養心殿台式養生鍋 (已結業)

自開店已黎，呢度已經變左屋企人的飯堂。最喜歡的湯底：麻辣同埋酸菜白肉湯底。多數都會叫晒2個湯 ，可以免費refill 湯料一次。 鴨血不能少！牛肚都係一個must! 在台灣我都必點,加左係麻辣湯底更加正宗。罪惡感超重嘅係炸油條，但真係好好食。另外都好鍾意新竹米粉， 好大碗呀！牛肉羊肉都唔小得，冰豆腐也是！手打丸子都幾特色！牛頸脊，都幾靚。飲品我每次都會叫烏梅汁，同打邊爐好夾。每一位$20 茶水，7:30前埋單會半價，如果夾到時間都幾抵！至於服務是還可以的，由開店到宜家是有進步。不過如果同小朋友去要多加留意，餐廳大部分椅都係冇椅背的，要多加小心。有一日同小朋友去，想問下有沒有其他椅子，有個無著制服的服務員只回應「係呀 係咁架....裡面有啲有，不過宜家唔滿，裡面唔開架」然後黑臉走人。嗯，幫襯咁多次，真係無言以對，所以有小朋友就未必會去了。此外，其他穿制服的服務員都是態度親切的。

養心殿氣勢如虹，終於進駐馬鞍山了！期待已久的我當然要來打邊爐啦～最喜歡佢中式藥膳的湯底，選了鴛鴦窩（麻辣鍋加美人鍋）都只係 $188，好抵呢！鴨血 $48鴨血和麻辣鍋可說是最佳搭檔，食得出係真鴨血，十萬個放心。極上雪花肥牛 $238牛肉非常新鮮，絕非平價貨，又夠大碟，值得一讚！海中蝦 $188估唔到咁大隻，上桌時仲識郁的，簡直係看得見的新鮮！小食也不錯，點了鹽酥蚵仔 $78，好香口。餃子併盤 $118連餃子都係用心之作，足料又精緻！即炸脆響鈴 $68今餐非常滿足，下次一定會再黎！

用呢個價錢去大紅x食會開心好多訂7:30 ， 7:20到 .... 唔知攪咩⋯⋯要7:45先入到座？ 聲清執枱 ！入到去，坐得唔舒服，坐既位置迫到同大排檔差不多！老實說，無咩特色野食.... 但真心牛肉不錯，其他好一般，叫個美人鍋，入面烏雞超多碎骨，一咬啖肉係好老，桃膠係cheap 野， 加幾粒紅棗，收你$168 未加一？叫個鵝肝墨丸... 入面係咩都無？4粒，收你$48 個紫麵一般，叫做個仔可以填飽個肚，其他都係普通野！叫加湯，講左3次無人理有茶杯，但水都無一啖，問完後有壺茶，但講左2次先會加水調味料.... 連蒜都無！ 埋單.... 呢堆野總數$740總結：差到一個點！無服務，無環境，無舒適.... 但我用呢個價去食左一餐唔知食左咩既火鍋🍲

雖然天氣這麼熱，但仍不減去我對火鍋的熱誠，今晚就到附近新開不久的養生殿台式養生鍋。店舖座位頗寬敞，佈置也很古色古香，但畧嫌燈光暗了一點。今晩我們只有二位女士，我們揀選了酸菜白肉鍋拼美人鍋底($188),首先當然要品嚐美人鍋的湯，材料非常豐富，有烏鷄、杞子、南棗、金華火腿等，絶對是滋陰養顔。跟著也再嘗一下酸菜白肉鍋的湯，酸酸甜甜，非常醒胃，各有特色。酸菜白肉鍋是配有QQ寬粉條。酸菜白肉鍋還可免費追加酸菜白肉壹份。輪到食主菜的時候，叫了一客手切小牛肉(小)($235，肉質唔錯又夠新鮮。火煱必選既響鈴($68)，是即叫即炸的，脆卜卜又大條。黑松露蝦丸(半份)($48)，黑松露味很濃，若你是黑松露控，就不要錯過。

