鍋心粥底火鍋 (已搬遷) 新店位置

同朋友約咗好耐先約到時間過嚟食，因為呢一間成日都full Booking ,咁啱我收工之後過到嚟啱啱好11點，可以食消夜。一嚟到餐廳，侍應就好熱情招呼我哋坐低，同我地介紹粥底火鍋嘅食飯。感覺好細心，照顧周到。海鮮一邊食一邊上，好新鮮，d蝦同鮑魚仲識跳。蜆唔係死蜆，隻隻都會開口。d蟹膏又鮮甜.座位旁邊會有張list ,教你每一樣嘢食煮幾耐，仲有一個鬧鐘幫你計時。我覺得好好玩😂有時候傾計傾耐左啲食物就咁擺咗喺度冇理佢係咁煮，職員就會提我地，叫我地快啲食咗佢如果唔係會唔好食。去到最咪煮粥嘅時候佢哋會幫我地煮埋，啱晒我呢啲唔識煮同唔想煮既人😂煲粥好綿，加埋索晒啲海鮮味，別有一番風味☺️最後同朋友食飯食到一點先離開， 食到勁飽

友人生日推介打邊邊,因為近佢公司,同佢同事話尼間$198/位 (不包飲品)份量夠又好抵食,所以訂位去試一試!本想訂8:30-11p.m.時段,但當天已滿額,所以訂了6:00-8:30p.m.,由於友人7點下班,我和另一位友人大概6點鬆到達,店家先上個沙律配胡麻醬,跟手好快速就上哂廚師為我地預備既7款時令海鮮:海鮮唔知叫咩名,侍應遮遮都唔係好清楚,但全部都好新鮮好肉感,尤其條魚,雖然外表不討好,但肉質鮮嫩滑～我仲見到隔離枱隻蝦生猛到彈起添!7款海鮮有: 蟹; 蝦; 蚌; 魚; 鮑魚; (蜆x2款)而自選5樣我就填了:肥牛; 響鈴; 花膠; 雞骨丸; 蒿荀;另外有芋頭粒; 南瓜粒; 粟米件做粥底料,我地仲叫左飲品,可樂; 忌廉; 加多寶;酸梅湯; 烏龍茶~我地一邊滾一邊等友人,佢地大概7點鬆先黎到,8點前侍應"遮遮"已經拎單俾我地結賬,仲叫我地食快啲,因為仲要搞個粥底,其實我地已經一鑊熟,食得好急,一熟就配給,我地其中一位係5歲小朋友,佢都當係一位計,所以我地有勁多野食,多到個沙律碟放滿哂熟食,俾我搞到好似湯渣咁... ...到8點2 我地開始搞個粥,加左粥,芋頭粒同南瓜粒落個湯底度,侍

由於早兩個月前聽朋友介紹，所以專登黎試吓，再加上聽聞好多人排隊，所以提前book咗位，一嚟到就直接入去啦，唔使排隊最正一坐低就會見到呢張野，教你點樣食嘅好快就上齊海鮮啦，全部海鮮都係新鮮嘅，仲識得動，鮑魚都係大大隻蟹同蝦都好好味，因為新鮮以咁嘅價錢食嘅海鮮認真抵食，特別係蟹同蝦同鮑魚食晒海鮮之後，我哋揀咗兩款肉，肉都OK都夠食，另外不得不提油炸鬼勁好味，最起碼唔係萬年油炸嘅，點小小湯底再食好正，食完之後就食粥，個粥本人覺得麻麻地，可能係因為加左豬油渣嘅問題，如果唔鍾意食豬油渣嘅朋友記得煮粥嘅時候要走豬油渣，因為油渣味好重

今日約左d 舊同學食飯有人話食過呢間幾好 本身自己都幾鍾意打邊爐 所以都好快話好 甘同學就book 左位食呢間☺️Book 左8點半早左少少到都見到門口好多人係道等緊啦 果日天氣好熱真係出曬汗😞等到八點半有個侍應先係度遂個叫book 左位gei 食客又細聲人又多好似年宵甘塞住條街所以我都叫book 左位個朋友行前d 聽有無叫我地又等多十分鐘先入到去熱死左我諗間野真係要諗個好d gei 方法處理呢個問題🤣好啦講反食野佢係一個價錢一個人有七樣時令海鮮三個蔬菜同五個其他生料甘 甘佢建議食曬海鮮加d 南瓜芋頭丫果d 再煮丫再食下牛肉丫豬肉丫甘最後再食個粥海鮮so far 都幾新鮮又多一個人食曬海鮮都飽左七成啦haha 其他食物質素都幾好價錢都合理不過個粥最後有少少lon 味都唔關佢事gei 最後想講下應該有d 其他野食照顧下d 對海鮮唔太好gei 朋友 有個同學就係甘有d 唔抵甘haha🤤🤤🤤

