重慶洪鼎火鍋 (已結業)

尖沙咀出名有好多不同餐廳,間唔中都會去嗰邊食飯,有一間好正嘅火鍋店,一於去試吓。一入餐廳,裝修非常中式，座位好舒適,店員亦都服務周到,非常之有禮貌同殷勤；火鍋配料選擇多,有海鮮、牛肉、蔬菜、豚肉、甜品等，應有盡有,總有一款啱食。強身松茸野茵湯底打邊爐最緊要係個湯底，一聽個湯底就知好野啦，滋補湯底，餐廳職員建議先勻兩碗湯飲，再開始打邊爐。一飲就知足料冇味精，松茸味好濃海鮮拼盤活石蚌魚刺身即刻喺魚缺撈起再切片，上枱時條魚個口仲郁緊，超級新鮮，魚生非常有鮮味，入口即溶海蝦新鮮海蝦就咁灼一灼，已經又鮮味又彈牙，新鮮既食材唔洗加其他調味料就已經好好食貴妃蚌成隻手掌🖐咁大既貴妃蚌，又大又新鮮，好鮮甜，好好味活鮑魚手掌咁大隻鮑魚，真係超正，即點即刻由魚缺撈起，再送到枱上，一個字：超級正呢個海鮮拼盤屬必點菜色，所有海鮮都非常新鮮好食，唔食簡直就係走寶！本地手切肥牛打邊爐又點會少得手切肥牛，係必食火鍋配料之一，肥牛色澤好新鮮，脂肪比例均勻，放落湯底幾十秒就得，入口好滑，必點之選尖沙咀有一間咁好食既雞煲火鍋店，今次俾我遇到，下次一定再黎！

今晚放工同friend一齊去食呢間係尖沙咀既重慶洪鼎火鍋，呢間火鍋店既位置係天星大廈地庫，好近尖沙咀站，就係亞士厘道。坐得舒服無錯呢個係鴛鴦鍋，兩種唔同既辣，但都係剩係叫左bb辣，即使係甘辣度都好夠。要左個迷你既海鮮拼盤，雖然迷你但都唔少野。d海鮮好新鮮，個魚頭同魚尾重龍蝦好大隻好新鮮象拔蚌刺身都好新鮮啊！極力推介呢個小菜，超好味!!!食到舐舐脷辣得好過癮 !中意食辣既朋友一定好中意呢度啊！最後一定要叫翻個冰粉黎食，甜甜地好解辣!

終於約到呢個大忙人啦，搵佢同我打邊爐，搵咗幾個月終於等到啦，今次嚟食呢個正宗洪崖洞麻辣鍋，叫咗個鴛鴦鍋，加咗個松茸什菌湯，松茸湯底好香濃仲可以飲㗎。麻辣鍋好夠辣好惹味啊！食物嘅選擇都好多啊，又有唔同嘅特色食物，就好似五色火鍋小籠包咁，當中有唔同嘅味道，而我最鍾意就係食黑松露味！一嚟就叫個打邊爐必食嘅炸魚皮先。食麻辣鍋又點可以唔食鴨血啊，鴨血淥完都唔會散開，正啊。仲有唔係度度都食到嘅牛黃喉，好爽口，配埋麻辣真係一絕！西班牙黑毛豬梅肉，烚耐都仲好嫩啊，好味啊另外仲叫咗個海鮮拼盤，有仲好生猛嘅蝦、鮑魚、活石蚌魚刺身、貴妃蚌。特別一提活石蚌魚刺身好新鮮，除咗當刺身食之外仲可以打邊爐，就完淥完都仲好滑啊。

