隨心 (已搬遷) 新店位置

早幾日係電視睇完有關海光街既餐廳介紹，真係唔講唔知原來海光街咁多餐廳橫掂今日有事要過一過太古，順路就去埋海光街解決Lunch啦海光街真係中西日韓泰乜都有...最後揀左食星馬菜既隨心睇下menu都好多款食物選擇，不過今日想食飽少少所以無揀喇沙，揀左望落賣相唔錯既無骨海南雞飯份量都唔細，有大約9件雞肉雞皮唔算厚，容易入口，唔會有反感既感覺雞肉肉質幼嫩有彈性，並且保留雞肉既原汁原味，唔錯!食海南雞既另一重點就係佢既醬汁通常都係安排一碟黑醬油、薑蔥油同埋辣醬我自己比較鐘意食辣，所以會比較鐘意點辣醬食點辣醬食簡直係錦上添花!油飯都做得幾好，飯粒唔會煮到爛哂，保持少少乾身香味夠哂濃郁，落少少辣醬撈飯食又係另一番風味!

嚟到鰂魚涌海光街搵嘢食正當好煩惱諗緊食咩🧐唔知食咩好之際～就見到呢間個名都幾有趣嘅餐廳🤣於是我就好「隨心」咁入咗去坐低左🙇🏻‍♀️我好「隨心」咁揭下個Menu竟然見到有我至愛嘅黑蘿蔔糕所以最後我就嗌咗黑蘿蔔糕 、海鮮喇沙、新加坡肉骨茶（位）黑蘿蔔糕$48第一次食咁濕潤嘅黑蘿蔔糕可能係同佢加入左蛋汁有關🍳所以比起之前食嗰啲就冇咁乾身而味道方面都幾辣吓🌶絕對係惹味之選！海鮮喇沙$85🍲有兩隻蝦🦐幾片魚蛋🐟一隻帆立貝兩條蟹柳🦀仲有蛋半隻🥚用料豐富👍🏻而且喇沙湯底重奶味🥛幾啱我口味😛新加坡肉骨茶（位） $48🥣 入面有一舊排骨、蘿蔔、冬瓜仲有一碟油炸鬼可以選擇浸湯同豉油俾你點排骨其實大家想大份d可以選擇嗌窩咁就可以開心share🥳🥳

好耐冇食過新加坡菜，甘岩睇完飲食節目見到個黑蘿蔔糕好好食甘，於是專登黎試一試。除左叫左黑蘿蔔糕之外，仲叫左沙嗲黄金豆腐，無骨海南雞飯同青檸梳打。黑蘿蔔糕切成一粒粒連埋雞蛋一齊去煎，再加埋入味既黑醬油，果然冇令我失望。沙嗲黄金豆腐，第一次食炸豆腐配沙嗲醬，豆腐炸到外脆內軟，沙嗲醬甜甜地，有花生粒，配搭唔會突兀，可以試下。無骨海南雞飯既雞肉唔鞋口，可惜當晚油飯售罄，無得試，得返白飯，下次一定要黎試下。青檸梳打鍾意佢冇落糖，原汁原味，又健康。呢間都幾多街坊黎食，老闆親力親為，留得住客人既胃。

今日同朋友去完鰂魚涌行山，大家行到攰就想去醫下肚，見到附近都有幾多餐廳，東南亞菜心癮起，所以就走左入去呢間餐廳到試下啦。我地兩個女仔都唔食得太多，所以都無叫太多餸。我地叫左個海南雞飯，新加坡肉骨茶同埋小食拼盤。先講海南雞飯，海南雞無骨又好滑，雞味都幾濃，再點唔同既醬料，包括豉油, 薑蔥, 同埋辣椒醬，每種唔同醬料都能夠將雞味帶出，真係唔錯，不過唔知美中不足既係覺得飯既油香唔夠多，同埋唔夠黃，食落偏乾身，不過都尚算唔錯。另外，之前因為通常食開馬來西亞肉骨茶，所以就試下新加坡版。新加坡肉骨茶好重白胡椒味，食落去喉嚨會覺得有點哽，不過唔知食多幾啖就慣左，飲落去都幾刺激，肉咬落去會偏乾身，不過胡椒味都幾入味。最後，我地叫左個小食拼盤，呢味餸都幾抵食，有海蜇雞絲，黃金豆腐，話梅番石榴，仲有沙律，其中對海蛪雞絲同話梅番石柚印象最深刻，前者雞絲好滑亦帶有好重麻油香，而番石榴可以當飯後甜品解雞絲之油膩感，感覺十分match!

