阿翁廚房 (已結業)

人工朋友出咗去筲箕灣拎食，見天悅廣場冇咩啱食，就去咗附近嘅阿翁廚房，佢位於天悅廣場附近嘅一條小街。可能是租金不貴的關係，價錢非常親民。所以，呢一日我哋都帶左唔少嘢食。我哋兩個人食，首先帶咗一個醉雞煲半隻＄168雞煲不在主餐牌入面，而是用另一張餐牌感覺都幾推介同新穎，所以就嗌咗。 雞煲嘅湯底非常之香濃，帶有陣陣的藥材味，同時食落沒有味精，喝多了不會感到口渴。這個雞煲絕不是平時吃過油淋淋的雞煲，而是非常清新。材料亦都非常豐富，有紅棗、杞子、蟲草等等 雞肉方面，口感都幾嫩滑，最緊要係唔好overlook，控制返時間。每一件雞件都大有酒香味，非常清新。兩個人食剛剛好，不多不少。上海小籠包＄58@8件上海菜來說，小籠包是很重要的一環。差唔多間間上海菜菜館都會看到小籠包這個菜式。呢度嘅小籠包非常多汁，粉皮非常滑溜，而肉塊唔算話好鹹，但係非常有口感，可以說是皮薄餡靚，整體來講好好食，不消幾分鐘，我們便清了成籠小籠包。點都要食返一樣飽肚的主菜，其他嘅菜式都比較普通，唯一比較特別嘅係鱔糊炒麵$68 呢個面嘅顏色比較深，睇落都知道係比較濃味嘅炒麵，生秋和老抽不在少，事實上亦都係咁。我好鍾意嗰啲鱔條，原因係

住喺呢區咁耐, 原來都會miss咗好多餐廳。呢間開喺天悅隔籬條巷, 燈光暗到睇唔到有餐廳, 近排見佢幾多人寫, 先去幫襯。店員溝通會講啲我聽唔明嘅方言, 唔知係上海話定鄉下話XD小籠包質素同大酒樓有得揮~醋唔係好假嘅紅色, 加咗薑絲好香~皮薄餡多~咬破薄皮湯汁一湧而出, 足足滿一羹。豬肉亦有淡淡薑味, 肉汁令豬肉嫩滑。讚~炒年糕有回鍋肉, 豆乾, 椰菜等配料。冇想象中咁濃味, 但仲係夠鑊氣嘅。見到隔籬枱鐵板上嘅小菜好似更吸引~估唔到咁大仲以為本來就係高價位嘅糖水淡淡桂花香~酒味散得太快。但好飽...小菜應該更高質~隔籬飯香~搵日試試

唔o係大街，要走上條樓梯，行去後巷至會揾到。不過去到見好多街坊客，就知道呢度唔簡單～送例湯，係老火湯，好有住家味五福臨門 $128有水晶肴肉、上海熏魚、五香牛展、香菜拌木耳、手拍青瓜水晶肴肉d湯凍好夠味，唔點醋都已經好好食。熏魚味有住家味五香牛展鹵得夠入味木耳有麻油同香芹味，夠爽口上湯小籠包 $38必食推薦！！！ 皮薄餡靚！ 裡面好多湯汁，夾o既時候記得小心d夾，唔好整爛d皮，漏d湯出黎！ 記得要一啖食晒！！！ 鮮甜湯汁o係口裡面爆發～～～ 隱世小店有正嘢！$38有 5隻，$58有 8 隻。川辣口水雞 $68唔太辣，多甜麻醬版本。 甜甜地，易如口，唔太食得辣o既朋友都可以食到。上海炒年糕 $48份量好足，年糕夠彈牙，怪得好多食客都有叫炒年糕。回頭率好高的小店～  有好食，有抵食，淨係為個小籠包返黎都已經值回票價！ 支持小店！