有日路過亞士厘道，行過門口已經聞到麻辣湯底的香味，撞正食飯時間，即刻入去試下先～見到湯底Ｄ相已經流口水正宗洪崖洞麻辣鍋，因為只點了小辣的關係，所以很容易入口。但味道仍然很豐富，除了辣味還有牛油的香味，很有層次～強身松茸野菌湯，一看到時我還驚訝為什麼有那麼多松茸，光是松茸也不便宜吧～湯底很好喝，基本上我連湯料都吃了大半呢。重慶召粉$32 相比邊爐之友－－烏冬，在吃重慶火鍋時我會比較推荐召粉。尤其適合配麻辣湯底，非常掛湯又彈牙，相得益彰。海鮮拼盤A $398本身以為吃海鮮拼盤會不夠飽，沒想到是這樣的一大盤，真是多慮了～活石蚌魚是刺身，不用下鍋，點醬油和芥辣就可以吃。竹串海蝦和鮑魚也非常鮮甜。我最愛的是貴妃蚌，超級大隻又多肉！盛肉拼盤Ａ $288美國安格斯牛小扒美國安格斯牛板腱西班牙黑毛豬梅肉紐西蘭羊肉片食肉獸看到這拼盤太興奮，忘了逐款拍照.....有齊豬、牛、羊肉，牛味夠濃，豬肉嫩滑，難得的是羊肉也不騷，價錢又唔貴，推薦！招牌冰粉，解辣一流，就算唔係為左解辣，作為甜品都係清甜之選～

亞士厘道見到大大個招牌,落到地庫個環境好寬躺, 餐廳風格古色古香而家湯底做緊優惠, 大部份材料都可以以1/2份落單, 價錢亦會相對減半, 方便少人食可以試多幾款野食。海鮮拼盤有石蚌魚，大蝦，鮑魚，貴妃蚌， 材料十分新鮮。活魚肉質鮮, 再加wasabi, 必食推介五色小籠包要試試, 有五款顏色, 包括麻辣味, 芝士味, 原味,蟹粉味,黑松露味。記得滾4分鐘, 有個計時器。美國安格斯小牛排同黑毛豬堆砌成一朵花一樣，醬油配料可以出面任加, 有埋圍裙

好耐冇食過高質嘅火鍋呢間尖沙咀嘅重慶火鍋有辣有唔辣因為病病地所以決定食一個養顏強身鴛鴦鍋一邊係木耳雞湯一邊係松茸野菌雞湯真係好滋潤而且有全隻雞係入面松茸相對濃但唔會有藥材味呢度最好係可以叫半份試咗招牌海鮮拼盤鮑魚係我食過咁多間最軟嘅貝殼都足夠新鮮魚片有驚喜除咗幫你起晒骨薄片嘅切法仲可以吸收多啲湯嘅精華盛肉拼盤夠多種類有牛羊豬，牛肉肉質口感好好個人就唔係咁鍾意小籠包始終都係鍾意就咁上即食Recommended!

湯底有很多款選擇，我們選了酸蘿蔔鴨湯，因為平時食太多麻辣，趁這個機會養養生清清腸。見到鍋底係真係有鴨，真心足料。醬料方面，同其他火鍋舖相比，佢提供比客人選擇嘅醬係比較多我地呢啲食肉獸當然要叫盛肉拼盤！佢有西班牙黑毛豬，羊肉同牛。黑毛豬真心好好食，搞到我哋忍唔住再嗌多份。另外羊肉亦都好有羊味。之後我哋都要嗌左餐廳嘅招牌，小籠包，但係一個賣相吸引，食落覺得好唔好味就見仁見智。淨係會因為賣相而嗌。之後我哋叫咗邊爐必嗌嘅重慶小面。仲有黑豆腐，黑松露雲吞等等。

前排餐廳有新開張優惠 可以$1湯底或者唔知7/8折 好抵 就同朋友去左食有海鮮set同肉類set 我揀左麻辣湯底小麻辣 一個盛肉拼盤單叫左份牛肉丸 🍡上枱果時都有啲驚訝 🙀估唔到咁大粒 蜂巢豆腐 蝦滑墨魚滑牛拍葉 碌一陣就食得 好爽口彈牙 配埋個湯底 醬料 正完全超出我嘅想象😍🥰估唔到份盛肉擺盤靚肉色個湯底好足料 夠spicy其實呢間野用料真係足 朋友冇介紹錯 經理仲介紹左我地醬料區 分隔油嘅碗 服務態度nice睇返menu 佢呢度飲酒真係平 兩個蝦滑墨魚滑 $80到咁大份 真係同出面差好遠 又鮮甜 又有蝦肉同墨魚味👍🏻大大份蝦滑 墨魚滑盛肉拼盤 ：黑毛豬 安格斯牛板鍵 羊肉片 牛小排環境：坐落舒服 😌好彩有bookn位 全場坐滿人 冷氣夠凍👍🏻埋單果時 仲比左張coupon 我下次再幫襯😋

