豫園 (已搬遷) 新店位置

與親戚相約晚飯，選了於銅鑼灣V-Point的這中餐廳，原來是位於廿多樓，所以景觀也不錯。由於長輩在場，所以也由他們發辦，小弟只有乖乖品嚐。點了好幾款前菜小食，無錫脆鱔炸得夠脆口，醬汁亦夠濃，正合重口味的我的心意，每件大小也適中。舟山海蜇頭則很爽彈，醃汁的酸甜平衡，開胃之餘亦夠嚼口。紹興醉雞便可吃得出心機，雞煮得滑溜不韌，酒香也很夠勁度，嗜酒的我比較喜歡。若說醉雞是剛烈的選擇，糟香醉豬手便是較平易近人的溫柔小點。軟腍入味的豬手伴著絲絲酒香，十分誘人。南翔小籠包夠燙口，包住的湯汁也很濃郁，餡料的豬肉也很厚實。由於有位親友想吃食，便點了龍鬚鮮魚絲，一嚐之下甚是驚喜。切成幼絲的魚肉做得鮮嫩，配上芽菜的口感，如果有白飯相伴便好了。砂鍋鹹肉炒飯的飯炒得不錯，肉粒的鹹香也平均分佈飯粒之中，夠惹味亦不會過重。這晚正好可以吃下中菜，又與親友相聚寒暄一番，開心又溫暖。

有質數的上海菜館唔難找到，但想食好嘢又想環境靚和舒適真的不易。今次就同大家分享以下這間餐館是位於銅鑼灣，交通方便。內裏環境清靜寬敞，又可遠望海景。裝煌頗有氣勢，亦帶有些典雅味道。鎮江肴肉 一件件晶瑩通透的肴肉，咬落啖啖肉；口感豐富。紹興醉雞 濃郁的紹興酒充滿整味雷， 雞肉實淨又唔鞋口。糟香醉豬手 啖啖酒香的豬手非常淋身和厚肉，是餐前唔錯的冷盤。南翔小籠包皮薄肉味濃又多湯汁，食時真的要小心否則會濺過隔離😜。是上海菜館招牌之選。肉絲雙面黃麵 D麵炸得乾身很鬆脆，完全不覺油膩。鮑魚拌麵食麵食到用鮑魚來襯托都是第一次。大大隻甚有 體頭，肉質煙韌彈牙；而麵條以惹味非常之醬汁來燴，既軟熟又香口。😋

平日吃的大多數是廣東菜，今午轉轉口味，和朋友來到銅鑼灣的豫園吃上海菜。此店開業大約一年，已是米芝蓮推介其中一間餐廳，店鋪位於 V Point 26 樓，盡享地理。簇新有品味的裝修，令人眼前為之一亮。我們點多款前菜，包括醉雞、鎮江肴肉和小籠包。醉雞嫩滑，清香的紹興酒味滲透入雞肉，味道相當不錯。鎮江肴肉晶螢通透，香味濃郁，這道菜的製作過程頗為繁複，是江蘇鎮江傳統名菜。小籠包皮薄餡靚，用筷子挾起時，肉汁沒有滲漏出來，顯示師傅廚藝的功架。肉絲雙面黃看似平凡，但要做得好是絕不簡單，兩面黃做法蠻考究的，今次的麵做到外脆內軟，吃的時候加入肉絲冬菇醬汁，吃後令人回味無窮。最後出場的鮑魚拌麵賣相討好，鮑魚炆得十分腍滑，拌麵吸了鮑魚的鮮味，令人一試難忘。

早前朋友推介銅鑼灣一間頗負盛名的上海菜館，今午約了友人來到銅鑼灣 V Point 26樓的’豫園‘午膳。單看店鋪的名字已知是吃上海菜，因為豫園是上海出名的景點。 此店裝修典雅有氣派，枱與枱排列有相當距離，給人有舒適寧靜的感受。頭盤先來糟香醉豬手、豬手用豬手尖部位，不帶瘦肉，糟鹵汁滲透豬手，入口爽脆入味。鎮江肴肉光滑晶瑩，香味濃郁，食味醇厚。醉雞有濃郁的酒香味，雞肉嫩滑。肉絲雙面黃，麵煎得內軟外脆，加上肉絲冬菇白菜仔醬汁，非常滋味。鮑魚拌麵，鮑魚炆得夠火候，相當入味軟滑，拌麵彈牙。最後還有小籠包，皮薄餡靚，加少許醋汁，滋味無窮。