今晚去了馬鞍山新商場八卦下，順便去開餐，之前係其他分店食過好好味，當然要來支持下啦！裝修同其他分店好相似，富有傳統色彩，唯一不同係坐位更多，地方更大。養生鍋：今次試新味，湯底用人參、火腿、老雞、豬肉肴制，先飲一碗滋補一下，好甜，人參味好重，有回甘的味道。麻辣鍋：麻辣配鴨血，好有台灣風味，鴨血有種甜味加上辣辣地特別惹味；另外凍豆腐如吸湯寶寶，慳辣。"厚脂黑毛豬梅花肉" 肉質真係好滑，豬味又濃。"櫻桃鮮滑鴨片" 鴨片肉質鮮嫩，好少火鍋店有鴨，口感好滑，令人感意外。"蟹籽墨魚滑" 口感彈牙，味道鮮甜味美。"稻庭烏龍麵" 火鍋必食，同樣好滑，吸埋湯底味道，特別滋味。"雜錦蔬菜盤" 蔬菜新鮮，仲有不同菇類，仲有甜甜粟米。"酸梅湯" 酸味尚可，夠凍夠爽。

辛勞一天，約埋同事去了一間在馬鞍山新商場內新䦕的台式火鍋店。店內裝修簡約，座位都算舒適。店員態度也不錯。安頓坐下我們點了：⁃小食 鹽酥蚵仔 $78 蟓味很重再加上外脆，美味可口。⁃養生鍋 用了名貴藥材再加人參，老雞、豬肉肴制而成。 $188-手切牛肉$338 大碟，如果太多可點細份$238。 肉質一流又有牛肉鮮味。-九類 有墨魚丸40/4 粒（半份）、蝦丸 $404 同韮菜餃子 $42/ 半份、魚皮餃子半份$36。-雜錦蔬菜1 籃 有粟米，沙律菜、冬菇、金菇 、生菜 ... 等等。 $68⁃各類啤酒、汽水多款選擇店舖還大送免費咸檸7，只要在19:30 后在臉書上打咭就免費享用啊！

依間火鍋店越開越多分店，終於都到馬鞍山啦！襯這個機會帶爸媽去試下台式養生鍋的風味，他們好欣賞店內的裝修設計。麻辣鍋：媽媽愛麻辣，同我一樣，專登為佢點這款湯底，內裡包括鴨血及凍豆腐，鴨血口感很好，不會一咬就散，凍豆腐吸了湯汁好惹味。養生鍋：名貴藥材、人參、火腿、老雞、豬肉肴制，藥材及參味好香濃。手切肥牛：新鮮肉味濃。櫻桃鮮滑鴨片：肉質鮮嫩，入口好滑。炸午餐肉：估唔到炸了再用來滾一滾，配麻辣又幾惹味。寬粉條：口感爽滑，有點像貴刁。萵筍：同麻辣味好襯夠入味咸檸七：凍飲必備，酸甜開口，有汽夠爽。

終於等到啦!!馬鞍山開台式火鍋店😍馬鞍山其實不斷開好多火鍋店係任食，但一分錢一分貨，係就係飽肚左質素唔多好。正宗台式火鍋一定一定一定要有鴨血同豆腐先係架嘛!!😍😍新商場開左二個星期倒就黎左食😂大約七點半去到完全唔洗等位就入得😂店入面播台灣歌手既歌，一路食一路聽歌十分捨意🤣同台灣食既時候一樣，都有不同配料比你選擇。但個人形為個湯底夠正都唔需要落太多配料了😂黎到養心殿緊係要試下佢個寧神養心鍋，湯底十分甘香👍好香藥材味👍麻辣湯麻香而不油膩👍湯底十分足料😋仲有鴨血同豆腐!可惜的是只可加一次😫極上雪花肥牛 $188, 的確係鮮嫩。但略貴。黑柏葉 $78, 份量夠多。但唔知係咪我唔識滾，好韌😂黑雲耳 $58，夠爽脆👍麻辣牛肉餃 (半份)$42，重麻辣香唔算辣芝士牛肉丸(半份)$48，爆芝士的!👍黑松露蝦丸 (半份)$48,好香黑松露味,仲有蝦仁十分有咬口👍小食叫左個甜不辣 $48,同係台灣街頭小食既甜不辣有出入😓另外，like Facebook 仲送雪糕tim!!味道十分之多可選擇，不過只得一球😗總括而言，可能我七點半去係無折扣，價錢的確略貴。但食物同環境都係舒適，客人唔算多，坐耐啲啲都唔緊要。下

