鳳城酒家 (已結業)

　　1. 蝦多士 - 蝦肉打得好有彈性，底層多士炸到好香，賣相又靚，推介之一！　　2. 乳豬生腸拼盤 - 乳豬皮幾脆幾香口，生腸好爽口，不過唔多夠味。　　3. 肉鬆生菜包 - ｄ生菜超級新鮮爽口！加埋ｄ肉鬆真係絕配！好多年都冇食過咁好味既生菜包！　　4. 八寶鴨(已預訂) - 雖然係經典菜，但ｄ鴨肉已經炆到好腍，冇咩鴨肉既質感。鴨內ｄ配料似係食緊鹹肉粽咁，唔太欣賞。　　5. 焗蓮蓉西米布甸(已預訂) - 非常香，味道唔算太甜，加上有蓮蓉令個布甸有少許煙韌性，冇諗過中式布甸竟然可以做到咁好味！　　另外仲有三款小菜：黑椒焗牛柳，炒鱔球，上湯豆苗，不過冇咩特別，唔特別評論。　　總結呢度都值得去，不過要俾ｄ耐性book位後再等位，上菜都幾快手，值得一讚！

同舊公司既同事係呢間鳳城攪過gathering, 記得最好食既就係蝦多士, 係第二度真係食唔到咁好味既蝦多士...今年舊同事又揀返呢度gathering, 蝦多士一定有叫, 仲叫左:乳豬生腸海蜇拼盤 (7分) - 乳豬唔肥又夠脆, 我唔食生腸, 所以冇試, 不過同事話一流, 爽脆滑嫩...大良炒鮮奶 (8分) - 好滑, 上面有d松子更加香蝦多士 (10分) - 我既至愛, 唔洗講都知有幾好味!!!炸子雞 (8.5分) - 有雞味, 果然係招牌貨焗蓮蓉西米布甸 (7分) - 舊同事好有心, 知道我鍾意食西米布甸, 訂枱個陣訂埋, 好香, 又唔太甜, 正!4個人每人百零蚊, 食到好飽又傾到好開心, 唔知下年會唔會又係呢度gathering呢.....

星期五倍老爸老媽晚飯, 六時半左右就坐滿.幸好之前上來留左位綜合老人家意見之後點了以下菜式:炸子雞半隻.招牌貨，炸得剛剛好皮脆肉嫩，水準之作，交足功課金銀蛋莧菜.清清地又幾好食喎大良炒鮮奶上面有蝦仁好似炒燉奶咁.好滑好香好好味呀腰果肉丁.唔算好油.感覺更添健康.腰果同肉丁份量足甜品奉送.綠豆沙，不太甜，幾好味.唯獨是香草味唔夠另點了罐裝汽水.還有兩碗白飯一碗白粥免茶芥埋單$330以前也來過幾次，地方類似一D 舊式酒樓 價錢亦唔算貴！侍應服務不錯.值得一試

係，旺角店與北角總店同屬一系，食物quality真係最高！食過就知道！呢度d deco. 懷舊，坐得人自然同舒服。但d管理都幾懷舊....長久落去都要改善吓-- 事緣我食到兩點幾，就黎夠鐘落場，咁有waiters o係度擺定今晚既枱。就o係呢個時候，就俾我見到跌左好幾隻筷子落地既waiter, 唔單只冇話諗住拎去換過d新既；反而係執返起之後繼續派！成個動作好自然、好smooth.......... I was kinda speechless.好，講返食物 -- 三個字 -- 冇得彈！ shrimp dumplings -- ok, but absolutely not the best in town. The crust is a bit too thick while the shrimps are ok ge. 馬拉糕 -- 好好食呀~~ 好soft 同甜度剛剛好！但要趁熱食呀~~ 鴨腳 -- 冇食到, 所以唔係好清楚~~ 不過媽咪話好食lor! 菜粒魚鬆炒飯 -- 好大碟！我同媽咪一人食左三小碗之後，仲可以打包一整盒返屋企既~~ 舊式茶樓d servings 真係大d既!

