蠔灣 (已搬遷) 新店位置

有個好中意食蠔的朋友仔生日，就帶佢來呢間盡情食。來到環境幾好，深木色的裝潢，又帶幾分grand,氣氛幾好我們叫左個精選24隻生蠔併盤，再加其他魚生，同我最喜歡的海膽一上場非常吸睛，絕對係非常好的生日禮物，朋友見到非常開心🥳待應來到為我們介紹，總共有4款生蠔，每款6隻！第一隻要品嚐的係Honey point,再依次係其他法國生蠔。舖頭以法國生蠔做主打Honey point 的身型比其他生蠔細小，但主打鮮甜，所以第一隻食最啱。每隻生蠔可謂相當新鮮同肥美！依次到法國生蠔，每食一隻都好fresh,食到海水味。有啲款清啲，有啲款咸啲，適合唔多品味的食客。除左蠔外，赤貝相當值得推介，好爽好鮮甜，食得出好新鮮。最後就係紐西蘭深海龍蝦仔！厚肉身，好鮮美。待應就話係最鮮甜的龍蝦仔，我都好buy ge最後就係我最愛的海膽了，待應話咁啱有即開而唔係一板板的，我就梗係要啦！雖然無話好似喺日本食的咁新鮮，但都係唔錯ge

朋友們十分喜歡食生蠔，就推介了一間生蠔及西餐的專門店。朋友最後只選了五款不同的生蠔，因為我們有四位，就每款四隻，順時針食， 很有心思。Honey Point, Majestic, La Perle Noire, Gillardeau, BelonHoney Point是比較清新的海水味，Majestic開始慢慢有咸鮮，La Perle Noire比想似中更重口味，Gillardeau就是基本一點比較好吃，Belon是比較重口味(特別是餘味會留在口腔很久)，相信不同人愛吃不同口味，最重要是生蠔開得很好，乾淨又沒有沙。Cherry stone 4隻鮮味十足，口感爽口有點似象拔蚌；地中海紅蝦4隻彈牙而且味道鮮甜是鮮蝦的味道；帶子刺身2隻大大片，咬下去完全沒有懸念新鮮感滿分；海膽1板爆曬海膽嘅鮮味，入口即溶大家都搶着吃。還可以配搭紫菜一同進食。白酒煮蜆湯(大)鮮蜆比想像中大隻得多，白酒味道也非常香濃。羊架4件煮熟之後明顯是七成熟，剛剛好，煮好後也能保持羊架裏面的水份，令到肉汁juicy，也沒有太重的蘇味。非洲虎蝦意大利飯意大利飯當中充滿虎蝦的香味，而且每一粒都有小小輕硬身，口感豐富完全不沉悶。

I really need some oyster tonight and this is the shop still opening, so here we are.I ordered 9 oysters while my friend order 3pcs and the tua tua clams.All oysters is fresh but not in good quality? Is just doesn’t taste good enough for a oyster restaurant(I went to their other restaurant in sai ki wan which serve much better oysters before)Also, when I first walk in to the restaurant, I nearly just wanna leave because of some really strong bad toilet smell.

見到咁多好評 ，諗住試吓啦去到全場都無人， 其實都有D驚，但諗住平日，而且佢又喺內街， 咁就硬着頭皮入去試吓 去到佢介紹,佢Menu入面一半蠔都冇，同埋唔好俾佢嘅價錢呃左，佢個價錢係細size，但係大部份蠔都冇細size， 只有medium或者大咁唔緊要啦，照叫，結果又貴又唔好食。 比起去蠔站仲差， 蠔站唔係話好好食，但平得嚟蠔都算新鮮同甜。 但係呢度完全冇味，honey point 算係幾好，但lambert，majestic belon真係不了，有一隻仲有怪味😂可能係我唔識食。同埋叫咗北海道赤背，係幾爽但完全冇味，車里蜆仲有泡屎， 可能食刺身所以完全唔清屎掛😂聞落有啲腥腥臭臭 好彩食落都唔覺 個非洲虎蝦飯已經係最正常 不過普通餐廳質素但要300🤷🏿‍♂️抵唔抵食就見仁見智啦最後真係想試嘅 ，俾你一個溫馨提示，問清楚佢嗰日嘅蠔size同埋價錢先好落單， 唔好淨係睇Menu。完全都唔飽嘅情況底下兩個人食咗$900

