萬丸燒肉 (已結業)

銅鑼灣有不少日本燒肉店，燒肉lunch set有唔少都唔錯，不過通常都得一碟肉。今次第一次試萬丸，原本以為都係set, 原來係放題，仲好啦可以食多幾款唔同嘅肉同海鮮。去到首先覺得環境好舒適，background 播着日文歌，卡座座位十分闊落。點了幾款牛肉，送到時其實我唔識分邊款打邊款，店員友善地簡單介紹一下。食物質素好好，牛肉有不同醬汁的選擇，我最鍾意嘅反而係手羽同雞腎串，很香口。最後仲有Häagen-Dazs 雪糕。價錢十分合理，星期一至四$178食90分鐘(60分鐘內落單），星期五$208。物超所值。因為燒肉需時，lunch可能兩個人一枱比較好，否則食唔切😄

本身冇想寫食評所以完全冇影其他相，但食完心情好好所以都想mark返低。入到去環境同裝修已經feel到好有心，坐低叫食物都冇乜伏，仲要其中幾款有驚喜。炸物超脆唔油，我最冇期待嘅西冷非常Juicy好味。最令我驚喜嘅係服務態度同日本好似，有禮貌得黎好細心且有耐性，因為太好奇所以賣單問多咗兩句，先知原來有d侍應係日本培訓過。呢個價錢+食物質素+服務態度，真心好滿意。本身因為公事好頹嘅心情食完餐飯好咗好多。反正時不時都要係附近做嘢，一定會再黎多幾次！

價錢實惠，肉實好，服務吾錯！刺身吾錯，由其三文魚同赤蝦另外牛肉選擇都多，都夠食，時間又多有120分鐘乜都有得食下，收工首選叫杯啤酒價錢都合理吾貴不過日本啤酒選擇太小

朋友推薦！🤗星期日晚我哋揀左468set,牛肉款式多，味道一流雞髀肉，虎蝦，帆立貝，海蜇都好好味環境舒服，座位寬闊😆可借係無提醒cut單,原來餐廳會提早30分鐘cut單

😋特上燒肉放題 Set B (120分鐘) ($388/1人) 💡肉類🥩安格斯肩胛脊 / 翼板肉既油脂分佈好好, 一d都唔”鞋”口, 封門柳肉味香濃, 青蔥薄牛舌略嫌小塊, 但非常好爽口~豚肉眼同豚五花肉既肉質柔軟, 又無豬蘇味, 將豚肉燒成兩邊焦香, 實在太邪惡了😈(唔知點解套餐包含咗唔屬於套餐既牛舌條同一口牛😂但牛舌條肉味濃郁, 嫩滑無筋, 簡直無得挑剔呀!!) 💡海鮮🍤海鮮選擇唔多, 有日本小魷魚, 香蒜牛油青口同多春魚 (可惜係多春魚叫咗但最後無黎到…) 💡蔬菜🥬🥒食咗咁多肉類, 都要補充番d 蔬菜, 我哋叫咗杏鮑菇, 翠肉瓜同茄子, 每樣都好新鮮大大塊~ 💕雖然肉類/海鮮/蔬菜選擇唔多, 但勝在高質量! 而且座位闊落舒適, 即使過咗用餐時間, 我哋都可以繼續燒, 十分抵讚! 🔻不過價錢略貴, 建議買Openrice既 coupon 會抵好多~

今日一行4人到餐廳食飯，選了最平既餐，唔知係咪呢個原因，店員到左25分鐘左右，過來同我地講“你地再叫我地都唔會送餐來住，因為你地枱上有很多野未食曬”，的確，我地是叫了各款不同食物，但呢個餐係任食，店員咁樣講野，是否有問題？何況當時只是食了25分鐘，任食定義係可以食很多不同款，所以才選任食，而事實上，最後我地都食得完。一個任食既店舖，如果擔心食客浪費，大可以寫明最後食剩罰錢，而不是這樣既服務態度！！！再者，食物質素也是一般，收費也不是便宜，呢間店舖我地不會再幫襯。完！

呢間嘢食完唔Gur嘅程度令我的起心肝寫咗我第一篇食評，要俾大家知道有期望食好少少嘅就唔好嚟☄️☄️- - - - -- - - - - 首先本身訂呢間係見到OpenRice上面啲食評相大大個靚盆擺到靚一靚，各種牛肉擺晒牌仔清晰標明，至少你一睇就知你食緊乜；但上到嚟果陣係一個個黑色吉x家方盒形盆擺唔同嘅肉，但又唔同你講邊樣打邊樣；落單嘅QR code網入面又冇圖，所以你係會食到一頭霧水🙃- - - - -- - - - - 味道方面好多肉都偏鹹，連我朋友食開重口味都開聲話食到喉嚨「確確」地🙊唯一好啲嘅係薄切牛舌、雜菌同小食一口豆腐，但係薄切牛舌係可以細塊過五蚊銀🤏- - - - -- - - - - 抱歉冇圖為證但果刻係慶祝朋友生日我唔想太破壞氣氛挑剔嘢食厚切牛舌要特別講一吓，佢切到好似Lego咁嘅長條形，第一舊食落口係完全咬唔開💥，好在唔大塊所以夾硬成舊吞落肚；到第二塊諗住較剪剪開會易食啲，個較剪竟然剪唔開！！！😱要好用力較好角度先慢慢剪到，但佢剪其他嘢係冇問題🥲- - - - - 一路食果陣左右枱嘅客人都不停有嘢需要店員，感覺唔係佢哋態度有問題，而係服務流

