重慶洪鼎火鍋 (已結業)

岀面天氣真係好熱，但都阻唔到我地食麻辣火鍋既熱情。係尖沙咀重慶洪鼎火鍋，我地6點零坐底，人流一般，一到7點突然開始多人，好彩我地早到，如果唔係就要排隊了。好，坐底睇下有咩好食先，有兩個前菜，醬油就自己岀面攞。叫左正宗洪崖洞麻辣和芫茜皮蛋鴛鴦鍋，都係加$20。已經聞到好香麻辣味，果然有料到。原本會跟4件鴨血，我地加碼再叫多碟，實在太好食，果種又滑又彈牙既口感，超正！美國雪花肥牛，好紅潤，片片花紋都好一致，牛味重。黑毛肚，即係牛百葉，不過呢種係黑色既，食落會爽d, 冇平時食開果種甘腍。牛黃喉，少少煙韌得黎好爽脆，都幾得意幾好食。邪惡午餐肉，我叫左超級版， 真係超級邪惡，炸香左既五餐肉，放落去麻辣湯烚一烚，外脆內軟，仲好麻辣，正！五福臨門拼丸，魚蛋好彈好好味 最特別都係貢菜豬肉丸，咬落好有咬勁，裡面係粗粒既菜，同豬肉碎。仲有蟹柳同油麥菜。自家竹庶水，唔會太甜，夠凍，又清熱解渴。

係香港好難食到正宗嘅麻辣火鍋 而今日終於比我搵到一間 — 重慶洪鼎火鍋！以我所知 依間火鍋店開咗唔係幾耐 已經吸引到好多人去幫襯 原因係湯底選擇夠多～用了亦都好新鮮❤！！今次去食同朋友揀咗鴛鴦鍋～正宗洪崖洞麻辣鍋&芫荽皮蛋湯～自問食得辣但個辣湯底叫咗小辣都唔係好頂得順😂不過個湯底真係好好食 麻得黎有辣椒香～怕辣嘅朋友都可以好似我哋咁叫～辣得濟果時可以用芫荽皮蛋湯清清個口😆另外值得一提既係個醬料吧～選擇都算多講下啲火鍋配料先～真係好多款都好好食👐🏻食得出好新鮮！！肉類方面～我地叫左安格斯prime級牛小排👍🏻👍🏻油脂分佈平均 淥2-3秒即刻食得👅超濃牛味～美國雪花肥牛就不過不失啦。仲有黑毛豬腩片都值得試試～好少食豬肉會食到個豬味😂👍🏻貴價野真係唔同啲～另外想推介個白鱔片～好爽脆又有魚油香☺👍🏻肉質偏厚丸類先係臥虎藏龍🤭強推手打鮮蝦滑👍🏻蝦味香濃～feel到用左好多新鮮蝦～食落唔會好似出面啲蝦滑咁粉👅濃汁豬骨貢丸都好正！咬落好多汁但佢無內餡係入面😳好神奇！！仲有芥末沙律魚籽球！！可能係有沙律醬既關係～粒丸有wasabi味得黎又唔會太搶口😍連我怕怕地wasabi都忍唔住一粒接一粒🥺最後有特色

一向鍾情於麻辣火鍋既我，朋友介紹我黎呢間洪崖洞 。見都近我收工地方，位於尖沙咀 ，點都要黎試下既哈哈！ 提一提大家！晚上9點後7折，可以既話，緊係折扣時段黎！ 食都食得爽d 哈哈！ 店鋪位置係地下鋪，未入門口已經聞到令人口水嚴重分泌既麻辣味！！Wow ! 去到reception 拎位，員工幾好態度！雖然等左陣，但等既過程入面，員工都不斷介紹有咩野食係必點。大讚！畢竟麻辣火鍋愈黎愈多，緊係想試d最好食既 哈哈！ 好快就入座！竟然有叉電位！好感動！（不過要比50蚊訂金借線 同完還返比reception就可以拎返訂金）😍😍由於已經9點幾，我地已經餓到一個點👉🏻👈🏻 拿拿林叫左個麻辣湯底再加芫荽湯底！ 號外號外！想挑戰麻辣極限既你 💪🏻一定要黎食！自問平時食開譚仔小辣既我，因為就同行既人唔太食得辣，所以叫左小辣👅👅👅 但對於我黎講：同譚仔中辣有得比！ 我想像唔到再高一級 我個嘴做可唔可以安全離開.... 不過好彩小辣我仲頂得順👅 講下佢既配料～基本上咩都齊👅 唔錯唔錯🤗 食材方面：務必要叫蝦滑！ 除左爽同爽 就係爽！ ☺ 就算放落麻辣湯底入面 食落都唔會完全覆蓋蝦既味 仲要煮耐左都依然又滑又