今次嚟到側魚涌呢一間出名食星馬菜嘅餐廳，佢地最出名就係肉骨茶，聽聞佢地個海南雞同喇沙都好出名嫁，不過今次兩個人食就食唔到咁多住，就叫住其中兩個試吓先啦！🤣🤣.新加坡🇸🇬肉骨茶 主要材料有白胡椒、蒜頭、冬瓜、白蘿蔔，當然唔少得佢地嘅豬骨啦！飲起上嚟微微嘅辣，好暖身呀，肉骨方法還好，但唔係每嚿肉骨都咁滑。.海鮮喇沙🦐材料好豐富有蝦、豆卜、魚片、蟹柳、帆立貝等等，湯底個椰汁味都十分香濃，而喇沙嘅麵底選用左賴粉配米粉，食落彈牙又滑口，不錯👍🏻

東南亞美食我最愛既係喇沙麵，其實有啲慕名而來，可惜太失望啦。用米線配搭米粉，怪怪的，個湯底無鮮味，小小嘅蝦味道都無，得椰香味道，而且好油，連即食喇沙麵既湯底都比依到既好食。其他海鮮配料都好差，魚片無味，元貝雖然好大粒，口感似係擦子膠，蟹樓最正常。最後兄食咗三份一。我曾經喺星加坡食過地道嘅喇沙面，呢度嘅係咪正宗我唔知道，但係肯定可以講絕對唔係一碗喇沙麵。午餐無肉骨茶選擇，只好散叫再加一個白飯，個肉骨茶香味好夠，飲到有藥材味，但係🐯話豬骨肉都係冇味道。中午時間的確有好多人，但係我哋啱啱嚟到嘅時候未到高峰期，餐廳入邊仲有好多空位，但係個侍應姐姐好不滿我哋兩個人坐四人枱，其實我哋唔介意搭枱，可唔可以禮貌少少同我地講。

今晚約左朋友來鰂魚涌食晚飯，搵左間新加坡菜的餐廳叫隨心，幾特別的一個名，所以我地都係隨心地揀左呢間。餐廳鋪面算大，坐得亦舒服，原來呢間新加坡餐廳都好多野揀，甘我地當然要揀好出名必食的海南雞飯，再揀左個話梅豬軟骨煲同埋馬來西亞肉骨茶。首先來的係肉骨茶，濃濃的藥材湯香，正係好正好補，里面有一塊排骨，一舊冬菇，味道都真係幾濃郁，好正。跟住係話梅豬軟骨煲，呢個煲塊塊都係豬軟骨肉真係勁入味呀，而且口感夠彈牙，味道偏甜小小有點話梅味，勁岩送飯。個海南雞飯就更加無得頂，雞係無骨的，而且勁滑d肉，配上醬料真無一流。個飯都係好有香味，仲配埋個湯一起食，絕對正宗呀。呢度坐得舒服，同朋友邊食邊傾計真係快樂不知時日過，而且菜式正，下次可以再來試下其他菜式。

中日泰韓就食得多了，星馬菜呢排食得少啦，今次就嚟轉下口味。亞參鳳梨咕嚕肉：用菠蘿承載，用嘅當然都係新鮮菠蘿，呢一點真係好欣賞，因為我真係唔中意食罐頭菠蘿……咕嚕肉肉質鬆軟，又唔會厚粉，味道酸甜香辣，餸飯一流！新加坡炒貴刁：一上台就聞到好香，鑊氣十足，炒得乾身。配料有蝦仁，芽菜，韭菜等。其實仲好想試埋喇沙同海南雞，但我地要留肚去食甜品，所以下次會再嚟試埋嘅。餐廳地點位於海光街，成條街好多嘢食，仲有牛肉粉，拉麵啊等等。會Mark低呢條美食街，下次再嚟過。

鰂魚涌呢一區我真係好少會黎，如果唔係因為要面試都應該唔會踏足面試完個肚都有少少餓，聽人講鰂魚涌海光街有好多餐廳，一於去搵食先果然海光街數數埋埋都幾十間唔同類型既餐廳最後就揀左「隨心」揀呢間餐廳既原因係我今日想食喇沙佢喇沙都有好幾款，最後就揀左海鮮喇沙喇沙都幾大碗，配料都算多~有大大隻帆立貝、兩隻大海蝦、魚片同蟹棒等等湯底好濃郁，飲落口唔係好水個種，係會有少少顆粒質感個種~可想而知佢落幾重料去煮個湯底椰香味好明顯，帶點香甜，但又不失喇沙應有既辣味麵條煮得軟硬適中，如果煮得太淋就會破壞左成碗喇沙一口麵一口湯，真係絕配到不得了唔經唔覺都飲左大半碗湯底~真係有少少唔夠喉~餐飲我揀左熱檸檬薏水~薏米好軟糯，好快就俾我食哂~

