鳴 Fusion (已結業)

起團購買左呢間野，編錯左張團購張紙，跟住佢同我講，唔係呢張，之後我用電話開左出黎比佢睇，點知佢望都唔望，佢話你比我睇都無用，一定要出示張紙，態度非常差，仲話無張紙就要收翻正價，野食黎得超級慢，食三個鐘只係叫到三次野，完全無效率，壽司飯仲要係熱既，刺身又唔新鮮，以後一定唔會再幫襯，十終既差！！

朋友說7點前 1位送半位 打電話訂確認係有的 是日去到 職員話由放於做團購老闆取消所以優惠 就比了2張20蚊現金卷計落都一樣比團購抵就試下次 這裡環境也很窄 廁所環境也較差 剌身對得起價錢 來得不慢 但熟食廚房沒心做好 只有燒牛及和風牛肉還不錯 可惜太大碟 想你2碟食飽 最大問題係 一晚30幾人 雪糕只有11-12杯。小弟六點半到食到7點半 雪糕沒有了 問店員 他們說雪櫃沒有就是沒有 真好笑 食那麼多間放題 首次食唔到雪糕 一杯又不是很貴 不過是細杯的雀巢 雲呢拿同芝麻味 這間店的燒食還是不要食 一個差 沒下次

又係同朋友聚舊嘅時間,今次揀係尖沙咀嘅鳴fusion日式放題,貪佢係大家嘅中間點,夠晒方便。可能係星期二嘅關係,我地7點半上到去無乜人,所以唔使等就可以有位坐。呢度點餐方法有啲麻煩,我地要將想食嘅野嘅編號寫係點餐紙上面,搞到成日唔記得點左啲乜。野食方面,刺身好新鮮,而且切得幾厚,食落好有口感。個人覺得馬刀貝同立魚都唔錯。呢度嘅壽司不過不失,最鍾意食芥辣八爪魚,賣相雖然一般,但食落夠晒攻鼻,好刺激。熟食方面,推介嘅有一口紫薯年糕,日式牛柳粒同埋燒菠蘿。紫薯年糕嘅外層又香又脆,入面係軟綿綿嘅紫薯蓉,食落甜而不膩。牛柳粒大小適中,唔太韌亦唔會太生,加埋醬汁嘅香味實在太吸引。燒菠蘿又大又厚,而且又多汁,食落清甜。出去攞野飲嘅時候,我發現呢度有我以前中學好鍾意飲嘅碧泉蜜桃茶,令我喜出望外。甜品方面就有雀巢雪糕杯同牛奶樂。總括黎講,呢度野食係水準之上,況且人唔多,鍾意靜嘅朋友不妨黎試試。

話說尖沙咀亞士厘道, 即係背向isquare過左漢口道之後條街, 真係好多好野食, 地面有排隊等食都抵ge土耳其pizza, 樓上有印度人都好鍾意食ge印度餐廳。樓上自有好野食係呢間日本放題fusion鳴。鋪面唔算好大, 但d凳都幾舒服。係張台細d，搞到我唔敢一次叫好多放滿哂張台、好似好大食咁限時兩個鐘，食物ge種類選擇都多架, 有沙律, 刺身, 火灸, 壽司, 炸物, 串燒等。仲有的式ge料理 好似係豬軟骨拉面, 手打烏冬同牛肉火鍋等。見佢牆上都有lunch menu, 例如係各種的拉面, 烏冬咁, 正常尖沙咀lunch價錢$40~60.放題第一件事更係食刺身啦!~三文魚、油甘魚, 玉子、馬刀貝、甜蝦都令令仔仔咁係船上等我啦三文魚、油甘魚同甜蝦都好新鮮, 二百幾蚊ge放題黎講算高質，幾肥美又無渣。重點係竟然有不但名字充滿霸氣，而且味道令人驚艷ge馬刀貝!!小弟有次食蒸氣火鍋個陣對馬刀貝一試難忘!佢鮮甜的肉質真係令人眼前一亮!!!呢到竟然有佢ge刺身, 真係令我好感動T___T馬刀貝剌身同樣無令人失望, 佢口感爽脆多肉，切得夠薄唔難咀嚼，大家一定要點 馬刀貝剌身!!!同行ge朋友事前唔