尋晚同朋友慶生，揀了呢間鍋底火鍋店。我見有d負評，最主要投訴服務員催人快d走。但我留意到大部份投訴嘅人，都係唔可以準時交枱。所以尋晚一早約定朋友，要早15分鐘係門口等。我地食8：30個場，我地又食又傾，食到10：30已經食完，仲坐多左半個鐘傾計，夠鐘d服務員至提我地要走，所以你唔好遲交枱令到人地做唔到下轉生意的話，服務態度係好好。講返食物，真係抵食，以一個餐餐出街食野嘅人，200蚊有海鮮有肉，仲要鮮，仲想點！性價比很高，會再黎。

朋友生日，幾條友仔係時間聚一聚，打邊爐？？韓燒？？放題？？最後朋友推薦佐敦鍋心粥底火鍋，仲要係大力度的推薦。餐廳很明碼實價，每日門口都列出時日的七款海鮮的款式，及可自選的五款火鍋配料，HKD198一位，仲要免加一服務費。由於餐廳只提供下午六時、下午八時半及下午十一時的訂枱時間，就算你早到，都要喺門口等到指定時間，才可入座。每張枱旁都有粥底火鍋的食用次序、方法及各海鮮需要的煮熟時間，非常的貼心。坐下時，職員會給每枱送上自助的火鍋醬料的配料架。第一道菜，居然係沙律配日式芝麻醬，點解會係咁？？唔通想幫助我們的消化？？生猛海蝦，起初我們都不為意份量有幾多，不過食咗兩隻，仲有，再食再有，最後原來居然每人有五隻咁多，傻的嗎？？每一隻海蝦也極其新鮮，肉質彈牙，但重中之重係大家唔好Over-Cook。肉蟹，每人半隻，由於本人不不食蟹，所以只可話用料新鮮，肉多，尤其個蟹鉗位，真係不得了。鮑魚、大蜆，絕對…絕對要讚鮑魚…鮑魚…鮑魚，新鮮、質優、味甜、爽口彈牙，冇錯全晚最欣賞難忘的就係鮑魚。大蜆的質量也不差，可是要超越鮑魚，就要期待超水準的演出。紋蜆沙白多寶魚，肉嫩鮮甜，好處是沒太多的幼細骨，對少吃魚的人，

老友發起邊爐飯局，價錢合理，食材吸引，第一時間報名啦！一行四人，gogogo!這裡的劃一海鮮邊爐餐，7海鮮+3粥料+5食材=$200加一 ， fair deal!先到達的是鍋心前菜沙律，日式麻醬伴新鮮時蔬，一邊等待粥底滾起，一邊吃前菜，體貼週到!接著就是每人半隻爆膏肉蟹，鮮甜多膏啖啖肉，正! 個粥底係粥水，待我們淥熟所有食物，等食物精華滲入粥水裡面，才放置有米粥落去煲~陣間會講然後來了蓋著碟子的鮮蝦，為何蓋著碟?這些都是活蝦，蓋著以防跳出來，哈哈哈~大隻爽甜亦都係啖啖肉另外每人一隻咬落諗諗的鮑魚，數隻肥美的花甲及車厘蜆，仲有鮮甜的蚌… 樣樣都鮮甜!新鮮!黎緊有龍躉，以這個價錢，有這品種已經好好，肉身爽、厚肉，當然塊皮就冇大龍躉咁肥甘厚身啦，ok之後我地加左50大元吃桶蠔，這個價，街市都買唔到，好鍋心! 蠔唔多縮水，肥美同爽，不俗!店舖推介雞軟骨丸，彈牙有雞味有肉汁，吃落夾雜著碎軟骨，幾得意豬肉片牛肉片有肉類本身的味道，軟諗諗的，不俗! 嚮鈴浸一秒湯瞬即夾起，濕中帶香脆，我本人比較喜愛濕濕脆脆帶油香的東西… PS.只有新鮮嚮鈴先有呢個效果! 友人們已經飽了，俾我鯨吞大半碟吃了一頓大餐，吃

