豚王 (已搬遷) 新店位置

我最愛的拉麵店第二次吃，來銅鑼灣分店試～ 不會比中環將遜色！係各種日本拉麵中最愛的係九州豚骨類，麵條也是最喜歡直細麵，所以豚王嘅拉麵正中下懷真的非常出色，半熟蛋同叉燒都非常好吃，而且水準似乎都幾穩定，兩次都成碗食哂之後，即刻下決心下次再黎過希望咁有水準的拉麵店可以keep住呀!!!!!

經過豚王，唔使等位，正！餐纸有5款選擇，湯底濃度，香料、調味、醬料、麵的濃淡軟硬度，可因應客人需要而選擇，十分细心！選擇了豚王，约5分鐘就到湯底很濃，味很甜，很入味。麵條適中，口感很滑。日式叉燒好好味，肉質很淋！桌上還有幾款醃菜供人調味！很值得再嚟！

好食過一風堂。以食論食既然一風堂同豚王同被視為香港拉麵界的領頭羊，兩間舖又只隔一條街。將兩間加以比較就係最直接嘅評論方法啦。簡單嚟講，兩間都好好食，但係一風堂好食得嚟輕輕的不帶走一片雲彩，食完一日已經唔記得咗佢咩味。就好似一個女仔，純粹記得佢幾靚，但點都諗唔起佢係咩樣。另一邊廂，豚王好食得嚟形象好鮮明。我嗌咗豚王（喺一風堂都係嗌咗豬骨湯底嘅白（丸？）），豬骨湯好飲得出啖啖心機，好濃好足料好入味，幾乎可以想像到一煲湯喺鑊裏翻滾十幾個鐘嘅樣。雖然可能都只係因為我嗌咗濃湯底。麵有彈性而入味。個人認為麵嘅吸湯度係麵嘅主要評定因素。吸湯嘅麵先可以將麵嘅韌同湯嘅濃完美地溶為一體，否則食嘅唔係拉麵，而係同時食緊麵同飲緊豬骨湯。豚王嘅麵喺呢方面做得好好。兩個女仔都好靚，一個靚得嚟轉個頭已經忘記了輪廓，另一個久別數日仍然記得佢邊到點樣靚法，自然係形像鮮明啲嘅取勝。以舖論舖一風堂行大舖，新潮裝修路線，燈光充足，空間感強，家俬設計擺設都好有心思，如凳下面有擺嘢嘅籃，長枱好闊以增加搭枱食客嘅私人空間，總之就好靚。豚王行傳統日本拉麵舖路線。細細間舖，有點昏暗。一間收加一，一間唔收。好明顯邊間收邊間唔收。感覺上一

这个地方有多好吃看看排队有多长就知道了--能让人在香港酷热天气站等30分钟的绝对物有所值。点了赤王，汤底浓鲜又不腻。辣味在汤底中悠悠的散出来与面挂在一起。面底超有嚼劲。另外红心半熟蛋更是电井之笔。唯一可惜的就是叉烧肉质偏老了。总之118港币非常物超所值！

咁岩同朋友喺銅鑼灣行街,,行到好攰,,就決定去搵食,,咁就走左去試豚王...因為係食飯時間,,去到已經有兩三個人排緊隊,,不過同朋友等左一陣都已經入得去...等既期間,,服務員俾左一張紙我地選擇食乜嘢,,我就揀咗最普通嘅豚王...因為我都係第一次食,,咩都唔識,,所以D味道配搭就由師傅決定!入到去坐低無幾耐就已經有得食)嘩!個麵好香呀!急不及待咁就先試下個湯,,個湯好清,,有好濃郁嘅豬骨味,,就算飲晒都唔覺得口渴!而且啲面軟硬適中,,豚肉一啲都唔油膩,,整體嚟講好perfect!其實一碗麵都幾大下,,食完都幾飽...惟一不足嘅係,,溏心蛋要加錢,,好多其他配料都要加錢!豚王($78),,價錢都算合理,,因為質素幾高,,所以覺得值...鍾意食拉麵嘅人,,一定要試下!! 絕對食過番尋味!! 有機會都一定會再去食!!