見到有女士半價一行5人就去試下！*食物問心一般，上菜好慢，唔洗煮喎，唔明點解！*職員知識不足，問邊啲食物有半價都要叫我地問經理*facebook打咭有迷你冰粉送，一入座已經同職員講我地全枱打哂咭，職咀竟然答我地有排等，即係乜意思？唔想送可以出聲！到吹左幾廿次到食完哂所有野杯野先黎，勁無誠意！*重點黎喇，其實我地一坐座叫左兩杯大冰粉，又好快到喎，一位男職員送黎冰粉時連埋支類似蜜糖嘅物體一同放低，我地好奇問職員，「呢杯野點飲架？ 」男職員答：「用口飲」，呢個答案黎架？職員知識不足都算！點可以咁無禮貌？*如果唔介意以上所有野，可以去幫襯，因為3位女士半價，打咭又有用口飲嘅冰粉送，可以解辣，不過預食哂所有食物，自行解左辣先送到！半價慣例原價加一，海鮮拼盤，茶芥，飲品無半價

哩間重慶邊壚店主打佢個鍋底又麻又辣，位於地庫，9點去到都好多人，吾知係米因為做緊優惠，9點後入座有7折呢！我地3個人7折後都吾做$1000蚊，食到勁飽😆😆我地驚太辣叫左個皮蛋莞茜同麻辣湯！簡左小辣都偏辣。成個地方辣氣沖天😂😂地方好大好舒服，出面拎醬料，冷氣都夠大，夏天打邊壚都吾成問題！必食1：手打蝦滑！哩度既蝦滑真係零舍吾同！食落去勁爽勁彈口！咬到原隻蝦粒！而且一份既份量都幾大！💯擺得耐都吾會吾爽，經得起時間既考驗😹必食2:響鈴！佢哩度既響鈴超大條，一份有4條，又大又脆🙋🏻‍♀️🙋🏻‍♀️食落去索索聲！必食3:安格斯prime級牛小排！哩個牛同本身我地叫既肥牛質素真係好大分別💞💞食落去入口即融，軟身牛香味十足❤️😆必飲：竹庶水！哩度既庶水超解渴，吾會出現死甜既情況，好清爽，不過一揸倒出黎就得4杯，我地飲一圈已經要再叫野飲嚕💞不過好下火氣，必飲💯哩間重慶邊壚大家一定要試下！食完仲有coupon送，下次再黎食送拼盤🙋🏻‍♀️

麻辣火鍋引又發作，今日同男朋友去左呢間新開既重慶火鍋店，店舖主打既係麻辣火鍋料係重慶直送，而且唔落味精同添加劑，重視客人既健康之餘仲要用上真材實料！可能今日遇上遊行關係，所以人流唔算太多，一推門入已經聞到陣陣芳香樸鼻既麻辣味，但因為我唔食得太辣關係，所以叫左個鴛鴦鍋底，正宗洪崖洞麻辣火鍋 + 養顏木耳雞湯，麻辣火鍋叫咗(中辣)，味道尚可接受，我都可以食到，而且麻麻辣辣都幾惹味，幾中意。養顏木耳雞湯除左有1/4隻雞入湯底之外就仲有木耳同大量白果，湯品入口感覺好清醇，雞湯似有用左一段時間去煲煮過，味道我覺得都幾好!  而雞我地因為係較早時間就將佢攞起，所以肉感唔係好hi，唔錯唔錯!呢度都有個醬料區，除左平時有既芫荽，蒜容，蔥花，辣椒等等，仲有少見既四川花椒油同老干媽醬，花椒油食落有種小小麻口感覺，口感幾得意而且仲幾香，等我得閒都返大陸買返枝返屋企先火鍋點既野食同平時差不多，見到格離幾枱都有點海鮮併盤，但怕食唔晒最後冇點，叫左一個盛肉併盤A，牛肉有2款，另外仲有黑毛豬肉 & 羊肉片，羊肉片入口唔會感覺到有騷味，呢個有點驚喜~ 口感比牛肉滑身，而併盤上所提供既2款牛肉當中，牛小排脂肪比例較多，