筲箕灣最出名嘅係東大街，但今日偏偏睇中咗間開喺冷巷嘅上海菜。四川擔擔麵$38包飲品。估唔到會係咁大碗。湯底麻醬味幾香，配埋唔係間間擔擔麵都會落嘅鹹榨菜，簡單一碗麵都相當滿足。雖然一碗麵兩個人分都唔會餓，但我哋都係嗌咗兩份點心~分別係$26鮮肉鍋貼(4隻)同$30紅油抄手(6隻)。鍋貼隻隻包得大小均勻、飽滿，皮唔會過厚過硬，底部仲係金黃色添一咬就爆晒啲肉汁出嚟紅油抄手粒雲吞味道唔錯，但汁就可以再辣啲~豆漿老闆娘話係每日即磨新鮮煲。微糖，但唔會淡如水。難得過嚟港島東區食嘢，好彩都冇失望而回~

街坊價、街坊服務、街坊味道！好親切呀，一定會再黎呢度！講緊既係邊度？就係阿翁廚房啦！舖頭位於筲箕灣既一條小巷，鄰近港鐵筲箕灣站，方便易達上海野又點可以唔食小籠包呢？我地一叫就叫左八只，抵啲嘛，哈哈上湯小籠包小籠包好肥大，漲卜卜夾起好贅手，好多湯汁係入面！餡料好足，味道剛好，皮薄，一咬開啲汁流晒出黎，正！鮮肉鍋貼另一樣上海代表作就係窩貼啦！一樣係皮薄餡靚！透出入面粉粉地色既豬肉。個皮煎到好脆，唔算好油。餡除豬肉外，仲有菜，味道唔錯！四色拌盤-五香牛展較薄身，入味，五香味唔會太重。-蔥油拌海蜇同平時食開既多左重蔥香味，亦有油香味，海蜇好爽口。-香菜拌木耳木耳爽口，唔算辣，有少少麻。-上海燻魚好特別，唔識形容個味道，食落甜甜地，咸咸地，個醬油好香，有食新年食物既感覺！幾好食！燻魚九黃炒鱔魚好夠鑊氣！熱辣辣，好香！黃鱔肉係一舊舊，唔會好似其他地方食既得一條條絲甘少，啖啖肉！炒得好均勻，夠味道！送飯一流！豆沙鍋餅即叫即做！好脆口！餅皮唔會好厚，夾住甜甜既豆沙蓉！正！如開始所說，幾中意呢間餐廳，抵食又有水準！好多食物都係餐廳自己調校同包，如生煎包、窩貼、小籠包等。支持！

我哋今日幾個舊朋友一齊聚會食飯，有個朋友就介紹咗呢一間叫阿翁菜館，佢話食物質素唔錯。    小雲吞有八隻$24每粒都選用鮮蝦，鮮肉配製，味道調教得恰到好處，雲吞皮夠爽滑，肉汁豐厚。     雞絲粉皮$48，雞肉鮮甜，肉質新鮮，雞絲刀工好幼細，粉皮夠爽滑，調味可口。         雞汁娃娃菜$58，用新鮮雞隻淆製出嘅上湯，浸出幼嫩嘅娃娃菜，將平凡嘅娃娃菜提升到另一層次。           石頭鍋蟹籽海鮮炒飯$52，用石頭鍋來炒飯，零舍香噴噴，廚師把每一粒飯都炒得乾爽甘香，蟹籽粒粒都脆卜卜，加上多種新鮮嘅海鮮配料炮製，更加鮮味無窮，令呢一個炒飯簡直係錦上添花。     甜品有香酥豆沙鍋餅$30 ，餅皮香酥鬆脆，多層次嘅酥皮，不油不膩，豆沙味香濃，配合得可口非常。           還有一個酒釀桂花丸子 $58，幽幽嘅酒香，加上清新嘅桂花味，當你食到每一粒都軟綿綿嘅丸子，會令到你有微醉的感覺。最後仲有一杯豆味濃郁嘅鮮豆漿，甜味適中，食過呢個晚飯後，令你心境都舒暢開懷。    