聞說豫園餐廳風格是參考上海豫園，出電梯已見參考豫園窗花的屏風，門口標有2019米芝蓮推介。大廳壁畫豫園樂聚圖描繪了老上海的人物風貌。餐廳有落地玻璃可以欣賞維港境色。茶芥忘了多少錢，可點的茶有三種，是次點了龍井，茶味清爽。餐前小吃是菜莆。紹興醉雞雞肉帶有淡淡的酒味，雞香滑舟山海蜇頭這個坊間少見，海蜇頭切得間花瓣，配以青果伴底，海蜇清爽，吃得出是店家親主理不是現成包裝貨，好味。鹹香明蝦球餐廳也追上潮流，去殼大蝦，外面沾上鹹香的鹹蛋黃醬，惹味可口，是近來的潮吃。生拆蟹粉小龍包小龍包頂上有淡黃色的蟹粉，皮薄，肉鮮，加上蟹粉，想一口接一口。大煮乾絲考師傅刀功的的菜式，豆腐切得像麵，一絲絲，比一般豆腐豆味更香濃。湯底是香濃的雞湯煮金華火腿，豆腐吸引了湯的精華，全晚最愛的菜式。惹味豬全骨米芝蓮推介菜式，一口一條，味道類似黑醋排骨或鎮江骨，肉不黏骨。焗蟹蓋將拆下來的蟹肉釀入蟹蓋同焗，淡淡蟹肉。

這晚為好姊妹補祝生日，悉心選了食上海菜。來到這間於2019榮獲米芝蓮推介的中菜府，一嚐美味滬菜！餐廳於銅鑼灣一座新的商廈內，樓層較高，因而可飽覽到維港美景，實令人陶醉。有著傳統上海文化的彩繪牆壁，別緻特色！坐位舒適有空間感！店員服務很不錯，帶來的蛋糕亦貼心為我們放置好。食物方面：舟山海哲頭$88舟山盛產海哲，而這裡將海哲頭切成開邊，更易咀嚼，呈半透明色的海哲加上了醋調味，味道醒胃，爽脆無比，青瓜作伴，清新健康！紹興醉雞 $88醉雞之意不在酒，在於雞。雞肉好嫩滑，黃油皮夠香，酒味點綴，每一口都帶酒香，實屬一道醒胃之前菜。惹味豬全骨 店員推介招牌菜，肉香滿溢，肉質非常軟嫩滑溜，完全不似吃肉，醬汁帶點甜，感覺不膩！咸蛋明蝦球$188以咸蛋炒香蝦球，香味四溢，做法剛好，炒至乾身，蝦肉爽彈，味道配合天衣無縫！生拆蟹粉小籠包 $118 一籠四件，真正皮薄多汁，要小心翼翼地吃，餡有鮮甜蟹粉，蟹粉湯汁香濃，一定要試！有美景美食，環境舒適，不愧高尚食府有其獨特優勢，朋友也很滿意呢餐生日飯呢！

太耐冇同外婆食飯, 老人家最喜歡還是中菜, 今日就帶佢到VPoint樓上一間食上海菜餐廳--豫園。VPoint有唔少食肆我都食過, 感覺上每層環境同食物質素都唔差, 而且仲可以遠望維港海景, 但入夜後因室內燈光反射, 唔太睇得清海景了~ 於是焦點轉移至食物上!入座每位茶芥HK$18, 小食每碟HK$25, 入場費嫌有D貴~餐廳內裝修、牆壁都很有中國風, 地方唔大, 但勝在開揚又坐得舒服, 呢度仲有VIP房 tim~Menu上食物款式都幾多選擇, 價錢為中上啦.... 今日我同外婆兩個人唔食得多, 叫左少少SHARE食。【紹興醉雞】HK$88天氣熱一定叫冷盤醉雞, 酒香味香醇, 雞皮不連油肥層, 而且帶些少爽, 肉質嫩滑而且入味, 每啖都有淡淡酒香回甘。【焗釀蟹蓋】HK$88 蟹蓋很精緻, 唔好睇佢細細件, 外層焗至香口金黃, 大量蟹肉釀入同埋蛋白, 啖啖肉, 更顯蟹肉既原汁原味~【生蒸鍋貼】HK$58鍋貼底部煎至金黃而不油膩, 內裡keep到豐富肉汁, 豬肉餡料鮮甜, 正!【膽膽麵】HK$68 望落好似幾細碗, 但原來都有整個上海拉麵, 湯底有濃郁花生醬味, 而且帶杰~ 杰得容易平均沾