同好姊妹補祝生日飯壽星女話想去蠔湾。我哋一行四人就去咗尖沙咀分店。 七點鐘入到去，可能係因為平日時間所以唔係太多人。 我哋每人叫咗三隻蠔，另外share咗一份安格斯扒,一個龍蝦意粉,鵝肝多士，一個田園沙律。 生蠔店長推介咗我哋一款蠔王，一款蠔后。 安格斯扒雖然係六成熟，但係唔覺話有血出，而且嗰個質感係好好味， 淋得嚟又唔會太淋。 另外龍蝦燴意粉一放到埋枱已經係香氣撲鼻。 不過唯一就係上蛋糕之前，職員開口問我哋係咪上得個蛋糕其實我有啲失望因為冇諗過佢會問呢個蛋糕，而比壽星女知道蛋糕，冇左個surprise. 因為原意諗住個職員會不動聲色咁送上蛋糕比壽星女。 希望店員喺呢一方面會作出改善。 整體上呢餐晚餐都覺得幾好，價錢又唔係話太過貴。

情人節就梗係搵間靚餐廳食大餐啦見到Oyster cove咁多好評，環境睇落唔錯，就決定book呢到啦！呢到環境真係幾好，靜靜地，位置唔逼，可以慢慢食野傾計。情人節提早book定既話，個龍蝦海鮮大餐只係收$999咋！加$168/位仲可以追加餐湯同主菜，仲有自家製雪糕添！個海鮮拼盤真係好鮮好好味，可能因為情人節啦，佢仲預先問定我地個名，整左支旗仔係海鮮拼盤到，哈哈都幾特別。龍蝦唔洗多講，好大隻好多肉，實肉既，十分好食。車厘蜆喜出望外，好厚肉，一啲都唔腥，好鮮味北海道帶子勁鮮甜！！生豪就略嫌細隻左少少不過數量搭救，都有６隻架雖然我自己比較中意食加拿大海膽，但呢個韓國海膽都好好食，連唔咁鍾意食海膽既男朋友都話唔錯呢！食飽海鮮之後就食熱食啦～湯就二選一，我地都揀左松露蘑菇湯，好多料同好香，胡椒味比較重。主菜就四選一，我地揀左安格斯肉眼伴沙律同香煎鵝肝配白汁露荀意大利飯。份量正常，細食既女仔未必食得晒添安格斯眼伴既汁係偏甜少少既，沙律...比想像中少左啲香煎鵝肝配白汁露荀意大利飯味道就偏淡，飯硬左啲，鵝肝我個人覺得可以再煎得再香脆啲。熱食整體我覺得就中規中舉，無咩驚喜。甜品揀左開心果味既意大利雪糕

成日見人黎食呢間野, 今次終於到我黎試試有點小期待, 因為上網睇資料話老闆由海鮮零售做到開地鋪,而且堅持每天親自選貨, 一定要最新鮮咁話而家SELL平價生蠔周街都係, 但係SELL高質 (對比又不算太貴) 既話唔算多當然要試一試海鮮拼盤, 入面有: 法國BB蝦, 波士頓龍蝦, 阿拉斯加蟹腳, 新西蘭龍蝦仔刺身, 車厘蜆, 北海道帶子刺身, 韓國馬糞海膽, 最後就係 法國珍珠生蠔不過等左20分鐘先黎到 (個陣只係得2台客) ... 生蠔/海膽的確新鮮 有鮮甜味 都幾高質但係龍蝦肉有少少實得滯.. 而蝦肉係零味道.. 其他都一樣係無咩特別不過人地個名寫到明OYSTER COVE, 如果再有下次黎都係叫返蠔好D