好友text我話請食飯，返緊工好眼瞓都即刻醒一醒，精神為之一振。原來佢啱啱有一筆橫財，所以就一齊高興下，不過佢話最好就下佢，去佢office附近食。咁有人請食飯就去邊度都無所謂啦。問佢公司附近有咩好介紹，佢話有間餐廳佢平時會去食午飯，食東南亞菜式。入去見到店舖的3D壁畫，以新加坡地標作主題，有心思，環境舒適。點了海南雞飯，好友點了海鮮喇沙，加上一份沙爹串燒。海南雞已經去骨，肉嫩皮滑。重點係有3種醬料，黑豉油丶辣椒醬及薑蓉，黑豉油撈飯一流。海鮮喇沙望落賣相對辦，好友都話係佢其中一個必食之選，有機會下次我會試試~~

 隨心海南雞飯（無骨）配油飯$85 雞脾位去骨配油飯,木耳絲仲有一杯熱雞湯,蔥薑,黑醬油雞皮薄身,肉質細嫩,配上黑醬油味道好夾! 熱雞湯！味道好鮮甜!好暖胃~馬來西亞肉骨茶（藥材味）（1窩）$98材料冬菇、玉竹、黨參、當歸紅棗、甘草、胡椒粒肉骨茶有黑色,白色2種個人就比較喜歡黑湯,馬來西亞藥材風味湯色深,藥材味濃,好滋補！最近胃口唔好，喝了２大碗，飲到出汗!色香味俱全,大條既肉骨,啖啖肉！加埋脆口既油條配搭～補中益氣、活血祛濕!鰂魚涌海光街12號地舖G/F, 12 Hoi Kwong Street, Quarry Bay

本身係九龍灣，想唔到食咩， #可愛老婆 提議去鰂魚涌，於是想起依間「隨心」。海鮮喇沙👍🏻 香濃不膩：椰汁很香、湯底不膩、配料爽口🤤 特色麵底：首試瀨粉＋米粉，不過就有麵LOL馬來西亞肉骨茶👍🏻 用料都多：有紅棗、冬姑、肉骨🤤 湯香肉淋：肉配上醬汁會更好食💵 性價比高：一鍋等於4碗，卻是2碗的價錢💡新加坡口味係冇藥材味既，下次要試下服務員很好、環境亦舒適，喜歡馬來西亞茶菜的朋友要來一試。

今日係鰂魚涌覓食 🤤🤤其實我好鍾意食馬來西亞菜 食物好香口 亞洲風味來講都真係唔錯 🥰🥰同朋友食晚飯 一人叫咗一碗麵同一個飯 🍜🍚 。- 海鮮喇沙 🦞🦐🦑- 燒海南雞飯 🐣🐥🐣🐥 。海鮮喇沙好足料 有蝦 魚片 豆卜蟹棒 重點係個湯底 椰香味好重🤤燒海南雞飯 燒雞大大塊 燒得來又唔會太過龍 再配埋醬汁 同油飯 成個配搭好好 👍👍 餐廳近太古坊 如果平日喺嗰邊返工 都可以去試吓 🤩🤩店入面嘅服務態度都好好 而且座位好闊落

Since i need to work overtime tonight, I decided to have dinner at office downstairs. With your mind was located at Hoi Kwong St, few minutes walk from Quarry Bay MTR.They served a wide range of Singapore and Malaysia cuisine, such as laksa, chicken rice, bak kut teh and drinks etc. Iced lemon barley drink - It was cooling and refreshing, and barley was chewy and smooth. It has slight lemon taste too.The chef was generous with the portion, consisting of fish cake, crab meat, tofu, egg, scallop a

今日一行三人黎到鰂魚涌，剛好12:15左右，可以食左早飯，就好隨意揀左「隨心」去試下。可能早少少關係，不用點排隊就入左去食。午餐餐牌都好多選擇，有成18款可揀真係花多眼亂。N. 古方馬來燒雞飯($70) 連冰茶。雞肉即燒，外皮超脆又香，雞肉夠嫩滑，而飯仲係同海南雞飯一樣係油飯美味。坐左一陣，未夠1點已成間店坐滿晒人，深受附近上班一組歡迎👏🏻如果平日外賣自取，仲有85折優惠，抵當下午1:15食完飯，店外已有長長人龍好誇張！