明明4定5個月前疫情比較靜嗰陣先嚟食過一次好好味，之後同朋友再約就即刻難食佐，牛胸腹夠膽俾發黑嘅上台，十分懷疑轉手佐另一個老細做明明同OP合作有提前訂檯優惠券啦，前台死都話冇428嗰款套餐，根本就係自己冇做好功課，總之服務同野食水準都差佐，搞佐一輪先知錯，非常影響食慾心情，本身開開心心食野，失望冇下次

食過咁多間放題呢間我真係頂唔順，第一次要寫評論。由我地入座一刻，有個身型較肥嘅女侍應就已經黑口黑面，我地都算了，食野左冇乜所謂，一直攞啲野食埋黎都係唔好態度㗎啦，收野仲好似欠左佢全家咁，我地都已經唔該前唔該後，唔知係咪因為咁可能以為我地好蝦，直到埋單我同朋友話分開比等等，佢竟然大大聲唉，我一聽到即刻望住佢，佢即刻扮無聲望第到，非常好嘅服務真係第一次。平心以論食身物質素方面真係唔錯幾好食，不過件數有啲奇怪，落1件有時兩件有時一件，落兩件黎到兩件/四件/六件都有。不過咁嘅服務態度真係以後唔洗再黎，難怪紅日假期7-8點都冇乜人食，仲諗住冇負評可以一試，結果中伏

我從來都冇寫過食評，因為怕打字。但係尋日食完萬凡燒肉嘅午市燒肉放題，覺得一定要寫一篇食評去推介萬丸燒肉燒肉放題。1. 高質素肉類無論豬頸肉定係魷魚都係日本貨，好好食！牛肉都係美國安格斯級別，燒出嚟好好食！推介牛翼板同肉眼，非常好食！佢仲有蒜蓉牛油藍青口日本鯖魚另外佢嘅日式醃菜都相當好食。因為已經太飽，佢嘅小食炸物，我都未叫過，大家可以試吓。2. 服務非常親切可靠任食放題最怕係漏管或者啲單落極都冇。我哋大大話話嗌咗幾十碟肉，完全冇漏過單，兼且好快速3分鐘內已經上到枱，戴眼鏡嘅哥哥仲非常之親切，同我哋傾偈；亦問我地好唔好食之餘，仲提我哋要落單食多啲🤗4. 食物質素、環境同埋價錢完全不成比例萬丸燒肉以前都係走中高檔路線，裝修固然非常之寬敞！一張四人枱，如果係一般放題嘅話起碼坐到六個人，裝修新淨不再話下，食具都非常雅致！最重要係佢原價都係$200左右，我用咗OpenRice嘅套餐價，埋單竟然連埋+1只係$188！ 星期六喺銅鑼灣食日式燒肉放題有安格斯牛肉任食，仲要有一杯Häagen-Dazs嘅雪糕，韓國汽水任食竟然只係$188。我忍唔住問啲員工咁嘅環境咁嘅肉類食物質素，點解會做到呢個價錢。員工

上OpenRice 查閱萬丸燒肉食評，發現有85折預付優惠套餐（$176.8），即刻book位！之前食過晚市120分鐘放題，有4款套餐選擇！今次食午市90分鐘放題，款式同晚市套餐差唔多！餐廳座位闊落，環境好有日式風格！服務員由入座、上菜、結帳，都好有效率，服務一流，值得讚賞！點菜用QR Code，上菜速度快，肉類選擇多，配菜、小食又多款！安格斯翼板肉、牛胸腹、肩胛脊肉、美國肉眼、秘製牛肋條、日本豚五花肉、豬頸肉係必點！小食方面，溫泉蛋紫菜飯、唐揚炸一口豆腐、吉列炸蝦都係必點！餐後，還有1人1杯hagaz-das雪糕!

