菊月町 (已搬遷) 新店位置

When you opened the bag and saw such note on the container, you would just feel that love and caring from every bite you take! Made with love and served with the heart is what I would describe this little hole in the wall. They know how I love to have sake with my meal and during this dining restriction lockdown period of COVID-19, I could only order take away. When they threw in a cup and bottled some sake for me to enjoy my meal back in my office, what else could I ask for!? THANK YOU! All the

All in all簡評：1. 餐廳把廚師發辦當作是藝術品去做；2. 相比同類型的店舖，價錢不貴；3. 一餐可以食兩個半鐘；4. 刺身非常新鮮；5. 店員服務好好，完全會問你意見。——————————————————自己第一次食廚師發辦，終於被我預約到菊月町，之前一路見TVB飲食節目有介紹佢，所以就一路心思思都想試吓。首先，前菜先付是用鐵板燒所製作的烏賊丸配白飯魚干，你見到背後好似一個屏風嘅樣，其實係白飯魚干，在鐵板上燒後，壓制而成的。菊月町有一個理念，就是要把廚師發辦，當作是一件藝術品咁樣去做。之後來的是間白魚配海葡萄，兩樣嘢要連埋一齊食，酸酸的，再配上間白魚的鮮味，兩者融合得非常好。接著是左口魚配烏魚子加上海藻棉 （柚子醋）。柚子醋酸酸甜甜，更加能誘發出左口魚的鮮味，細心品嚐，發現是真的不同的。然後下道菜是深海池魚配上山藥蓉及紫蘇花，以前一般就食開薯蓉，今次能夠食到山藥蓉，就非常特別。山藥蓉雖然沒有什麼濃烈的味道，反而是淡淡的，卻能顯出魚的鮮味。然後是金龍鯛配蛋黃醬。廚師選擇用蛋黃醬，非常別出心裁。再接下來的是加拿大海膽壽司。海膽的份量非常多，只有新鮮，已沒有腥味。令人非常開心。再

之前晏晝食過，所有嘢都好好，好可惜原來晚餐唔係一樣今日叫咗個$288.12件發板壽司，六款每款兩件，六款都係魚，重要全部都麻麻，又冇湯，又冇沙律。再叫咗個$288發板鐵板燒，三樣燒物，好可惜又冇飯，有冇湯，冇諗過食鐵板燒，剩係得啲餸再叫咗個$148嘅拖羅套餐，都係冇湯冇沙律兩個人食$800埋單，完全唔抵食，唔會再幫襯晚飯之前食晏晝，侍應招呼熱情，今日夜晚去到，分別實在太大，完全冇人招呼，態度都麻麻地完全冇諗過晏晝同夜晚咁大分別，以後都唔會夜晚去

喺觀塘行行吓經過一間食日本菜嘅餐廳有廚師發板，就入嚟試吓，價錢唔算好貴，大概$1000一個人。我哋選擇咗”焰月”餐，睇落都幾多食物。前菜有炸烏賊魚丸同白飯魚乾，兩者都好香口，烏賊魚丸面頭有啲卜卜趣，增加口感。刺身方面有左口魚配青瓜醋，食嘅時候可以同啲香蔥捲埋一齊，青瓜醋偏甜，左口魚薄得來爽身，正！間白，唔係好多地方有呢款刺身！食落好滿足，因為厚身之餘仲有好香嘅魚味，食落帶點甜。深海池魚配准山，刺身爽口，淮山有潺，未必個個都鍾意食。火炙金木鯛配唐辛子，撈埋一齊食有少少辣，燒過嘅刺身更香更濃。拖羅紫蘇葉，紫菜輕輕烘過，包住拖羅同紫蘇葉一齊食，雙重味覺享受！拖羅有口感！刺身過後有漬物，牛蒡、蕎頭同蒜頭漬。鐵板燒就有忌廉香草金鯛，面頭嘅係魚鱗，炸咗就可以一齊食，好脆身，完全唔似食緊鱗片！芝士虎蝦配洋蔥，虎蝦爽口彈牙，啖啖肉，沾滿左芝士好邪惡！仲可以啜埋蝦頭嘅汁！魚湯。壽司方面有赤背，食落爽口！火炙黑鯛，有咬口！赤身蛋白泡，即打蛋白泡放上魚生上，初次嘗試，赤身食落有魚味。梅倉配魚子醬，香！日本海膽，超鮮甜！最後仲有日本靜岡蜜瓜，超甜又多汁！