之前去完台灣 始終對麻辣鍋念念不忘🤡🤡就算呢家熱到爆炸都好想食😸冷氣夠大就得啦🤘🏻.湯底認真抵食👅原本麻辣鍋係$168 木耳雞鍋就$120👨🏻‍🍳雙拼湯底只需要以售價較高額外加$20就有🙆🏻‍♂️🙆🏻‍♀️有辣有唔辣 咁就滿足曬食得辣同唔食得辣既朋友啦👨‍👩‍👧‍👦.麻辣鍋嗰浸辣油真係好厚 足料😆面頭好多花椒 超香🥰味道都好正宗重慶麻辣🤣小辣都已經幾辣 建議初試都係揀呢個level🤨芽菜 鴨血 大蔥係送既😋H先生勁鐘意鴨血 質地好煙韌 索湯食辣得好過癮🤓.木耳雞鍋就以清甜做賣點👍🏻真係有一大舊雞喺裡面🐔滾下滾下越出味 最尾飲啲湯真係好入味😜雞就用左老雞 肉會比較鞋 甚至難咬開😬但有樣好 雞味會濃好多 打邊爐啱曬⭐️一般喺街打邊爐都甚少會叫海鮮🙌🏻一來唔抵 二來又覺得未必食到靚嘢😒仲有最唔鐘意呃秤😤不過今次見到呢個拼盤 所有嘢都幾啱食😋兼且又有活魚刺身 又有鮑魚☺️價錢又唔算相當貴🙂不妨試下啦🧐.鮑魚好爽 又新鮮又鮮甜👅比預期大隻 記得唔好淥太耐☝🏻咁先品嚐到最好既味道同質感🤗.活石蚌魚刺身都係值高分😼肉質較為煙韌 爽身🤘🏻口感特別 有𡁻頭 但又唔會起榨👏🏻肉味都甜架🤩餐廳提供埋刺身豉油 仲有w

去完台灣係過正正嘅麻辣鍋後一直都想搵番果種味道今次黎到試下重慶款式比較下，先落左個洪崖洞麻辣湯底（其實本身係叫荔枝果款，但可能tick錯左）滿滿嘅香辣料，聞得出香味，油份量多，用黎食菜就唔太建議我地叫左個鮮肉拼盤，4款都各有特別，口感味道不一，我就鐘意食美國安格斯，羊肉都唔錯不得不提五色小龍包，皮夠彈牙夠厚，保存到裡面嘅肉汁，好有層次又有口感嘅食法響鈴同萵筍係每次必叫，試左炸過嘅牛餐肉打邊爐都幾特別，如果係厚切應該更好食

打邊爐😛特別係麻辣湯底一定要食黑毛肚、鵝腸同鴨血🤤🤤🤤岩岩好呢度有晒三寶併盤兩個人就剛剛好🤣毛肚同鵝腸都係滾11秒，個店員仲好好咁教埋你用咩手勢去淥熟佢☺️淥完超爽脆😋鴨血一向都係老人家既致愛❤️淋又易咬🥰其實佢仲有4寶併盤既但豬腰呢樣野我同波波都冇太大興趣🙊呢間野最好就係基本上樣樣都有得叫半份連併盤都係有半份😍😍😍再計埋肉併盤兩個人都試到廿款野食👏🏻👏🏻正！.最正係個特價龍蝦仔🦞$58一隻😍性價比超高的，仲要食波波既致愛☺️用麻辣湯淥就好野味🤤叫左魚皮同響鈴，即炸魚皮真係無敵鬆脆脆😋追求即炸既新鮮香脆試過真係番唔到轉頭😎響鈴就唔係即炸油味濃😂下次可以不了🙈叫左半份丸有4粒爆汁豬骨丸仲有啲軟骨脆脆的👍🏻鮮蝦水餃就半份有3粒，大大粒好足料！5色小籠包就太遲落去淥👉🏻👈🏻得番麻辣味😂😂😂食唔到個5色有邊5隻味呀🤣啲肉就薄左啲🙈下次要食個手切先得😆.最鍾意會呢度啲碟係有埋油隔，隔走啲麻辣油又再怒浸麻油先係極品🤤提提大家全部放晒去麻油浸泡住麻油係會減辣🤤連我呢個食唔到辣但又學人食辣既老人家都食到超級無敵夾既味道！！！然後好傻仔仲特別叫左佢地一樽$10既麻油🤣事關睇唔到出面係有得任拎既😂😂