同學仔都是紅人忙人，長久約不成局。週一會議後卻突然收到通知：「是晚大家都得喎!」好食記更神速的訂下旺角鳳城，雖然該日累累地又殘殘地，放工後都照去! 　旺角鳳城其實位於太子，首次踏足此店的我，驚覺附近有許多卡拉OK、夜總會。 酒家分兩層，地方不大而充滿懷舊風味；令我安心是環境算整潔。據常幫襯的同學說，旺角店與北角總店同屬一系，上環、銅鑼灣、荃灣等店則另屬一系；又收集多方意見，旺角店味道其實比總店更佳，即是大家選擇非常明智正確! 　好，介紹食物吧。其實鳳城已經設下不少抵食套餐，$880的良朋餐足夠餵飽7-8人，5-6人又可考慮$688的蔡瀾餐；不過大家心目中已經有太多心水菜式，故是晚選擇散叫： 乳豬生腸海蜇拼盤-海蜇質素平庸可以不理；乳豬本來皮脆肉嫩，只嫌不夠熱；數最出色的，絕對是集爽脆滑嫩於一身的生腸，一向少吃的我也吞了一件又一件!百花釀蟹拑-是日約得太急，根本來不及預訂這款名菜；幸而部長幫忙，為我們爭取每人一隻蟹拑。香脆熱暖又啖啖肉的巨型蟹拑，的確很令人滿足；不過蟹拑並非隻隻鮮美,部分同學吃到肉質較霉,$48隻不是物超所值,個人認為試過就夠。鍋貼大明蝦(又名蝦多士)-蝦隻與多士比例合宜

甚少在太子區吃晚飯, 一次星期六偶然地撞上去飲午茶, 要等位, 不算太多人, 也算OK! 屬舊式茶樓格局, 水滾茶靚, 点心最OK, 價錢也相宜, 兩個人吃五個点心, $60蚊落樓! 看到枱面的晚飯資料, 帶屋企人再往帮襯晚市, 可能因為超值, 要預早訂位! 其中一款焗西米布甸, 最受歡迎; 因功夫多, 要預早訂才有得食, 但那晚唔知未有預訂。落單時想落單給婉拒, 炸子雞等主菜上枱, 上碟的份量足, 價錢合理。吃完主菜, 剛才的侍應主動來問是否想吃焗西米布甸, 因為當晚有客人預訂後沒要, 來得正好! 也為服務加了分。 雖然环境較迫夾, 但位于旺區, 論食品質素, 價錢屬超值了! 值得再帮襯和推薦給朋友!

食左1. 蟹黃翅x1 (each $160), 蟹肉翅x2 (each $140) 自己食蟹肉翅, 又多蟹肉又多翅，好好味。試左一匙friend的蟹黃翅，濃郁鮮甜2. 蝦多士 賣相幾靚，一蝶好似有成8件, 幾大件，有蝦味，多士脆3. 豉椒炒鱔球 青/紅椒惹味，鑊氣夠，鱔球入味4. 西蘭花炒蝦仁帶子 鑊氣夠，西蘭花鮮甜入味，蝦仁帶子夠鮮5. 炸子雞半隻 ($100) 雞味夠，皮脆肉嫩6. 生炒排骨 肉厚, 夠味，有鑊氣，多d菠蘿仲好總結，難得樣樣都好好食，價錢ok, 自己帶酒唔收開瓶費，侍應招呼幾好，自動自覺換碟。 值得再去。

9月20日(六) 一行四人，約八點到埗，比預期中少人，以往訂了位也要稍等，是次卻很快可以入座。 四人商議過後，每人叫一樣，這樣便可以每人至少有一樣喜愛的食物，蠻好的! 雜菜煲，少得可憐，一上檯即刻O了咀，都要六十幾個大洋吧! 味道很好，先把菜爆香再炒再上煲，很快四人把它一掃光。 煎蓮藕餅，多得令人驚訝，又O了咀，有八九件之多，件件有份量。煎得爽口亦香口，不過感到油膩飽滯，四個人最後食剩2塊。 咕嚕肉，色香味俱全，酸酸甜甜，肉厚骨少，肥肉又少，香脆可口，配菜黃椒青椒紅椒亦新鮮，此碟是推介菜式。 招牌炸子雞半隻，皮炸得香口，肉亦保持鮮嫩，但某些部份偏鹹，而且發現碟底滿是油，風乾不夠，失色! 追加星州炒米，炒得乾身，亦夠星州風味，夠辣夠味，雖色水麻麻，但味道相當不俗，令人大快朵頤，另一推介菜式。 環境是傳統中式酒樓，毫無設計可言，傢具亦殘舊，特色是也!食其食物，不食其環境，便可以了。 服務不俗，負責我們檯子的侍應還向我們講人生大道理，勸勉我們要努力讀書，十分搞笑，皆因我們四人已畢業良久了。