今日同朋友去咗銅鑼灣食燒肉，揀咗間萬丸燒肉，聽講佢地有日本直送豬肉和牛放題，好心動呀！我哋訂咗個$348嘅特上燒肉放題，可以任食120分鐘，仲有Häagen-Dazs雪糕送，好抵食呀！店內裝修好日式，木頭色調好溫馨，座位都幾寬敞，唔會好擠迫。佢地用QR code落單，方便快捷。我哋叫咗好多款牛肉、豬肉、雞肉同海鮮，全部都好新鮮，肉質都好高。最正嘅係佢地嘅壽喜燒汁日本A4宮崎和牛五花肉，油花分佈均勻，肉質細膩嫩滑，入口即溶，配上壽喜燒汁同溫泉蛋，真係極品呀！另外我都好鍾意佢地嘅安格斯牛小排同香蔥薄牛舌，都好香口多汁。豬肉方面我推介日本千歲豚肩肉同錦爽雞腿肉，都好彈牙有咬口。海鮮方面我最愛帆立貝同青口，都好大隻鮮甜。除咗燒肉之外，佢地仲有唔少小食同主食可以揀，例如唐揚雞軟骨、一口紫薯、清湯牛坑腩、紫菜飯等等，都好出色。最後食埋個雪糕收皮，真係食到好滿足呀！萬丸燒肉真係一間高質素日式燒肉放題餐廳，性價比之選。下次一定會再去試下其他款式嘅燒肉同海鮮

最近工作非常忙碌，放工後和同事到附近餐廳享用日式放題。餐廳是木器裝修，座位寬敞並設有VIP房間，私隱度極高，今次我們選了極上燒肉食之放題，每位只是$428/120分鐘。店員放上燒汁，表示這些都是自家製，特別是番茄酸汁，另外有可鹽和胡椒碎可以自由調味。主要用QR code點餐，上菜的速度都非常理想。有多款肉類選擇，油脂的分布非常平均，最適合包生菜一齊食。生菜非常新鮮和清甜，包着肉放入口的口感更加豐富。兩小時的任食放題都非常豐富，有我最喜愛的牛舌，秘製牛肋條，安格斯翼板肉，一口紫薯，白酒牛油雜菌等。至於海鮮方面，有青口，多春魚，帆立貝，魷魚等等，都非常有海鮮的鮮味。如果未飽肚，還有其他飯類選擇，有溫泉蛋，紫菜飯，泡飯等等，送燒肉食非常一流。臨走前，還可以每人一杯Häagen-Dazs杯裝雪糕，有焦糖味及桃味。#銅鑼灣美食 #日式燒肉 #日式燒肉放題 #萬丸燒肉 #foodie #hkfoodie

店員超級友善，好主動介紹餐廳套餐，燒肉放題真心好高質素，不論熟食冷盤肉類蔬菜選擇都好多，推介炸雞軟骨，即叫即炸至靚靚金黃色，外脆內軟，口感爽脆，有枝豆任食好開心，好有日本feel，主角燒肉必點壽燒牛肩胛肉，一片片脂肪比例分佈非常平均，雪花般既牛肉片，加啲岩鹽同燒汁一齊食，完美啊個口感，牛味濃郁，隱約有啲壽喜燒汁既甜味，封門柳係另一種必點，牛柳質感較嫩滑，入口多汁，口感鬆軟，我個人覺得最讚係佢哋有雞皮串，好少燒肉放題有雞皮，見到真係超開心！鹽燒又得汁燒又得，燒到微焦香脆好好食，中意飽肚食飯推介溫泉蛋紫菜拌飯，好香既麻油飯味道一流，埋尾食杯士多啤梨既Häagen-Dazs做完美既句號，大滿足🥰🥳

細個食放題真係冇好嘢，但而家進步咗唔少，放題都食到單點嘅味道，叫左特上燒肉放題 ($348)有下次。安格斯肩胛脊肉係我今晚最鍾意嘅牛部位，因為比較多油花，唔需要有咩技巧都可以燒得嫩滑，點埋溫泉蛋嘅蛋汁好完美。封門柳非常大塊，燒三兩塊已經差唔多霸曬個爐。 封門柳應該係幾款之中最薄，輕輕煎下兩面就食得，牛味唔算超濃，可以話係平時日式餐廳燒牛肉丼嘅味道。翼板肉比較厚身，肉味同肉感都好突出。美國牛仔骨已經醃好咗，入味軟腍，有肉味。 因為係中式醃法比較滑身，如果有埋原味選擇，可以簡單點鹽同黑椒食就好。秘製牛肋條非常入味，完全諗起韓式大大塊牛肋骨嗰種味，肉質有彈性，用生菜包嚟食應該幾夾。香蔥薄牛舌睇賣相真係好似日本燒肉店咁，牛舌薄得黎有咬口，如果再大塊啲就更好。全晚我最愛嘅係五花肉同豬頸肉，兩款都因為油脂夠，所以燒極都唔會乾，輕鬆放一陣就燒到表面金黃，脆脆哋咁好香口。小魷魚真係好迷你，要燒得夠耐、裡外都乾哂水先好食，會有啲海鮮香味。唐揚雞軟骨係所有熟食之中最好食，岩岩炸起熱辣辣，皮唔厚、大粒爽口，作為居酒屋小食都唔失禮。清湯牛坑腩細細碟共四舊，唔洗食太多幾好。 牛腩軟滑，有平時粉麵鋪嘅水平，唔錯