我同hubby都鍾意食oyster，所以係佢生日我就揀左呢個oyster bar同佢慶祝生日我地一人點左半打oyster，我地其實都唔算好識揀，所以就叫左waitress介紹，我地鍾意食creamy d，有d海水味但唔鍾意太多鐵秀味，佢介紹左幾款比我地，講番，結果佢介紹果幾款其實都係爽口為主唔太creamy....但都好好味道佢介紹左(大概個名)honey pointscottish rocklambertgillardeaumajesticbelon之後仲叫多左兩款seafoodcherry stoneark shell呢兩垃海鮮係冇咩特別的咁除左食oyster係唔飽肚的，所有當然要叫d main啦我地叫左一個pasta一個steakfoie gras pastaangus rib eyespasts幾好食，而個rib eyes真係好好好好好好食，係重點佢煮得岩岩好，又juicy，加上佢有少少黑醋salad舖底，個味超級夾估唔到係呢間oyster bar搵到間個steak整得咁好食

食物算新鮮但服務太差 差到要寫評價！已經唔想麻煩d服務員 諗住自己攞支叉食野 咁都俾個到d員工黑面 好明顯的黑面 仲要唔止一個 係兩個！太過分 食餐飯都受氣 永遠唔會再去！blacklist!!!!!!!!!!!!!!!建議你地都唔好去！！仲有train up下員工d services !太過份！

今日lunch時間，同事帶左我去利時個邊食飯！估唔到呢一間餐廳原來有lunch set 門口睇落以為係酒吧，未開門的可能係因為門面燈光問題！呢個的lunch set 都幾抵食架，$59-$198都有！仲要不用加一，包括有沙律🥗同埋湯都係任飲任食的！是日:忌廉蘑菇湯，味道濃郁，都唔錯，幾好飲餐廳設有自助沙律吧：有生果，沙律菜...我叫左個龍蝦意粉，分量都算多同埋勁多龍蝦肉意大利粉軟硬適中，加上忌廉汁，勁好味

餐廳裝修不錯，坐位闊落。餐廳有自助沙律吧，也有提供餐湯。有忌廉磨菇湯芝士粟米湯忌廉磨菇湯跟其他餐廳的磨菇湯沒太大分別，都不錯，幾好飲。芝士粟米湯則好香芝士味，幾特別，不過湯裡沒什麼粟米，也不太飲到粟米味，但還是挺好喝的。意粉我點了Oyster Cove 龍蝦意粉，它的汁有點似忌廉，吃完整碟略嫌有少少溜，不過龍蝦幾鮮味，龍蝦肉也彈牙，幾好食。埋單共98元，不用加一，這個價錢可以吃到龍蝦意粉也合理的，值得一提的是，侍應的服務態度很好，上菜速度也快。

難得同媽媽食飯 梗係食好d 媽媽鍾意食蠔又鍾意食龍蝦 我即時上網搵下有咩好野 見到嘉蘭圍有間Oyster Cove 😍😍呢度好安靜 舒舒服服咁 幾唔錯上面有齊紅白酒既木箱 當做設計 好特別😀坐低即叫生蠔拼盤同埋龍蝦刺身三食 生蠔係時令生蠔 每種要左2隻 仲有馬糞海膽😍😍☺️生蠔極新鮮 即叫即開 有比較重海水味既 亦有比較重after taste但蠔味係口中揮之不去😍😍龍蝦二食 嘩 好大份刺身😍😍 龍蝦應該幾大隻先可以有咁大條肉😀😀咬落好鮮甜 又爽口 ☺️珍珠蠔 呢隻真係未試過 鮮味仲不比大隻既蠔差北寄貝刺身又係一驚喜 同一般貝類刺身唔同既係質感好爽 好鮮甜二食 酸辣龍蝦湯 泰式風味咁煮龍蝦湯感覺好清新😀😀但泰式調味沒有蓋過龍蝦味三食 龍蝦意粉 呢個意粉好入味 估唔到仲有咁多龍蝦肉剩隻龍蝦真係唔細🤣🤣🤣最後食多個鵝肝多士一直覺得鵝肝好肥膩 但好食既鵝肝 唔會肥膩 只會係甘甜 一咬落口 d油慢慢湧出黎 成個多士都係油 最後雖然成口都係油 但好甘甜 好香 同多士好夾😆😆😆😆😆