今日全日落雨放工時間都成生濕晒不過約咗朋友食放題梗係唔可以甩底不過坐低嘅時候成身凍到震晒所以我第一樣叫嘅嘢食唔係刺身壽司而係叫返一啲熱辣辣嘅熟食先即刻叫咗呢個蘿蔔炆豬軟骨果然上枱嘅時候依然熱到出煙蘿蔔煮得入味通透豬軟骨都炆得林哂我唔使兩分鐘都已經食晒成碗飲左幾啖湯個身即刻暖返晒有返晒胃口你個時候朋友叫嘅刺身就已經上枱估唔到佢哋嘅擺盤亦都有十分心思每款刺身都排得靚靚咁有三文魚 𩶘魚 油金魚 甜蝦 及象拔蚌馬刀貝唔知係咪因為呢間餐廳open kitchen關係客人叫咩刺身佢哋先至即刻切所以食起上嚟都係十分新鮮唔會好似其他放題店咁有時會霉霉地壽司方面他們的花之戀簡直係成晚encore首選正常版的花之戀他們用上的三文魚刺身質素都好冇因為佢係壽司所以用返啲平平哋嘅刺身部位另外不得不提就係佢哋嘅創意版花之戀因為這款花之戀會加上一大片蜜桃估唔到甜甜地嘅蜜桃同埋三文魚都係好鬼夾甜甜地嘅蜜桃更加可以引起三文魚果種鮮甜味我哋成班朋友一晚起碼差唔多叫左20件蜜桃花之戀另外鰻魚壽司都非常之好食因為佢唔係好似其他店咁用上預先燒好淋哂汁嘅急凍鰻魚佢係將鰻魚片燒過先至點上適量的汁因為有時過多嘅燒汁係完全會遮蓋左鰻魚

今晚原本想食元氣壽司但係行到一半倒見到有人派傳單餐廳做緊優惠二人同行一人半價所以林急臨忙轉餐廳試吓呢間新放題餐廳雖然鋪仔細細但係唔會好似其他放題鋪頭咁坐到密質質呢度可以好輕鬆咁樣坐返一張正方形枱唔會好似叫幾件野就已經擺滿曬全張枱一坐低二話不說就叫咗刺身先三文魚十分新鮮單單看佢外表橙紅色已經知道新鮮到爆螺肉的質素比其他放題店好不但肉質爽口彈牙而且依然保留螺肉的獨有鮮味及甜味另外甜蝦同油甘魚都好好食之後叫左幾款壽司雖然壽司的款式不多但係款款都好新鮮而且啱啱好唔會用到大大嚿分配上小小的魚生熟食方面因為呢間餐廳中午時份係有lunch set的這裏的小炒及小食比其他餐廳近有誠意及好食其中這個鐵板燒豬頸肉豬頸肉炒得香脆將裏邊多餘嘅有返完全的晒出嚟個邊位仲要燒得香脆而肉質就非常彈牙另外其他小食都比其他店好煙肉包住車厘茄外表煙肉燒一燒再包住笑得琳琳地嘅車厘茄一鹹一甜簡直係送酒嘅極佳小食最後去到埋單二人同行一人半價的優惠果然令人驚喜兩個人都係食咗270幾蚊性價比非常之高

今日放假同男友周圍搵野食男友搵到呢間日式放題，以我所知呢度前身係組長放題，開頭都有猶豫，不過見都多人食，冇所謂啦以放題黎講，我覺得野食算叫做一半半好食，雞翼，一口雞件都唔錯，魚生壽司都好靚好新鮮不過好多炒野食就有好多黑椒粒，有啲怪怪串燒蝦都唔錯既，唔… 海鮮類似乎都唔錯，哈哈，因為全部都係男友食不過，總括黎講，我試左一次就算喇

從來沒有試過吃過這麼劣質的放題！點了四次刺生，只上了兩次，而其數量亦不齊，及服務員態度極差，我向服務員說了不齊，而他們怪責我們，説我們沒有寫上枱號，但其實只是他們上錯了枱，真是不可接受！

買團購的晚餐，訂位服務良好，食物卻一般，一開始的前菜可以接受，其他熟食都合格，可選飲品種類多，但所有蝦，不論燒海蝦、甜蝦刺身等都唔好食，唔新鮮，味噌湯太咸，整體一般，但睇回價錢，咁質素不可期望太多的。但我應該唔會再有下次。