筲箕灣真的很多食店。住在這區的朋友帶我到這店吃晚飯，地點看似隠蔽，但其實行少少梯級左轉就別有洞天。朋友愛飲酸辣湯，我們二人就點了個小的，估不到小的也是一大鍋！結果每人飲了三大碗，勁抵！湯的酸與辣比例很好，料也很多！推介！每次食上海嘢都會點小籠包，這裡的小籠包可點五隻或八隻。小籠包皮薄，入面充滿肉汁，而且小籠包比平時食到的size 較大。愛吃香口嘢的我點了脆皮素鵝，炸了的腐皮勁脆，餡料以冬菇為主，很好味。紅油抄手不太辣，那些汁還有淡淡的甜味，我覺得比小籠包還要好味！！每餐都要食菜的朋友就點了娃娃菜炒什菌，很大碟，預了要打包。要吃點主食的我們點了的回鍋肉炒粗麵，麵質很彈，又有回鍋肉的肉和豆腐乾等，超大碟，很抵食，我們每人食了一大碗後還食剩很多，當然要打包！我愛吃酒釀桂花湯水，這兒的酒釀丸子要點一鍋，我們二人無可能食得唒，改點了一碗酒釀桂花湯丸，一碗六粒，芝麻餡料！為一餐劃了完美的句號。餐廳的面積其實不細，幾好坐，是一間用心製作的食店，食物的份量勁大，很抵食！

今晚附近找車房，順便泊車找地方吃晚飯，因為有朋友說曾經到此晚飯，是有一條小巷開到好幾間餐廳的。但直上斜路所有店都已經關了，心想放棄之際果然看到一條小巷而且裡面的餐廳都坐得半滿。經過看到這間上海菜館的價錢相宜，而且坐得比較舒適（女店員亦友善），所以便內進。店員先送我例湯：冬瓜紅豆豬骨湯大碗，湯中亦有冬瓜肉，中規中矩的例湯。然後點了三款食物：《虎皮尖椒 $48》尖椒很大夥，抵吃！一看便知帶蒜香，尖椒口感軟稔而且本身帶微辣，所以整體味道很香濃惹味，喜歡吃虎皮尖椒的朋友一定要試。《韮黃炒鱔糊 $88》韮黃和鱔糊份量多，鱔糊肥厚脆口，口感實在。醬汁香濃而不咸，用來拌煨麵一流！但，鱔多骨，美中不足。《雞絲煨麵 $44》煨麵本身就是比較稔身，但不會易斷。湯料夠多而且很大碗，湯中有菜、豆腐、冬菇片和雞肉（雖然不是雞絲），足夠2-3人分享！《士多啤梨梳打 $22》喝一杯有汽凍飲很消暑。

今天到筲箕灣打波，之後便與波友去介吃晚飯，地膽的他帶我到這條不是街坊便很難發現的小巷，說想要吃上海菜。餐廳不大但仍然有獨立房，菜式亦比預期中多。《咸肉豆腐湯 $58》湯料多，有實豆腐、菜、咸肉、津白和白菜，以瓦煲形式上菜所以熱度十足。《阿翁上湯小籠包 $38/5隻》上湯小籠包皮不薄但口感很煙韌彈牙，湯汁豐富，而且湯肉大粒及牛味香濃，其實都不錯。《四色拼盤 $98（上海燻魚、五香牛展、蔥油拌海蜇、香菜拌木耳）》蔥油拌海蜇 - 口感彈牙但味道淡口，如果有酸汁會比較好。上海燻魚 - 入味香濃，亦是拌麵一流！五香牛展 - 薄切，味道很足而且牛味香，軟稔好吃。香菜拌木耳- 帶微微的麻辣味，爽口惹味。《奶油雲腿津白 $58》賣相很重奶油，但入口沒有想像中的濃味膩感，反而味道剛好沒有過膩，因為雲腿以碎粒形式上，所以不會太咸。津白大束但夠稔，所以吃時都不會太「輪津」。飲品：《青蘋果梳打 $22》出了一身汗後喝一杯凍飲真是爽。

