醉江南

營業中

休息中

今日假日去太子附近逛街購物，中午經過醉江南，好似曾經有人提過這間店，就入去試吓反正想食炸豬扒。等咗一陣，端上來係公整一套麵餐，有一點意想不到！先講賣相，豬扒炸得比較乾身顏色金黃，碗麵配搭兩棵小白菜，感覺好整齊而合理，賣相畀合格1分。至於香味，真失望係冇嘅畀0分。味道方面，先講個湯有豉油味不濃，麵質幼軟，炸豬扒外皮粗糙肉乾淡口，畀盡2分。另加服務一般，可能見我一位好明顯誠意欠奉，冇額外分加。總評：未算深入了解，下次隨緣吧！10分為滿分，今次係哩道畀盡3分。

放假訓成日，又到星期一。原本打算食碗粥清清地，但諗落又怕唔夠飽，而且係旺角食粥其實都幾貴，一碗$3X閒閒地，Lunch黎講唔多化算。左諗右諗，就行左去太子果面，搵到呢間叫做「醉江南」嘅上海菜館。呢度位置方便，係正太子地鐵站出口，好容易就可以去到。「醉江南」嘅門面非常普通，而且地方好細，不過入面環境都好企理，而且侍應姐姐好好人，一有客入黎都會好快手招呼開位。呢度有齊各式各樣嘅上海菜，飯麵水餃乜都有，而且價錢非常抵，仲每款都會送例湯。餐牌分開三個價錢，我簡左最平嘅「京式水餃麵」($35)，而今日例湯係「番茄蛋花湯」，成個餐好都抵食。「番茄蛋花湯」好快送到，一睇就知係足料靚湯，明顯係花時間煲出黎，絕非一般味精湯可比。湯非常之熱，而且好入味，每一啖都食到番茄同蛋花，講上海話嘅姐姐見我飲得津津有味，仲主動問我駛唔駛要多碗，十分之Nice！飲完靚湯，到「京式水餃麵」上場，有四隻大大粒水餃，同埋好多白菜仔，而麵嘅份量都唔細，食完夠晒飽。美中不足嘅係，呢幾隻水餃雖然大大粒，但味道上比較一般，唔係唔好食，只係無咩特別。之不過係咁平價錢，有靚湯、食得飽、味道唔差我覺得已經超值！，我下次再試埋其他野，再同大

晚上在太子花墟附近辦完了事情，便打算回家再吃點簡單的。向著港鐵站走，忽然發現右邊有一家上海小店，名字很上海的，還覺得有點詩意~醉江南。店子門面看來是老店! 這樣子的老店在香港已不多了，不禁走近看看。望進店內，面積不大，大概6、7張桌子吧! 最大的一張也只可坐6-7人。但都差不多坐滿了，也就引起了我的興趣。看看餐牌，這裡有我在別的上海店沒見過的上海年糕煮法 - 上海湯年糕和酸辣湯年糕。見同桌的女仕正吃著一碗酸辣湯雲吞，看來似乎津津有味。所以我便點了一碗酸辣湯年糕。端來時熱騰騰，還冒著煙啊！所以拍出來的照片好像有層霧氣了！它還很大碗啊！年糕很有糕米味，口感很煙韌！好吃！ 酸辣湯的材料很夠，最棒的是酸度和辣度都配得剛好，誰也蓋不了誰的！很好味！這小店的位置並不在大街，門面還一點也不顯眼，但它的客人是絡繹不絕的。一定會再到這小店再嘗它其他的菜式。

原來太子呢頭有間細細地既上海菜館, 而家已經買少見少, 通常都係大型連鎖店, 好多小店都一間一間做唔住要倒閉, 所以我同朋友二話不說就入去試試啦. 好彩我地黎早一步, 約7點左右已經開始愈來愈多人了. 我地2人都唔係好餓, 所以只叫左三樣野, 煎鍋貼, 小籠包同埋上海粗炒.三樣野最出色係煎鍋貼, 上枱時熱辣辣的, 鍋貼大大隻, 煎到金黃色, 賣相已經好吸引呀. 咬入口皮脆又唔覺得乾硬, 內裡既肉餡又幾夠味, 好香又唔會勁油! 其次係上海粗炒, 都好大碟, 亦都好足料, 通常有既菜同埋菇都好充足, 味道都唔會好鹹, 但就略為炒得濕左些少, 乾身D會正D. 而小籠包就一般水準啦, 塊皮唔算好薄, 內裡湯汁唔太多, 勝在熱辣辣同埋味道都OK. 下次有機會都會再幫襯!

