蟹仙海鮮蒸氣鍋 (龍崗道)

營業中

休息中

今日同老婆周年紀念所以去食海鮮，海鮮當然有好多種煮法你可以去西貢食又可以去鯉魚門食，但係最後我哋因為覺得太遠嘅關係所以去咗九龍幫食蒸海鮮，你到呢加以蟹出名嘅蒸海鮮入到去就覺得非常地道，我哋嗌咗999嗰個極級套餐，亦都代表左長長久久嘅意思。長長久久嘅套餐當然有好多好嘢食啦包括有半隻龍蝦，又有佢哋嘅超級肥美的奄仔蟹，另外最令我驚喜的要算係佢哋嘅青口，完全係海水嘅鮮甜味，真係令人回味無窮。當然佢哋嘅足底亦都係好考功夫佢哋將海鮮嘅湯全部都放入足底嗰度導致左個粥好鮮好甜。當然$999同其他套餐唔同嘅就係佢仲有丸同安格斯牛肉，牛肉都幾好食有一種入口即溶嘅感覺即使唔係最靚嘅牛肉都可以有一種和牛嘅口感。當然最後佢哋有甜品亦都係一絕啦就係嗰個椰汁燉燕窩椰汁味好濃當然燕窩係冇味但係有口感所以第一次試到啲比較名貴嘅甜品，唔係綠豆沙紅豆沙了。

天氣開始凍，係時候同朋友一齊食蒸海鮮火鍋。食蒸海鮮火鍋最正嘅地方係除咗有海鮮食之外，最後仲有埋個粥底。今次我哋一行四人叫咗尊貴海鮮套餐。套餐入邊包咗黃金蟹、石斑、龍蝦、鮑魚、青口、刀貝蚌、日本大元貝、珍珠蠔同埋有機蔬菜籃，一共十款食材。價錢只係每位$419 ，可以話係超級抵食。🦀最令我哋深刻嘅係嗰隻黃金蟹（皇帝蟹），因為呢款蟹係好罕見，佢有蟹肉之外亦都有蟹膏，平時嗰啲蟹一係就有蟹膏就冇蟹肉，有蟹肉就冇蟹膏。呢一款係係兩樣都有，滿足到兩個願望。🦞另外佢個龍蝦亦都好新鮮，超級大嚿肉同埋肉質好彈牙，食得出係好新鮮嘅龍蝦。份量來講，每人就有半邊龍蝦，已經超級滿足。其他嘅海鮮食材都係好新鮮，我知道呢間舖頭嘅老闆係自己親自挑選海鮮，所以啲海鮮都係屬於新鮮同埋最靚嘅海鮮。最後食完海鮮有個粥底，個粥底吸收晒海鮮嘅鮮味，加埋蔥花煮咗陣，十分之美味❤️

平日唔算非常愛吃海鮮🦞之人因為怕麻煩、一旦唔夠新鮮又好難入口今次一試，即刻想推介😋今次幫襯左10道海鮮餐店員每蒸一道海鮮，都會介意佢來歷、同埋提醒你需唔需要搭配醬料，非常貼心😍😍😍海鮮極新鮮！蟹膏滿滿！蠔🦪入口即溶！大滿足

今日另一半又帶我去食好西😋今日黎到位於九龍城既蟹仙海鮮蒸氣鍋🍲坐低先選擇想食咩餐，店員會介紹今日有咩比較新鮮，又會問我地想食咩，再推薦我哋食乜嘢餐比較適合，經過店員為我哋精心挑選，我地簡左每位419既海鮮套餐😋😋職員首先用蒸氣鍋幫我地既餐具徹底消毒乾淨！然後再上粥底！跟住就開始海鮮盛宴🦐🦞🦀🐚先來6樣海鮮:日本野生大赤蝦、台灣九孔鮑魚、韓國釜山珍珠蠔、紐西蘭刀貝蚌、大西洋野生青口、紐西蘭月亮貝。大赤蝦平時刺身就食得多，煮完食落勁鮮甜，無海蝦咁爽口（職員提醒我地注意要挑蝦線食）。其他貝殼類海鮮都非常新鮮非常出色，完全唔需要點其他調味料，鮮味加海水既味，一個字！正👍🏽跟住就到我最愛既龍蝦🦞同膏蟹🦀龍蝦啖啖肉，起個尾就成舊肉起出來，出色🥹膏蟹未煮都已經爆晒膏，煮熟之後更加色香味俱全！啖啖蟹膏真係正到爆😋😋😋😋😋食完海鮮之後會有1round 蔬菜食，有娃娃菜、生菜同粟米🥬🌽最後就係充滿住所有海鮮既精華既粥！呢間真係推薦中意食海鮮既朋友仔👍🏽

