麵包秀 (德興大廈) (已結業)

跟媽媽漫遊灣仔不經意發現一間麵包店，裡面看起內整齊寬敞，媽媽問買這麵包店的麵包做明天早餐如何，我覺得反正未吃過，買來做早餐也好。我與媽媽細看之下，原來麵包秀差不多每一個麵包櫃子都有放了一些給顧客的麵包試吃，我們都覺得這試吃很貼心，那麼客人便可買到心水麵包。我們試了數款，丹麥吐司紅豆麵包香酥，富牛油香氣；南瓜馬車南瓜香甜軟綿。不過我們鐘情北海道芝士吐司，除了麵包鬆軟之外，顆顆香脆的黑芝麻豐富了麵包的口感，而軟滑的北海道芝士微鹹奶味為麵包提味，變得不單調。

身為麵包控嘅我。經過襯麵包店都忍唔住一定要入去行個圈。呢間麵包秀。必入！好多麵包比大家試食。試食都仲要唔細舊。好多都好好味。喪試食完。忍唔住買左個。外表平平無奇。芋見 $20裡面係有芋蓉同忌廉芝士😍😍😍好味啊。接受到嘅價錢。個包都好軟熟！其實仲有好幾款都想買。但一次食唔到咁多，唯有下次啦！

麵包店就看得多，麵包秀到底是甚麼呢? 看見都幾多人幫襯，一時好奇下走左入黎， 發現左有好多唔同口味既包同糕點，見到有朱古力包，圓圓，半熟芝士蛋糕等。而且都可以試食，嗯如果中午搵唔到野食可以入黎....嗯買包食。因為看到價錢都偏貴，所以冇一下子買好多。只係買左個招牌既圓圓。所謂圓圓，即係五個小圓包連在一起，而每個包內都嵌入了忌廉芝士。我分開一個個吃，麵包本身很鬆軟，裡面的忌廉芝士份量也不少呢，如果在家裡烘來吃的話，應該有好澎湃既爆心效果，不過，35蚊一個包，真係有啲貴。

經過灣仔，見到有間麵包秀，路線同包款都似太子間達人手感烘焙，有試食，麵包好多都係大大個，好多以Cream Cheese餡為主。我一個人，食唔到咁大個包，就試左個特別少少既蔥燒同埋呢個華爾茲巧克力！見店員Pack個袋，先知佢地係半熟工房出品，香港人真係太幸福啦，咩好野都食盡晒，食到無得再食，焗唔熟既蛋榚都要棒到上天。諾亞半熟蛋糕專門店..........就更加難食…Sorry......越講越遠！講到試食衛生，太子間達人手感烘焙好好多，有個夾比你夾，而且唔係做個樣，有人用手直接攞，店員見到會即刻出聲。呢度就係用手直接攞，見D人用手攞完直接放入口，又用同一隻手再攞其它試食，見到都暈！佢個蔥燒同華爾茲巧克力，都係一輕飄飄之作，唔知佢地有無用化學劑，唔似達人手感烘焙有詳細材料列出，麵包秀只列出主要材料，有不盡之處，難面另人覺得佢有用其它化學食材之嫌。華爾茲巧克力，朱古力粒少得可憐，接近食唔到，材料之一既合桃都唔係好覺，真係慳家！佢地咁既出品，蛋榚應該都唔需要點試！

話說和朋友吃飯之後準備坐車番屋企,途徑這間麵包店,原來是凱施副線品牌，我在這裡買了芝土捧回家第二日當早餐咁吃,芝土棒味道一般,亦冇咩芝土味道，麵包的口感尚算鬆軟,其實不是太難吃,只是味道普通味道芝土棒，麵包冇芝士味，味道不過不失價錢8元並不是太貴

由細到大都係芝士蛋糕die hard fans,所以都食過好多唔同款嘅芝士蛋糕,呢個細細個都做得幾出色,不過就無咩半熟嘅感覺每個蛋糕細細嚿,男仔食一啖都食得晒,女仔可能鍾意分幾啖食,慢慢咀嚼細味那味道,的的骰骰的確幾得意!食落一啲都唔覺膩,蛋糕算幾creamy,入面咬落去唔會太實又唔會太鬆散,岩岩好,芝士味頗濃郁;雪凍咗食,芝士味更加出味,唔錯唔錯! 反而又食唔到佢嘅半熟,可能要熱食先有半熟嘅口感.食完一個好有衝動繼續食多個,嘿嘿!

灣仔的麵包秀和半熟工房熟同一集團。差不多每次經過也會打包幾個返屋企。我對麵包除了追求款式外健康亦是選擇的其中一個因素。它們採用了天然酵母和台灣麵粉製作，所以品質會較好。紅豆、南瓜包 $16體積約比女仔手掌略大，混入了南瓜汁做麵粉中，所以成品顏色偏黃。但南瓜味欠奉。以粒粒紅豆作餡增添咬口，口感軟綿，甜度低。健康又好味。

難得經過灣仔,好似發現新大陸咁，見到未見過的麵包店,不過已經大約晚上九點，麵包的選擇不多，最後揀左一個大既包同一個細既唔記得叫咩名,但呢個包係好香好香芝麻味,同埋上面有好多南瓜子.入面的料還可以接受,食落好似有無花果乾呢個士多啤梨朱古力,朱古力好少，但士多啤梨就令人有驚奇，好少包會放士多啤梨乾，第一次食覺得好有咬口不過兩個包其實都算幾空心，我一切落去已經扁哂