睇咗開飯啦好多地方才決定這裡..而且我9頁食評全部睇晒,因為同屋企人食,想大家都有好好的回味記憶,度過一個快樂的時間..不過都幾糟,人太多,2層都滿晒..******其實除咗LEE D 相之外,重有::::::::::鮑片鵝掌生菜焗蓮蓉西米布甸---要早D預訂,即叫是沒有的鳳城炒飯蟹肉伊麵窩綠豆沙新鮮大石班,-------先比我地睇咗ok,先整,我地一睇到,d 長輩就話好大條,好厚肉,,,我地都好期待佢出場,,到佢出場時,,個個都好興奮,但發現入面唔夠熟..*o*..要番烝,,大家即冷卻了一平,因為一定唔係好得,不過再番到黎,,好彩都比預期好食..因為最貴係佢,所以如果唔好食就好可惜了.名菜------多士蝦..中間係帶子西蘭花...ok..不過比較多酒了點,因為如果唔係就100分..您地睇張相唔完美,係因為一放低,,大家已經您一舊,我一舊,我開得個鏡頭已經變到咁啦...哈哈...名菜------炸子雞,200分,真的,會因為這隻雞而番食,因為好耐未食過好新鮮,雞味好重,皮好鬼脆同一D肥膏都沒有,大家可以睇到開飯啦食評十個有十個都話GOOD,,果然,我地清晒,,大家話一般佢飲,LEE

第二次選擇此飯店與同事相聚。 由於人數太少, 今次又不能試多些菜式。以為平日不會滿座, 所以沒有訂位。 怎知去到差不多滿座, 幸好等了大約30分鐘就有枱。 3人食了鳯城炒飯、海鮮豆腐煲、炒菜和乳豬生腸拼盆。 之前都講過炒飯和乳豬生腸拼盆, 今次想講煲仔菜, 豆腐很滑和海鮮材料十足。 3人吃不下所有餸, 友人唯有打包炒飯以免浪費食物。下次希望多些人才能食趐。同一星期經過並喝早茶, 自己食了一盅兩件, 分別是盅頭飯和煎腸粉。 平日大中小點一律小點計, 我應該食灌湯餃嘛…..不過, 我很滿意盅頭飯和煎腸粉 (飲茶必吃)!

星期四的晚上，一早已訂枱。原來平日晚上個場都幾爆的。四個人叫了四個餸：菠蘿咕嚕肉：肉太多，而且有點「鞋」；配料如菠蘿太少。什菜粉絲煲：蔬菜至少有五六種，個湯底幾好味，好鮮甜。椒鹽鱔球：沒有想像中脆口，不過味道都ok。鍋貼大明蝦：多士炸得香脆，蝦也爽口。不過十蚊一件好似比較貴。仲有食左碗白飯，不過好細碗囉，又係十蚊。

首先抱歉冇相.....9個朋友約慶生日, 5男4女, 之前一日一齊傾想食咩, 由食鏞記變左鳳城, BOOK左7:30PM, 同埋一隻糯米鴨同埋布甸星期六7:30PM我最先到, 好多好多人企左響入面等, 但我好快搵到我地BOOK張檯, 其實訂7:30pm或之前係好D, 因為唔會係等頭圍食完先俾你, 8點果D就慘.但係班FRIEND遲到既關係, 要8點先叫野, 9個人, 叫個8人餐, 加埋訂左果兩味, 係好夠GEI乳豬拼盤, 有乳豬大約8件(OK) 生腸10數條,叉燒7-8舊同埋D海哲....因為下晝行過旺角食左串肥姐大生腸, 不免有個比較, 肥姐係係好爽, 但係係發水果隻, 味道差唔多. 但係鳳城係爽得黎有D煙韌, 好味D, 應該係新鮮關係.(8/10)荷豆班片, 都OK, 有差唔多10件班片, 都厚身, 正常係要到$98左右既小炒.(7/10)柱甫豆苗, 有6-7粒柱甫, 豆苗唔少,又有蒜子, 正路.(9/10)雞蓉魚肚羹, 淡左DD, 分9碗唔係太夠.(6.5/10)炸子雞, 好脆皮, 有O檬加分, 但係雞唔夠味, 有血水但都係唔夠滑, 應該唔係新鮮雞.(7.5/10)糯米鴨, 我估