觀塘真係臥虎藏龍，雲集左好多出人意表的隱世小店，今次真係好彩撞中呢間咁正嘅店舖，我地附近個幾枱客人，都食到讚不絕口，好值得推介俾大家！呢間有兩個set餐係師傅拍板既，一個$980，一個$1380，分別係貴啲個個多兩份時令刺身，同三款鐵板燒，拖羅蓉手卷變滿滿既海膽盛。我地要左$980既餐，都食得好滿足好飽，附近幾枱食客都係叫$1380個個餐，佢地鐵板燒有焦糖鵝肝多士（好大份好香），同昆布鮑魚燒，有個用鮑魚肝做既醬，好吸引，好羨慕。介紹返我地個餐先，以下係跟返佢出餐既順序黎寫：前菜，冰菜水豆腐配海膽汁好味，鮮甜，靚！（老公好鍾意個海膽汁）我鍾意個冰菜，好爽甜，個樣好靚。間八魚薄切四片配醋青瓜醬海葡萄魚子醬配黑立 魚油味好香，有焦香味深海池魚配三文魚籽金目鯛配姜蓉同芥末籽加辣椒絲 師傅有教我地每樣都夾啲落去一啖食，堅係好食，味道有層次，辣辣地加魚油香味同焦香味好出。拖羅刺身金鯛鐵板燒仲有埋脆脆嘅魚鱗同忌廉汁好好食😋鐵板燒大蝦個蝦真係好大，師傅留左啲煎到脆卜卜又香口既蝦腳俾我哋食，估唔到蝦腳咁好味，仲有蝦頭既蛋白汁，好好食！第一次將隻蝦食得咁精彩！鐵板爐雖然好近我哋，但佢地爐邊已經係抽風位，唔

一向知觀塘工業區有好多隱世美食，細心選擇下，果然冇錯。看到菊月町門面裝修充滿傳統式簡約風，加上主打Omakase，忍唔住走入去嚟個大決戰。安頓好之後，我地點咗“焰月”Omakase。侍應妹妹先詢問一下我地有冇邊D嘢係唔食，當然冇啦，然後就好戲開始上演。三位師父各施其職，有負責壽司刺身，亦有一位專責鐵板燒。睇住佢地用心為客人泡製美食，熟練嘅手法隨咗型之外，搵唔到其他形容詞。等咗一陣，終於上菜喇。首先係冰菜豆腐配雲丹醬，豆腐冰涼清身，配上雲丹醬（海膽汁），淡淡海膽味唔算濃，作為開胃菜絕對合適。之後係間八魚刺身配青瓜醋加海葡萄，魚片偏淡清甜，配上青瓜醋嘅微酸同海葡萄嘅微咸，入口配搭好新鮮，幾種味道好均勻。跟住到魚籽醬配黑䲞，黑䲞肉質煙韌鮮甜，配上魚籽醬的咸味，發揮咗提鮮作用。之後係深海池魚配三文魚籽，池魚口味偏淡，三文魚籽咸味偏重，亦一有種鮮甜味，配搭起嚟比之前菜式味道濃啲，另一種風味。跟住有金目鯛配薑蓉芥末籽，面頭再加辣椒絲，清甜嘅刺身配上幾種唔同程度感覺嘅辛辣，口感好特別，由其係辣辣絲，微辣而有一種啖啖嘅辣椒香味。之後係拖羅刺身加紫蘇葉紫菜卷，拖羅一直係我至愛，魚鮮味配上紫蘇葉帶有梅子嘅

