阿牛 (已結業)

為了阿牛咸豬手而來，果然沒令人失望。跟友人點了卡邦尼意粉和咸豬手。店員很好的推介說可加$40轉餐，有餐湯、沙律、蒜蓉多士和餐飲，是抵的。餐湯選了牛尾湯，濃郁的牛味，稠稠的，非常足料。蒜蓉多士伴加喱醬，但我還是喜歡簡單蒜蓉多士。卡邦尼意粉，大大碟。醬汁濃濃稠稠，用上扁意粉，更易沾上汁，下了很足材料，煙肉還有雞脾菇。撒上黑胡椒味道更佳。咸豬手一上桌，我已經「嘩！嘩！」聲，太吸引了。香噴噴，熱辣辣。急不及待吃一口，咸咸香香，皮脆肉嫩。但最好味不至於此，伴碟的自家製港式酸菜，比起德國式酸菜更覺親切及匹配豬手，酸酸甜甜，吃個不停。

南港島綫開通後，大家都對鴨脷洲呢個地方好好奇，我都唔例外，放假入黎呢度行。阿牛唔近利東站，我地晌鴨脷洲大街出口，沿著海邊行，去到深灣軒，即係阿牛所在地。門面幾舒服，有戶外座位，但通常都係吸煙人士坐，唔想吸二手煙當然入裡面坐啦。裡面都幾舒服，樓底高嘛，呢隻吊扇都幾懷舊。午餐餐牌，價錢又幾平喎，茶餐廳價錢餐湯牛尾湯，好濃好味豆腐班腩飯，估唔到份量都幾多。唔好見佢幾深色，其實味道相當清淡。如果食得濃味的朋友可能會覺得佢無味。焗豬，正常啦，大大塊。以為要自己切，撥開左d汁原來已經切好一條條。豬扒好淋，炒飯底，合理價錢，應該話平過其他貴價茶餐廳食飽飽就閃喇，要繼續行下鴨脷洲嘛門口有對題字，原來係阿牛親筆寫的。❝同父來少，同子來多❞ 令人好感觸，有了小朋友後好少時間放晌父母身上，所以店主給孝順的朋友有九折優惠，呢度好值得加分

遠在加拿大的舅父說在報章看到介紹，叫我有空到這家餐廳試試，聽命於他，就選了個happy Friday 去用膳，順道搭下新開嘅南港島線喺利東站A2 出口，落咗行人天橋大約行5分鐘就到。餐廳位置就喺海傍隔離，夜晚渺無人煙，環境好寧靜舒服，啱哂駕車人士嚟開餐雖然有室外坐位，但太凍都係坐咗入面，翻開餐牌覺得無論啲菜式定餐廳格局都好有90年代本地西餐廳嘅風味！雖然主打係西餐，但連中式翅、東南亞喇沙都有，真係多元化！頭盤翡翠螺，粒粒都大隻肉厚，貨真價實！再來個牛尾湯加焗薯蓉邊，原本以為得個碗圍邊，點知原來係用薯蓉圍個碗出嚟，湯味濃郁，仲有舊牛尾食老闆風趣幽默應該已經係人所共知嘅賣點，見佢會去同每枱食客傾偈，唔單止送咗支玫瑰花俾我，仲有免費紅酒添主菜點咗個羊架同喇沙，羊架叫medium燒得剛好唔太熟，咬落肉淋鬆軟，只有好少嘅羊羶味，啱哂我喇沙估佢唔到係好似碟咖喱咁上，有好多海鮮，有蝦、炸魚、魷魚圈⋯仲有其他配料，食到一半，長毛老闆又話送燒牛舌菠蘿過我地食，個牛舌又幾好食喎，真係好飽喇救命點知！仲有梳夫厘甜品送！！不過比起嚟個蘋果批雪糕仲好食，細細件即焗蘋果批，配埋雪糕一熱一凍美味無窮多謝長毛老闆貼心

第一篇食評，第一次來阿牛，很多想不到的surprise, 真心欣賞這位老闆，賓至如歸，照顧周到。看見門上貼著的對聯，肯定他是一位很有孝心的人。說到食物，也非常滿意，無論是特飲，燒烤，紅酒牛尾煲.....全部都很美味!阿牛，您系得嘅 !

