影片
開飯介紹
品牌創立多年，以日本新鮮食材製作刺身、壽司等料理，另外亦有熱食、佐酒小菜可供選擇。此分店走日式簡約路線，並結合水泥牆設計，感覺年輕時尚。
繼續閱讀
營業時間
今日營業
12:00 - 15:30
17:30 - 22:30
星期一至日
12:00 - 15:30
17:30 - 22:30
公眾假期
12:00 - 15:30
17:30 - 22:30
公眾假期前夕
12:00 - 15:30
17:30 - 22:30
以上資料只供參考, 請與餐廳確認詳情
有關獎賞計劃
相關文章
今次同朋友去到荃灣諗緊食乜 行行下見到有間日本野好似唔錯 見入面都多人食 就去試下♡秋刀魚刺身 $138秋刀魚刺身係店員大力推薦既期間限定 咁店員推介得應該都係招牌黎 上到檯擺盤做得好靚 起左肉既秋刀魚就好似條龍咁捲起 刺身食落唔會腥都幾鮮味 如果真係怕腥 佢配搭左個薑蔥醬油都幾夾♡炸秋刀魚骨頭先食完既刺身店家會收番個骨架去做一個炸魚骨既小食 好酥脆好好食 真係成條魚都食晒 一d都唔浪費♡深海池魚王刺身（半份） $128師傅都切到幾薄 油脂感非常厚入口又夠爽 佢會跟一個佢地自製既酸汁 我覺得點完之後油脂個個膩既感覺會降低左同時又令件魚個層次感多左♡特上十貫目 $318有十款唔同既壽司 師傅握壽司飯既緊實程度掌握得好好 有中拖、大拖、赤身、海膽、三文魚籽、帶子、甜蝦等 每件都好好食♡魷魚壽司 $44魷魚壽司係我最鐘意食既野 呢到個魷魚處理到好爽脆♡辣酒煮蜆 $65呢個煮蜆真心癲 如果唔係我食飽一定再叫多份 佢個湯酒香味好充足 而且帶有d辣味 我飲左成兩碗 d蜆肥美到咬落去個蜆既鮮味直頭想爆出黎咁 呢個黎呢到真係必點♡鹽燒三文魚鮫 $48個面燒到焦焦地食落個皮勁脆口 魚肉緊實得黎帶到個油香 小小鹽燒吊番起個魚味
繼續閱讀
高質親民日本菜鮨一的午市饗宴 🍣在繁忙的都市生活中，能找到一個既美味又實惠的午餐地點，實在是難能可貴。最近我嚟到位於荃灣的日本菜鮨一，呢度午市套餐只需五十幾蚊起，令我對這次的美食之旅充滿期待。🧀 **酒盜芝士** 酒盜芝士係一道特別菜品，酒釀的香氣與芝士的濃郁相互交融，讓人感受到一種獨特的風味。配上餅乾讓人感到清新！🌊 **千層海膽飯** 首先上桌的是千層海膽飯，這道菜的外觀令人驚艷，金箔的點綴讓整碗飯顯得格外奢華。海膽的鮮甜與米飯的香氣完美融合，每一口都能感受到海洋的味道。米飯的口感軟糯，搭配上新鮮的海膽，讓人忍不住一口接一口，真是令人陶醉的美味。🐟 **秋刀魚刺身** 秋刀魚刺身色澤鮮艷，刀工精緻。魚肉的質感滑嫩，入口即化，伴隨著淡淡的海味，讓人感受到秋刀魚的鮮美。搭配上特製的醬油，味道更加升華，讓我不禁想要再來一份。🍊 **蜜柑鯛魚薄切** 蜜柑鯛魚薄切則是一道清新的選擇，魚肉的鮮甜與蜜柑的香氣相得益彰，讓整道菜充滿了層次感。薄切的魚片在口中輕輕滑過，讓人感受到一種清爽的愉悅，特別適合在炎熱的午餐時光享用。🔥 **鹽燒活白鱔串** 鹽燒活白鱔串係呢次次用餐的另一個亮點。魚肉厚實，經過炭火燒烤後，外皮微焦，內裡卻保持著彈性。咬下去的瞬間，鮮美的汁液瞬間在口中爆發，讓人感受到極致的滿足感。🍚 **壽喜燒牛肉丼** 壽喜燒牛肉丼醬汁的甜味與牛肉的鮮香相互交融，讓人一口接一口。米飯吸收了醬汁的精華，讓整碗飯都充滿了濃郁的味道。🍶 **清酒煮蜆** 清酒煮蜆的味道清新，蜆肉鮮嫩，搭配清酒的香氣，讓人感受到海鮮的原汁原味。這道菜不僅美味，還讓人感受到一種輕盈的感覺， 濃濃的胡椒香味係口中散發。