鳳城酒家 (已結業)

我地一家8人連一個朋友合共9人, 響12日早上訂了位。一去到, 果環境已經唔好, 好似一般茶餐廳咁, 白枱布, 圓木枱,,,,,好喇, 到叫野食, 叫左西米布丁, 鍋貼大明蝦, 炸子雞, XX蝦球, 西蘭花炒帶子,,,,,,首先, 鍋貼大明蝦, 佢隻蝦又唔新鮮, 個多士又多油, 食落好似食薯片咁樣, 唔知係咩,,,,之後, XX蝦球, 佢竟然整到好似隻吉列豬扒咁, 嚇死人,,,,炸子雞, OK,,,係最好一味,,,係都無其他人講到咁好食,,,西蘭花炒帶子, 佢D帶子好"腥",,,,,D人唔識煮既,,,最後, 我地本身想叫一條魚, 但佢地同我地講, 細細條都要6百幾蚊,,真係嚇死,,,你係高級大酒店, i 'M willing to give, but, it's not,,,,SO,,,我地無叫,,,,,我地響馬鞍山一間酒樓食一條比佢大既魚都係一百四十八一條JA,,,,,超誇,,,,,我地以後都唔會再食,,,

甚少會同阿媽兩個人去飲早茶。前幾天難得有咁嘅癮，於是就十點半去鳳城飲茶。十一點前落單，大中小點全部$12，好抵食。兩個人叫咗6籠野食。蝦餃：一籠四粒，大大粒。鮮蝦爽口，還有荀粒，將鮮味帶出來。比添x運的好很多倍！灌湯餃：皮薄餡靚，且足料。有蝦、瑤柱、金華火腿等，味道好鮮。湯也很鮮味。荷葉飯：唔好食，無料，只得幾隻蝦、幾粒燒鴨肉，好似食白飯咁。荷葉味不太濃，未能滲入飯裡。飯太濕且較淋。薑蔥牛柏葉：一貫酒樓貨色啦！爽口唔太淋，少少嗱過的味道。鮮蝦腐皮卷：呢個無以前咁好食喎！以前一層層的腐皮好脆。但而家完全食唔到一層層的腐皮，反而食到一層粉，口感不好。蝦同豬肉比例不均勻，豬肉比蝦多很多，食唔到蝦的鮮味。雞扎：有爽肚，火腿、芋頭、魚肚同雞件。爽肚好味；魚肚較淋身，好sok油。

當日同男朋友一家去慶祝父親節, 訂佐位8點半, 8 點15 就去到, 但因為大多人一直等到9點先有得入席.....俾人等位的位置小得只有三張椅子, 又無冷氣, 呢個真係好惡頂, 因為當天天氣勁熱, 大家都係企係一樓大廳等...咁當入到席的時候, 咁因為費時散叫就叫佐個"良朋..餐" + 焗布丁- 蟹肉冬茸羹- 清炒班球- 鍋貼蝦 8只- 乳豬三拼盤- 炸子雞 1 只- 螺片扒時蔬甜品共:$880每一味菜都很鮮味, 我們都吃的津津有味..全晚共花費$1200. 但因為鍋貼蝦遲遲未上菜, 大家吃完都覺得好像有點不夠飽, 諗住再點,....就係呢個時候, 我有些空檔就諗住睇下個餐值幾多錢, 但一計之下, 覺得好搵笨!!!! 如果再去食的話, 或者有網友去食的話, 千祈唔好叫套餐!!!!!以下係按餐牌的計算, - 蟹肉冬茸羹 $88 ( 我地6個人一人一小飯碗)- 清炒班球 $128 (無係菜牌見到, 成碟得過六件定7件班球, 雖然話係海斑, $128,都有多無少)- 鍋貼蝦 8只 $80 (例牌, $100, 10只)- 乳豬三拼盤 $140 (係張單到見到的)- 炸子雞 1 只 $200