還記得七八年前, 哥哥與他女友(即是現在阿嫂)相約我到此餐店吃晚餐, 但因有要事而未能赴約, 只是約在附近join之後活動(但不記得什麼活動了, 看來不太重要, 哈!) 當時只看餐店的外面環境已令我念念不忘, 加上在 “開飯啦”細閱食評, 更加令我很想一嚐這裏的菜式, 決意今年一家人在此慶祝我的生辰。沿着餐店一邊外圍便是露天用膳區, 設有數張四至六人枱, 每枱頂上開了帳簾, 坐在這裏能邊享受晚餐, 邊吹着微風和欣賞着夕陽, 的確很寫意, 但正正是夏日, 還是坐在室內吧!甫進店內, 已看到一幅老牛舒適地躺在草地上的巨大油畫, 的確與店子很匹配, 難道店主阿牛跟這隻老牛一樣, 可以如此舒適自在過生活? 一排落地玻璃, 感覺開揚, 內裏地方不算大, 設有多張四至六人枱, 高背軟墊座椅配一排梳化座, 令人坐得很舒適, 再走往最入端, 已預設有一張十多人的餐枱, 看來已有一大班人留枱。一坐下便馬上翻閱餐牌, 先看到一人套餐和兩款二人套餐, 分別有二人西式晚餐($498)和二人海鮮晚餐($328), 其實又豐富又抵食, 但哥哥有很多想吃的菜式都不在內裏, 故在單點項目中挑選。單點項目選擇亦很多,

今晚和個朋友慶祝生日，大家都想遷就一下壽星女，所以就約返係佢屋企嗰區，記得好幾年前來食過都不錯，穩陣些再訪這食店！好彩無選錯！我哋book 咗 18:30, 晚餐時段算早，因為餐廳未有客人！我見室外都有位，但因為今日好熱所以坐室內。其中有個朋友第一次來，她打開餐牌就幾驚訝，因為中、西、東南亞食物都有！ha ha ha ha~~ 最後我們隨自己心喜好叫了：凱撒沙律、一打藍青口、烤羊鞍、原隻燒倉魚及一客蒜容包。我覺得藍青口賣相不錯，而蒜容包很特別的竟然跟一碟醬汁，問侍應是什麼來的，他說是有些咖喱味的醬，哈！好特別，但都不錯，有新意思！但我們覺得最精彩及物有所值是烤羊鞍，除了賣相，份量好夠！合共有6條骨，每2條切一份。我們三個人，剛剛好一份2條骨！跟來的醬仲好夠，真係心思！但原隻燒倉魚就有些失望，本來因為很少用燒的來煮倉魚，覺得有新意思，所以先叫，但來到後我們都覺得這不是燒，是炸，仲要炸都好硬！但最後侍應主動來送上甜品，有4款選擇，每人都有份！最後我們選了三款不同的：芝士蛋糕、朱古力慕思及焦糖布甸，都算是不過不失！但最後我們發現很多人來這店，原來差不多枱枱都是來慶祝生日，因為餐廳會有人捧個雪

今晚，兩個口痕友(其實就係我同我老婆大人 ^^b)買完一大堆野番屋企後，本來諗住食會所晚餐，但係因為一直無食過屋苑下面間餐廳就膽粗粗走咗去試菜。點知。。。一入到去，侍應剛帶我倆坐下，我地就比一個有啲年紀，型型地既老人家盯上了~! 跟住仲行埋過黎吹水添！傾下傾下，先知佢係餐廳老闆~~點菜時，因為我地唔知有乜好食，老闆直接問我地budget幾多了。。。(邊有咁落單架？)。。。一輪口沫橫飛後(當然，係老闆完全控制全場了。。。):頭盤: 蒸扇貝+法式焗田螺+牛尾菠蘿串燒+牛尾湯+海鮮湯,外加蒜蓉多士。另上荔枝賓治+藍苺賓治。以頭盤份量來說，咁既數量多了一點。。。不過，食落又唔差喎！尤其係牛脷串燒，燒得剛剛好！主菜: 燒羊胺+燒豬排。主菜本來十分不錯，羊胺燒得剛熟，肉香四溢; 燒豬排雖然較乾身，但肉汁依然不錯。只係之前頭盤實在太多，令我地倆人都食到有啲滯。。。。^^"甜品: 焦糖布丁+蘋果批甜品屬清甜可口之作，一輪衝刺後緩和腸胃，也不錯吧！相可以自己睇下面。。。