男朋友帶我嚟到呢間位於觀塘嘅日本餐廳慶祝生日。佢哋有幾款唔同價位嘅廚師發辦，我哋揀咗呢款$980嘅「焰月(えんげつ)」，包括有：先付 (starter)🐟時令季節剌身五點🧄漬物🍳鐵板燒二款🍲吸物 (soup)🍣手握壽司五貫🌯手卷🍈時令果物.呢日嘅時令刺身有間八、虱目、深海池魚、黑鯛，以及拖羅。我好欣賞佢哋用咗味道清新嘅食材作襯托，例如青瓜醋、無花果醬。.呢日嘅鐵板燒有「忌廉香草甘鯛」以及「芝士燒虎蝦」。甘鯛連魚鱗燒，魚皮香脆。忌廉香草令成個配搭變得好西式。睇住師傅純熟地用料理剷將虎蝦去殼再切細，盡顯功架。.五款壽司之中，我比較鐘意金目鯛壽司。魚皮火炙後依然保持金目鯛獨有嘅櫻花粉紅色，魚肉鮮甜嫩滑。.但我最愛嘅始終係拖羅手卷。拖羅經過火炙後豐腴細滑，每一口都係魚油香味。.🥢菊月町觀塘鴻圖道46號世紀工商中心地下1A號舖

為女朋友慶祝生日，當然要做足功課。我地睇過晒OpenRice，決定去「菊月町」食廚師發板。.餐廳外觀好特別，以木色裝修為主，令人有置身日本居酒屋嘅感覺。壽星女一入到餐廳就大讚餐廳環境好有日本feel。牆上有唔少日本酒嘅etiquette，令人大開眼界🥃。.此外，餐廳內仲有好多貓咪擺設，睇得出店主係好貓之人，連筷子座都係貓咪🐱。.唔止環境靚，食物質素都好好。我哋嗌咗「焰月」，果然無令人失望。我尤其鐘意芝士虎蝦🍤。呢個配搭聽上去簡單，但芝士味道恰度好處，唔會遮蓋到虎蝦嘅鮮味。而且可以邊食邊睇師傅整鐵板燒好特別。..雖然今年去唔到日本慶祝生日，但可以嚟到呢間咁有日本風情嘅餐廳都唔錯。

一個人的晚餐時光，要既享受又踢走空虛感，特別打電話預約了一餐滿期待的Omakase,一個價錢不用過千元已能一嗜高質日本料理，九龍區來說，菊月町算是少之又少。餐廳座落於觀塘工廈地鋪，裝修由外而內充滿著地道居酒屋風味，訂了的「焰月」套餐，包括先付、漬物、5款時令刺身、5貫壽司、兩款鐵板燒、湯、手卷及鮮果。窩心大廚會先問有無咩野係自己唔食，由淡味到濃味，涼食到熱食準備食材。 【先付(前菜)】燒白飯魚干配芝麻菠菜，鐵板煎香脆香的魚干，伴著軟爽壓齊的涼拌菠菜，在清淡中先開胃一下。師傅非常細心，會留意我食完一款後，再準備下一款的菜品。 【時令刺身五點】日本珍珠蠔三文魚子，非常清新的珍珠蠔加上蘿蔔蓉，juicy又鮮味，滑溜美味。紫花伴火炙爐魚由廚師火槍輕燒爐魚，再加入秘製汁，廚師建議可嘗試連花一齊食，有趣。另一款輕輕燒過的四塊白身薄片刺身魚，夾著芥辣生白，再灑上柚子粉，軟滑中又香口鬆脆。 鰹魚刺身伴薑蔥魚肉厚實有口味，微酸帶甜嘅刺身巧炒地用上薑蔥中和味道，拖羅肉伴紫蘇葉紫蘇葉及紫菜包着拖羅一齊食，紫蘇葉含草酸配上肥美油潤的拖羅，將油分拉返平均，高質拖羅肉絕對美味。 【漬物】除了淮山漬蒜子漬，特別欣賞

