酒肉·朋友 (已結業)

廿四孝老媽又話要來我家執拾一下, 但今次除執拾外, 還多了一個節目, 就是看旅行相, 齊齊回憶日本之旅的快樂時光。看下玩過什麼、吃過什麼, 她竟突然問: 為何沒有帶她吃燒魚?吓!? 現在才說出自己想吃什麼? 無疑今個旅程玩多過吃, 有時連午餐都跳過, 所吃的也較簡單, 的確是我安排不周, 為了補償, 就今晚一起去吃吧! 當然不是再飛往日本吃, 而是帶她到附近一間新開的串燒店。有次經過看過店子的餐牌, 見有幾款燒魚都好吸引, 一心打算約朋友來吃, 那今晚就先跟老媽率先吃。店子的招牌高高鑲在正中央, 是兩人騎着雙人單車的logo, 代表了店名“Brother Bar & Grill”。拉門而入, 就被牆上所貼的童年卡通人物圖片吸引了, 數數看, 有叮噹、小和尚、超人、米奇老鼠、超音速小子等等, 很多似曾相識, 但卻忘掉了名字, 就讓我今晚回憶一下。店子地方不多, 分內外兩區, 外邊搭了天幕, 預設有數張四人枱, 但因今日下雨關係而沒有開放。而內裏則設有一排長沙發, 約有四張四人枱, 枱與枱之間有一定距離, 坐得舒適自在, 加上暗暗地的環境和酒吧般的設計, 的確是大夥兒把酒暢談的好地方。翻開

白鴿，這一股颱風，來勢洶洶，正向香港逼近。放工時，天陰陰，天氣不算太過糟糕。據可靠消息，明日，有機會懸掛10風球。打工仔，應該可以賺到一日突如其來的假期了﹗心血來潮，與同事C去了鰂魚涌芬尼街的「酒肉‧朋友 Brothers bar & Grill」，嚐幾串串燒，兼吹吹水。 颱風將至，無損大家的雅興。餐廳內，已有四位女士，開了紅酒，在品嚐西式佳餚美食，享受人生。 我們，只想來點輕食，故只看餐牌上日式料理、串燒的部份，很快就落單了﹗ 餐廳面積不大，人手有限，且串燒即叫即燒，稍候需時。不打緊也，這夜，我們有充裕時間，可以靜心等候。小妹，捨人工啤酒和清酒而不點，只要來了一杯最愛的凍檸茶，貪其冰凍夠解渴﹗ C，悶焗萬分的天氣下，仍點來一杯熱檸水，無言也﹗ 鹽麴帶子$38，一客有四件切開了的絴嫩細滑且碩大肥美的帶子刺身，以帶點米香和甜味的鹽麴調味，有提鮮之用。據說，鹽麴非常天然，以米麴、鹽和水混合後再發酵而成，可以取代鹽，鹹度較低，味道卻更有層次感，可用來醃肉，或可醃漬海鮮魚類和蔬菜。 秋葵$15，撒上適量調味粉後，輕輕地用火燒至表層微焦，吃起來外層爽口，內裏黏黏的。 酒盜芝士$4

今日因為做嘢關係，來到鰂鱼涌，天氣咁熱，梗係飲係啤啤食下串燒，爽下~一入門,適應即刻上前招待，推薦近期熱門，就係108蚊可以任飲三款清酒，清酒粉可以來呢度試下，好抵。不過我唔飲清酒,選左門神手工啤酒，侍應好熱情咁逐個解釋，邊隻啤酒帶果味，邊隻係小麥味，認真盡責。來到嘢食啦，首先大推明太子雞翼，雞皮燒到略脆，咬落去，滿滿的都係明太子，勁多汁，好新鮮同雞肉配合埋一起，香口滑嫩，鮮甜得來又唔鹹。正~另外煙肉番茄，煙肉包住車里茄，燒到脆一脆，一口咬落去，熱辣辣番茄即刻爆醬，同煙肉勁夾。再來燒白鱔，魚皮脆魚肉彈，咬落口好爽身，簡單調味可以令你完全食到鱔鮮味。呢三款真係必點~三款點夠皮，繼續燒雞腎，唔同其他店，呢度用牛油燒，等雞腎燒起唔太乾身，入口爽脆更食到牛油香。燒豚面,即係豬既面肉啦，肥瘦適中，入來松化，表面小小脆。唔錯唔錯~再繼續燒海鮮，叫左個燒爽口墨魚嘴，同燒大蝦，兩個都好甜，大蝦更有蝦膏，咬埋個蝦頭，膏味濃郁呀。一定要新鮮既蝦先食到呢個味道。還有多春魚，烤到脆bobo,唔鹹。送啤酒一流。最後來多個翠玉瓜先~瓜嫩多汁，燒完既瓜帶小小甜，好食！可能做完成日嘢，居然唔飽，哈哈。再加個龍蝦汁大蝦

