麻痺雞 (已結業)

熱衷食雞煲既小弟，一得閒就會四出尋找野味既雞煲。今日收工，就帶埋女朋友急急腳咁衝入大埔，試試呢個麻痺雞喇。雖然裝修唔算好好，但鋪入面既枱櫈全部都係木做既，令人覺得別有風味。望望個餐單，就叫個麻痺雞加啤酒任飲全包宴啦。食物既選擇都算多，而且仲有d涼拌野飯，襯個煲未到，食d冷盤岩曬。呢三碟涼拌小菜真係夠曬野味，最重要係夠曬麻阿，一個字爽阿！再整啖凍啤酒，爽曬😬雞煲到場嗽，兩個人半隻雞，真係超足料，d雞多到呢👍🏻👍🏻最正係夠曬重口味，真係有麻既感覺，可惜女朋友唔食得太辣，如果叫大辣真係完美。$58六隻蠔隻隻都大大隻，有夠鮮味。呢個魚皮都夠曬脆。唔知係咪生得靚仔，老闆私人醒左個例牌既安格期肥牛比我，雖然唔係入口既溶嗰d，但個牛味真係好出。最後埋單，因為佢誤會左我地散叫啤酒，所以只係收左我一枝既錢，計曬全部都係$479，無論係價錢定係味道，佢都真係無得輸阿。

除左傳統雞煲，小店仲多有好多款煲比大家選擇，例如酸辣魚同麻辣魚煲。今次唔想食辣所以叫左充滿酒香既藥膳雞煲。二人份的煲都幾多，雞件十分嫩滑，但個湯未夠香同鮮甜！自選既醬料包括基本嘅豉油，蔥，乾蒜，蒜蓉等等。 值得一讚嘅係佢有香油！而香油嘅味道就似係平時食既口水雞的味道，好味！ 食完雞煲後，有大量配料任君選擇，而每次只可以點12款！ 肉類方面品嚐咗滑牛肉，雞片同埋腩肉片； 其他普通嘢包括有蟹籽丸芝士丸山根同炸魚皮。 蔬菜方面有比較少見(任食)嘅萵筍！ 飲品都係任飲嘅，包括有少見嘅低糖忌廉梳打！總括嚟講呢度任食免加一，而且食物種類繁多，味道又唔錯，會再次光顧的！

特別鍾意食任食雞煲同埋火鍋，因為可以盡情咁樣大吃大喝都唔怕會over budget! 今次呢間餐廳係去完踩單車後既一個明智選擇，煲底嘅質素好，而且店內煲底亦有好多選擇架！今次都食左烤魚。泡椒酸菜魚煲，同行人士唔食得大辣，要左小辣，辣度岩岩好，酸菜夠酸夠晒惹味😍。而且仲好足料架，魚大條到出晒爐，好誇張！魚皮有煎過，食得出好用心，香脆得黎入面嘅肉仲係好嫩滑，食完烤魚梗係開始任食啦！放其他材料入去打邊爐，材料質素都好好👍🏻，叫響鈴、金菇同烏冬，總職級湯嘅配料都一定要叫呀，千祈唔好嘥咗個湯底，而且食幾多都唔會over budget! 另外仲有近70款配料慢慢揀，全部都好新鮮，最鍾意佢個手切牛肉，牛味香，夠新鮮！

係餐廳門口見到有雞煲放題,百零蚊一個人都算抵,而且有好多唔同口味既雞煲可供選擇,食完仲有得打邊爐,唔錯。因為朋友怕食辣,我地個雞煲就點農家葱香雞煲,因為二人所以係半隻雞份量,大約五分鐘就上枱啦,比較細的雞件已經熟了,大的留在煲裡再煮一會,雞口感好滑嫩,入口有濃濃葱味,明顯是醃了一段時間所以咁入味,煲裡還仲有大量配菜,例如薯仔,洋葱,芫茜等等,味道夠濃又夠香。食完雞煲,就可以淋上上湯打邊爐,既不浪費雞煲裡的精華,又可以烚下烚下,好滿足,餐廳設有order 紙, 只要click好想要的火鍋料就交給職員,火鍋料的選擇都頗多的,有肉類,丸類,冷盆,蔬菜及無限量供應的飲品。而order 紙最底有額外付費的食物,大家都想食多D唔同種類食物,而且留意到價錢亦十分大眾化,於是額外點了例牌手切肥牛,廣島生蠔同北海道帶子,肥牛送埋黎時見到牛肉同脂肪相間,肉色好均勻,放入熱湯約8成熟,好濃郁牛香牛脂味,而廣島蠔又大隻又飽滿,我地都唔敢煮太耐怕縮水,食落口好鮮甜好肥美,而帶子一樣十分肥厚,同樣不用烚太耐,好短時間就可以,食到帶子天然鮮味。其他火鍋尚有美國肥牛,鯇魚腩,貢丸,蜂巢豆腐,准山,娃娃菜同金針茹等等,