Bi 作為一個Omakase愛好者今次就嚟到觀塘一間好多好評嘅小店前菜有爽口嘅花螺加菠菜 珍珠蠔時令剌身入面Bi 好鐘意個鯖魚平時鯖魚多數鹽燒，今次因為夠新鮮，所以食到魚生 鰤魚 鰹魚上面放咗少少柚子皮海鹽調味呑拿魚卷出面用紫菜包住, 另有一片紫蘇葉係底味道清新食完漬物 就到成餐飯嘅亮點鐵板燒啲熱薰真係做得好唔錯忌廉香草金鯛師傅提醒可以連鱗一齊食, 因為個魚鱗已經炸到好香脆如果個忌廉汁可以杰D就更好鮑魚夠唒彈牙個醬又好惹味一隻真係唔夠喉魚湯魚味 飲完 食個人暖曬 好soothing 手握壽司方面有深海刺魚活尺貝格紋烏賊櫻鯛 * 呢個BI 最鐘意因為最肥美黑陸仲有一件拖羅手卷拖羅燒過，魚油唧出黎 最後以日本白肉蜜瓜作結真係飽到抱住個肚

因為無得去日本旅行，所以今日一個人去左觀塘菊月町食Omakase（廚師發辦）~「おまかせ（Omakase）」 是交由大廚決定食物的意思，食客需要完全信任厨師給你安排菜式，這就是廚師發辦，一般都會主打季節性的食材。一個人被安排坐在BAR  台的位置 我揀左（焰月）$980: menu 如下:1.         先付2.         時令季節剌身五點3.         漬物4.         鐵版燒二款5.         吸物6.         手握壽司五貫7.         手卷8.         時令果物先來個白飯魚乾配波菜 ，魚乾即燒，非常香脆~之後食剌身，廚師現場好有心機的即時在我面前表演刀工~先來個深海池魚，非常鮮味，不用點wasabi，直接食佢個鮮味，很特別的有中間夾上山藥一齊食。深海池魚是以清、甜、爽見稱，味道比一般的池魚更加鮮甜。珍珠蠔，有醬汁浸住，加上很有海水味呢，仲有海澡伴碟。八爪魚足- 好鮮甜爽口醋青白腹鯖:呢個廚師都推介，肥美的醋鯖魚，入口甘香，有回油香味。另外仲有一件mix三文魚，海膽，魚子 ，全部我favorite~用紫菜包住食，飯有D油香的醬

今日去了觀塘！自己一個人去的！到了食飯時間！就自己一個去食飯吧！自己獎勵下自己！去食未試過的好野！菊月町！見佢個門口小小的！入面好簡單的裝修！我點了～焰月套餐上面寫有前菜一個時令剌身五款鐵板燒二款湯手握壽司五件手卷甜品～水果餐牌沒有寫是怎麼！但內容是廚師發辦！坐好點了套餐！廚師會因應客人的進食速度上菜！🤣😂！上菜啦！～～～～～～前菜菠菜卷配白飯魚乾好香🤤🤤白飯魚乾可以叫脆片！好脆香！時令剌身五款間白配黑魚子燒鮮青魚甘木鯛 下面是蛋黃醬深海鐞魚吞拿魚鐵板燒二款鵝肝多士燒鮑魚🤤🤤湯濃濃的魚湯手握壽司五件營光蚘魚配海葡萄、黑鯛、黑鰽魚 、黑鱸、帶子手卷吞拿魚蓉手卷甜品～水果密瓜總結價錢~$980 🤣😂不貴！食緊的時候看師父製作好看了一場show !