朋友推介重慶洪鼎火鍋唔錯，今日放工就同個朋友一齊去啦，入到去呢，人就唔算好多，噉佢個環境都幾大，坐得比較舒服，我哋兩個人可以坐張四個人抬，坐落之後睇到個菜單揀咗個火焰醉膏蟹花甲鍋有專人幫你搞，好有火個湯好鮮甜嗰隻蟹的蟹膏好多嘅，所以係值得一食啊，嗰隻蟹鉗同埋蟹腳都有好多肉食嘅。叫左我最愛既響鈴，好鬆脆打邊爐邊少得牛，仲有黑毛豬，好新鮮本來拼盤有羊，因爲唔食羊，餐廳俾我地轉埋牛，太好啦我哋都叫左幾多野食，所以最後就冇叫到烏冬，如果下次再來食，可以叫埋個烏冬，再襯埋過火鍋湯底食，我覺得會好美味。另外可以提一提，如果你like這間餐廳嘅facebook會送一碟重慶炸酥肉開頭諗住佢送嘅野都唔會話太好食嘅，但係點知食落口原來呢碟野好香口，好似食緊炸魚皮噉啊最後我哋食到九點幾就埋單走人喇。

放工約左朋友係尖沙咀食飯，雖然好多選擇，但我最鐘意都係食火鍋，今晚試左重慶洪鼎火鍋。我地6點半黎到，坐四人卡位，好闊落。食物種類唔少，打邊爐要有既料佢都有齊。落單時侍應同我地講8點半離座 火鍋料7折或者鍋底半價 但唔限時。我地當然揀7折啦，有折又可以叫多d野食。一坐低 檯面就有2碟小食，酸橋頭同埋豆，我食左3粒酸橋頭，好爽口好開胃。waiter招呼殷勤, 貼心奉上小圍裙, 著白色衫食麻辣鍋都唔洗怕。湯底揀左強身松茸野菌湯($160) ，湯底好濃郁又足料，有名貴配料松茸、冬菇同埋雜菌。湯底唔hea，飲得出真材實料。所以係要即席飲返碗靚湯先。之後加既湯 都係清雞湯，所以打邊爐唔會好淡。推介一定要order海鮮拼盤，兩個人仲可以叫半份添，包括活魚石蚌刺身,  竹串海蝦, 大大隻漲卜卜貴妃蚌同原隻鮑魚。上枱時成盤好壯觀，活魚刺身係即切，個頭仲郁緊，所以一食就勁鮮味，點日本豉油及芥辣好match，用黎放湯食又得，海蝦爆爽新鮮度極高，貴妃蚌同鮑魚都係勁鮮甜。 肉類叫左手切本地肥牛，又可以叫半份，口感彈牙又好夠肉味，剝大概一分鐘就可以食得啦。另外，叫左牛柏葉，好新鮮，又爽口又彈牙。炸響玲都係即叫即炸

呢間火鍋朋友之前食過2次都話好好味，今次終於帶我去食醬料喺出面嘅醬料櫃自己拎，唔夠可以隨時出去添等湯滾嘅時候好彩有呢個開胃小食吊住朋友揀左呢個［養顏木耳雞湯底］，話我一定中意。入面仲有半隻雞，足料、清甜，果然我飲左好多呢個湯，好鐘意～另外拼左［正宗洪崖洞麻辣鍋］，夠哂麻又夠香［盛肉拼盤A，$288］2個人打邊爐樣樣都想食，嗌個拼盤就啱哂，乜都有啲。呢度四款肉分別係牛小排、牛板鍵、紐西蘭羊肉同埋西班牙黑毛豬。加落麻辣湯底索哂辣湯一齊食，好正。最鍾意食紐西蘭羊肉，羊肉好夠獨特既羊騷味，所以鍾意食羊嘅朋友一定要試下［加拿大桶蠔，$158］一桶有足6隻，真係幾抵食，而且每隻都有半個手掌咁大，又厚肉。好彩朋友都中意食蠔，我食左3隻已經足夠［五色火鍋小籠包，$88］好特別既款式。放落清湯4分鐘就可以食得。黑松露味既香氣最濃郁，值得一試呀 ［鴨血，$48］厚切的鴨血，必食！同麻辣湯底係絕配啊［萵荀，$38］打邊爐蔬菜類至鐘意食萵筍［海蝦，$168］每份8隻，又新鮮又大隻！襯麻辣湯底真係又鮮味又攻鼻，正［超級邪惡午餐肉（1份），$58］炸過嘅午餐肉... 唔洗我多講～會食上癮下次再同大班朋友黎過，可以