雖然近日天氣炎熱，但我一樣喜愛打邊盧。同朋友二人去開尖沙咀搵食，搵到間打邊盧有海鮮拼盤，好似好多海鮮但又底食的，就入去試試。叫左個養顏木耳雞湯底，原來湯底做緊半，lucky。還叫了一個迷你海鮮拼盤A，價錢大眾化，有一條活石蚌魚刺身，海蝦，活鮑魚，貴妃蚌，全部都好新鮮，尤其是條石蚌，條尾仲郁。這間火鍋店有一樣野好好，就係menu點餐有半份的選擇，我地只有兩人，叫半份的份量就岩岩好，可以叫多好多不同的火鍋配料。另外飲野方面都好底飲，全部都做緊特。

第一次食，享有ladies night 折扣優惠，好抵食呀，我地4位女士，人均消費300蚊鴛鴦鍋，麻辣併芫西湯，麻辣湯就越食越咸芫西湯就正好多了，清清地當晚我們還點到盛肉併盤，肉質新鮮有牛肉及豬肉貴花蚌，都很新鮮，爽口彈牙海蝦同樣新鮮，肉質一流食店環境不錯，是坐得舒適

去完歐洲旅行後一直好想食熱辣辣嘅中菜，今日男朋友好有我心咁帶我去食我好鍾意食嘅正宗四川麻辣火鍋佢地嘅餐具已經令我覺得佢哋非常貼心，打邊爐最緊要就係個醬汁，醬汁碟同個碗連埋一齊真係方便好多，唔會跌到d汁周圍都係，呢個細節位真係好加分我哋揀咗BB辣嘅正宗洪崖洞麻辣鍋，睇個湯底嘅顏色就知道唔惹少，呢個湯底嘅麻辣椒香味聞到已經覺得辣，麻感十足。盛肉拼盤一個價錢令我試到四款肉，睇啲牛肉嘅賣相已經知道佢嘅肉質一定唔會差。啲牛肉淥完之後都相當軟淋，唔會太多筋，至於羊既羶味亦都唔重，配上麻辣湯底係絕配。五色火鍋小籠包亦都出色，侍應好貼心咁經常提醒我哋一粒小籠包其實淥4分鐘就夠， 皮薄餡靚，遺憾嘅係我同男朋友兩個人食所以試唔曬啲味道。白鱔片好新鮮，唔算多骨，啱晒我呢個鍾意食魚肉但係又唔鍾意lur骨嘅人，重點係喺麻辣湯底浸完之後超級入味。比較健康嘅選擇就係土豆片，黑豆腐同埋蘿蔔片，佢哋嘅共同特色就係淥完之後超級入味，豆腐保持到佢嘅香濃豆味。師傅刀工好好，切到土豆片好薄，方便我哋食。侍應推介我哋試嘅特色豬黃喉，喺其他餐廳都未試過，口感幾特別，幾爽脆。最後忍唔住叫多咗個重慶小面，小面嘅面質比較柔軟同幼身，食落