之前朋友介紹過呢間海鮮粥底鍋好抵食，我去了幾次都爆滿，我食野都係即興多，無訂枱一定無位，今次好彩有枱早走，先至有機會試一次有幾抵食。海鮮有蟹，蝦（仲會跳的），鮑魚，蚌，魚，大蜆，細蜆，仲可以揀5種肉類火鍋料和3種菜，今次同個戒牛的朋友去食，無點肥牛，真係有點遺憾，海鮮全部都好新鮮，唯一美中不足之處係，粥始終係粥，味道係偏淡的，唯有靠食材的鮮味搭夠，我呢d濃味人硬係覺得爭少少lor 。打完邊爐食埋個精華湯底煮粥，真係滿足晒，最後埋單每人兩百元左右，自己去街市買都唔得啦，真係抵食，最重要係佢交足料，無將貨就價，樣樣足料，樣樣新鮮,性價比無得輸，唔怪得日日都爆滿啦，下次一定要再去試埋佢個肥牛先得

我同朋友都係打邊爐粉絲，一直都好想試粥底火鍋，今次終於約得成去試一試鍋心粥~~套餐已經包左7款海鮮，再揀多5款配料就可以開餐~~前菜係蔬菜沙律配胡麻醬，簡簡單單，冇咩特別店主好貼心，教晒點樣食粥底火鍋，仲有教每樣海鮮既烹調時間，畀埋個timer, 等你跟住佢既步驟，就可以食到最正既粥底海鮮火鍋基本上，每款海鮮都好新鮮，每人有半隻蟹，3隻中蝦，1隻鮑魚，一份魚同數款蜆新鮮既海鮮，唔使任何調味，齋食鮮味已經好正，仲要一次過食咁多款，真係大滿足食完海鮮，就可以加3種蔬菜(粟米，芋頭，同南瓜)~等佢慢慢煮腍自選配料方面，我地揀左黃芽白，雞骨丸，梅頭肉，肥牛同油炸鬼~~肉類不過不失，反而個雞骨丸幾特別，食落幾爽口~其實食到呢度已經有6，7成飽，不過精華粥都未試，又點會停手~臨尾店員加埋個粥膽落個鍋度，攪左幾下，滾起已經可以食~~煲粥有齊晒海鮮同蔬菜既鮮甜，配埋油炸鬼，真係正到爆，就算我飽飽地，都忍唔住食左兩大碗講真198免加一就可以食到咁正既海鮮粥底火鍋，真係物超所值~~一定會再約朋友黎過打邊爐

同朋友試海鮮火鍋，起初諗會唔會唔夠食，點知最後居然食唔哂！首先介紹吓呢間火鍋店嘅食物先…198免加一，每位包7款時令海鮮及自選5款火鍋配料…開頭睇落覺得好似分量少，但坐底後啲食物不斷送上已經feel到超抵！一開始會有碟沙律送嚟開吓胃先！然後就開始送上海鮮…今次我哋有蟹，多寶魚，蝦，鮑魚，大蜆，花甲，黃金蜆，沙白…全部新鮮同超甜！肉蟹又肥！隻鮑魚勁大！啲蝦係仲跳架！一路食一路有人幫你執碟，提你計時落海鮮，因為每枱都有個計時器，跟著牆上面張猫紙就會有教你煮海鮮時間！食到一半，我哋點自選配料，啲肉好靚，佢哋俾嘅質素同去啲貴舖頭差不多，好似我哋點豬腩片，肉質爽，唔肥膩！肥牛唔係雪花牛，而係無肥膏嘅切片牛！最得意係啲花膠，灼完好林好軟，仲要成大碗送上！尾聲會有侍應幫您加粥膽煮海鮮粥，所以建議大家夾嘢食時唔好插自己對筷子落去，因為最後尾加粥膽變海鮮粥嘅粥底就係個打邊壚鍋！個海鮮粥係勁甜！另外佢哋亦有優惠海鮮俾人加料，當日我哋有12蚊隻蟶子同扇貝…仲有…佢哋係唔包嘢飲，不過嘢飲絕對唔貴，都係十幾廿蚊…下次絕對會嚟再幫襯…

第一次食粥底火鍋，感覺很良好，首先湯底就是一鍋粥水，把海鮮及火鍋生料放在粥水烚熟，與平常的蒸氣火鍋有些不同。這間火鍋店是按人頭收費，又不是任食，七款指定海鮮及五款生料，起初覺得會否唔夠飽，但食完後，覺得他的份量剛剛好，不錯，而且最後品嘗埋這個吸收了海鮮精華的粥底，非常滿足。海鮮方面可參考我的照片，其他火鍋生料，我們點了肥牛，梅頭豬肉片，雞件，魚片頭及油條，雞件令到粥底更加鮮味，油條餸粥簡直是絕配。唯套魚片頭一般，像超市買到的質素。總括來說，海鮮生料新鮮，份量及價錢合理，翻兜指數4分(滿分為5分)