Really nice environment and service, but there's room to improve on food quality. My friend and I arrived early for dinner, and luckily we were arranged to be seated at a corner table with L shape glass walls around us. We really enjoyed the view that day coz weather was good! We were there from 6pm to 10pm. Haha...Zhoushan jellyfish head was a bit too hard. Sauce tasted all right though.Fried string bean with salted egg yolk was strange to me. I thought everything would match well with salted e

昨晚，朋友帶了我到位於銅鑼瀛V-point的豫園食中菜，第一次去不知道味道如何呢？環境方面，座位好舒適；就算系二人台也不會感到逼。茶芥是每位$18，而前菜為$25一碟。南翔小籠包：小籠包一籠四個，每一個既小籠包同樣包有肉汁，所以需要小心夾。一咬小籠包的肉汁咇出黎，令到入面既鮮豬肉好juicy！皮不會太厚或太薄，再點上醋，令味道更加突出！海鮮雙黃麵：雙黃麵炸到脆卜卜，而且海鮮汁是另上，可令食客自行調較麵的軟硬度。海鮮包了魚肉和蝦隻，另外仲加入了蘑菇和小白菜更加健康！生煎鍋貼：鍋貼一共四隻，同樣地每隻很大；煎鍋貼不會太過油膩；鍋貼入面既鮮豬肉多汁又鮮味，簡直一食就愛上！焗釀蟹蓋：蟹蓋很的色，外層很香口，內層是蛋白；味道會比較淡味，另加一些醋令整體味道提升。

朋友與我都喜歡吃中菜, 可幸大家志同道合, 可以吃得高興。第一次來到豫園, 環境十分高級, 菜式很精緻, 落地玻璃窗更可以看到維港夜景, 很是醉人。店員服務亦很細心, 好識做, 我們和朋友慶祝生日, 店員都有配合到。食物方面, 都是細細碟, 很精緻, 優雅的感覺, 適合女生吃。舟山海蜇頭$88海蜇頭, 形態與一般吃的海蜇很不同, 它有漸變的色彩, 一塊塊的, 配合爽脆的青瓜, 加上少少醋香, 是不敗的前菜組合。紹興醉雞$88細細碟, 酒香入味, 卻不會嗆喉, 好像都是雞腿部分, 十分嫩, 有質素。生拆蟹粉小籠包$118小籠包皮薄薄的卻不容易穿, 很香的蟹粉味和香的肉味, 加上湯汁, 令人很享受這一刻。豆沙鍋餅$58炸過的外皮薄薄的, 很香口, 包著甜香的豆沙, 邪惡的東西, 永遠是最美味的。大家都很滿意今晚的晚餐, 份量小小的, 正好可以多選幾款吃, 就算兩三個人, 吃中菜也沒難度。

豫園係米芝蓮指南的上海餐廳，今次我是特意來品嘗精緻的上海菜！餐廳的裝修風格都是按照上海豫園為主題，大廳的壁畫描繪了老上海的風貌, 而且餐廳更有很多的落地玻璃，可欣賞到醉人的夜景。來帶上海餐廳必食的一定係小籠包！豫園的小籠包味道非常好，首先小籠包的外皮很薄，但是内餡湯汁非常豐富，小籠包一吃咬掉也不會有任何的油膩感，而且肉餡亦滑嫩。大家都覺得可以再來一籠。果然是米之蓮的級數。龍鬚鮮魚絲：這是餐廳的時令菜式，師傅將魚砌成一條條絲狀！只食刀工這道菜已經值會票價。這個菜式沒有多餘的調味，味道清清地但能食到魚的鮮甜味。值得一讚的係魚肉即使切到絲狀也沒有影響到整體的口感。上海炒年糕：這道是我最愛食的上海菜，年糕口感煙韌加上醬汁味濃，令人認不住一口接一口。