今日小編同一位有人嚟到呢度食晚飯，試試新野。大埔區其實都多嘢食，不過如果要食雞煲，選擇就唔太多，經過朋友介紹之下，就黎到呢間麻痺雞試試佢！小編同友人差唔多七點九嘅時間嚟到，個場差唔多都錯爆曬。PS: 如果食煙嘅朋友可以坐出邊🙂坐低睇睇個Menu ,原來係任飲任食架！首先就要揀咗想食咩湯底或者雞煲先，第一次黎梗係要試試佢個招牌菜-麻痺雞先啦！佢其實就係正宗嘅重慶雞煲，價錢都只係＄158一位咋！由於我哋得兩個人，所以雞煲入面就只係得半隻雞，不過都夠食啦梗係！其他配料當然緊食完個雞煲入面啲雞先至再叫啦，不過大家都可以睇定食啲乜嘅，因為都好多配料嘅選擇👍🏿咁啱小編就坐係飲品櫃隔離，雖然一眼睇晒有啲咩好飲，不過任飲任食黎講都唔差嘅啲飲品。又咁啱小編當晚因為餐廳嘅走牌正喺度續領緊，所以係冇得賣嘅。落咗order ,等左大約5分鐘個雞煲鍾意黎啦！一放上個Gas爐上邊，就聞到好強勁嘅重慶雞煲味，好香呀！而雞煲亦都可以揀辣嘅程度，由於佢會愈煲愈辣嘅關係，所以小編只係揀咗BB辣🙈有一個驚喜話係就係，雞煲入邊竟然有薯仔！另外仲有翠玉瓜添！呢個真係不得了，因為大部份出面嘅重慶雞煲都唔會有呢兩樣嘅嘢係入邊，佢呢

朋友話帶我去大埔食好野，我心諗使唔使去到咁遠，但好彩最後都係決定黎，如果唔係就錯過好嘢啦！呢度係任飲任食形式，我哋嗌左個麻痹魚（麻辣鍋烤魚）$168/位，條魚肉質滑，夠惹味，但要快啲食左佢，避免滾太耐熟過頭。豬皮、蜂巢豆腐、冬菇、草鯇魚腩鮮豐場雞子粒粒都咁飽滿，好可愛！嫩滑豬紅滑劣劣，我嘅至愛！另外真係要推介個粟米，非常甜，一定要點！涼拌手拍青瓜、涼拌海蜇絲、涼拌木耳三樣都好味，絕對嗌得過。砂糖蕃茄幾特別，唔係好多地方有得食，番茄新鮮，但食咁多砂糖有少少罪惡感，哈哈！紅薯粉呢度嘅紅薯粉就算淥好耐都好煙韌，係我最鍾意嘅口感。呢度環境係迫少少，但客似雲來，食過你就明點解架啦，快啲入嚟大埔啦！

曾經經過麻痹雞，見到幾檯食客喺店門外開枱食雞煲，場面虛陷之餘，亦好似好有風味，當時已經好想試，今日終於輪到我同朋友黎啦！呢度係半任食火鍋，飲品同大部份配料都係免費任點，除咗某幾樣海鮮同肉類先要加錢，仲要冇加一，相當抵食。「麻痺雞」（正宗重慶雞煲）（$158/位）我哋選咗大辣，真係食到人㷫烚烚，雞煲好入味，雞肉亦嫩滑，唔怪得知係招牌。食晒啲雞就加湯打邊爐啦，加完湯味道都係咁濃郁，湯底真係冇得彈！手切安格斯肥牛 （$168/大）牛肉切得好薄，好有牛味，記得唔好淥咁耐。廣島生蠔 （$58/6隻）好新鮮，食完真係好想追加，非常推介！北海道帶子 （$48）雖然賣相一般，但份量都唔少，又幾好味。即炸脆響鈴（$48）即炸嘅真係唔同啲，好脆，大大份，抵食。以下既就係任點既：炸魚皮、烏冬、自家製韭菜餃、粟米、清甜蘿蔔。特別要推介粟米，好甜，大愛！雖然大埔遠咗少少，鋪頭位置亦頗偏僻，但嚟呢度食雞煲好有風味，價錢又抵，一試無妨！