去完花墟買花諗住係附近食啲嘢，但估唔到四圍都勁多人，結果愈行愈遠，行到呢間麵店到。餐廳主要上海菜式。酥炸豬扒麵份量適中，而麵條幼身唔會過淋，尚算爽口，而豬扒就加了蛋漿再炸，食時有淡淡蛋香，而肉質有輕微乾身但亦唔錯。整體非常抵食。

正當在太子周圍行行行睇緊有咩好食嘅時候，眼前見到呢間貌似幾舊式嘅上海菜館，感覺會幾好食就入去試下了！叫了青菜煨麵，小籠包，煎餃子，三樣都幾好食！青菜煨麵:估唔到一碗咁簡單既青菜煨麵味道都幾好~ 整碗都有青菜的香甜味~感覺清新~用的麵應該是上海幼麵，麵質偏淋但不糊口，唔錯!小籠包:雖然小籠包塊皮可能唔算太薄，不過個餡又幾好味，食落口都唔會覺得厚皮。可惜因為小籠包皮互相黏住，夾起來時都好容易就弄穿了。。有兩隻的精華湯都因為咁而流走了煎餃子:煎餃子好好食！即叫即煎，熱辣辣勁香！塊餃子皮煎到金黃香脆，但食落又唔覺得油膩，入面的菜肉餡都好味，好juicy 一啲都唔乾!今次兩人吃飯叫的款式唔多, 下次都會再嚟試下其他款!!

往太子 Thai Massage 後， 本想去「古太」家人開的中菜湯品小館，但最後轉馱試了醉江南。來吃上海菜，一打開菜牌有我愛吃上海年糕， 我當然二話不說就點了。 選了排骨炒年糕，味道不過不失。另，自選三拼～我們揀選了鎮江骨涼拌三絲及醉雞。轉眼就端過來的鎮江骨熱辣辣、很香脆。他們的鎮江醋汁也做得很好、是我吃過最好食的。涼拌三絲做得普普通通，而醉雞亦只是OK之作。但是因為他們的價錢較便宜， 相對來說，分自然就拉高了curve！我也試了他們的餃子。是晚點選了齊菜肉餃。餃子的味道很上海！跟老公家中的上海長輩的做味調很像，醃饀料只下塩調味；當然，自家製，肉與菜的用料新鮮許多，只下塩作調味也可以，但他們的饀料的肉不應太新鮮，怪怪的！可能我吃慣的是同化了粵菜口味的上海菜，亦也許大概是吃慣了翡翠、南小館利小館那些味道。

自從這裡轉手後，水準就直線下降，雖然名字一樣，環境一樣，可惜大廚的手藝，完全是兩回事。齊菜肉餛飩麵 ～ 唯一保持舊有風味的一樣，只因舊大廚曾回來教路，所以水準依舊，湯底偏淡味，証明沒有落味精，齊菜肉味道鮮甜，麵是上海幼麵，麵質又淋又滑唔糊口。豆漿 ～ 不大甜，豆味偏淡，如果可以再凍少少就更好了。可惜沒有留下舊大廚的聯絡，不知道可還有機會再食。

多數同Mr.No出旺角行街既話，都鐘意過太子食晚飯，因為旺角人多，較為好食既餐廳好多時都要等好耐位，但行遠少少去太子既話，就相對少人啦!今次黎左近旺角警局既一間上海菜館，之前同Mr.No都食過，價錢相宜味道都唔錯，所以今晚諗住再Encore，7點幾黎到，點知都要等位，不過等3張枱，都好快有位啦!因為搭枱關係，無影到餐廳環境啦，廢事四圍影，令到同枱食客唔舒服啦！家庭式小餐館，地方唔算大，有6-7張枱，門外都有一張，裝修就比較舊，牆上貼左好多過左膠既食物相，但都尚算坐得舒服！香煎餃子(5隻) $32食上海野，多數食客都會叫小籠包，但今晚想食煎餃所以無叫到，呢度D餃子都係自家製，因為係有生餃買既，即煎即上，熱辣辣，一邊餃子皮煎到金黃香脆，唔油膩，涵係菜肉，唔係韮菜，餃子咬開好多湯汁，多到漏出黎，點埋鎮江醋同豆瓣醬食，好味呀！咸肉津白 $68上海咸肉味道同金華火腿相似，唯一唔同既地方，就係醃製過程的時間長短，而且金華火腿會加入酒來醃製，而鹹肉就無，所以鹹肉唔會有金華火腿果種獨突香味，但肉質就無金華火腿咁鞋，因為偏咸用黎煮清淡既津白就岩岩好，呢度既津白好腍好甜，吸收左咸肉既咸香味，切到細細棵容易

去到太子旺角警署附近，肚餓醫下肚，見到醉江南，入面都有d人就入去試試午餐都多選擇，幾抵食咁！叫左糖醋骨菜飯做午餐！一來，香噴噴的糖醋骨，經型的買相，口水流流！一咬入口，嘩，好入味的黑醋，甜甜的帶少少酸味，味好濃，有d汁不致太乾，撈飯一流！不過d糖醋骨都多骨，如果多用一點會好好多！另一個重點是個菜飯，雖然佢d菜應該係後撈埋d飯，不過菜好新鲜，不是枯黃的，有水份，略覺得淡左少少，但配合糖醋骨好合味！