很少對酒樓的招牌菜有興趣,除了天香樓的黃油蟹及福臨門的灼螺片外這間是少數之一!這間鳳城餐牌上的招牌菜早己試勻,(但大多數是煎炸類)今晚因太后在場所以只有預訂了的炸蟹拑一款.五人不算有食力之輩:乳豬拼生腸----在這裡食晚飯例牌之一!乳豬件依然皮脆肉嫩!生腸這次就很一般,有部份甚至韌到咬唔開.雞湯燉翅仔----雞湯底足料夠味,翅仔份量都幾多!炸子雞半隻----總覺得這裡做的比北角店好,雞肉嫩滑得來骨沒有血.西蘭花帶子----西蘭花飛水飛得太熟!再落鑊翻炒又淋又索哂油,帶子普普通通唔難食.炸蟹拑----晚飯例牌之二!貨真價實大大隻啖啖肉!無挑剔!梅菜炆腩仔----失敗之作!梅菜有兩層味道,面層淡而無味,底層咸到苦!腩肉似柴皮,皮同膏都未炆得"化"!唯一一碟食剩無清碟.西米布甸----晚飯例牌之三!除咗以前美孚的好世界酒樓做得好食過佢!暫時最正都仲喺呢度!

慕名很久了。今天早午餐都是在这吃的。早茶：燒賣虽然卖相不是很好，很纯朴，但是好多虾呀好多虾~~大惊喜。肠粉陷是什么我都忘了。但是就肠粉来说，很滑嫩。灌汤饺好惊奇的！一个蒸笼里一个碗，碗里满满的汤，汤里就一个饺子，淡黄色的皮，软绵绵在汤里面飘荡！用筷子轻轻夹，居然没破，等我用勺子时，就破了。总之汤、陷、皮混为一体，一起吃。还是挺好吃的。潮州粉果 皮很弹，挺薄，陷也够足。个人感觉一般。豆沙饺 炸的。三角形。挺普通的。炸鲮鱼 腐竹炸的。我弟还挺喜欢。我之前吃过一次所以没什么感觉。蛋黄莲蓉包一个激动不小心点的。看起来似乎不大，但吃起来却感觉很多。皮好像很厚，很莲蓉陷也是很足很足。炸云吞 也是不小心点的。还以为是炸春卷。陷是虾。鸭掌包我的爱呀。好吃呀。薄薄的腐竹包著鸭掌，香芋和虾。香芋太好吃了！！！午餐：化皮乳猪 嘛。吃还是挺好吃的。但可能是因为我不太能吃油腻，所以谈不上喜欢。但肉食动物们应该会喜欢。但是很贵哦~马拉糕 对这里的古法马拉糕慕名很久了。早茶时没看到，午茶小车也没看到。于是问服务员，服务员说如果想要刻意蒸给我。〉.〈 姐姐人真好。很绵软的马拉糕，和我在深圳吃的不一样。很香甜，还算喜欢

四人行來吃晚飯，叫了炸子雞、蝦多士，炒通菜，一煲翅，同預訂了西米焗布甸。炸子雞皮脆肉滑，有雞的香味；蝦多士比較油，蝦肉新鮮，不過好熱氣；翅，哈哈我不太愛吃翅的，所以no comments；炒通菜比較普通；西米焗布甸，芋蓉很香濃，不過很大碟，四個人也吃不完！

看了很多食評,都不知去那裡吃好,剛剛看到鳳城酒家,地方又近 旺角,所以就胆粗粗去試試,好在一早定位,當晚都好滿坐,我們七個人坐了張八人檯都坐得O.K.. 一早看過Open Rice做晒功課,看看其他檯叫D什麼菜,發覺好似乳豬生腸靠得注,加多個蝦多士,重有幾個小菜咁就O.K.啦! 首先來了乳豬生腸,乳豬幾爽翠,生腸都幾好味,不過例牌就細碟D,一人都無一件,而其他小菜例牌都還可以.跟注就來炸子雞,比起其他地方吃過炸子雞,這裡做的很有水準,皮翠內滑,因為我們叫了半隻,一下只就吃光,有位女士吃得慢,連雞都不到. 至於蝦多士好似比較油一點,但吃落味道都O.K.,重有提一提如果要叫西米焗甜品,原來要一早預定,當晚叫是不可以的,真是有點失敗