平時工作咁大壓力，難得71連埋星期六日梗係要慰勞下自己食下好野啦！今次揀左係尖沙咀的嗚Fusion放題所謂早起的鳥兒有蟲吃，今日我地六點幾上到黎未開始多人，我地唔需要等位就有得食平時食開既放題都係一大疊order紙，每次叫都要幾張幾張咁交比侍應，其實都幾唔環保呢度可能考慮到呢點，佢係用一張order紙代替，只需填番menu上的no.就可以了，都幾方便！這個Menu都幾豐富，刺身、壽司、卷物、天婦羅、燒物等等應有盡有另外呢度的飲品係自助的，汽水、盒裝都有，仲有奶茶飲!先來一盤刺身，我地點了油甘魚和三文魚兩款食落都好新鮮，尤其是他的油甘魚，很有油脂香，不用點醬油都好好味然後又點了些壽司，有火炙三文魚、鰻魚壽司及加洲卷，值得一讚係佢既鰻魚, 放題來說絕對係超班!天婦羅看得出是用新鮮的油炸出來的，咬起來好脆口佢既鐵板牛肉粒整得很出色，燒出來好香蒜香味，又唔會燒得太韌，差D要叫多一碟小食我地點了: 雞翼、沙拉、雞軟骨等等不過呢碟雞軟骨真係好一般, 雖然炸得很脆，但實在切得太細粒了，完全冇口感..整體黎講食物素質都好好，再睇埋個價錢 :$200都唔使!呢間放題真係十分抵食，性價比很高，值得推介~

好耐無食過放題啦！同事話最近又有一間抵食放題新開，見平就去食下，唔好執輸七點去到，場內都差不多坐滿，好彩得2個人，都可以快脆的安排入座飲品櫃選擇都幾多，新出嘅提子汁都有，當然要試下啦睇睇個menu，就落單寫no. Order刺身好新鮮，三文魚紋理均勻，入口魚香味十足，滑溜入口甜蝦見到就知，蝦身粉嫩有光澤，唔洗講就知新鮮，蝦膏入口甜而不腥，蝦肉爽脆彈牙，八爪魚刺身、鮑片，廚房都好有心思擺設雕花，視覺享受之餘，都不可忽略味道，新鮮爽口不韌，不用沾醬汁，都好滋味，螺刺身爽脆鮮甜到不斷再落order壽司方面，個人覺得蟹籽沙律腐皮壽司夠哂特色，沙拉清新帶蟹籽脆口之感，加上最愛腐皮壽司，令人更覺好感鰻魚、元貝也是推介，大塊鰻魚，大粒元貝令人更覺抵食，元貝食落香之外，亦有其肉汁，不錯之選軍艦壽司新鮮即製，紫菜仲係脆卜卜ga！椒鹽雞軟骨係必點，即使平時不是特別愛好炸雞軟骨的我也追加，雞軟骨新鮮即炸，炸得香脆之餘，椒鹽味令雞軟骨更惹味，鹹香燒大蝦，蝦的確好大，燒得香之餘也不失蝦之鮮味整體來說，食物款式多，很多也是新鮮即製。。。炸物、軍艦壽司一吃便知，可能太旺場，偶爾也有漏單情況

與友人逛街時接過街邊服務生的傳單，發現有新放題，而且價錢優惠。二人同行，一人半價。平日黃金時段都只不過是$188，其他時段$168。餐廳藏身於商業大廈的樓層！地方不算大一眼看見。黃昏六點多的時間人流不算多，到七點多時人流開始幟熱起來。食物種類算是全面，有軍艦、卷物、手卷、壽司、天婦羅、炸物、串燒、鐵板、刺身、料理、沙律。還有自助紙包、樽裝、罐裝飲品及奶茶無限飲。下單方式有別其他放題餐廳，把心儀食物編號或數量寫在一張紙上。既清楚之餘又可以節省紙張，達致環保的效果！刺身賣相很精緻！甜蝦清甜，三文魚厚切肥美。油甘魚亦是厚切，入口嫩嫩。八爪魚希靈魚亦新鮮爽口。整體味道不錯～花之戀造型的骰，飯粒不鬆散，三文魚夠鮮。火灸壽司面層燻得香口，食得開胃。豬軟骨炆得淋淋，肉質厚之外還很滑溜，份外惹味。天婦羅略嫌溫度暖暖，熱食味道會更好，炸粉不算太厚，食落亦尚算香口。大蝦燒得香脆味美～粟米燒得微焦，食落帶點清甜！燒茄子燒得有點過時，味道微咸。麻醬菠菜很醒神開胃，菠菜嗦嗦聲食落份外滋味！燒魚燒得脆脆，肉質尚算嫩滑。燒日本蕃薯仔細細粒，造型可愛迷你，味道亦粉稔甜甜。紅腸雞翼燒得脆脆，咬落亦帶有微微肉汁。奶茶茶味