🥩 **鹽燒牛舌串** 鹽燒牛舌串的口感極佳，牛舌的厚度剛好，經過燒烤後的香氣撲鼻而來，咬下去的瞬間，肉質的彈性與鮮美讓人驚喜，絕對是肉食愛好者的最愛💓🐟 **燒鱈魚乾** 燒鱈魚乾的味道濃郁，魚肉的香氣在口中散開，搭配著微微的鹹味，讓人忍不住想要再來一片。這道小食非常適合搭配清酒，讓人感受到一種愉悅的享受。🍢 **燒豆腐串** 燒豆腐串的外皮微焦，內裡卻保持著豆腐的嫩滑，搭配上特製的醬汁，讓整道菜的味道更加豐富。這道菜不僅健康，還讓人感受到一種簡單卻又美味的享受。🧀 **燒芝士年糕** 最後，燒芝士年糕的香氣撲鼻而來，外脆內軟的口感讓人驚喜，芝士的濃郁與年糕的Q彈相得益彰，讓這道半甜品成為了整頓餐的完美結尾。總結來說，日本菜鮨一的午市套餐不僅價格實惠，菜品質量同味道更是讓人驚艷。每一道菜都展現店家的用心與技藝，無論是海鮮還是肉類，都能讓人感受到新鮮與美味。下次再嚟，我一定會帶多啲朋友，一齊分享💓
繼續閱讀
無意中發現呢度有千層海膽飯，Happy Friday就係要happy下，安排坐bar枱，全程都唔係食得好自在，太多店員響身邊徘徊，價錢嚟講正常價位，食物質素就一般般，試一次就夠。🥢西非蠔 $49x2⭐️⭐️⭐️⭐️肥美飽滿有海水味，鹹中帶甜，好creamy好好味。🥢活赤貝刺身 $52x2⭐️⭐️⭐️⭐️好鮮好爽脆嫩滑，一啲腥味都無，一人一隻都好似唔太夠喉。🥢鹽燒鯖魚 $48⭐️⭐️⭐️⭐️鯖魚燒得好香好惹味，皮脆肉嫩多汁，送酒一流。🥢鹽燒牛舌串 $45⭐️⭐️⭐️⭐️厚燒牛舌爽口彈牙，味道調得剛好，令牛舌味更香濃。🥢燒雞肝 $28⭐️⭐️⭐️⭐️味道甜甜地唔錯，雞肝唔會燒乾，保留到粉嘅口感。🥢燒玉子 $28⭐️⭐️蛋香但唔夠嫩滑，口感一般賣相一般。🥢鮨一千層海膽飯 $298⭐️⭐️最期待嘅海膽飯，但係海膽堆放得hea，味道我覺得怪怪地，同我平時買 B grade嘅海膽味道唔一樣。🍺Sapporo $32二人共消費：$749
繼續閱讀
店內佈置很有日式居酒屋🏮的感覺，有吧枱亦有普通枱。食物有驚喜，店員亦很親切友善。🔶✨豐盛丼✨絕對係因為呢個吸引到我來，午市半價就食到，超級豐富足料，放滿海膽、三文魚籽、吞拿魚蓉、赤蝦，每款材料都好新鮮，特別鍾意海膽鮮甜入口即溶，每一啖都好滿足。🔶✨原條池魚刺身✨池魚肉質鮮嫩肥美，食落有魚油甘香，配酸醋汁食好夾，亦可以加薑蔥點醬油食。🔶✨甲羅燒✨香濃的蟹膏+ 蛋黃撈勻，配埋烘到脆脆的多士一起食，食起嚟好甘香。🔶✨三文魚籽薯蓉沙律✨球型的薯蓉口感有層次，香滑軟綿，沙律菜新鮮，加上三文魚籽提升鮮味，非常開胃。🔶✨鹽燒活白鱔串✨🔶✨鹽燒牛舌串✨串燒有驚喜，火喉燒得啱啱好，白鱔厚肉，外皮香脆，食落彈牙又鮮味；牛舌串爽口又Juicy 。🔶✨魷魚壽司✨魷魚新鮮晶瑩剔透，清爽鮮味。
繼續閱讀
依家天氣開始轉涼🍂，除咗打邊爐🍲之外，日本料理🍣🍱我都係食極都唔厭❤️今日係荃灣廣場行完街就過左黎對面街既鮨一日本料理開餐呢間鮨一係我係荃灣區最愛既日本餐廳食左咁多次水準都keep到而且價錢好合理⭕️秋刀魚刺身🐟秋天先有得食嘅秋刀魚肉質鮮甜彈牙，配搭薑蔥食更加提升到味道師傅👨🏼🍳刀功非常之好，完全唔會怕被骨哽到💯特上十貫目🍣由廚師發辦，用今日精選嘅刺身作為壽司全部都好新鮮，而且厚切口感更好個人最鍾意大拖羅油甘魚同埋左口魚醋飯嘅酸度係我鍾意，飯嘅口感都唔會太黏西非蠔🦪大隻肥美鮮甜，一啖擺落口非常滿足甲羅燒🦀濃烈嘅蟹膏同蛋黃撈埋一齊配搭埋烘到香脆嘅多士真係夠晒邪惡海膽飯(小)❣️用上日本海膽加埋吞拿魚蓉加埋紫菜食 每啖含金量非常之高鹽燒活白鱔串🐟&黑豚腩串🐷調味啱啱好白鱔唔會有泥味 都幾厚肉黑豚腩串燒到好香口肥瘦好均勻，唔怕食到成口肥膏呢餐真係大滿足🫶🏻其實仲有好多嘢想食，但係食唔落下次要叫多幾個人一齊食❤️
繼續閱讀