星期日相約朋友一齊去大圍踩單車由大圍踩過去大埔 沿途景色絕對一流途中可以喺大埔海濱公園到休息下添踩完單車燃燒左一團脂肪之后緊係要去食番餐好去奬勵自己一諗就諗到要食番d熱騰騰嘅嘢 － 雞煲！！餐牌食物選擇夠多 連雞子都係任食可惜有女仔朋友吾食雞子吾係小妹一定會叫成打我地揀咗麻痹雞既招牌煲：麻痹雞即係正宗重慶雞煲位位都只係148再每人加多58蚊就可以任點廣島生蠔 北海道帶子 手切安格斯肥牛 珊瑚蚌等高級食材麻痹雞（正宗重慶雞煲）由於我地有4位人兄，所以有個大雞煲雞肉肉質鮮嫩 除辣味以外 更可嚐到雞肉既鮮香味北海道帶子帶子好肥美 大粒且有一定既厚度 入口鮮甜 口感細嫩手切安格斯肥牛手切均屬鮮牛肉 色澤帶亮澤識食既緊係食手切 肉質相對結實爽滑 肉味濃郁油花分佈平均 灼幾灼就食得西班牙黑豚肉片西班牙黑豚肉片味道出乎意料之外黑豚肉既霜降好勻稱 口感柔嫩一咬落肉汁香甜四溢 最適合用黎打邊爐珊瑚蚌珊瑚蚌我地咁輕輕灼一灼 好爽口彈牙整體而言 雞煲好足料 食材好新鮮以呢個價錢來講 食任食真係好超值下次單車之旅會再來光顧

天氣仍然很清涼，晚間仍有寒意，約埋太太去打火煱啦！今次去了區內仁興街的麻痺雞，7點鐘去到，差不多已經坐滿客！知道他們出名雞煲，但老婆大人話試試他們的泡椒酸辣魚煲，同樣也可以吃任點任食火鍋配料，飲品任飲，但我地加15元任飲瓶裝青島啤酒！魚鍋上枱，很豐富的造型，配料有我最喜歡的唐芹菜，芫茜，辣椒，豆腐，當然還有大量酸菜，條魚超大條呀！滾滾下，香氣撲鼻，魚湯滲入魚肉內，肉質嫩滑得來有咬口，不會鬆散，條魚應該在事前軽煎過，所以有這個效果！除了主角泡椒魚外，少不了加上火鍋配料繼續拾拾下啦，都是大路嘢，肥牛，貢丸，韭菜餃，豬潤，和重慶出名的紅薯粉，蔬菜等...還有涼伴小食...涼伴木耳我們兩個都不是大胃王，但其實份量很夠，這樣已經吃得很飽.但我也追加蜂巢豆腐和些蔬菜，作為結尾。蜂巢豆腐浸在魚湯內吃，很Juicy啊！在場大部份食客都是吃招牌麻痺雞煲，本想也來一鍋，但實際太飽，給自己一個借口，下次再來試雞煲！兩小時用餐時間到咗，我倆吃得飲飽食醉，回家去也！

成日聽人講食雞煲 我都未試過 咁岩上次帶狗仔打完針之後經過呢間鋪頭 見到好多人幫襯 個鋪頭名又幾特別 所以入去試吓本來一心諗住試雞煲 但係見到個餐牌上有個泡椒酸菜魚鍋 好吸引 就決定改變主意 改試呢個嘩⋯ 好大條魚⋯酸菜配魚 味道一流 魚皮香囗 啖啖肉 最讃是魚骨不多 又吾會有好多碎骨 食得放心豆腐索埋D魚汁 非常入味 配啤酒一流 加 $15 任飲 ⋯ 抵唯一是份量太多 試吾到其他嘢啫

之前經過見到呢間雞煲,見個名好盞鬼於是決定尼試下。新年流流, 大家都明白有好多地方休息, 來貨有限呢點體諒,但係身為餐廳係咪應該有責任check好邊種食材冇同食客講聲, 而唔係只係拋低一句：「點左冇尼既就冇」如果真係冇都算, 但係同一樣野, 呢枱點先既話冇, 點知下一枱食客點又上到先神奇! 而且漏單情況非常嚴重, 落左個煲等半個鐘先有…每次落完單點食物又係等半個鐘先有食物送上, 以限時既情況, 實在食唔到啲咩…未試過食雞煲食到唔飽…雞煲聞上去香味濃郁, 但食落去則較淡。其他食材屬一般水準…可能平日去會冇咁差… 但編者唔打算再幫趁…

今晚放工朋友提議去大埔食雞煲+火鍋任食任飲，我恨左好耐啦，即刻跟住行.....，由太和行去仁興街已經見到街上一排枱坐滿人，即搵枱坐底睇左餐牌，有好幾款雞煲，叫左麻辣醉雞煲同㸃左D火鍋料，很快就到。因為叫左小辣，都唔算辣又都好足料，肥牛都算瘦多過肥，其他火鍋料都算新鮮。朋友推介必食即叫即炸响令，黎到時係又熱又脆，非常好食，我未食過咁如此好味既响令，今晚每人$180真係好滿足喔！