某夜跟友人聚會，友人建議encore佐敦的鍋心粥底火鍋粥底火鍋？聽起來好像很新穎呢，未知味道如何呢？火鍋分為三個時段，我們一行五人約了20:30大約20:20到達，已經有很多人在門外等候了！每人可獲得一份海鮮拼盤，店家列明每種海鮮的烹調時間還附有一個計時器方便我們計算時間，十分貼心仔細一看，才知道原來粥底火鍋跟一般火鍋不一樣，是有很多步驟呢除了海鮮拼盤，還可自選五款配料想要更多配料的話，就要額外收費了首先有沙律作前菜這就是湯底了，奶白色的湯底，看起來像稀粥（當時心想：這種湯底真的夠味嗎？）另有典型火鍋醬料海鮮出場了！一大盤蟹超多肉，膏也不少很少用海鮮做火鍋配料，因為我對海鮮不是很熱愛而且吃海鮮（特別是蟹）不能不動手，覺得有點麻煩沒想到鍋心粥底火鍋能讓我破戒動手拆蟹和蟹搏鬥真的很費神，但肉質鮮甜，加上有不少蟹膏，所以也值得的然後是一堆貝殼類海鮮看起來很新鮮，而且大小適中蝦也是十分生猛，啖啖肉超大隻鮑魚！就算不點醬汁，也覺得很入味，不會很淡樣子不討好的魚，雖然很醜，但肉質嫩滑可惜太多骨，吃起來有點狼狽海鮮以外的配料有：午餐肉！說實話，我平時吃火鍋很少用午餐肉的始終喜歡煎得香脆的午餐肉呢我想

這裏的粥底火鍋不是任食,由店舖提供七款精選嘅海鮮,在自選配菜 揀五款,我們四人揀了豬腩肉片、豬肉片、肥牛片、油炸鬼 和雞肉丸 ,雞肉丸 真的不錯冇加很多粉不會發到脹卜卜,豬肉片有豬肉香味,而肥牛和其他任食火鍋店舖不一樣,不會是很多肥膏 的，職員很好提醒豬腩肉較肥,但見食評話好吃所以才點，但是真的很肥喜歡吃肥的朋友可以點，不喜歡肥的就不要點啦!介紹是絕配的油炸鬼網上嘅人都讚,但啲 油炸鬼 不是他們自己炸,不脆亦很細粒,所以就算幾喜歡吃油炸鬼的都不要揀這款,建議點其他款嘅配菜。 雖然食物款式冇任食火鍋咁多但其實是飽的。 煮好嘅粥味道不錯,其實個人不喜歡豬油渣。 如果準時到,享用兩個半小時是足夠的,但要和朋友慢慢傾計就不用揀這些地方，女職員很有禮貌。 和其他任食198火鍋價錢相比這間都是值得一試的。 值得一提是調味料，他們提供黃薑碎，很香

曾經喺鍋心剛開業不久嘅時候，同朋友黎過，當時覺得好抵食！期後再介紹唔同朋友再黎，都依然覺得好食。週日唱完K打算要搵飯食，六點鐘先打過黎問下有冇位，都係搏住一試無妨嘅心態，因為平時即日打黎，一係話冇位，一係就要11pm後。點知又咁好彩，店員覆8:30pm有位，即book！尤其佐敦店，想食記得預約。於是，我同男朋友就四訪喇！同行仲有4位朋友係第一次食，大家都覺得唔錯，幾滿意，捧腹離開！價錢方面，基本收費係$198/位，冇加一，包括：7款海鮮+ 5款配料+ 粥底、粟米粒、南瓜粒、芋頭粒，全部人份量，唔係任食，飲品另計。海鮮係根據當日供應，但食過幾次，都不外乎係蟹、蝦、鮑魚，貝殼類、多寶魚。5款配料就喺呢張紙揀，款式不少，通常我地就揀肉類，丸類。如果覺得唔夠食，仲有收費追加配料。平時我地都有追加少量食物，但次次都會飽到傻。因為唔追加都好夠食。首先送上一份沙律。店內貼左唔少提示，都係建議先落海鮮，後加南瓜粒、芋頭粒等，然後食其他自選配料，最後加入粥底，等啲粥吸引精華。肉蟹 (6人份)3隻蟹，size唔細，主要粥底味道源自蟹、肉類，所以蟹都要有咁上下新鮮蟹肉鮮甜，肉都算多，好好食！海蝦蝦好生猛，每

以前食到一半都已經好鬼飽，而家食埋個粥底都唔掂，先岩岩好。呢啲餐廳真係唔掂，一出左名質素大下降，啲海鮮全部少三份一，重話宵夜餐唔洗食咁飽，而家一人份量都未夠食，自己想食諗清楚喇，寧願佢加價都無咁嬲