難得在美食沙漠馬鞍山開了新商場We Go Mall，從我家行過來也只是十分鐘路程，場內有好幾間食肆進駐，前幾晚放工後就來到養心殿台式養生鍋打邊爐。裝修陳設古色古香，枱面又夠大，可以放到大量食物，不過燈光就稍為暗了點。食物價位略高，除了火鍋配料外，也有少量小食供應。茶芥及醬料每位收 $20。醬料自助櫃亦可方便人客自行混醬，混出最適合自己的口味。美人鍋 $188以桃膠、原隻烏雞、南棗、杞子等熬製而成，將養顏聖品集成一鍋，猶如老火湯般味濃滋補。湯底真材實料，真的有原隻烏雞，烏雞肉質緊密而油脂較少，具有益氣血，退虛熱的功效。桃膠滋陰養顏，富含豐富的植物蛋白，感覺就像吃了一整碗的膠原蛋白。甜不辣 $48用魚漿做成的甜不辣炸得金黃，不過質地偏向粉糯，不算Q彈。鹽酥雞 $58想不到一碟份量頗足，於香脆的外皮撒上香料，特別惹味。雞皮和粉漿不會過厚，一咬開肉質乾爽酥香，炸得乾身不油膩。自家製極品水餃 $42半份墨魚丸 $40半份個人尤其喜歡這裡的水餃，肉餡豐滿緊實有彈性，夾雜爽脆的荀絲，令口感更豐富。水餃外皮厚薄剛好，不會太厚，薄皮口感嫩滑，不會吃到滿口都是一團粉。墨魚丸入口彈牙嫩滑，可惜欠了點墨魚丸應

約左女朋友屋企人食飯，去左馬鞍山一個新商場到食我地都好中意既養心殿。呢個商埸人流少D，唔駛等位又冇咁迫，而且每個位都有中式屏風間隔住，岩哂傾計幾舒服。我地要左鴛鴦鍋，養生鍋拼美人鍋。用銅盤製造既鍋好大個，左面既養生鍋用左大量人參，仲有金華火腿同老雞熬製，飲完成身暖哂，覺得立即中氣十足，好補! 而且入面仲有冰豆腐，份量都好多，可以叫少樣料，哈哈!而右手邊係女朋友一定要叫既美人鍋，原隻烏雞煲既湯，入面仲有紅棗、南棗、杞子、金華火腿，仲有充滿骨膠原既桃膠，夠哂養顏。而且個湯好甜，唔重藥材味，甜甜地，大部分人應該都會鐘意飲。每人飲左幾碗湯之後就開始打邊爐。食物方面，無肉不歡既我先叫左2碟牛肉，一碟極上雪花肥牛&一碟霜降肉眼肥牛。2款肉味都好濃。另外仲要左一碟手打丸拼盤，有6款唔同味道既丸，包括鵝肝墨魚丸、黑松露蝦丸、芝士牛肉丸、墨魚丸、蝦丸同梅菜豬肉丸，全部都好彈牙，好好食。另外我地每人要左一隻蟶子皇，鮮甜爽口。之後仲要左碟水餃，入面有豬肉、木耳同蝦仁，好足料，而且調味岩岩好。然後到蔬菜部分，先有即叫即脆卜卜炸響鈴。雜菇拼盤，有冬菇、金菇、秀珍菇、雞脾菇同本菇。鮮甜又爽口既水耕菜。最後仲有女朋

話說馬鞍山最近新開左個商場，聲稱係馬鞍山新蒲點X美食天堂，今晚就約左中學同學去一探究竟。地點唔算方便，係兩個地鐵站中間，步行應該要10分鐘，不過宜家有中國"新四大發明"之一-共享單車，出站求其嘟一架，5分鐘都唔洗就到啦！由於好肚餓，無好好咁行下個商場，不過有見到傳說中可以容納10個人既室內溜冰場，確實係頗細，哈哈....上到二樓好快就搵到呢間火鍋點，店面古色古香，好有心思喔！入到去原來更加古色古香，老闆花左唔少錢裝修呀，估唔到7點就已經坐滿左8成座位，好彩唔洗等就入座啦。湯底揀左鴛鴦底：麻辣鍋（小辣）X 酸菜白肉鍋。麻辣鍋好足料：仲加左龍眼粒同藥材，絕對唔怕上火，小辣唔係好辣，相信大部分人都接受到。酸菜白肉鍋：入面已經好多白肉，入口爽脆酸甜，已經係一道高質材料。最最最估唔到係入面仲有粉絲@@ 滑溜溜，好正呀！極上雪花肥牛，一個字：高質！脂肪比例用來打bino岩岩好，唔洗10秒，入口即溶！響鈴係打bino必備，因為佢係品嚐湯底既不二之選！呢度既響鈴質地比較厚，用來呢種高質湯底簡直一流！最後食完，已經差唔多10點，商場人流唔多，但餐廳人氣火熱，確實為馬鞍山去除美食沙漠之名貢獻良多！