港島區好少好味嘅日本菜，所以通常都會周圍發掘一下又平又抵食嘅日本菜，唔係話要有茶餐廳嘅價錢，但係希望可以係普通西餐價錢，但係做到高質素嘅日本菜，呢間就合乎我嘅預算。和風蒜子番茄沙律＄42蕃茄沙律酸酸地好開胃，估唔到配搭蒜子都做到清新的味道。喜之次一夜干$128因為喜知次係好高級嘅深海魚，通常都要做一夜干（即係用非最新鮮嘅魚，所以就要用煎或其他乾煮嘅方法）啲魚肉依然好甜，加埋個甜甜地嘅醬汁簡直一流，仲可以食到個表皮有好香嘅煎味，質感不錯。薄燒牛舌＄28調味做得不錯，咬下去爽口彈牙，香味十足。鹽燒牛肉＄28牛肉就比起牛舌大件一啲，質感比較軟熟，很有鹹香。蘆筍豚肉卷＄20蘆筍配搭豚肉，能夠中和咸氣，而且做到爽口清新的味道。雞翼＄25 要左兩串個外皮最好就係整得有啲脆，咬起嚟好有口感但係同時裏面都唔會太過Dry，好多肉。芝麻雞肉串＄20雞肉本身已經好林同埋好滑，加埋啲芝麻就更香，同埋個汁好濃郁。鹽麴帶子$38雖然大大件好抵食，不過鹽調味未算得上好食，我會比較喜歡吃原汁原味的帶子刺身。

喺北角一帶行街，朋友話有啲想食燒烤，我哋上網搵咗間叫Brothers Bar & Grill，它位於鰂魚涌，我哋就由北角行去鰂魚涌。睇過餐牌之後發覺價錢非常之親民，嗌多啲都唔驚荷包乾塘。 酒盗芝士＄48當中加入咗芝士同麵豉醬，味道非常之濃郁，特別喜歡芝士的芝香味，好厚身的說。跟咸餅乾的味道非常之配，就當作係開胃小食，很好，很好。 之後叫了喜之次一夜干$128，估唔到呢度有喜之次魚食，平時係居酒屋食一啲都唔平，但係呢間只需要128蚊，一於係一條嚟試下啦。喜之次魚很考功夫，這條一夜干沒烤焦，汁液保留得不錯，吃下去非常肥美，肉質鮮嫩。外皮燒得黃金香脆，這條魚本來就是鮮甜的，加上師傅功夫好到家，好好保留芳香馥郁的魚油，加上魚甜獨特，多吃都不膩。 吞拿魚額頂燒＄98加分 每條吞拿魚只得兩片的額頂，因此非常矜貴，＄98就食到（心心眼）口感好咁非常之軟骨，吞拿魚魚味香濃，吃下去卻沒帶一點腥味，最喜歡軟身嫩滑的魚肉。另外，放入口時帶微溫，超好吃，真心值得一試！！ 蘆筍豚肉卷＄20食當中採用嘅蘆筍相信係比較鮮嫩，食落去唔多渣。而豚肉嘅脂肪比較多，帶有好重嘅脂香味，超級正。食落去鹹鹹哋，亦唔會搶咗

今天下午帶豆丁到鰂魚涌公園遊樂場玩，順道在這邊晚餐。看到有批家長帶著小朋友到這餐廳晚膳，應該靠得住。原來餐廳冷氣那邊座位有限，職員安排在另一邊就座。幸好這邊有大風扇，餐廳亦會提供凍水。豆丁之父點了凍冰冰啤酒。豆丁看到這杯黑色的飲品，以為是可樂，兩眼都發光呢！當知道這是啤酒後，就有點失望。剛好，豆丁最喜歡的＜餃子＞來到了。日式煎餃子    在餐牌各款食物中，豆丁最先留意到的食物～是餃子，還表示要一人獨享。豆丁喜歡餃子，自己也喜歡餃子，原來對食物口味的偏好，即是味蕾的記憶，是可以遺傳的。　　一碟五件的煎餃，當然要豆丁讓一件餃子給我倆。豆丁有點捨不得！真的要盡快令豆丁學懂與人分享。餃子皮薄肉餡多汁，配上甜甜的醬汁，真係好好味！大家都意猶未盡，也要多點一份煎餃。　枝豆　　這個是即點即灼的枝豆，並非預先灼好放在雪櫃，所以需時等大約十分鐘。　但是豆丁以為是迴轉壽司店的速度，即刻有得食。還駁嘴：呢個唔係串燒來嫁！　豆丁人仔細細，心水真係好清下喎！　鹽燒白鱔　　白鱔跟鰻魚，比較喜歡白鱔。魚皮很脆，可以整塊咬下。魚肉鮮甜彈口，是新鮮的証明。　　汁燒墨魚嘴        未曾試過墨魚嘴，所以來一份。原來墨