一行12人慶生, 大家又出名大食所以選址鳳城預早一日訂左糯米鴨同焗蓮蓉西米布甸+超値套餐乳豬中拼: 有乳豬 / 生腸 / 叉燒 / 海哲, 乳豬同生腸好好味. 乳豬皮下薄薄既肥羔令乳豬食落更香口又唔肥膩. 生腸好爽口不過叉燒d, 好似柴支咁雞茸魚肚羹: ookk啦唔太差炸子雞: 皮脆肉滑, 一隻真係唔夠我地分要爭食!!! 糯米鴨: 要早一日訂, 一上枱真係”嘩嘩”聲. 鴨身入面塞滿糯米飯, 外面鬆脆, 裡面d糯米飯好足料. 不過好鬼頂胃, 有dd濟家鄉炒斑球:普普通通的菜, 油左少少鍋蝦拼奶奶: 麵包炸得金黄且脆, 蝦亦夠新鮮彈牙, 不足在有少少油. 炒奶好滑好香, 但同個果仁有D唔夾豆苗瑤柱甫:幾好味唔油鳳城炒飯: 其實係雜錦炒飯有少少似西炒飯, 配料有叉燒, 蕃茄之類同埋唔夠乾身焗蓮蓉西米布甸: 真係好好味, 好香奶味, 好滑又唔太甜. 個姐姐一路分一路見到d 布甸郁下郁下好吸引!!!其實d service唔係太套咋嘛, 好懷舊好有風味

昨晚 21/11/2008 Thxdtsdd 與幾位同事到太子的鳳城酒家吃晚飯, 前一晚已經訂好了位. 原本想試試金錢蟹盒, 但原來要早一天預訂, Thxdtsdd 早上打去鳳城預訂都唔夠時間做, 只是訂了焗蓮蓉西米布甸. 我們 6 人準時 7:30pm 到達, 已經差不多滿座, 典形的中式酒樓, 座位有少少逼, 不過都 ok! 我們吃了:乳豬件併生腸 (乳豬皮薄又香脆, 有水準之作, 生腸都 ok!)西蘭花炒帶子 (味道可以, 可能其他菜做得比較出色, 這西蘭花炒帶子的味道變到很普通了!) 鍋貼大明蝦 (又叫蝦多士, 炸得好香口, 而且蝦味都仲保存到, 好好吃!)炸子雞一隻 (外皮香脆, 雞肉又肥又滑, 果然係招牌菜, 不過一隻對我們 6 個人會多了點!)荷蘭豆炒斑球 (又是另一個比較普通的菜, 斑球不夠鮮味, 幸好炒得剛剛好, 一點都不 "鞋"!)上湯龍蝦伊麵 (龍蝦及伊麵都做得幾鮮甜, 好吃!)上湯豆苗 (大大碟, 很抵吃, 味道都不錯. 不會像某些食店般, 每次吃的煮青菜都碟大大, 菜少少!)焗蓮蓉西米布甸 (一個好好吃的甜品, 我們 6 人都覺得好吃, 甜度適中, 又有蓮蓉

上星期日特地去了老字號鳳城酒家慶祝朋友生日,我們一共9人出席,我訂了(1)乳豬併生腸:生腸肥肥大大,很出色,真的一絕~~~(2)金錢雞:原本它就是肥膩,香口的食物,可是鳳城做出來的雞潤,叉燒,肥膏十分乾,不香的東西,失去其意義,很差......(3)炸粉果:雖然外表硬硬,但浸了上湯卻升價十倍,味道去了另一層次!剛剛好一口的炸粉果浸的時間長一點,會好吃很多啊(4)鍋貼大明蝦:味道正一般,沒有想像中的油膩(5)生菜包鵪春鬆:生菜的數量是不足夠包肉鬆,如果另叫一碟生菜來包肉鬆,肉鬆卻剩下來了,這是很奧惱的問題....鳳城不貼心,不想客人的需要....不過話說回來它的味道好好,爽爽甜甜的生菜包著香香咸咸的肉鬆,味道很夾(6)炸子雞:果然是招牌菜,皮香脆,肉剛剛熟,肉質very滑溜!先來一口雞,嘗嘗牠的原味,第二件雞放點檸檬汁,味道便變另一種鮮層次(7)花枝炒西蘭花7)~(9)份量小,一般酒家的味道(8)鳳城炒飯9)蟹肉伊麵窩10)焗蓮蓉布甸:很多人為此而來,喜歡吃甜品的我,覺得味道不太甜,平平無奇,其望太高引致失望(11)壽包:朋友搶著吃,可以一嘗~~~當晚結帳是1334大元正,總結老字號