冬天到 最開心緊係約埋朋友去打返個暖泣泣既邊爐啦。。。去開大埔搵朋友。。。就同朋友黎左呢間麻痺雞食返餐雞煲火鍋先 由太和火車站或在大埔市中心行過來。。都十分便利。。。由於是星期日的晚上人頭湧湧。。。我們都是即興地決定打邊爐 所以都沒有預先訂位。。。但餐廳職員人好好。。。雖然店內數十張枱已經全滿了。。但餐廳外的位置仍可以開枱。。。所以我跟朋友被安排坐在餐廳外。。。但這樣都很不錯呀。。因為天氣已開始涼。。坐室外會帶點點涼意。。而且很有地道風味首先選了自己想要既煲底。。。呢度都有好多唔同既煲選擇。。。我們就選了麻痺雞。。按人頭收費。。。食完雞煲仲可以點選不同配料打邊爐仲係任食配料架。。。多款食料任選。。。而且下方仲有食材可以加錢選擇。。我們都點了一些麻痺雞會按照人數來決定order細煲還是大煲。。因為我們只有2人 當然是order細煲了。。。但雞件都很多。。。而且雞煲一來到時。。味道香濃。。。再放上gas爐上再慢慢加熱。。。在等待的過程中。。已經愈來愈期待了香味愈來愈濃郁。。。開蓋了。。。。熱辣辣的雞煲。。香氣四溢。。。而且每一件雞件都啖啖肉。。十分嫩滑多汁。。我們最欣賞的是那個醬汁。。帶有

同家人吃飯，就他們近近地，去了這間餐廳，因為好多人都推介，反正喜歡試新菜嘅我咪試試，雖然餐廳比較細，但仍然可以放8~10枱，另外如人多重可以座係外面！早去加埋訂了枱，就座係裡面望望菜單，以每位計由$148到$168任飲汽水任吃打邊爐，加多$15重任飲啤酒，當然要全枱一齊加！飲得嘅話兩支已經可以返本今次同加人吃他們怕麻辣，於是點了個藥膳醉雞煲$158每位計，個煲一上係分開，醉雞還醉雞，藥膳煲還藥膳煲，兩種味道好強，未開始將醉雞放下去時，飲了一啖湯，湯底味道濃郁，放雞後一會上碗入口，雞肉嫩滑帶少少酒香！當然轉眼間就將醉雞處理，並開始加上上湯作打邊爐啦！餐紙上嘅選擇都好多，但較賴嘅我就喜歡丸丸，餃餃類，而家人就叫了必吃肥牛外，再加多份手切安格斯肥牛(大)$168，咁同跟餐肥牛確實有分別，就脂肪紋就清清楚楚啦，肉質嫩滑肥美，咁加多一個人嘅價錢，都係食落自己個肚，最緊要好味道！另外必點推介係即炸響鈴$48，即炸超脆，放湯又得，就咁吃都好正！記住要即點，因製作需時！比價都要等！而其他打邊爐食物質素都唔錯！最愛午餐肉都差不多點了一大碟！另外涼拌係列都好好味，皮蛋香軟帶少少麻辣，木耳爽口，海哲爽口彈牙

等了又等，等到頸都長終於有返啲冬天凍冰冰嘅感覺，但一凍就即刻降至15、6度，仲要有雨粉，想暖暖胃我當然要去食雞煲。一直都知大埔舊墟附近有好多美食寶藏，得知有間雞煲只需百多蚊就可以任食，抵到咁，所以我於轉寒第一日便捉朋友去食，暖暖胃嘛!餐廳位於太和與大埔交界的紅橋附近，有室外同室外座位，室外是大圓枱，適合一大班人歡聚，室內環境乾淨，座位亦叫寬敞。煲底選擇包羅萬有:雞、海鮮、魚、牛、羊都有，並非純做雞煲，部份煲底更是別家少見。我們第一次試便選擇了以店名命名的麻痺雞，BB辣，兩位起每人$148，限食兩小時，火鍋料任食之餘，飲品除啤酒外是任飲，仲包埋不用醬料，真係好抵!雞煲一上便香氣四溢，非常惹味，雞的份量約是半隻，兩個人食剛剛好，而且還有任食的火鍋料供應，一定會夠食。BB辣其實一啲都唔辣，下次我們決定要挑戰少辣。雞炒得很入味，我們一舊接一舊，愈食愈滋味。加上店家非常貼心，雞件盡是靚部位，無雞頸、雞頭、雞屁股等，件件都可以入口。我們另點了安格斯手切肥牛(細)，$138，血紅色的牛肉肥瘦均稱，食落充滿牛味，牛魔王最愛。而且即使是細份份量也很多，起碼有廿多埋。不過每片再切得大片些口感會更好。另外我