星期一 大雨 一個人的下午，無人相陪，大雨淋漓，有緣來到家附近的一餐廳，以解肚餓之感。坐下一會兒，踫巧有下午餐單，便叫左個雞扒飯餐，餐配紅湯，上菜時間快，紅湯先上，惜湯汁溢出碗外，非上等餐廳應有之態度，然而湯味度不差，濃度適中，不過不失。雞扒飯後上，扒上有加絲與紫菜，絲在高溫的雞扒下蠕動，有增食感，雞扒口感正常，汁味道不差惜些少過甜與量小。總括此餐，有7分。

其實到今日先寫可能太遲，但係就係試下係apps度寫一次。食呢次之前試過同屋企人食一次，所以今次其實都預早一個星期訂位，因為我都知星期日會比較多人，不過最後都係兩日前confirmed一次。一早訂左十二個人，六點鐘，所以餐廳方面就留左最入面最大張圓枱比我。由於呢日係星期日所以店主當日係鋪頭，我同朋友亦都早少少到去拎位同睇下餐牌。佢見我地坐齊人就問我地今日係慶祝咩日子，跟住就同佢講預祝我生日既，然後就問我比個預算佢，佢就order廚房整野食比我地，咁我地就唔使諗太多。其實整出黎既食物總額我覺得係完全值得既，就算比我比多兩成價錢一個我都覺得值得，因為食物既質素同員工既服務都做得好好另外仲有喇沙，多寶魚，炒飯仲有燒羊架冇影到 特別係羊架，羊架少少既羶味係佢應有既，而且老細亦問我地有幾多個唔食羊，我地都按番我地食既人數要左9份。最後老細仲送左梳乎里，雪糕，cheese cake同焦糖布丁做甜品，湯，頭盤，飲品一人一份而且飲品可添飲，我地最後食到好回味，亦都怕老細會繼續出，所以我地都唔會浪費食物，足夠食飽就ok，叫老細停，大家要注意啊！同晚亦都有好多枱客慶祝生日，餐廳亦會準備生日歌，如果你有特別

一家人開心吃一餐, 姑姐即將移民, 雖然大家也很不捨得, 離別總是令人不開心。我們是一家人, 陪伴著成長, 要分開了, 當然會不習慣, 好像是缺失了什麼的感覺, 但各自的生活也要繼續, 今晚要吃得盡興而歸。希望她們一家很快適應那邊的生活, 表弟繼續活潑可愛, 健健康康, 一家人開開心心, 有時間回港再團聚。今次選擇【阿牛】這間餐廳, 除了是地點就近姑姐住處, 這也是一間很有氣氛而且食物不俗的餐廳, 供應的是多國菜, 若果不想傷腦筋, 可以先預定budget, 例如想$150每人, 只要和老闆說好, 老闆便會幫你安排好菜式, 不知道將會吃什麼, 當食物拿上桌時, 隨時也會有驚喜。而且亦有很多免費贈送的食物, 好抵食, 餐湯﹑沙律﹑前菜﹑小食﹑串燒﹑主菜和甜品也包括在內, 這個budget我們12人可以吃到捧著肚子了。餐湯方面有忌廉湯﹑什菜湯﹑牛尾湯的選擇,他們一致選擇一人一盅牛尾湯, 味道很濃郁, 值得一讚, 而且份量還不少呢。煙三文魚伴餅乾和凱撒沙律(贈送),不會因為贈送而份量很少。蒜蓉多士伴咖哩汁(贈送) ,蘸咖哩汁令蒜蓉包增添了新意。串燒厚切牛舌, 一人一串, 雖然我沒有吃, 但她

好耐之前食過一次，好想再回味多次，就啱男友放假揸車入黎食^^餐廳出面有好多位可以俾你泊車～因為今晚天氣唔好落雨，所以我地無坐出面,坐室內。好,叫野食先～我地叫左個二人海鮮餐，店員服務態度好好，野食亦都好快送到～**沙律：d醬汁酸酸地，好開胃**喇沙海鮮：d汁好正，送飯一流，入面有蝦,青口,魚柳, 魷魚,扇貝**薯蓉焗田螺：d薯蓉好好味～**燒倉魚：燒到塊皮脆卜卜，好惹味**蒜蓉粉絲扇貝：味道唔錯，粉絲吸哂d蒜蓉味好正～**炒雜菜：有冬姑，西蘭花，蘿白，小棠菜，瓜**三文魚多士：呢個係老闆送架**兩杯士多啤利賓治，仲有檸茶咖啡呢d可以選擇**甜品有芝士蛋糕，焦糖燉蛋：好好味～逢有客人生日，老闆都會以一個特别形式送個蛋糕出黎^^餐廳内o既氣氛好好，無論一家大細定情侣都好開心