早前一個週末去了銅鑼灣豚王吃碗拉麵做午餐。約12點多到達，人龍還不算太長，只需等了約10分鐘便有位。店內座位的確有點逼，不過比起豚王中環店，這裡就店鋪面積較大，有多張坐5-6人的圓枱，相對坐得稍為沒那邊那麼逼。這日選吃的是一直未吃過的海老王（＄90），湯底和調味都選得較重口味。另外再加了一隻半熟蛋（＄15）。海老，即是蝦啦。海老王送到時聞起來的確有點乾蝦的鮮香。湯底看來的確夠濃，喝起來鮮甜，不過就真的是重口味得有點'漏'。麵條我選了超硬，控制得不錯，麵條彈牙之餘亦頗能掛湯，好吃。叉燒有兩大塊，肉質軟滑有淡淡肉香。配著木耳絲，蔥粒，還有枱面上任加的醃芽菜，這碗麵味道是的確不錯，只是海老的香還沒有達到我心中的'海老王'。

今日本身諗住入stanley,但係太遲先到CWB既原故,40號小巴已經超多人排緊..所以我地都放棄左入去。40號小巴附近就係豚王啦,當時大概係13:30,午餐時間豚王條隊排到去對面街,所以我地冇諗過去食LUNCH去左附近食D小食就算行行下街好攰去左附近坐坐坐下諗係豚王咁就不如係度食晚餐啦時間6:00,竟然冇人排隊等食 話晒今日星期日喎我點左豚王$80+蛋$15所左欄目我都圈左普通~因為今次第一次食...湯個豚骨湯的確好咸...我全程飲左佢3杯水...但係佢的確好足料,味道非常濃郁望落好似好油咁,但飲落係OK既!但係真係好咸點解會有人飲晒??麵條我試了硬度普通的幼麵,的確硬度適中。幼麵都好有咬口,很讚!!但份量確實不多,男仔會唔會唔夠呢?叉燒睇落就真係唔肥,但個湯已經帶油,而且濃郁既關係叉燒食落口都仲係有種"肥得滯"既感覺而叉燒厚度適中,不太薄不太厚半熟蛋唔通我咁唔好彩,食中左一粒整得唔好既蛋?蛋黃既少許部份係完住熟透而蛋白少許唔夠熟明顯係制作時受熱唔平均既後果...蛋明顯有餣過,味道唔錯總括而言,豚王仍可能會再食,蛋就未必啦..環境方面,都幾逼下,一張枱會坐5個人..肥小小都唔掂速度:

豚王系一間值得去排隊用餐既日式拉麵店，裏面既豚王、黑王、赤王同埋翠王我都食過，各有千秋，難分伯仲。如果要比較，四王裏面我覺得翠王稍微不及其他王咁特出。因為翠王主打的翠綠湯底和芝士粉的味道都唔系太特出，反而整體口味和豚王接近，所以我覺得翠王的整體口味稍微低調了一些。不過翠綠色既湯底畀人一種清醒既感覺，亦都不過不失。[

知道豚王已經不短一段日子, 由一號店開到三號店, 中間多次嘗試到總店排隊都是失敗而回(總覺得一號店是最好的嘛~), 最後一次簡直是賭氣的跟自己説：以後都唔嚟喇! 結果拖拉至今, 機緣巧合下終於跟友人來了銅鑼灣分店。登龍街要排隊的除了另一waffle店, 應該就是豚王了。紅黄藍綠色燈籠雖然不是高高掛, 但搶眼程度十足, 門口亦有簡單介紹, 讓人一目了然。又因為怕人龍擋住其他店舖, 排隊要排到對面街甚至街尾去, 只是「指揮交通」店方已經要動用1-2人, 實在誇張。第一次到訪, 當然由「豚王」開始。友人就選了比較獨特的翠王。豚王 $80 (9/10)上菜速度非常快, 大概5分鐘就有得吃。先嚐一口豚骨湯, 嘩, 驚為天人。我一直不是豚骨湯底fans, 與之比較, 「清淡」的鹽味較得我歡心。最近吃過個人認為最好吃的湯麵屬於agura的魚介鹽味豬骨湯拉麵, 湯底濃郁, 但有些魚介balance會加分一些。這碗「豚王」以純豬骨做底, 難得濃度只屬普通但豚骨味濃而不膩不搶, 非常容易入口, 真的非常好喝。麵條在這只有幼麵和扁平麵, 屬於薄身白麵, 没有了我愛的粗蛋麵, 感覺總是有點失落。不過扁平麵雖平

我跟女朋友都不喜歡排隊, 所以豚王開業這麼久我倆也沒去過. 今天女友突然心血來潮想吃一碗, 我見是平日, 所以打算兩點後才去光顧應該不用排隊, 可惜我的如意算盤完全打不響, 是日也有十餘人在門外等著. 心想, 如果不好吃, 一定給你一個劣評. 排隊時, 店員會出來給我們一人一張單先點菜, 我們要為湯的濃度、香味油、蒜蓉、秘製味噌的份量，還有叉燒、蔥及麵的軟硬度作出選擇, 頗為繁複, 幸好我見到有廚師推薦這一項, 不用自己選, 多好, 哈哈 等了四十分鐘, 我們終於有位了, 因為排隊時已經落單，入座後拉麵亦隨即送上.我點了黑王, 因為其實我不太喜歡豬骨湯底, 幸好我沒有點錯, 黑王超讚, 黑王是超濃的墨魚汁湯底和加入大量的黑蒜油, 很香蒜香味和惹味, 絕配, 湯底雖濃但不覺得膩, 正因為湯濃關係, 面的掛湯力超強, 面又有咬口, 口感十足, 加上叉燒, 蔥 和木耳等配, 我不消十分鐘已把它吃光, 連湯都飲埋, 還連連不停向女友說: 好味好味, 說不出的滋味 不過有一個不好的地方是這裡只有可樂, 選擇太少了吧!!!座位都很逼迫!!!真是吃完便走了

