鍋心粥底火鍋 (已搬遷) 新店位置

朋友建議黎呢度食粥底火鍋，話之前食過，覺得好好味喎，好唔容易book到位，就黎試吓啦。店內枱得好少同埋都幾狹窄下，不過現場就真係full晒，可見人氣不少。我地早左20分鐘到都冇得入，要準時先入得。我地一行4人被安排坐卡位，但都相當狹窄。坐底冇耐，店員好快手就上左個鍋，叫我地揀配料，我地配料揀左花膠仔，木耳，雞件，油炸鬼同淮山。首先上嘅係海鮮，有蟹，鮑魚，蝦🦐，蜆等等，全部都好鮮甜，啲蝦仲識跳岀黎，絕對係新鮮嘅！海鮮方面真係值得一讚，但其他配料就失色不少喇。啲木耳厚肉到咩咁，咬落去係冇味嘅而花膠，我就未食過咁難食嘅花膠，一黎冇味，二黎一熟就硬到一舊舊，連百佳賣2,30蚊一包嘅花膠都不如，真係唔建議食呢個。淮山就唔錯，爽口又解膩👍

朋友三星期前己預約了佐敦果間店打鞭爐，六時正甫一開舗，我們便被安排樓上舖座低，途經兩條舊舊的樓梯，店員之後捧上一碟沙律菜，加上醒胃嘅芝麻醬胃口即時頓開。其後醬汁包括鼓油、辣椒絲、蒜蓉、蔥花及出面火煱店少見嘅沙薑蓉。開爐不久，首先端上時令海鮮7款，分別為奄仔蟹、海蝦，、鮑魚、貴妃蚌，有兩款硯類及多寶魚，每款按人頭計，不是放題，每人收費$198，飲品另計，不設加一，值得一提海蝦新鮮到會跳，要小心放入爐內。店內己貼有告示每款海鲜落爐嘅時間，枱上還有計時器比客人計時，都幾煱心喎！接著捧上客人先前order定嘅自選五款食物，當晚㸃左必食嘅自家製手打雞骨丸，美國肥牛，西班牙黑毛豬梅頭肉，淮山片同粥絶配嘅油炸鬼，有加追項目，但係要自費嘅。當天我們沒有追加，但已經好飽了。最后員工送上今晚嘅粥底同配菜包括粟米、南瓜、竽頭，店員耐心地將南瓜竽頭壓爛，令其更入味更綿，還拌入大頭菜、芫荽、冬菜、菜脯及豬油渣，D粥索晒成晚海鮮及內類嘅精華，將粥提升到鮮甜美味，為今晚劃上完美的句號。大概八時正，店員開始逐枱結賬，為下一時段作準備，同朋友吹水至八點半才離開，出門口一刻己人山人海了，下一時段必定又爆滿了。記得早點bo

早約定o既狗年團拜…朋友推介尼試試《鍋心》係近期熱點…主打粥底火鍋, 口碑似乎相當吾錯… 就揀佐敦分店啦!!…電話訂座時, 接聽員工都好有禮貎…而且耐心解釋收費各樣…留下好好o既初次印象!! 基本收費每位$198 不收加一, 不包飲料, 限時2.5小時……食物以人頭計算: 包7款時令海鮮+5款自選火鍋配料…同時會提供南瓜+芋頭粒、粟米件做埋尾滾粥用架!!...大年初八哩晚…我地訂左8:30-11pm第二輪…門外大排長龍等叫名…真係人頭湧湧架!!...都真係太好生意關係…,清場都清吾切啊!!!...我地都遲左10-15分鐘入座…樓面吾大…但有兩層…我地被編坐二樓…經條窄窄又舊舊地o既後梯上…地方檯椅都整齊清潔…冷氣大開放…大至有5-6張檯, 仲見有間房添!!...坐定定…揀完自選5款心水配料後!!..店員就即上一碟原個蕃茄+蔬菜配芝麻沙律醬俾大家開開胃口先…跟住就上大鍋粥水開爐頭…準備起動啊!!!...混醬配料就簡單4款…蔥 、蒜、紅椒…….最特別係有沙薑耶!! 味道不俗呢!!飲品有支裝啤酒、汔水…涼茶類就供應支裝【鴻X堂】…收費十多至廿多元…7款時令海鮮係特定o既…今晚分別有: 鮮鮑

服務態度已經唔好調味料架唔夠就用好差嘅態度問我地拎返我地唔識填menu就用好差嘅態度話我地tick錯冷氣機滴水我成件皮褸個袖濕哂隔離枱客人成件衫濕哂無問過客人有無事明明係bk 6點到8點半8點就同我地講我地得返10分鐘之後8點10分就趕人走店家自己話8半點知未到8半就叫人走咁點解要講8半呢？d蟹又斬到天一半地一半野食的確係無乜問題有問題嘅係服務態度openrice唔好hiddden我個負評我係消費者我有責任話俾大家知真誠情況係點！