今次係朋友生日飯，山長水遠嚟到鴨脷洲食，但不感失望，集多國嘅美食，空空的肚來，滿滿的肚離開。環境似舊港式西餐廳，仲以為嚟据扒。地方很靜，二人世界或少人聚會很適合。牛尾湯 ﹣ 湯很濃，但太熱，熱到舌頭都燙傷了，要放置一旁放涼少少才可入口。煙三文魚多士 ﹣ 多士很鬆脆，三文魚配sour cream，味道配搭一定冇死，整體好味！薯蓉焗田螺 ﹣ 好味，但份量少，攪到好唔夠喉，釣晒癮囉。粉絲蒜蓉蒸扇貝 ﹣ 一般，蒜味夠，扇貝OK德國咸豬手 ﹣ 比不上king ludwig的豬手咁脆，但味剛剛好，不過咸，讚！嗽沙大蝦 ﹣ 好味，配法包或白飯好正！冇探究係咪現成醬汁。煎鱈魚 ﹣ 皮好香脆，唔覺唔覺食晒！燒牛肋肉 ﹣ 正！肉味濃，火路控制得唔錯，燒得剛剛好半熟，肉質都好得，齋食或配生律菜食都得！梳乎厘蛋糕 ﹣ 雖然送的，但唔係好識欣賞，仲有少少苦。

作為一間餐廳,除了食物質數之外,還要注意員工質數和地方清潔,就算食物幾咁好食,環境和員工都會影響客人的用餐意欲,我食過咁多餐廳,除了街邊大排檔之外,都唔會有隻大唐狗之類既動物係客人腳邊同枱底捐來捐去,我對狗雖然唔會抗拒,但係一間餐廳裡面係唔應該的，同埋點都會有唔喜歡狗或怕狗的客人,始終都係食野既地方,應該注重一下,食品已經唔係算好,仲要擺隻狗係餐廳裡面,員工個個都好似未瞓醒,洗手間仲衰....比起公厠...有過之而無不及,唯一另我感覺到好既,就係離開既時候個女侍應開門俾我同埋講左聲多謝......!!

一家人去慶祝生日，一坐低老細就問你預幾錢一位，然後就會幫你發板是晚菜式：牛尾湯或大蝦湯-牛尾湯料多味濃沙律及蒜蓉包-味道一般蒸扇貝-大大隻配蒜蓉及粉絲，又新鮮又美味燒倉魚-香脆惹味，正德國豬手-外皮鬆脆，肉唔太咸又唔嚡，配啤酒一流牛脷串燒-估佢唔到咁林，好味道甜品，即製蘋果批配雪糕，又係鬆脆好味，配埋彩色糖霜，靚梳乎里，拎出嚟嗰陣配埋特別歌曲，氣氛及影相一流，不過好睇唔好食紅酒，正正常常嘅餐酒，易入口唔會難飲值得一提餐廳老細粗聲粗氣，實則鬼咁nice埋單，一人唔使$200,開心又滿足

同女朋友去2人世界 一去到門口, 就見到傳說中風趣既老闆, 當日冇book位, 好好彩去到岩岩好仲有張台唔洗等. 雖然位置近門口, 但完全冇影響對呢間餐廳既感覺. 我地叫左個海鮮2人餐, 老闆見我地第一次去, 送兩柸賓治同梳乎厘比我地@@1) 沙律 送的, 正常水準, 好開胃~2) 非常唔錯, 我覺得d薯溶好正~3) 高水準, 燒得岩岩好, 外脆內滑! 4) 咖哩唔太辣, 送飯一流. 蟹就正常水準5) 呢個真係不得了, 喜出望外, 炸魚 炸魷魚鬚 青口 炸蝦 炸帶子 豆腐卜. 內容豐富! 最鐘意炸魚. 第一次食呢種汁, 勁香椰汁味~6) 小唐菜 水準正常, 本身念住叫菜心, 不過冇, 呢個時候, 老闆行過同個員工講, "冇菜心!? 唔好念喇, 抄雜菜喇", 但之後個員工冇理佢7) 荔枝同藍莓味, 荔枝味入口促到酒精味, 但都係好正8) 叫左焦糖布丁, 蘋果批跟雪糕, 高水準甜品~9) 梳乎厘 驚喜既心型梳乎厘, 老闆好細心~味道當然一流就食完果陣, 老闆話可以出去有海景既位坐低傾計, 不過當時太夜, 所以出左去