今晚同朋友黎到呢間位於v point的上海菜餐廳，餐廳唔算好大，但係裝修好一種好玫麗的感覺，而且餐廳還可以睇到維港景色！餐牌有很多不同我菜式，最後點了幾款試試！砂窩奄篤鮮($228)，我跟朋友都中意飲湯，所以點了例牌可以飲多啲！上海菜清清地既湯係唔錯的，所以便點了奄篤鮮！湯都算幾多，每人都飲到6-8小碗！湯內有白菜仔、豬肉、金華火腿、筍等，整個湯非常鮮甜，令人不禁飲多幾碗！奶油津白($108)，這裡的奶油律白跟平時出面食到的好唔同，奶油比較傑身，非常夠味，但又唔會有好漏的感覺！奶油還有點點金華火腿調味，令這個菜的鮮味即時提升！小籠包($58)，上菜時店員建議我地連埋小籠包底的紅蘿蔔一齊拎起，因為這裡的小籠包皮真係好薄，湯亦好多，好鮮甜！有機會要同屋企人黎食下，因為這裡環境和食物都好高質但價錢又唔算好貴，而且店員服務很好呢！

餐廳景色好靚，可以看到海景，職員服務超好，會介紹食物又會幫忙倒茶，感覺非常高級，食物價錢又不算太貴，物超所值。前菜是咸菜配毛豆，用麻油拌過，非常開胃，咸菜爽口有水份，我一個人差不多吃光一碟。龍井蝦仁是我最喜歡的菜，用小小的河蝦，而不像外面餐廳用大的海蝦，用料好正宗，而且不要小看蝦那麼小，可是非常爽口，一口咬十幾隻蝦，口感有點像吃三文魚子。龍井味清香，但不會被蝦的味道擔走。上海年糕每一塊都分明，不會黏著對方，上海年糕的口感是沒有那麼黏的，豉油味香濃，好好食。

上海豫園係一個好有特色嘅地方，而香港同名嘅餐廳亦都好有中國特色，食物亦非常高質，服務亦很好。首先要左一籠蟹粉小籠包，用四個字皮薄餡靚來形容就最適合。蟹粉同豬肉嘅比例啱啱好，而且非常之多汁。在要咗一個小食蜜汁火方，呢道菜唔係咁易喺香港隨便搵到，要整得好食就更加難。上等嘅金華火腿加上桂花蜜，成功將金華火腿鹹味中和。然後放入中式麵包，再加埋炸過嘅薄脆片同爽甜嘅青瓜夾住一齊食，比貴d都冇後悔！然後就要左我最愛既上海麵食之一，嫩雞燴麵。好多地方既雞都好鞋，但呢度既雞係真心嫩。而且菜粒既份量都好多，湯底又唔會過濃過淡，好味。最後要左碟個名好得意既龍鬚鮮魚絲。原來係桂花魚切絲加銀芽同大頭菜絲炒。就係咁簡單既2種材料都已經好滋味。啖啖冇骨魚肉十分嫩滑，亦好食到魚既鮮味，果然心機菜。最後值得一讚既仲有呢度既茶，普洱夠濃但唔澀，好香好嘆。

今日同屋企人食飯，去咗銅鑼灣呢間非常高質嘅上海餐廳。先講門口嘅裝修已經非常之堂皇，餐廳裏面都坐得好舒服。我哋首先要左份脆皮素鵝，素鵝係好多人都鍾意食嘅素菜之一，貌似好容易整，但係整得好食一d都唔簡單。要做到外面嘅腐皮脆但唔油膩，入面嘅餡要夠味道，但係唔可以太多汁整淋啲腐皮。憑呢度師傅高超嘅技巧，以上全部都做到。嚟到上海餐廳點可以唔食小籠包呢！今次揀咗蟹粉小籠包，一籠有四隻，每隻都脹卜卜，皮薄，入面超多汁，豬肉同蟹粉都非常之鮮味。親戚實在太鍾意食蟹，所以我哋每人都要左一個焗釀蟹蓋。雖然隻蟹細細隻，但係其實都好飽滿，充滿蟹肉，入面仲加咗蛋白，好嫩滑。上面嗰層脆皮亦都可以增加口感，推介。然後叫咗一味功夫菜，龍鬚鮮魚絲。師傅將桂花魚拆骨起肉再切絲，加上銀牙清炒。魚肉好嫩好嫩，連平時唔鍾意食魚嘅我都覺得好好味。最後我哋要咗碗擔擔面，睇落好似好辣咁，其實啱啱好。再加埋麻將同埋小小酸味，十分開胃。