早排行TST，已經食到唔知食咩好，去到嘉蘭圍呢間餐廳氣氛幾好，見到無咩人，就膽粗粗入去試下望完MENU 我諗都係重點食蠔咁就叫左生蠔盤試下啦好鮮甜，蠔都幾大隻厚肉屋企人好鍾意有檸檬同茄汁仲有龍蝦湯呢個好出色，極濃味好香，又有龍蝦肉之後有個龍蝦意粉都幾出色既，CREAMY既汁，意粉軟硬適中龍蝦肉都唔少既另外仲叫左蒜蓉包有4舊，好香脆WOR我鍾意就咁食多過點湯既就~食落都幾滿意啊呢餐飯，如果可以平DD就好，不過佢呢個價錢都有返咁既質素既

呢個品味拼盤真的好食，每一件海鮮都好fresh。主打生蠔係本人喜歡嘅海水味重口味，蠔肉飽滿。除此之外，龍蝦，帶子，海膽同法國熟蝦質素都相當好，龍蝦極彈牙，而且蝦膏好清甜，帶子同熟蝦都好甜，海膽完全無腥同電油味，一個拼盤有咁多款海鮮，而且樣樣都新鮮就認真唔錯。另外再叫咗一個龍蝦意粉，汁醬方面相當夠味，黑椒同忌廉味道平均而且好濃郁，意粉都彈牙，不過龍蝦就完全唔得，好霉而且一放入口就溶曬，明明海鮮拼盤嘅龍蝦好好食，反而意粉嘅龍蝦就唔得，呢方面就有點兒失望了。

閨蜜生日，知道佢好鍾意食海鮮尤其生蠔，特意帶佢嚟試吓呢間既生蠔，平時有行開尖沙咀利時不難發現Oyster Cove，餐廳氣氛相當不錯，最啱三五知己飲酒傾計「蠔」嘆一下🍾🍸餐牌上生蠔種類繁多令人花多眼亂，喜歡食蠔嘅朋友已經有不期然嘅興奮。店員介紹幾款時令生蠔，壽星女再自選好幾款佢既最愛生蠔海鮮拼盤塔一嚟到簡直令人好想尖叫嘅震撼很豪華😋生蠔由店員講解順次序由淡至濃去品嚐開頭幾款淡味易入口之後就慢慢有些帶點鹹味重層次感分明，好滿足其後就到海鮮拼盤車厘蜆好大隻，肉質豐厚，好鮮味好少品嚐到咁新鮮嘅車厘蜆紐西蘭龍蝦仔自紐西蘭回來都未食過咁新鮮嘅，令人好懷念果種味道蝦頭入邊既膏，很香甜，口入面徘徊着濃郁嘅味道龍蝦刺身肉質爽口，鮮甜法國膏蟹膏味超濃郁香甜好滋味到現在腦海仍徘徊住嗰種味安格斯肉眼肉質嫰紅，外脆內軟，好濃郁牛既香味，配上大量洋蔥，食法有別於一般，好味非洲大蝦飯原隻大蝦，賣相已經不錯蝦肉爽甜，每粒飯都沾滿汁，粒粒香甜，還嚐到濃郁既蝦膏味壽星話好滿足，很喜歡😍