呢排成日經過太子，我決定搵下有乜好野食，計上次食完蒸既，今次想食平價既。比我行行下見到喇，呢間係食上海海菜，我好耐無食過了，我見價錢幾平，入去試下先。餐廳不算大，幾張臺，但都有幾多人食。今次我係食午餐，於是我就點左一碟上海炒年糕試試先。甘正宗既菜，實ok 既。到上菜喇，size 適中，炒得都幾有火候，熱辣辣，年糕幾爽口，不會煮得太林，軟硬度適中，最緊要係吾癡牙，而味道亦都非常正宗，肉絲滲滿了汁既濃郁味道，咬入口完全感覺得到。而且又有豆漿送，豆漿味道好有豆味，冷熱可選照顧週到。整體來講都ok, 價錢係幾十蚊，值既

由於鄰近花市，周圍的食肆也有不少人在等候。這家上海菜館非在食肆林立的主街上，店內座不多，座無虛席。幸好，剛巧三位食客正準備離開，讓我跟爸爸不用在外食風看看餐牌，價錢中等，除了單點還有三款多人餐選擇。點了一份三式拼盤（$68）,先從燻魚，鎮江排骨，五香牛展，鎮江肴肉四選一，再從烤夫，素鵝，拍青瓜和涼拌三絲中四選二。我們選了鎮江骨，烤夫和素鵝：烤夫跟冬菇一起煮，跟素鵝一樣普普通通。平時超喜歡鎮江骨，貪圖酸醒甜甜，開胃一流。但這裏的鎮江骨略嫌不夠入味，吃到的肉亦不多，有點失望。然後是小籠包，$32（5隻），肉汁不夠，但也算不俗。平時的醋總是加入薑絲，這家卻是加薑蓉，未知原因是什麼呢~再來是上海粗炒，是整個晚餐最差的一道。可能是同時間有幾枱都叫了同樣的粗炒，炒的份量多了，時間難把握，粗炒滿有燶味，唯一可取之處是不算油膩。最後，以我吃上海菜必食的豆沙窩餅作結這窩餅也偏燶，但也算是能接受的。熱辣辣，外皮脆卜卜，內裏有厚度，少許像pancake的質感，平時吃慣的皮都是薄薄的，這種質感對我以言也不錯，紅豆蓉份量剛好，亦不會過甜

本是想支持小店而選擇此食店看了食評也好像不錯,便和朋友一起吃未夠7PM入座坐下點了一籠小籠包, 擔擔麵, 飯, 獅子頭小籠包:好大粒, 賣相很好新鮮蒸出來, 熱騰騰有水準,味道也很好擔擔麵:份量比較少但好好味湯底很不錯砂鍋獅子頭:好大的一鍋, 好食但並非如照片所顯示出來的有4個, 而只有2個食店人不多, 可是在吃的過程中並不如之前食評所講的會有侍應添茶水由頭到尾只有人收碗碟, 無人加茶吃了才半個小時左右,侍應來到我們枱, 一面收已走吃光的碗碟, 一面在我們旁邊貌似同收銀大聲嗌: x號枱就得啦! (指的就是我們坐的枱)我們野都未食完....然後半個多小時後,  剛吃完最後一道菜那個侍應就走來, 除了收走那個鍋外, 還收走了我們所有杯碟碗筷=.=之後她一面抹枱, 一面(還是在我們旁邊)同收銀大聲嗌: 有張四人枱得啦! 出面有人等位!然後又扮晒野問我地仲叫唔叫野食本來真的想叫個甜品但你們咁趕客法, 想叫都變左唔想叫啦碗碟筷子茶杯乜都收走晒, 用手指拎黎食咩其實如果出面真係咁多人等位, 你咪笑笑口同我地講:唔好意思, 出面有人等位, 介唔介意埋左張單先?咁咪得囉洗唔洗咁講野俾d客人聽, 仲要大

今日一家人想食上海菜，又唔想去酒樓食到咁貴，找到呢家小店，就試一試。好有水準的小店，又近地鐵站，下次必定會再黎食！小籠包- 饀料好足，雖然皮唔夠薄，但饀料足又夠味道，抵消晒啦！醉豬手- 正！皮夠爽，肉夠「淋」，酒味好足！酸辣湯- 好夠味，只是略為鹹了小小。炸銀絲卷- 脆口，唔油。粗炒同擔擔面就一般。桂花酒釀丸子- 好好味呀！丸子好夠彈性，清淡唔太甜！總括而言，小店質素有驚喜。絕對會黎再食過！

一家好家庭式的街坊食店. 負責人應該係上海人. 食左雲吞雞, 獅子頭, 小籠包好夠味道, 完全唔似出面既機打豬肉, 估計係有手打成份, 好彈性既口感.雲吞又真係好好食, 好有home feeling. 一定會再返去光臨!!!