同做法師傅都好好人好仔細咁解答，感覺到師傅見有人問都好開心咁，食到後期仲會吹吓水，氣氛好輕鬆愉快。 最後師傅仲俾咗卡片我哋，話有咩特別菜式想食都可以同佢order定，服務真係滿分，未食完已經計劃緊下次特別日子要黎再食過。
張貼