星期六的晚上，想輕輕鬆鬆的食個燒烤，走着走着來到鰂魚涌較靜的芬尼街，發現這裡有間Bar & Grill燒烤店（黑色車就正正泊在餐廳門口，前面1分鐘便時地鐵天橋入口）店內左右不同的裝潢富特色，位置不多都比較逼，但感覺溫馨店內都充斥著燒烤味，食着燒烤喝着酒，很有氣氛。等好的串燒要有耐性，期間喝一杯、聊聊天很不錯。《日本燒法國鱸魚 $208》份量足夠四人，整條法國鱸魚受熱都好平均，燒完都好完整，整條外皮都極脆，內里好熱好汁潤一點不乾，剛好離骨，肉質嫩滑很鮮甜。《秋葵 $15》燒秋葵較少食到，原來都幾特別，調味帶小小辣，能食出本來味道，也不會乾。《汁燒墨魚咀 $24》非常煙韌有口感，墨魚味香濃。《雞翼x2 $50》雞翼皮脆，肉嫩滑，調味剛好，很香很野味。《鴨舌x2 $50》連骨都可以一齊吃，肉腍軟，口感豐富，味道也不錯。吃串燒怎少得酒精？《Sake Small $48》十分易入口！

一直很念掛一家在鰂魚涌芬尼街的西餐廳，但今晚到步看到餐廳已轉手做了主力串燒的西日餐廳。既然來了，我們就進去一試。餐廳門而與內在間格完全沒變,多了的是一份油煙感。店外冷清，左店內卻是座無虛席，十分熱鬧。餐廳分內、外位置但其實都是密封式的，所以油煙比較濃。可看到廚師在外燒烤，很有心機。看看餐牌有驚喜，竟然有喜之次，每天限量供應，幸好我點到了最後一條！《日式燒日本喜之次 $128》整條魚外皮都很脆，切開後里面好夠熱，而且魚的味道很鮮甜，調味香濃，師傅燒功一流。《薄切牛舌 $56》x2牛肉味濃，燒的火喉剛好，很汁潤不會乾韌，很有口感。《鹽燒牛肉 $56》x2有牛味，很汁潤，也有口感，佐酒一流。《鹽燒虎蝦 $48》燒得好香，肉質彈牙爽口。《鹽燒白鱔 $48》皮脆肉厚，好汁潤，可食出鱔本身的鮮味。《鹽麴帶子 $38》帶子鮮味，肥厚，上面有魚子，更能提起帶子的鮮味。《Sake Small $48》香醇易入口，帶微甜，酒味餘韻慢慢滲出。服務：親切，有笑容。

人生總有幾個酒肉朋友，可以飲飲食食吹下水，為繁重的工作訴下苦，講下老細，男女朋友壞話，輕輕鬆鬆過翻晚，把酒共歡。喺鰂魚涌最近開左一家Brother's Grill Bar，中文就叫做「酒肉朋友」，主打日式串燒和和老闆是2位好年輕的香港人，難道他倆都是酒肉朋友？一入到小店，不太大。但分了室外室內的地方，室外的地方較熱，但比較起來不太焗促，又可以見到老闆燒串燒，傾下計，氣氛都幾relax! 而且食得串燒又豈能冇酒飲呢？手工啤酒都有幾款，特別要介紹一下自家本土品牌，Moonzen 呢隻齊天大聖紅啤，麥味香濃，容易入口，果然係賣飛佛。日式蒜子番茄沙律簡單的一個沙律，絕對是今晚開餐前的開胃菜。雪凍的番茄切成薄片，面頭鋪滿蒜子，淡淡的香味並不浮誇，淋上日式的醬油， 好開胃。鹽麴帆立貝清新爽甜的帆立貝，用了日式鹽製的方法處理過，入口鹹香。加上適量的三文魚子，口感好特別。喜之次一夜干唔係好多地方都有食喜之次這種魚，喜之次來自北海道的深海，好少香港小店有得食，就算有價錢都唔平，所以可以用100幾十的價錢食到這種魚真心驚喜。喜之次肉質嫩滑，經鹽燒後仍有油香。而店主希望用一個比較平民的價錢，將日本空運的魚類