不嬲都係邊爐控，聽朋友講，呢間位於尖沙咀嘅重慶火鍋店最近有promotion，三個人去減$300 ，四個人去減$400。咁我哋一行三人就預先book咗枱，一於去試試呢間新嘅火鍋店。-因為朋友唔想食辣，所以揀咗養顏木耳雞湯。見佢有好多唔同嘅特色拼盤，有海鮮有肉類，值得一讚係拼盤可以揀半份，咁大家可以試多啲唔同種類嘅嘢。我哋叫咗一個肉類拼盤，包括有美國安格斯牛小排，美國安格斯牛版腱，同埋西班牙黑豚肉。-呢度嘅丸類都唔錯，特別推介係芝心牛肉丸，真係有芝士爆出黎！-呢度環境幾寬敞，帶朋友嚟都幾舒服。

餐廳環境舒適，不會坐得太密，湯底選了養生雞湯，真的有大半只雞的裡面，清甜。 迷你海鮮拼盤 $278，有鮑魚，鮮蝦，貴妃蚌，石蚌魚一條，可刺身吃，上枱時，魚尾還在動的呢！超新鮮!盛肉拼盤A (半份) $198-有安格斯牛板腱，牛小排，羊肉片，黑毛豬，牛味很濃，黑毛豬夠爽口。拼盤適合我們喜歡多試一點的朋友。還有點了芝士牛丸，喜歡芝士的朋友，必點這個。 餐牌很多都可點半份，份量亦足夠，走時還送了贈卷贈送免費海鮮拼盤，會繼續來。

朋友愛吃麻辣火鍋,今次揀左呢間去試下.首先，餐廳環境舒適，坐落都頗舒服.湯底有4.5種選擇，我地叫左個麻辣火鍋和松茸什菌湯底雙拼.餐廳有幾種拼盤,我地叫左個盛肉拼盤A(HKD380)，有紐西蘭羊肉片,美國安格斯牛小排，西班牙黑毛豬，美國安格斯牛板腱。牛肉肉質好薄，滾幾下就可以食，入口即溶。而且仲試左手打牛丸，賣相已經覺得幾好，食落真係好爽口，好彈牙，手打的真是好好吃。另外值得一提的是他地服務態度真是好好,見我地兩個女仔,特別提醒我地d肉可以叫半份，驚吃5曬浪費😂總的來講,雖然價錢5平，但是值得一試.

今日約左朋友係尖沙咀見面，順便係埋果頭食野，記得🤔亞士厘道有間（重慶洪鼎火鍋），打邊爐應該不錯，可以慢慢食慢慢傾 ！裹面d 裝修亦都好靚， 好多招牌拼盤推介 ，每張檯有圍裙之餘，亦有USB充電😲，太好了！火焰醉膏蟹馬刀貝鍋＄368配料有膏蟹（😱超多膏），有花甲（好鮮甜），牛柳粒，瑤柱粒，冬瓜（完全吸收晒湯底精華），飲了兩三碗湯再打邊爐，湯底十分濃郁，材料又新鮮👍🏻👍🏻迷你海鮮拼盤-A ＄278🦐🐟活鮑魚新鮮又爽口，大大隻！石蚌魚刺身，魚身上枱還在跳動好新鮮！竹串海蝦，肉質爽脆又鮮甜！👍🏻👍🏻貴妃蚌，完全無沙冇內臟，清洗得好乾淨迷你盛肉拼盤-A ＄198🐃🐷🐑有西班牙黑毛豬梅肉，美國安格斯牛小排/牛板鍵和紐西蘭羊肉片，每款大約有四片，脂肪分佈均勻，只需烚一烚，入口即溶軟滑，肉質不錯！😋😋