今日放工後黎到觀塘整少少野🤦‍♂️，整到咁上下肚餓😅，咁啱醒起朋友講過一間omakase😍， 所以就嚟咗呢一度😈， 一入到去侍應已經好貼心咁幫手消毒同埋畀個膠袋袋住個口罩👍🏻， 我坐低睇咗陣menu📔，決定 order呢個叫焰月嘅套餐😜， 套餐包括咗幾款類別嘅嘢食， 包括有前菜🥬 、刺身🐟、鐵板燒🍳、湯🥣、壽司🍣、手卷同埋甜品生果🍈，每一款食物各有特色，而且廚師仲好細心咁教導每一款食物嘅做法同埋食法，而且 各款食物嘅排序都係師傅精心安排💪，所以我極力推薦經過觀塘嘅你 一定要嚟試下👌🏼前菜: 菠菜捲拼白飯魚乾脆片廚師用咗酸汁拌菠菜，另外加咗塊白飯魚脆片 食落去非常開胃亦有白飯魚嘅鮮味💢刺身: 章紅魚卷章紅魚捲成一朵花並且用金箔銀薄襯托，睇落去好高貴， 師傅加咗少少酸汁令到鮮味提升，味道配合得唔錯，好清新❗刺身:黑鱸魚黑魚子醬師傅用火燒咗下個魚皮，令到魚食落去有好重嘅油香，在加埋個蛋汁令到魚更加滑溜，由於有個黑魚子醬，所以個刺身好香⚠️刺身:鮮鯖魚海葡萄🍇食之前師傅叫我將海葡萄放上鮮鯖魚上面食 ，令到個鯖魚有少少咸 ，所以食落去好有海洋的味道😆刺身:深海池魚夾加拿大海膽淡淡嘅鮮味拼落海膽度，配

朋友介紹話觀塘有間高水準的omakase ，唔專登黎都唔知開左地鋪食omakase，只係一條馬路之隔，只係一門之隔，踏入店內時觀塘的嘈雜好似消失左，好似穿越時空去左日本，因為身邊的食客都係講日文omakase正常係只有壽司，不過菊月町的omakase除左壽司仲有鐵板燒，相當特別，不過我一心想食壽司當我等緊食湯律同飲湯的同時，見到有位店員急急腳出門口，之後20分鐘到急急腳拎住袋野番黎，八卦下問下咩黎，原來菊月町係有同一間水產鋪合作，當客人落訂想食活海鮮的話，老闆就會即刻揸車去拎，相當特別【月壽司】有齊哂最鍾意食的款式，而且特別的無每款壽司上，都有少少配搭，增加風味，例如三文魚腩+蟹膏、帶子+檸檬、油甘魚+薑、赤蝦+黑魚子醬、赤身+蔥、拖羅蓉+芝麻、尊貴的中拖羅+金箔，係新鮮肥美的材料上，再食出另一種風格安格斯牛肉稻庭烏冬最後都忍唔住食多少少，叫個烏冬做個完美的結束，牛肉香滑味濃，而烏冬其實我好少食幼，不過那種滑到唔洗用力吸的口感，係令人食的舒服

🌟🌟🌟🌟🌟🌟🌟🌟🌟🌟🌟🌟🌟🌟🍽 菊月町 (觀塘)📍觀塘鴻圖道46號世紀工商中心地下1A號舖🌟🌟🌟🌟🌟🌟🌟🌟🌟🌟🌟🌟🌟🌟又到happy Friday，今日男朋友唔得閒唯有自己一個搵吓嘢食啦😪冇咗佢都要食得好啲,上網睇到一間日本野喺附近,就去試一試特選黑鮪魚丼 HKD268最鍾意就係食拖羅😋呢一間啲陀螺好新鮮，食落去魚味好重，下面嘅珍珠米軟硬適中，加上少少Wasabi，好完美季節刺身 HKD136淨係食一個丼飯又點夠呢，令我叫咗個刺身拼盤，有鰤魚、八角同埋珍珠蠔。鰤魚 亦即油甘魚 肉質爽彈 鮮美魚味 微甘 口腔回盪八角 紋理清晰 魚肉透亮如珠 上面微微炙燒過 帶點焦味 一咬下肉質結實而細嫩 鮮味十足珍珠蠔 入口順滑 鮮醇無比伴碟三文魚籽飽滿 鮮甜多汁炒雜菜 HKD78美國安格斯牛角燒 HKD168再食多少少熱食就離開，同樣地都整得好好👍🏻唔油膩😋牛角燒好特別，裏面包住蒜蓉、黑椒等，夠重口味,我鍾意！✨如果喜歡我的文章，可以關注我及讚好以作鼓勵喔✨