諗住食返餐好，所以揀咗嚟食海鮮蒸氣鍋。呢度出晒名好full，所以要一早book定位。一坐低會見佢地將啲碗碟放入蒸氣鍋高溫消毒，然後就睇吓有咩時令海鮮可以揀。最後揀咗$419尊貴海鮮套餐，會有10款食物。今餐係有專人服侍～ 佢哋會逐樣逐樣海鮮咁樣蒸出黎俾我地食，簡直就好似omakase一樣。店員會睇住我哋食嘢嘅時間去蒸下一款海鮮，服務一流🌟野生膏仔蟹雖然話係膏仔蟹，但除咗多膏之外，身形都非常之大隻，膏味濃，肉又厚實，好味😋🌟太平洋饅頭蟹雖然就細隻啲，不過非常之鮮甜，冇諗過蟹係可以咁甜，真係食過返尋味🌟澳洲龍蝦唔使落調味料，清蒸龍蝦🦞以呢個價錢咁新鮮咁大隻，真係非常之抵食🌟九孔鮑魚上枱時候原來已經去除咗內臟，鮑魚味好鮮，而且肉質夠淋易咬，食得好開心🌟日本大赤蝦聽講話係用刺身級數，蝦頭有少少膏而且味道好濃，蝦身就非常之甜呀！🌟野生青口平時食海鮮比較少食青口，但呢度嘅青口非常之鮮甜，仲食到少少海水味🌟日本大元貝食海鮮緊係要食元貝，每人足足一大隻，冇人同我爭，肉夠鮮夠實，好味🌟珍珠蠔雖然蒸蠔好似有啲浪費，不過又不常係一個食鮮味嘅選擇🌟青螺食壽司就見得多，估唔到清蒸黎食都唔錯🌟有機蔬菜籃食到差唔多

想中伏可以試。每樣嘢份量都好少每人一隻蠔+蜆半隻蟹+半隻龍蝦兩個人食半條魚都係第一次😅買單最後人均$500個粥無味 得啲豬骨同芋頭煲_(:3 」∠)_性價比極低😃

以前嚟九龍城淨係識食泰國菜，自從屯馬綫開通咗之後由銅鑼灣去九龍城只需要半個鐘！今次嚟到九龍城想食啲特別啲，嘅經過呢間蟹仙，見到佢門口有個套餐都好似幾抵食喎！$419有十樣海鮮仲有個粥底火鍋！於是入去試吓😋我想講呢個套餐啲海鮮每樣都好新鮮，完全係唔需要點豉油，果種鮮味係其他地方食唔到嫁，問過嗰度啲師傅，佢話因為老細以前係做海鮮直銷，所以可以用一個比較平嘅價錢呢去攞到一啲好新鮮嘅食材！呢度啲職員每個都好禮貌好友善，佢會逐樣海鮮同你蒸，蒸完又會解釋點樣去食先食得出佢嗰種鮮味，俾我感覺就好似食緊Omakase，第一款係生蠔🦪好新鮮食落口好肥美，充滿蠔嘅味道！推介！鮑魚都好爽口彈牙粒帆立貝超大粒！食落口煙韌嘅感覺，好新鮮好爽滑！師傅話因為佢哋啲海鮮每日都會起魚市場挑選過先會送過去店舖，所以呢每一個海鮮數量都唔多，售完即止，例如好似饅頭蟹咁樣，佢淨係秋天先會有得食，因為它係生活係好深嘅海底入面，淨係秋天呢啲時間呢佢先會浮番上水，所以個產量係好少好稀有，唔係成日食到！饅頭蟹佢個蟹膏會比大閘蟹再多啲，同埋呢食落口個蟹膏味係會再濃烈d，真係好正！平時食同size嘅大閘蟹都講緊要成$200港紙，而家只係四