我並唔係芝士蛋糕既粉絲，但今日經過灣仔，見呢間麵包店門口寫着「半熟芝士蛋糕」。咩叫「半熟芝士」呢？在好奇心既驅使下，就買咗一細盒﹝大盒10件$120，細盒4件$48﹞回家試試。蛋糕並不大件，好似四粒麻雀。蛋糕上面外皮焗得燶燶地，好吸引。咬落去唔係想像中咁實咁漏，而係香濃芝士味，軟綿滑溜好creamy，有半凝固狀的滑溜口感，好似半熟水蛋，相信因而名為「半熟」，也相信師傳應花咗好多心機同功夫先至整到呢種效果，值得encore！

肥髀考試期間，做媽咪嘅我當然要幫佢打打氣，呢間麵包店未試過，來到之後店面好大，唔焗促，入面嘅麵包款式好多，比較歐洲式，外表唔精緻，帶點不規則的，夾好幾款麻糬波波，再到西餅櫃選西餅，西餅款式唔算多，樣子同麵包好大落差，非常精緻，揀好去到收銀櫃比錢！ 店員去攞餅，入盒包好！麻糬入袋！八達通比錢方便！唔知點解個盒好似好難砌好，見店員砌好之後，啲紙邊都變型了少許！Strawberry & Lemon Cheese Libra（$45）賣相好靚，食落味道好難表達，名字上嘅士多啤梨同檸檬都唔突出，但味道好統一，唔係其中一種味道做主角，蛋榚鬆軟！Baked cream cheese cake（$45）芝士好滑，唔濃，有淡淡奶味，上面嘅奶忌廉好滑！但無乜味，要夾芝士餅食，夾埋一齊食好特別！好奶好滑好香！芝士+朱古力轉轉（$15/5個）：煙煙韌韌，芝士香，朱古力好濃！好味！食物味道好，當時店內好忙，店員保持有禮有笑容！難得！

食完先記得自己未影相呀😓😓😓😓因為很驚喜的買了這個包，很快給蒸發了😆這個朱古力包是軟身的，一口咬下去竟然有朱古力cream 擠出來！是很濃的朱古力cream !!!!真的愛死了，忍不住很快食晒這是一個可以encore 的包！令人有快樂的早晨！😎咖啡呢.....可以不飲很難喝，太甜的三合一即沖咖啡，有點浪費包的配搭

Heard this Taiwanese bread shop from my friend before, over half of the breads in the shop have taste samples for customers to try. No kidding, almost 'all you can try' samples in a big thumb size! So generous~! I already felt stuffed after trying 7 kinds of bread.The first bite I had was cream chesse bread. It was really what it said, the bread was filled up with lots of cream cheese inside. Unlike some famous chain shops sold foamy and light bread in HK, this one had enough fillings, not sting

途經灣仔鵝頸橋附近打算買麵包回家，就聞到剛出爐既麵包香味，入去打算買方包既不過原來有好多麵包都有得試食，雖然麵包價錢偏貴，不過食過啱先買，試食仲要大大粒比你任試店內超過一半款式都有得試，好多款都好好味，仲好鬆軟！最後冇買方包，買左洋蔥火腿吐司，好多料好有pizza味！其實有一款用芋泥做既包都好好味值得一試！

繼上次食過麵包秀的cranberry & cheese之後, 一直念念不忘。 終於有機會試埋它的王牌 － 圓圓($35)。它是一個環形的麵包, 說白了, 其實是由5個cream cheese餡的小餐包連成, 賣相亦像一朵花, 頗eye catching的。每次吃的時候, 都會把它撕開5份, 逐個逐個吃。計番每個小餐包值$7, 其實都有點奢侈的。 至於其吸引的地方, 是當你咬一口, 內裡的cream cheese會充滿整個口腔! 陣芝士味會慢慢、慢慢 好含蓄咁散發出來......唔~~ 正呀! 望一望個包, 見到d cream cheese塞滿成個餐包, 那種視覺同味覺的享受呢~~~雖然味道不錯, 不過都要中肯d講句, 並不是每個小餐包都咁足料既... 咬開另外4個, 發現每個包的餡料份量原來都可以幾參差下...... 我想這是一間專業的麵包店應該要注意的一個地方吧!

間唔中都收到一啲相熟食友嘅零食、曲奇、朱古力……等等小禮物，收麵包都喺第一次，食友話試過好好味，所以都醒一條俾我試試，認真多謝晒。雖然，平日都食唔少麵包，不過，一向都好少為麵包寫食評，不過，今次因為收到喺食友心意，所以，都認認真真寫番篇。麵包出自「麵包秀」（Bread Show）嘅產品，確實名稱喺乜就唔太清楚，因為食友都無特別提及，不過，大概喺提子多穀麥包之類，因為，麵包外層沾滿黑白芝麻、瓜子仁、杏仁片……等等，極具口感。麵包內一圈圈捲形咁款，捲住超多提子及車厘子肉，亦有少少芝麻、瓜子仁等，餡料多到唔講得笑，而麵包本身亦頗軟熟，烘番熱嚟食，寧捨香軟。真喺多謝食友，讓小弟有個咁飽足嘅早餐！至於，麵包秀能否成為後起之秀，就要拭目以待嘞。