外賣都要比錢的！但由於遲了拿，遲了十五分鐘就被員工晦氣說話！唉！真金白銀就算遲了點要受氣嗎？點都好，身為客人的我遲了拿外賣是錯！我對不起你們鍋心，萬分不好意思！受罵應該的！👍

一家人天寒地凍最想食啲暖笠笠既野，厭咗任食打邊爐又想食啲有質素既野，粥底海鮮係不二選擇。先有7款海鮮要揀5款火鍋配料，加埋每人食到兩碗既精華粥，呢餐真係大滿足！佢地既鮑魚同蜆都好肥美，大大隻啲似勁爽口，如果每人多一隻鮑魚就好啦火鍋配料啲牛肉同西班牙豬都係靚野，唔係任食火鍋啲頹野，真心覺得呢餐好抵食

锅底是用大米米汁熬成，海鲜超级新鲜！！都是活的，虾涮进去的时候还要按住，因为很活会动！肉非常鲜甜！！并且服务还非常好！！！会跟你详细解释要怎么吃，还会给你煮好分到碗里！五星服务！价格也公道！！我们两个人不到396港币，量还大！最后的粥也超级好喝！粥我们根本喝不完，给我们打包！带回酒店喝发现味道更香！推荐大家来试试！！！还有西班牙的肉又有口感又香！一点腥味都没有，还有另外一种五花，肥瘦相间却肥而不腻！！总结就是超！级！鲜！

早前已經聽過窩心的大名，食粥底火鍋一定會想起佢聖誕前夕特地提早3星期訂位，估唔到都已經得返8:30-11:00的時段，放假來食真係一定要訂位，不然會摸門釘不是任食，但一定會夠飽，價錢是每位$198免加一，酒水另計，包了7款當天新鮮海鮮，3款蔬菜配料和自選5款配料當日海鮮有：奄仔蟹花甲王活鮑魚和皇蜆生猛海蝦 (會跳出來，要小心)大蜆多寶魚當天特價的$10帶子每張台都有一個時間錶和煮食指引，跟著做自己都可以煮到好味的海鮮樣樣海鮮都超好食，仲好食過係西貢叫的清蒸海鮮，你會食到咩叫鮮味 =) 雖然煮的時間不多，但因為食魚又要拆蟹，反而會唔夠時間食自選配料我們要了黑毛豬腩片美國肥牛、雞肉片手打雞骨丸和豬肉丸點完全發覺全部都係肉，手打的肉丸好有驚喜，爽口彈牙又有肉汁食到差不多店員會拿粥膽過來幫你開粥，充滿著海鮮和肉料精華的粥就完成了 =)食唔晒仲可以加$1買外賣盒打包拎走

大家好好耐無見，身為毒L，入冬後木嘴寫食評既動力少左好多。大家可以想像到，喺寒冬得返11,2度既時候仲要叫個毒L喺被竇度伸隻手出黎打食評係一件幾咁唔人道既事。不過今次食左間正野，再加上天氣又回暖返唔少，大蛇始終都有出黎屙尿既一日，點都要同大家分享下。呢間野朋友建議既，對食物無乜要求既我自然say yes。不過佢晚市得6:00-8:30同埋8:30-11:00，放得工黎到只好揀8:30果場，又搞到我以玩完饑饉30既狀態入去。唔好睇佢有2個半鐘好長咁，其實行程勁緊密食到最後先岩岩好完。首先有7款時令海鮮比你打左先，有張紙寫晒次序同要打幾耐，唔洗驚唔識點打。蟹幾新鮮鮑魚多寶魚唔好意思，因為用手食到好污糟，所以無影到其他海鮮，有蜆、蝦、花甲等等，全部都幾新鮮好食。之後就落下南瓜同芋頭熬下個湯底，然後就落自選5種火鍋配料。d侍應都好細心，見你d海鮮差唔多食完就會自動上埋火鍋配料。我地揀左豬腩片，豬肉丸，午餐肉，雞件同花枝丸。咁就唔係任食既，但佢比既份量包你食得飽。最後落埋粥底，一個鮮味既粥就完成啦！最後好令人驚嘆既係埋單每人只需要210幾蚊，仲要我地5個人夾埋都叫左幾支啤酒，仲食左咁多海鮮。身為

之前一直聽朋友講依間粥底火鍋好好食一直想試，今次終book到。一定要book位，walk in 9成冇位。我地book 8半點個輪，d人8點已經圍住哂個門口等入，十分多人。入正題，依到198/位免加一，好抵👍🏻有7款新鮮海鮮 3款蔬菜粒 同5款自選火鍋料(係每枱5款 份量就隨人數而定)。 我都個次食有蟹 鮑魚 貴妃蚌 2款蜆 海蝦同魚。每樣食材都好新鮮，鮑魚同蝦都仲係識郁既😋👍🏻蜆同貴妃蚌好鮮甜😋食完海鮮就會上粟米 南瓜米同芋頭粒俾你熬甜個粥底。而自選個5個餸，我地揀左 黑毛豬梅頭肉 黑毛豬腩肉 響鈴 芝心獅子狗 同金菇。梅頭肉同腩肉都好正，但個人建議叫其中一款就夠 因為去到最後已經飽飽地同要留少少肚食個粥😋😎當食哂d野之後職員就會拎個粥膽同d配料黎幫你整個粥 十分細心😋個粥煮完出黎十分之鮮甜 食唔哂可以仲攞個外賣盒打包走😋總括而言，鍋心真係十分抵食，200蚊位食到13樣野又免加一👍🏻環境都算乾淨企理 員工都好有禮貌👍🏻