成日覺得筲箕灣呢巷仔好有食街feel，有好多林林種種既餐廳，比起同區既東大街更有特色，好多都似係家庭式經營，人情味較重，熟客仔多。今日黎呢間之前都食過，不過係午餐叫外賣，今日就同屋企人黎食晚餐。其實識行既筲箕灣港鐵站一出行五分鐘左右就到，唔識既就問人天悅廣場係邊，對住入口條巷仔就係架啦。一入到去，職員就親切招待，安排座位同上茶。係大廳有個姐姐係度整緊生煎飯，手法純熟，剩係我地係度食果一個鐘，佢已經整左幾底！心諗啲生煎飽應該幾好賣喎！小籠包$58八只，四只一籠，大大只，脹卜卜！一咬開，啲汁流晒出黎！！正！豬肉餡都幾多，肉淋，調味剛好，唔會太咸但又入味！個姐姐話佢地啲豬肉係用本地豬，自己校味，所以味道一流！食落又係喎！水晶肴肉之前見過，食就真係第一次。首先，個皮好爽口，透明果啲質感似啫哩，而肉就似金華火腿甘，但就無甘咸。成舊食唔油膩，凍凍地，好爽口。鍾意既仲可以點埋伴有既醋食。酸酸地，好夾好開胃。黑醋魚可以選擇糖醋或黑醋去炒，而我就選左黑醋。師傅炒得好有爐氣！熱辣辣！魚沾粉炸過，所以邊好脆。入面既魚肉實，唔會淋到爛晒！個汁酸酸甜甜甘，好惹味！送飯一流！啖啖肉！夠實淨！排骨粗炒麵條同汁、菜炒

利經天悅廣場，見到呢間正宗上海菜既阿翁廚房，無論午市或小菜，價格都好平呢化。一入來即放上倒湯，黃豆豬骨，冇味精之餘都好足料，感覺好住家飯，心內面即時加分唔少。叫左個五福臨門拼盤，手拍青瓜好入味，五香牛展好重牛味，水晶肴肉口感好Q彈，香菜木耳好爽脆，上海燻魚，用上鯇魚比較多骨，不過都好香口。白菜仔牛肉，牛肉切到好薄，火候掌握到岩好，所以好嫩滑又入味，而且牛肉份量好足。紅燒獅子頭，撈飯一流，兩大粒肉丸，先炸鎖住肉汁令到內裡好juicy又軟稔，就連小唐菜都吸收埋肉汁精華，好甜。兩碟肉菜比例好岩一家大細，感覺好健康，配上上海特有菜飯，正。最後個炸銀絲卷，外面好脆，但內裡好鬆軟，點上練奶，好合拍。而且呢度除港式野飲，有台式同特飲，叫左杯芒果紅茶，味道唔錯。

小弟一直都喜歡食上海菜，有緣經一位「港島人」介紹下去探訪「阿翁」！「阿翁」深居簡出，在筲箕灣道樂融軒前出斜上樓梯轉左的小路裏，我Google map完，都要搵左一陣！自己食親上海菜，都會點擔擔麵、小籠包、鍋貼，今次都唔例外。麵條硬度適中，配料豬肉碎，花生加埋濃湯一齊食，又唔係好辣，味道一流！每次小籠包一上台，都想襯熱食，又怕被包裏既熱湯整親咀。今次都唔例外，又辣親咀了！至於個包皮厚度適中，裏面d饀係豬肉，好鬼滑，最好味都係d湯，超級甜！鍋貼煎得好香口，少少燶，剛剛好，簡單菜色，一流水準！雞絲粉皮一直以來都係我最愛嘅菜式，雞絲同麻醬永遠都係一個絕配，粉皮質地剛剛好，衣一款前菜真係無得輸！最後整多碟乾煸四季豆。炒得火喉十足，十分新鮮，咬下質感爽脆，十分惹味，份量好多下，食唔停口。食物好多親手做，好考功夫，值得支持！