係尖沙咀區要揾間性價比高嘅餐廳的確唔容易，今晚同朋友打邊爐發現咗呢間正嘢。餐廳裝修都幾新正，入面環境都算寬敞，檯同檯之間有一定距離，有卡位又有大圓檯，成大班朋友食或者兩個人食都可以坐得舒舒服服。除左食物之外，值得一讚係衛生環境，餐廳好貼心，有即棄式圍裙，唔驚整污糟件衫。醬料區又靚又衛生。侍應服務有禮貌，仲會介紹下餐牌有乜推介，話俾你知邊d要淥幾耐。食物質素更加有驚喜，冇諗過大眾化嘅價錢都可以咁高質。我地叫咗松葺野菌湯底，好濃郁嘅菇味，就咁飲都感覺勁補身。除咗主打嘅牛同海鮮都好正之外，下面幾款都係我嘅至愛。超級邪惡午餐肉唔好睇佢個樣冇乜特，其實食落外脆內軟，就咁食或者擺落去淥幾秒先食都超正。黑松露水餃食得岀唔係岀面果d急凍水餃，勁重黑松露味，皮薄餡靚真係一試愛上。貢菜豬肉丸豬肉彈牙，貢菜又爽脆，mix埋一齊食落真心有驚喜。重慶style土豆片剩係賣相已經贏咗。真心佩服師傅嘅刀工同心機。薯仔切片厚薄啱啱好，淥8秒就食得，非常爽脆。嚟到最後甜品一定要試紅糖糍粑，外面脆，裡面煙煙韌韌，真係唔係度度食到，淋少少糖漿一齊食就perfect.最後埋單有新張優惠，八點半前埋單有七折，九點後入座都有七折

滋陰酸蘿蔔鴨湯 $160 酸蘿蔔好正，夠哂味，食吓又一條，食吓又一條...😋 鴨肉記得唔好煮到老哂先食，好多肉😆👍🏻海鮮拼盤A (半份) $278 半份都好正了，有活石蚌魚刺身、竹串海蝦、活鮑魚、貴妃蚌。上枱時，條魚尾仲識郁，好新鮮😛 條魚可以就咁點wasabi同豉油食，又或者煮熟先食都ok，刺身咁食會鮮啲，煮熟就肉質爽啲，正～紐西蘭羊肉片 $88 望到都知靚，羊味出，但又唔會太羶，薄切，淥一淥好快就食得，快靚正～黑毛豬腩片 (半份) $74 雖然腩片應該係肥，但呢個肥得有點over，我鍾意肥瘦適中多啲。手打鮮蝦滑 $78 賣相好似一杯雪糕🍨蝦滑中蘊含住好多細細嘅蝦肉，好足料！濃汁豬骨貢丸 (半份) $22 貢丸係高質嘅，香口彈牙，但就唔係好食到濃汁豬骨🤔黑松露水餃 (半份) $30 好好食，皮薄餡靚，中間新鮮爽口，我同友人要搶住嚟食😂炸響鈴 (半份) $24 新鮮炸起，唔太油膩👍🏻重慶苕粉 $38 第一次食，menu上括住寫薯粉，但同我心目中嘅薯粉都幾大分別，呢款係煙煙韌韌嘅，都幾特別～自家竹蔗水 $58 足料，清甜好飲，叫咗2楂😆需加一服務費，連醬料、前菜，埋單2人約$1040。如

重慶洪鼎火鍋，超型的名字，老公話想型返下，就晨早book 左星期五晚接埋呀女放工過黎食。我地揸車黎，因為附近車場滿晒，於是冒險號上身泊街。餐廳門口超型，呀女都忍唔住話要影返兩張先入去，落到樓下即刻有幾個姐姐走過黎招呼我地。店員好細心見到小朋友就安個闊絡嘅位置俾我地，我地一坐低就那那林點野食，其實我好想食佢個洪崖洞麻辣火鍋，但小朋友唔食得，所以揀左個酸蘿蔔額鴨湯試下，牛魔王揀左和牛盛宴，小朋友揀響鈴，蝦滑，土豆片，我揀左蔬菜拼盤同薯粉⋯⋯點完野食，就出去拎醬料，好多唔同嘅配搭，店員介紹落多啲蔥可以解辣。好一件一物多用，醬油碗，隔湯食物碗加筷子隔於一身的器具，十分欣賞👍🏻。湯底到了，很香很香，小朋友話要飲湯，就問店員拎左幾隻碗仔試試湯底，酸蘿蔔味正正帶出鴨嘅鮮甜味，飲到興起之際，店員拎左個花球上黎，我地見到嘩嘩聲，原來係8秒重慶style 土豆片！超靚呀！！！店員話淥8秒就食得，因為夠薄，好好味呀，食落唔似土豆，爽爽地，必試！完全滿足視覺同肚皮之選！和牛盛宴好有睇頭，排得好靚，好新鮮，好多款唔同部位，最鐘意M5澳洲和牛，淥兩下就食得⋯⋯食飽飽，小朋友話想食甜品，就點左紅糖糍粑，唔會太甜，滿