忽然有一天學校的同僚們走過來問小弟若要攪一個十多人的中價中式飯局可以在哪裏，他們當初的建議是到蓮香的，不過小弟認為若要吃晚飯，蓮香未必是一個很好的選擇。腦筋隨之不停在轉，跟着想到了這兒，於是向他們來一個反建議。其後不斷的在談啊談，最後他們就說 : "不如您也一起來吧 !"，想一想也有很久沒有到鳳城吃晚飯，而且一大班人也就可以order更多的東西嘗嘗，絕不失為一個好的建議呢說這是一個"師生"飯局也不為過 (因席內大部份都曾是小弟從前教過的)，想起來應是從來沒有這羣學生吃過晚飯(甜品倒是吃過一次)。既然那麼高興，也就着太太一同前來赴會寫菜的重任當然是交在小弟手中，事先已預定了玉簪田雞腿、炸蟹拑、煎釀鯪魚及蓮蓉西米焗布甸。其他的亦是平常吃開的招牌菜，基本上不用看餐牌也已背得滾瓜爛熟....玉簪田雞腿 ---- 將碩大的田雞腿起骨後再釀入金華火腿及露笋，光是那賣相及手功已是不得了。這夜的田雞肉依然肥美，火腿味夠甘香，再配合露笋的清淡，實是天衣無縫的配搭一場來到不預訂這味吃吃，是有些浪費吧....炸蟹拑 ---- 從來沒有再到處吃過如此真材實料的蟹拑。用的是新鮮貨，淨是看見蝦膠內層那極厚身的蟹肉

同友人聚舊，一行六人到此名店見識見識!....如下~炸粉果 : 皮大厚，無特別大良炒鮮奶 : 太老超嚡口，沒有牛奶味瑤柱雜菜煲 : 菜都煮過火，黃晒野雞卷 : 炸過火，超乾，嚡口，柴皮，似蒙古人响草原上食肉乾石斑兩味 : 無特別炸子雞 : 又喊又鞋 焗芋蓉西米布甸... ...我無食，因為以上小菜令我太失望，但朋友們話好好食，芋蓉香甜救命吖!..質索咁差都話名店?...如此名店有100分，新蒲崗得龍我會比 1000分!鳳城...多謝您, 您令我知道何為"名不副實"!

在這兒吃晚飯的次數可謂多不勝數，但出奇地卻沒有嘗過這裡的午茶點心。是日跟太座一家一行七人，可以一次試勻差不多十來款精點，大樂也點心款式就只印在一張紙，約二十多來種選擇而已，做的大多是很普通且傳統的如蝦餃燒賣义燒包等，時下的那些帶點fusion意味的創新款式，在這裡是完全尋覓不到踪影的。這正合吾意，因在吃點心的範疇內，小弟可是一個不折不扣的老頑固呢雖說是吃傳統風格的，但間中也能吃到些好像較"新派"的，如合桃菠蘿义燒酥便是一例。菠蘿酥皮做得極鬆脆，甜度剛好；义燒餡絕不只是求其的放一pat义燒醬進去，的確是吃到粒粒义燒的，夠真材實料；底層的芝蔴酥皮反而有些偏硬且不夠牛油香，是失色的一環，但整體上還是值得一吃的....其他的點心未端來，羅漢齋炒麵反而已上桌了。雲耳、木耳、冬菇、勝瓜、筍條、西蘭花、蘑菇等等全部齊備，獻頭不算很厚也沒有太鹹，麵也是炒炸得夠金黃及脆，很好吃....招牌點心上湯炸粉果未送來之先，先吃件蒸粉果來頂頂癮。皮的顏色呈半透明的，並沒有一夾即散或完全黐着筷子不放的弊病，師傅功夫可見一斑。餡料如紅蘿蔔及蝦粒是切得夠細碎的，味也調得合道得宜。是近來吃得較稱心滿意之作....蝦餃的澄

星期日阿爸又話要去飲茶，又係指定去鳳城。其實我就麻麻地鍾意鳳城，雖然佢點心係做得唔錯，不過款式實在少得可憐。一張點心紙只有大概20樣點心，仲要係傳統點心。所以唔會成日黎，otherwise食得一、兩次就會厭。二樓11點開，於是阿媽就11點去攞位。不過正值金融海嘯，生意奇差，唔洗等之餘仲有大把位剩。真係靜得好犀利。炸魷魚鬚保持一貫水準，新鮮炸起，好熱帶點脆口。魷魚粗身，唔韌。煎腸粉煎得唔肥膩，又唔會乾得滯。腸粉滑身，有少許蔥粒。細細碟，少食多滋味。蒸排骨份量少，但用上新鮮排骨，肉味十足。仲有一舊吸晒味嘅芋頭。牛肉球好味，三大粒。彈牙，有香蔥同少許陳皮味。薑蔥牛柏葉份量多，薑蔥味濃，且入味。牛柏葉爽口唔韌。腐皮卷又係新鮮即炸，燙口。香脆可口。每節都有一隻蝦、豬肉同韮黃。菜遠牛肉河見到人地食好似好正，於是又整番碟食吓。較肥膩，獻汁頗杰。牛肉嗱過，已無什味道。河粉幾好，粗身滑口，但不太入味。點心質素係唔錯，只怪款式太少。