蟹仙海鮮蒸氣鍋 (龍崗道) (九龍城)📍九龍城龍崗道2-4號地下呢排成日都提及想食海鮮餐，趁住平日少啲人就搵左九龍城呢間蟹仙食海鮮蒸氣鍋！職員好多資訊分享，會細心介紹每一個套餐嘅分別，幫我哋揀一個最啱食嘅套餐！仲話俾我哋知佢哋老闆有幾十年海鮮批發經驗，所以佢哋攞到嘅海鮮係最優質嘅！餐廳有好多唔同價位嘅海鮮餐比客人選擇。我哋就揀咗個中價「專貴海鮮套餐」 每位$419 （另收服務費，粥底及醬油費 $15位），其中包括總共有9款海鮮+1籃有機蔬菜，同埋一個粥底。不愧為專貴套餐，全程有專人為你服務，完全唔需要擔心過熟或唔知煮幾耐嘅問題，確保客人能夠品嘗到所有海鮮嘅最佳狀態！雖然有蒜蓉，醬油，同埋辣椒俾你沾，但職員亦都三番四次標榜海鮮非常新鮮，建議直接食用，先至可以品嚐到真正嘅原味道及鮮味！我哋喺開始蒸海鮮之前，職員預先將所有餐具放喺蒸氣鍋入邊，蓋上草帽，然後會碗筷消毒！而每一次焗海鮮嘅時候，都會用返草帽來做蓋子，呢個係佢哋嘅傳統特色！1. 野生日本大赤蝦 （5 分鐘）屬於刺身級別！非常之大隻！蝦頭位置多膏，厚肉鮮甜！2. 台灣九孔鮑魚 （2分鐘）師傅已經預先清洗所有內臟，基本上所有海鮮都清洗得

好想食海鮮，所以今晚來到位於九龍城嘅蟹仙海鮮蒸氣鍋，聽聞店主經營海鮮批貨發多年，所以能夠搜羅最新鮮最抵嘅時令海鮮。職員先將我哋嘅食具用蒸氣鍋消毒一次，夠晒衛生。然後好耐心咁講解每個set有咩特點同有邊幾樣時令海鮮。最後我哋揀左$419 啲個套餐，包9樣海鮮同一個蔬菜籃，算係中價而又樣樣都有好豐富。基本上全程有職員侍奉，唔洗自己搞，職員會按著食材嘅味道由淺至濃，續一幫你蒸。因為唔同海鮮有唔同所需嘅時間（非常嚴謹😆），所以海鮮係續樣蒸，等你食完先蒸下一道，感覺好似食緊海鮮版fine dine而啲餐係有12個courses🤣🤣🤣以下係套餐有嘅內容：1. 野生日本大赤蝦2. 台灣九孔鮑魚3. 韓國釜山珍珠蠔4. 日本大元貝5. 大西洋活青口6. 加拿大翡翠螺7. 澳洲青年龍蝦8. 太平洋饅頭蟹9. 菲律賓大黃奄蟹10. 有機蔬菜籃基本上樣樣海鮮都咁正，唔單止夠新鮮夠鮮甜，海鮮都係選用入口靚貨而唔係本地平價貨。最重要一點係全程由職員監控，蒸嘅時間全部都係啱啱好，將海鮮最完美嘅一面呈現你面前。比起去西貢食海鮮大部分食材都經過烹調，蟹仙俾到你嘅就係「完汁完味」，甚至乎豉油都唔使點，食嘅就係海鮮最原始

老豆鍾意食海鮮，今次去左九龍城搵食。蒸海鮮可以試到海鮮本身鮮味，原汁原味。間店嘅服務態度幾好，幫你蒸埋，唔使落手落腳自己做😂只係負責食。店員好熟手，蒸嘅時間幫把握。平均每人$400，都食到幾多海鮮，有蝦有蟹有龍蝦有鮑魚。有少見既琵琶蝦，唔算好大隻但肉質鮮甜❤️有驚喜。食完個粥底都好正，仲要海鮮味流晒落去。份量多，每人都食到兩三碗。老闆仲送咗炸魚皮❤️，啱啱新鮮炸起好香脆。啱晒等緊蒸海鮮嘅時間頂下肚😋

今日專登約咗去九龍城一間都幾出名，專門食蒸海鮮嘅餐廳，我哋大約六點左右去到，一台客都未有(不過大約到七點左右，其實都幾乎滿座🤣) 有位呀姨好熱情咁樣招呼我哋入座。坐低之後, 呀姨呀即刻將啲碗筷放入蒸爐入邊話蒸一蒸先至用，消毒殺菌 好貼心！ 然後再比餐牌我哋 介紹咗邊啲海鮮今日新鮮，亦都有就住我哋嘅食量，去介紹一啲套餐俾我哋。最後，我哋決定要左$419既套餐，因為有一款我未聽過既 “饅頭蟹”，好想試吓😋 呀姨話饅頭蟹一年只返到貨2、3次, 加上佢地係住係深海 到繁殖既時候先上淺水 咁先會有機會捉到 出面係買唔到架！,店舖今日提供野生膏仔蟹, 雖然叫膏仔蟹, 但一都唔細隻, 膏好濃味, 肉好實淨同厚身, 係我自己全晚最鍾意食既海鮮。“饅頭蟹” 眷比就細隻D, 但係個鮮甜味係好重, 估唔到蟹都可以咁甜。另外, 套餐入面我地選左澳洲青年龍蝦, 野生青口, 深海白刀貝 同月亮貝, 每一款都好鮮甜, 雖然有配埋醬油, 蒜泥同辣椒 但因為海鮮真係好重海水味, 真係完全唔需要其他調味已經好足夠！海鮮食哂之後, 就蒸蔬菜同可以食埋吸收晒蒸海鮮時候精華嘅粥底，粥底係排骨粟米仲有少少芋頭，餐廳提供埋菜脯同蔥