呢個天氣最岩打邊爐，如果鐘意食海鮮既朋友一定要試，每位$198 包7款時令海鮮、5款自選配料同粥，最驚喜係海鮮超新鮮，好抵食😍不過建議早一星期訂位，呢到真係晚晚full booking海鮮每人有七款時海鮮，我果晚有鮑魚 大隻又爽口彈牙。大蜆，紋蜆 同沙白 肉質鮮甜不韌，亦無沙👍 海蝦 無影到相，因為生猛到係咁跳，完全無時間幫佢幫倩影 肉蟹 啲膏多到流瀉，蟹膏好香好軟滑，蟹肉亦夠鮮甜彈牙，超正 多寶魚 好驚喜有成條多寶魚 (相片只係得半條入左鏡)，比較少用多寶魚打邊爐，但真係一個好選擇，魚肉厚 少骨又彈牙食完海鮮其實已經開始飽，但仲陸續有自選配料等住你🤣食肉獸既我地揀左肥牛、黑毛豬肉、豬腩片、雞骨丸同雞件。相比起海鮮，配料比較遜色，比較好既有肥牛同雞骨丸最後，一定一定要留肚食返碗海鮮粥，店員會先幫你加入南瓜粒、芋頭粒同粟米入粥，再調較稀稠度。粥底吸收晒海鮮既精華，超級鮮甜。呢間餐廳一定會再encore💕

天氣漸寒，又係時候打邊爐！與友人不約而同想起鍋心粥底火鍋告示版教晒大家每種海鮮所需時間，再附有timer計時，保證不會overcooked!蟹-每人半隻，十分鮮美！鮑魚+大硯多寶魚，友人食出有少少泥味皇蜆花甲，同樣十分鮮美食完海鮮便將芋頭及南瓜放進煲粥底，便可以開始煮肉及菜，食完後便可請工作人員放粥！吸收晒海鮮精華，食粥時更有蟹膏的鮮甜！幾飽都一定要食埋個粥！今次是第三次食鍋心，水準不變，海鮮仍然十分新鮮，十分抵食！

朋友推介, 抵食又好食, 天氣涼涼地打邊邊就最啱架啦, 每位只需$198, 佢預備咗每人半隻蟹, 蝦, 鮑魚, 大蚌, 花甲, 蜆同魚, 都好多款式~仲要講明俾你知每樣嘢要需時幾多分鐘, 真係好窩心呀!!! 仲要可以俾你自選5款配料, 都好唔錯!!!我地揀咗自家製手打雞骨丸(必食)真係咬落去好爽口~油炸鬼, 脆卜卜~黑毛豬腩片都唔錯~最特別係佢個薑汁貢丸~真係爆汁又夠薑味, 如果鐘意薑既朋友可以試吓啦~海鮮真係樣樣都好新鮮~蟹同蝦都好鮮甜, 除咗蜆有D沙之外, 其他都好味好足料, 最後我地食埋個粥~真係超飽, 個粥有晒所有既精華係到好甜好好味~由於有分頭場同尾場, 所以差不多夠鐘就好快幫你清理晒台面既野~ 埋單先知原來係唔使加一服務費, 感覺上覺得仲抵呀~唔怪得走個陣出面人頭湧湧咁等入座啦~

一行8人（7大1細），只係$1,600。小童仲有兒童餐，仲要收平d。抵👍🏻海鮮好新鮮🦐🦀🐠🐚x3款+鮑魚仲有牛肉（質素唔差），炸魚皮，🌽，肉丸等等。好多野食，基本上係無停過手咁食！相都影唔切😗😗😗我自問大食，都食唔曬！難以置信！🤷🏽‍♂️如果一定要挑剔嘅，就係太多人，侍應招呼唔切，但整體都有求必應！註：因為得3個時段，我地係食8:30，基本係訂好枱，準時8:30就可以入去開始食。

蒸氣火鍋食過幾次, 今晚試下粥底火鍋先門口看似一小間, 實質地方尚算寬敞 設有多個卡座我們點了每位198 七款海鮮餐 另可選五款火鍋配料 （不包括飲品）海鮮尚算新鮮 每款都保持原汁原味 貝殼類沒有沙特別喜歡蟹好多蟹膏, 肉質味道保持鮮甜 火鍋配料雖然質素一般不過$198呢個價錢食到7款海鮮係的確抵到最後你可以叫侍應加粥膽, 會附上南瓜 芋頭 栗米, 享受充滿鮮味精華粥我們坐在門口左邊, 而店鋪有轉灣位 導致多次想找侍應都需要等大約3-5分鐘 改善埋就👍🏻👍🏻👍🏻