朋友約吃飯忽然掛念鳳城的焗芋蓉西米布甸，所以下午就打電話訂位及預訂。電話另一邊有位女士接聽，用冷淡的態度替我訂位。說完訂位詳情，我都尚未預訂布甸，她就差點兒掛線了。幸好，我搶先在她掛線前發言。我說要預訂布甸，她沒有問我要大份還是要小份。只說現在替我落單，到時有布甸就有，沒有就沒有，不會致電通知我。我問布甸不是預訂就會有了嗎？她只說了一句要隔日預訂，有就有，沒有就沒有。可惡會不知道需要預訂的甜品何時售罄的嗎？在金融風暴下，態度就不能好了嗎？準時七時到達，裝潢很懷舊，很有味道。人客不算太多，侍應遞上了一碟酸菜及一張預訂紙。我們有得吃布甸了四人共點了六道小菜及一甜品　鳳城生菜包... ... ...生菜新鮮，再配合肉鬆松子料，滋味無窮。　乳豬拼生腸... ... ...乳豬鬆化脆口，生腸彈牙。　蝦多士... ...多士香脆不油膩，蝦肉新鮮不會霉。　大良炒鮮奶... ...嚡口，沒有牛奶味，偏鹹。　桂花炒魚肚... ...口感豐富，令人喜出望外的一道菜。　香煎蓮藕餅... ...煎得十分熱騰騰，非常香口。　焗芋蓉西米布甸... ...芋蓉香甜，一吃難忘。用膳時，發生了一段插曲。有一位侍應拿著一

小菜真是好一般, 不是太出色, 價錢亦不算平, 但就有好多客人.但就好想推介它的焗芋蓉西米布甸, 記得要預訂, 否則很難有得食呢. 預留了一個細size, 但亦足夠6-8人食, 上枱時熱辣辣, 表面焗得香脆, 內餡有芋蓉及西米, 好香芋頭味, 西米布甸又不太甜, 整體配合得好出色, 真是好好味, 很快給我們食清光, 真是重點推介.

之前未去過鳳城食飯, 諗住媽咪生日食好D, 有朋友介紹會OK, 總共12人, 訂位時已同經理講比個寬敞D既位置, 因為有幾個小朋友, 唔想咁迫, 點知去到見到張枱既其中3個位迫到連小朋友都坐唔落, 我叫亞姐幫我移開D, 亞姐話妳人齊先啦, 這算什麼態度, 難度要人齊企哂係度先等佢移枱咩 .. 離哂普, 終於係我第二次要求下, 亞姐好不願意地幫我移過D張枱.當叫餸時, 第一時間就叫 焗蓮蓉西米布甸, 點知要預訂, 所以無得食, 又失望了.最終叫左一個餐, 需要份量係夠, 但唔好食.套餐包括:乳豬併盤 .. 不過不失蟹肉冬茸羹 .. 好味道清蒸海中斑 .. 好細條炒奶併貼蝦 (即係炸蝦多士) .. 好多油脆皮炸子雞 .. 無味螺片扒時疏 .. 最正常既一個餸鳳城炒飯 .. 超咸精美甜品 .. 無味期間曾兩次加白飯加汽水, 但係D侍應個個都時運高, 特別係個男部長, 總要叫幾次先落到單.埋單: $1,8xx 總括來說, 超唔抵食... 因為服務差, 食物水準更差

無乜驚喜, 不過不失啦!我地四個人叫左五個餸再加上訂左個細的西米布甸係多了少少, 好在佢份量唔大, 所以最後都係食剩少少甜品啫. 至於食物方面:1. 生菜包: 味道唔錯, 但一放上枱見到以為有很多松子, 唔知點解食落又唔多覺, 可能係只放了些在面上, 內裏係無乜, 所以唔多食到.2. 蝦多士: 真的咬落唔會成口油, 但蝦的鮮味就差少少.3. 煎蓮藕餅 : 最失敗之作, 完全無蓮藕味, 唔講就唔知食緊乜.4. 桂花炒魚肚: 好味, 又唔會覺得油膩,5. 炸子雞: 都有水準, 交足課. 好味.6. 蓮蓉西米布甸: 都唔錯, 甜了少許.總括來說, 只是中等, 朋友說都係北角那間比較好味些.