除咗更認真唔錯嘅小菜食嘢，唔知師傅嘅工架夠，店員嘅服務態度更加值得嘉許，睇完餐牌我哋就開始食嘢啦，有幾個餸我特別欣賞。虎皮尖椒 勁大條，開頭擺上台以為係假既😂，而且成條大之餘仲要反光，好似加左特效一樣咁靚味道不錯干煸四季豆 四季豆要炒得好食唔但至要有靚既料，最重要係個炒功，呢間符合哂我既要求同標準🙈，超好食👍🏻，而且份量好大。川辣口水雞 平時食開口水雞都係用四川既紅色辣油，呢間反而有創新既配搭，用芝麻醬更加開胃，而且味道濃郁，唔會有太油既感覺，自己食哂一碟雞都得。拍蒜油渣炒菠菜 好好食，好有家鄉風味，而且價錢合理，色香味俱全，而且炒得好有光澤。干貝雲腿賽螃蟹 特別推薦呢味餸，平時係一般食店都比較難食到，而且超難煮，又花功夫，就算出到去酒樓食，個份量通常都好少，所以黎到呢到一定要試食呢味，爽口彈牙，好好食，超級鮮甜同好味，絕不能錯過👍🏻👍🏻👍🏻香酥豬扒 同一般既食店唔同，超吸引我去食，而且個粉底唔會太厚，仲要好鬆軟，去到又係必食既菜式👍🏻👍🏻👍🏻

今日生日一齊去咗筲箕灣嘅呢一間餐廳慶祝，上網見到價錢相宜，夜晚時段就去到。餐廳都幾多人，好彩打去問仲有冇位。豆漿即磨即整 飲既時候仲有磨豆既味係到，完全感受到人手磨既味道至於食物，今次就叫左：素菜包（4隻）好好食，唔但至食材好新鮮，而且個包落足料，大件夾底食，新鮮蒸出黎食用岩岩好脆皮素鵝 唔但至脆而不油，而且用皮包住冬菇既餡料，好特別既做法，我都係第一次食呢個做法，唔至有咬口，而且冬菇既鮮味亦覆蓋住層皮，超好食咸肉豆腐湯 清甜既湯，完全食唔到有味猜煮，而且飲完都唔會覺得好口渴，新鮮滾熱辣，飲岩岩好好，配料落足，有肉同菜同豆腐，而且唔會太咸又唔會太油。回鍋牛肉 辣辣地，連埋白菜去抄，口感配搭一流，牛肉好爽口之餘又有本店既風味，如果送埋飯真係太完美虎皮尖椒 分量十足而且用又用油啱啱好，賣相又靚，最緊要係佢非常新鮮，哎落爽口。干煸四季豆 四季用既調味好啱我哋口味， 10分香口送飯簡直一流， 可以見到師傅嘅火候啱啱好。川辣口水雞 特別嘅口味而且有小小麻辣味但係又唔會太辣，搶咗口水雞既雞味，真係超正。

筲箕灣東大街是港島東區食街，無人不曉。但近在咫尺，有間隱世住家上海菜---阿翁廚房，卻不顯眼。阿翁廚房是家庭式經營的上海傳統小菜館，水準不錯，經濟抵食。阿翁廚房位於筲箕灣愛民街鴻利大廈地下、位置較為隱蔽。在筲箕灣道有石級小路直達，此石級小路是以前通往聖十字徑村的必經之路。阿翁廚房佈置簡單，杏色座位，地方整潔，環境舒適，有多款上海菜式選擇。坐下叫了雞絲粉皮 ($48)、上海燻魚 ($48)、 阿翁上湯小籠包 (午市特價 $22/4隻)和炸銀絲卷 ($16)。先來開胃涼菜雞絲粉皮 ($48)，粉皮晶瑩滑溜，麻醬清香，加上爽口的青瓜絲和雞肉絲，再來點芝麻點綴一下，開胃好味。上海燻魚是道非常傳統的上海菜式，魚塊炸透微焦，並切成小件，厚薄適中，魚肉略帶煙韌質感，配上惹味醬油，味道可口。至於招牌點心阿翁上湯小籠包，午市特價 $22/4隻，認真超值。小籠包一籠四隻，顆顆外形飽滿大隻，雖然包皮略厚，但不損湯汁豐富，肉餡味香，非常對版，就是抵食。 銀絲卷外皮炸得微焦，色澤金黃，外皮鬆脆，卷裡包身香軟，再配煉奶，味道不俗。阿翁廚房專營街坊生意，頗多熟客，每位客人皆奉送老火例湯，另熱飲跟餐免費，凍飲則加 $