近來久不久又會刺身隱起，特別想食油甘魚同吞拿魚，就係點食都接受不到三文魚那股魚味，有人與小妹一樣嗎？！這天去左尖沙咀一間新開的放題，見到樓下有人在派傳單，其吸引之處係6pm-7pm入坐每位$168，二人同行更有一位半價 (需加一，優惠只限星期日至四），總數約$288兩位，計落其實好抵食！星期日至四 7pm-9pm $188星期五及六 7pm-9pm $198(價錢需另加一）.上到去人流未算多，格局其實比較似普通日式料理店多過放題，座位都比較少，又無平時食放題個種迫狹同嘈吵，反而有點不太習慣。.落單有別於其他放題店以不同種類的點菜紙填寫數量，這裡係用紙填寫食物編號和數量落單的，較為環保，而且可以一本餐牌睇晒全部食物，其實滿方便的！種類有沙律小食、刺身、壽司、軍艦、手卷/卷物、天婦羅、炸物、一品料理（粉麵）、串燒、鐵板燒等。.出面有牛奶公司雪糕任食，同埋自取飲料，連奶茶都有，味道唔差係稍甜。.先黎一盤刺身，叫左三文魚、油甘魚、馬刀貝、甜蝦、榮螺片，鮑片和玉子。整盤刺身擺得好靚，感看比平時放題玻璃盤插花噴煙個隻仲靚！.講返刺身，刺身都切得很闊佬，算是厚切吧！較喜歡油甘魚，還食得出點點牠的油脂

Lily last day，我地成班人farewell佢，book左間新開放題~平日lunch time經過見到d易拉架寫住價錢都幾平！星期一至四6點至7點入座四人同行一人免費，我地8個人岩岩好~放題係三樓，大廈入口有d細，搭lift直上，三樓成層都係。餐廳唔算好大，位與位之間空間大，感覺坐得好舒服。餐廳好特別，唔係用一般落單紙，係用一張格仔紙，睇住menu自己寫number。好肚餓呀！先叫round刺身試一試，三文魚唔算厚，但魚油幾豐富，一咬落去就feel到魚油"必"出黎，而且好鮮味。油甘魚有dd澀味，立魚就有少少雪味，肉韌左d，最特別係馬刀貝刺身，細細片，新鮮又爽口，咬落個感覺好特意，脆卜卜咁。壽司都黎左幾round！火灸鰻魚壽司有d失望，唔知火灸左去邊，同普通鰻魚分別不大，反而火灸帶子壽司令我有驚喜，本身以為火灸帶子，實比火槍燒到硬晒啦！十足十燒帶子，但點知一咬落去係軟林林既，一入口即融，仲keep到帶子鮮味！我最中意食花之戀壽司，呢度花之戀有兩隻味，普通花之戀同蜜桃花之戀，蜜桃甜甜地加埋壽司一齊食幾特別。一睇唔見到靈魂配料沙律醬既？原來係花之戀入面，細細件，係一口壽司！轉攻熟食

1/7連放3日假，決定同朋友食放題慶祝一番，好耐冇食過放題啦! 朋友就介紹了尖沙咀的鳴Fusion，一於去朝聖下，環境不錯，裝修幾得體及舒適，2人座位幾闊落，邊食邊傾計，兩個鐘放題，食物選擇都好多，飲品就自己行去雪櫃任拎先點了刺身及壽司，餐廳上菜很快，擺設都非常美觀。厚切三文魚再加大大隻的刺身蝦，刺身沒有雪藏味，能將刺身鮮味都一一呈現，味道濃郁亦沒有腥味！所以我同朋友都叫左3輪另外，亦都點了一些炸物，呢幾樣係必試～哈～蜜糖雞翼～外皮脆脆及甜甜地。仲有個紫薯波，入面係暖暖既紫薯槳～ 吹水就當然唔少得炸雞軟骨啦，配堆沙律醬，perfect match!!! 餐廳好細心，所有我食過的炸物都好新鮮，好似即叫即炸咁，全部都熱辣辣上菜。值得一讚，like~小食方面，我點了一碟黑椒牛柳粒，黑椒夠多又夠香，絕不欺場，啖啖肉仲要唔多肥肉，值得encore~最後，我仲點左一客燒三文魚頭，骨唔算多，魚肉就好大舊，配埋檸檬汁，正!!整體黎講，食物質素高價錢亦系本人食過最抵的(以TST放題比較)，下次去TST食晚飯時，一定會再試^^