蟹仙, 位於九龍城龍崗道, 距離宋皇臺站只幾分鐘路程, 屯馬線開通後, 去九龍城食飯真是方便很多餐廳以蒸海鮮聞名, 老闆經營了數十年的海鮮進口生意, 所以海鮮種類多而且新鮮, 而且餐廳套餐選擇多, 豐儉由人.尊貴海鮮套餐 $419 – 共有 10款時令海鮮, 款款新鮮, 碟碟精彩.澳洲青年龍蝦, 味道鮮甜, 肉質實淨彈牙, 有龍蝦膏, 味道極濃.奄仔蟹, 現時最時令海解, 蟹膏多到不得了, 蟹肉結實. 九孔鮑魚, 蒸煮時間控制一流, 軟嫩有咬口, 味道鮮甜.

It is highly recommended that everyone gives it a try. Crab Fairy is owned by a seafood importer who has been in the restaurant for many years. Wild seafood arrives in Hong Kong fresh every day for the restaurant. The seafood here is of very high quality! Every day, the restaurant's main seafood steam pot carefully selects fresh ingredients.家姐最鐘意食蟹，所以就係佢生日嘅時候，帶佢去屋企附近一家專食蟹、海鮮蒸氣鍋嘅專門店餐廳麻雀雖少，但五臟俱全，有不少玻璃魚缸養住各式各樣嘅海鮮，預先訂好枱，甫入店，店員便親切地講解呢到嘅海鮮來源，仲介紹我地食野生瀨尿蝦皇，話有一隻前臂咁長，真係未食已經流晒口水啦叫左以下1. 越南頂角膏蟹/ 菲律賓大黃奄2. 野生瀨

好多朋友移居海外~送別離別飯食餐好~8月派左消費券,2000蚊岩岩夠食4人餐呢度招牌係海鮮蒸鍋,由店員服務生代蒸,只需要負責食就OK了必須要訂位~人數限定限量,地方唔大先上海鮮盤,有各類時令海鮮,必食鮑魚扇貝大蝦仲蠔肉蟹同龍蝦先係主角,膏蟹肉少鮮味,珍品級多膏蟹,滿咀都係鮮味龍蝦選用比較年青的,蝦肉爽甜鮮味突出蒸魚鮮味又嫩滑,再黎就係鮑魚大蝦,爽中有口感蠔鮮肉甜濃厚 仲有菜盤同粥底食,超滿足~一流平均消費$500評分8/10#蟹仙海鮮蒸氣鍋 (龍崗道) Crab Fairy (Lung Kong Road)

聽聞老闆係海鮮大王,香港最大入口批發商可以入到最好既貨,自用之餘仲益食家地方唔大,但好熱鬧,分唔同價位套餐,一般店員都係推介2人餐或尊貴一人餐可以食到多款海鮮299起都食到鮑魚,刀貝青口,蟹,蔬菜,加錢可要粥底今日就決定要399呢款,共十款,貴100但豐富好多野生蟹,一夜干海魚,澳洲青年龍蝦,日本大蝦,青口,刀貝唔同款式先消毒用餐工具,再調個豉油醬汁必食加錢要粥底,排骨粟米粥底,最後食會粥好暖胃,因為淨食海鮮唔夠滿足第一款係蒸魚,條魚先鹽風干了,再蒸,食之前本身已帶咸鮮味,肉質收緊更加嫩滑~再黎打卡成盤海鮮,扇貝,刀貝,鮑魚,大蝦好期待!! 鮑魚爽彈,野生蝦好鮮味,青口味爽,蠔肉嫩鮮口感豐富刀貝咸鮮濃厚!!扇貝甘鮮好食呢~平均消費$500蟹仙海鮮蒸氣鍋 (龍崗道)  九龍城龍崗道2-4號地下#蟹仙海鮮蒸氣鍋