是日在銅鑼灣上班，由於午飯只有半小時的時間，快快乾吞了兩片麵包就要繼續開工了。結果一到放工，肚子就哭著投訴，就到附近地方搵野食！恰巧經過登龍街，大大個燈籠是豚王的地標，以往無論在什麼時候經過，店舖外總排著長長的人龍，似是看不到盡頭的；加上自問本身對拉麵興趣不大，當然不會為了一碗拉麵而傻傻呆等幾個鐘頭！但今日經過，竟然不見排山倒海的人龍，甘難得的機會當然要入去親身試一試吧！ 一入店舖，牆身佈滿用毛筆字畫的漫畫，更寫上『真心入魂』四個字，務求做到『以真心融入靈魂，以真誠服務客人』。地方細小，全部採用圓圓的枱可供三至四人坐，如果一對對的情侶要預左和其他人搭枱了！幸好，我正正坐在廚房對出那一小枱，可以靜靜望著廚師們細心努力去做好每一碗麵！廚房近天花上有像古老式藥材舖所擺放一大樽一大樽的藥材，但這卻是放滿店舖的配菜，例如：果醋，酸菜，芝麻。。而且以『剔紙仔』形式落單，當中客人可自行選擇麵的軟硬度、湯的濃度。。。如果有『選擇困難症』的人，可以交由廚師去幫你安排做決定！另外，牆上亦貼上通告告知大家有紙圍巾和髮束提供，為尊貴的客人帶來方便，實在細心！赤王--以豬骨湯底作基本，全碗也是紅彤彤的，看起來很

久仰豚王大名 平日下午時分去 不用排隊但店內的五六張枱都坐得滿滿 很旺場走了又來 吃完又走 這種快吃的方式令我想起譚仔米線很多配料 醋啦 蒜啦 類似菜圃的東東全到放在枱面 自己招呼自己侍應補得好密 差不多無便拿走去添 適合加鹽加醋的人了環境 -- 地方淺窄一間才得5-6張圓枱 枱與枱之間很逼入來想快快有得食 食完想快快走的那種服務 -- 快快快快的原因是座位有限 等位無限未入得已經要開始畫紙 入面準備好未畫好都要入去先一坐又是繼續畫 畫完 上麵也很快中間不斷添凍檸水 快枱上有個夾蒜蓉夾 夾得雞鴨腳 姐姐會主動會幫你 是嫌你慢還是服務好 盡在一線之間 食物 -- 彈牙麵填表心大心細 究竟填多一格同填少一格對碗麵有幾多幾大影響呢?!填的時候又會想 究竟這格圈濃會點呢等等等問號麵到 湯料不錯 濃濃郁郁 不過食完好口渴叉燒唔肥我最愛 夠薄 入味扁平麵好彈牙 正!

朋友介绍的、今天终于来食、味道超正、我要的是豚王、汤很鲜、味道足、叉烧肉入味又鲜嫩、菜翠又绿、总之好味好味！服务员细心、！干净卫生、面质很好、软硬合适、不愧是日本拉面最好吃的之一

可能因為天雨關係，人並唔算多不算太油，怕油可算淡味 我選了最低的辣度，辣味十分輕每碗都叉燒附送，不過冇蛋每隻溫泉蛋要$15 可能外界太多好評，期望便提高 不過衛生就一般啦 但試後發覺沒有想像中好店內座位十分擠逼

難得經過見到少人排隊於是就排，10多分鐘後入座，入座前門口已經派等餐紙落單效率不錯，而且還有得選擇配料多少 湯濃度 麵軟硬度 細心程度值得一讚。至於店內裝修算是有特色，但入面空間細到轉身直過都不太方便，空間感異常狹窄和迫，想邊食邊傾計都會覺得不自在。湯麵上台賣相不錯，不過相信很多人都會怕見到湯面的豬油，其實有豬油是正常 但現在的健康文化 女士心態和心理作用下，相信見不到油會更好。至於湯濃度和麵軟硬度的確如落餐紙般一樣，但不見得湯好味麵特別 至於現料榔菜也是淡口 木耳爽來0味道，不見得值排那麼久的時間而吃 價錢也不見得特平 所以如要下次要考慮考慮！唯有覺得好味相信是那隻 $15的溫泉蛋。