呢間Brothers Bar & Grill應該新開唔太耐，細細間又唔太起眼，但食落好有驚喜！首先黎個鹽麴帶子先，得一粒帶子，但非常厚身大粒，面頭仲加左好多三文魚籽，鹽麴醬唔太咸，反而吊出帶子嘅鮮味！之後叫左超多串燒，鹽燒白鱔燒到恰到好處，層皮脆卜卜，肉就彈牙！串燒嘅銀雪魚就第一次食，坊間大多係銀雪魚西高燒，而呢串串燒啲魚肉仲好滑溜，唔知係咪加左少少汁，feel到甜甜地！試左一串芝麻雞肉串，芝麻醬好香好夾，唯一係雞肉可能燒得大耐，有少少鞋！其他仲有牛肋條同鹽燒牛肉，都掌握得好好，燒到七成熟左右，好掂！仲要讚下嘅係露筍豚肉卷，薄薄地嘅豚肉包住新鮮露筍，咬落露筍仲好多汁！最後店員強烈推介左燒日本喜之次，仲要係原條呀！雖然等左好多，但慢工出細貨，估唔到喜之次燒完後，肉質仲保持到好滑好嫩，仲要係$128一條咋，好抵食呀！

星期六傍晚,約了老朋友去食飯,順便傾下計,特登揀咗間個名比較有意思ge餐廳食野.叫咗"酒肉朋友"餐廳入面有類似居酒屋ge串燒食物啦,同時又有西式食物,例如:扒啊,意粉等等.去到之後,我地都係決定食小小串燒,傾下計.最後叫了和風蒜子番茄沙律($42)頭盤加了一個沙律開下胃,沙律個醬汁好惹味,酸酸地咁,幾開胃,而且沙律菜都幾新鮮,蔬菜夠曬脆口.幾fresh~燒雞腎($28)& 牛肋條($28)雞腎燒得唔會好窿,切到細細粒咁,容易食,送酒就一流啦~牛肋條唔會好鞋,都幾嫩滑燒得,而且肉汁夠.芝麻雞肉串($20)& 秋葵($15)芝麻醬好香,雞肉串啖啖肉啱曬,同個醬汁非常夾. 秋葵幾新鮮,大大條,燒得唔會好干.薄牛舌($28)我都好中意燒牛舌,牛舌薄薄地,但夠曬咬口,脆身,唔會好咸.呢度嘅牛舌好好味，可以無限叫多幾次！紫蘇雞皮蝦卷($30)呢個串燒又係店家特色串燒之一,自己本身就好中意紫蘇,呢個紫蘇雞皮蝦卷食落有淡淡紫蘇味,雞皮燒得香脆,唔洗怕好油,雞皮包住蝦,食落又有雞皮香又有蝦味,幾正,可以瘋狂叫黎食!!明太子雞翼($38)我自己好中意呢個串燒,店家都推薦ge串燒之一,雞翼去骨,方便食客食之

今日放工諗住同同事飲杯野見到餐廳個名叫"酒肉。朋友"，一定要支持下！環境、氣氛好好，最岩幾個朋友傾計、談心朋友一揀野飲，就俾呢支手工啤酒吸引住，支啤酒好香芒果味，最緊要係唔止聞落香，飲落個芒果香會留喺喉嚨到，朋友推介完，我都試左啖，係好特別 👍呢款啤酒已經停產左，想試真係唔好等！我唔係太飲得，簡簡單單叫左杯凍檸茶今晚叫既所有燒物，水準都係非！常！高！我非常推介厚切牛舌，咬落去肉汁非常juicy，而且真係"厚切",一試難忘另外薄燒鰻魚都好吸引，唔單止肉厚，啲鰻魚汁都好入味紫蘇葉雞皮蝦卷都非常出色，紫蘇葉好香，用雞皮包住燒好有特色，睇得出有心思當中重點推介一定係"喜知次一夜干"，只係$128就可以食到，我見出面鋪頭最少賣2-300走唔甩，想試真係要快，呢啲驚喜價，可預不可求

晏就興起好想食辣，所以就order左咖哩吉列豬排飯（$78）可惜...我唔記得左宜間係西日餐廳‼️咖哩係甜甜地既日式咖哩呀！😫😫😫並唔係我想像中既印度咖哩！好彩塊豬扒新鮮熱辣夠香脆，令我開心番小小咖哩汁既份量唔算多，白飯未能完全拌上豐富既咖喱汁！所以入口有點乾！豬扒應該是即叫即製，入口都算香脆的，但豬扒唔夠厚，口感欠奉！相對正宗既日式餐廳黎講，宜碟日式豬扒飯水準較低！值得一提既係lunch set 平均大約$80，就可以免費跟餐奉送汽水......而且仲要係罐裝汽水，唔係汽水機既cheapcheap汽水，感覺幾抵食呀！反而，想order奶茶咖啡檸茶檸茶要額外加錢！