台式火鍋已經不是第一次食。今次再度揀了他們新開張位於馬鞍山新開的商場裏享用晚餐。其實之前也吃過他們在旺角開的舖。馬鞍山店地方也不難找，在商場遠遠巳被掛在門口的紅紅燈籠吸引著了。入內地方也很寛敞、不覺壓迫。店員也很殷勤招待。也為我們介紹湯底，我們選擇了美人鍋湯底，用了多種滋陰養顔既材料肴制而成... 有一整隻烏雞、桃膠、金華火腿、𣏌子、淮山等等。 $188也可點鴛鴦鍋底，多款湯底任君選擇。火鍋一定少不了主角 、 牛肉， 我們order 了手切牛肉 $338（大）、也有$238（細）選擇。牛肉鮮味濃郁、入口嫩滑。必叫。當然也有其他食物..如手打丸類及餃子。可叫半份 $48 或全份$78。喜歡吃蠔的朋友也可點一份$138 /6隻日本牡礪。鮮甜冇比。除左牛肉、他們提供的雞肉也不要放過，入口雞肉嫩滑皆因是用新鮮嘉美農場雞 $108。其他配菜點選了台灣炸豆皮$38 及雜錦蔬菜 $68醬料當然也是不可缺少的一部份！當然啤酒、汔水也有提供及多款選擇。

今日放工時間落大雨，約埋朋友係佢屋企附近食餐飯，剛好附近新開的商場有間台式火鍋，門面好中式古舊既感覺，好似唔錯就決定一試。兩個人點了一個鴛鴦鍋，酸菜白肉有多片腩肉，食落爽口清脆，有大量酸菜，唔夠仲可以追加一碟，仲有透明的寬條面，吸收湯汁一流呀！麻辣鍋內有鴨血，蜂巢豆腐，仲有大量辣椒、紅棗等同樣材料十足，後來仲要加多個寬條面吸收麻辣湯汁食，正呀！丸拼盤12粒，質感好新鮮彈牙，個人最喜歡松露丸、松露味夠香夠濃。黑柏葉，份量算多，但質感更硬，個人喜歡軟腍少少。竹笙生菜金菇都好新鮮Facebook checkin 仲有飲品咸檸七送👍🏻

在偏遠地區馬鞍山開呢類食店，本應好驚喜。可能係星期五，所以人唔多，入到去都幾舒服。叫了個寧神湯底，係好重藥材味，好正 😋，但由於好辣，所以特別想飲水。眼見等左1一30min都冇俾茶，心諗應該冇茶，要叫飲品，出得來食飯其實都預左既。突然，見到有like Facebook 換飲品的優惠，都幾興奮ka !不過惡夢就由此起。店內network 訊號好弱，都上唔到網，但佢個優惠原來要 Share, like 佢facebook ，再加埋打咭。講真係有d 難度，同檯有5部手機，得3部完成。加上每次叫侍應check ， 好似行乞咁，態度極其不涉，唉！節省個幾十圓，咭同就要受返咁多氣咩！其實，佢d 食物係ok ! 但若要d 客花心神去同d 店員溝通，真係龍肉都冇味

屋企附近開左個新商場，入面竟然有我最愛既火鍋店養心殿，我當然要同屋企人黎啦! 同樣係用上傳統中國風裝修，但呢個商埸人流比較少，所以無其他養心殿分店咁要等位，環境亦都更大更舒服。每次打邊爐都係會叫鴛鴦鍋，可以一次過試2款湯底，呢度就會以價錢較高既鍋收費。今次我地要左養生鍋拼美人鍋。養生鍋用上大量人參，加上金華火腿同老雞熬製，十分滋補。而美人鍋入面有烏雞、桃膠、杞子、南棗同金華火腿，D桃膠食極都仲有咁，啖啖都充滿膠原蛋白，滋陰養顏。店員之後都會加番相應既湯而唔係加清水，所以喺開始打邊爐之前飲多2豌湯都唔怕! 食物方面，打邊爐必食既一定係牛肉! 我地要左一碟極上雪花肥牛同一碟霜降肉眼肥牛。一款比較少脂肪，食落無咁油，比較重牛肉味。另一碟油分較重，食落就滑D，兩款都好食!除左牛之外，丸類亦一定要有。話名係養生邊爐，呢度當然唔會有現成既加工丸。呢度全部都係手打丸。今次我地要左一碟手打丸拼盤，一碟12粒有6款唔同既味道，自己最愛係鵝肝墨魚丸。墨魚丸本身已經彈牙，而且入面仲有鵝肝，簡直畫龍點睛!海鮮亦係唔少得，我地每人要左一隻蟶子皇，真係好新鮮，淥1分鐘到可以食，好鮮甜。仲有我最愛既響鈴，即叫即炸既