BAKE Cheese Tart (已搬遷) 新店位置

今次嚟到BAKE搵食！其實之前母親大人都外賣過返屋企～但今日經過見到冇人排隊就諗住試吓熱辣辣version啦！芝士撻 （$20）我哋想試吓食燶啲嘅會唔會香啲～就問個店員可唔可以要燶啲嘅啦～佢又唔答就拎起遞咗1個過嚟因為我哋買2個就覺得好疑惑....無奈地接咗後佢先再拿一個俾我哋(汗)可能店員真係太忙～但其實得唔得或者想我哋接住嘅話你講一聲仲快吧....講返個撻先～冇我想像中的熱辣辣～只係暖的～所以都唔係流心嘅～失望！芝士嘅味道就係不錯～不會濃到嗆喉～但感受到佢濃郁幼滑！最好味係個餅底～夠脆有口感！總括來說現場版不過不失～之前食過冰凍版反而有驚喜!推介大家買返屋企雪凍食～

Bake cheese tart 我知道依家先食bake芝士撻係比較遲,,但係k真係好驚要排好耐既隊😳，所以依家見到唔使排隊既bake，當然要整返個黎試。買完直接放落紙袋，開左先發現今次撻皮有點焗燶喔。😵因為係預先焗好哂既，所以會係微暖而唔係熱辣辣，流心效果都因為咁而無左🙈不過食落芝士味好突出，質地細滑，相較其他舖頭既芝士撻酸味較微。size岩岩好，食完唔會好漏。

來自北海道的芝士撻BAKE cheese tart，由三種濃淡不同的芝士而做成，並會先後兩次入焗爐，而據說香港店鋪出售的是由北海道直送到港，保持味道跟日本的相似。芝士撻風好像暫時消散，剛好到銅鑼灣午餐便心血來潮打算去回家吃。在地鐵內看到原來要很多人都要大排長龍才能買到心頭好(說到好像去買手袋一樣…) ，可是去到地庫卻一直都找不到店鋪，是因為沒有長長的人龍所以很輕易便在旁邊擦身而過了LOL買了一人一個芝士撻($20個)回家給月巴試食，結果她打算當早餐吃…好吧那就放雪櫃一晚來個冷熱兩食！從雪櫃拿出來放室溫3分鐘，口感像芝士蛋糕一樣，不會感到滯膩，撻皮有少許焦黑這反而在雪凍後而變得脆身！把吃剩的一半拿去翻熱，翻熱的芝士撻也不能弄得太燙嘴，否則不能吃到流心的效果了。雖然自制的流心效果沒有買的時候那種效果，但吃到軟軟的芝士也算是不錯喔；而且不通溫度的吃法有不同的口感，不過個人認為要熱吃才較有特色呢！

一買就買左六個，帶返屋企happy share❤️❤️芝士撻呢d真係一定要即焗即食，新鮮熱辣辣先係最好食！拎到返屋企變得只有暖暖地，睇落雖然仲靚靚仔仔，焗到金黃色，芝士餡好似處於分分鐘就郁一郁滿瀉哂出黎嘅狀態。但好傷心有一個焗得太over，已焦了🌚🌚芝士撻外皮是牛油皮，食落好重牛油香，而芝士餡濃郁香滑，三種芝士混合的咸香滿溢在口腔，一個剛剛好，食落唔滯，食完一陣就feel到飽足感...認真熱食先係最佳，同真心貴😅*返兜指數：低

難得行過Sogo，見到Bake有3大盤芝士撻出左爐，又見到條隊唔太多人，就決定排一陣買黎食下。買既時候，店員會問你即食定外賣。我當然買隻黎即食再外賣啦。芝士撻 - 3/5分一食先知原來係唔熱既，個撻皮又唔脆，又無咩牛油味，個芝士都還可以，甜甜地，少少芝士味，比較清淡。另外，好細隻下，3，4啖就食曬。朋友介紹先黎食，點知甘普通，仲要20蚊隻。個人覺得無咩特別，完全唔明點解甘多人排隊買黎食。

之前每次路過都大排長龍, 就算喺日本都排晒隊! 今次經過竟然得幾個人! 咁就一定要買啦!6個平D! 就買左6個!佢個皮算比較厚, 因為我都中意食撻既皮! 所以都好滿足, 不過如再脆D就好! 最好更係仲有微暖既時候食! 係OK既! 有流心! 不過好似都係日本好食D 

等左不算太耐 最後買左兩隻芝士tart好喜歡呢家店既tart新鮮熱辣辣 雖然返到屋企先食但仍然微熱特製芝士醬味道微甜 但食洛層次好豐富 絶對唔係一pat既芝士 而且食得出用既係較好的材料餅皮有d似蛋tat果種 但再脆少少

話說小妹依間約左朋友食飯但又未夠鐘於是去左行sogo見到依間芝士撻 $20（好似係好多人排隊果間）今次唔係好多人排隊個朋友又未到，仲有成個鐘先食得飯所以買左一個黎試下佢撻底比平常的好唔同即使咬開都唔會碎開啲芝士入面又流心，好好味小妹媽咪都好鍾意食芝士撻下次帶佢黎試先

曾經BAKE的芝士撻排哂長龍，一撻難求。因為唔想排隊，所以一直都未有機會試到。熱潮過後，人龍已去，就係我黎試嘅時候啦！排隊時望到玻璃內嘅芝士撻，十分吸引。終於排到我啦，個撻非常唔熱，只剩下微微餘溫，同凍嘅無咩分別。撻皮好硬，一點都唔鬆化可口，非常失望。芝士混合物，一樣係凍嘅，好彩仲食到佢應有嘅香滑口感。芝士微酸，唔會過份酸。不過整體黎講，真係好失望，唔會再黎食。$20咁就無左

我唔鍾意比錢食野要我排隊，所以一值都無排呢間芝士。今日經過無人排，所以買個嚟試下。我以為芝士會流心，但撻身已經放涼，無流心既效果。外層好鬆脆，好香牛油味，而內層有濃烈酸芝士味，好味道。但$20一個我覺得價錢略貴，因為好細個。

難得與媽行經Sogo, 與她來到超級市場逛逛，一直也很想嘗試名氣甚大的Bake cheese Tart，但之前人龍太長，實在不想排隊，雖然今天是星期天，但竟意外地沒有人龍，只有幾個人，故想也沒想買來試試！櫥窗外可見芝士撻整齊地排列着，排隊時亦能嗅得到芝士撻的香氣。我們買了四個回家，我已急不及待打開盒子預備一嚐美味。三個芝士撻一排，有些面層較窿，有些則較不會，我選了面層較焦黑的，因為是個人喜好。當我滿心期待拿上手以後仍是熱熱的，原來已冷卻了，因為個人較喜歡新鮮熱騰騰的感覺，故用焗爐焗一焗，芝士香氣撲鼻，實在令我食指大動。我咬下一口，瞬間讓我由原先以後能上達天堂，卻依舊在凡間。先說餅皮，雖然是脆的，但是很薄，吃不出鬆化的感覺。值得一讚是芝士餡味道確實濃郁，不愧是用上了三種芝士混合而成，充滿咸香，沒有酸味，但我認為不夠軟滑。總的來說，芝士餡做得出色，但一小個索價$20，餅皮質感欠缺，覺得有點名過於實，我應不會再買來吃。希望有天能到日本一試，而不會失望。

Sogo thankful week 好多人瘋狂購物，我都唔執輸去掃埋一份！落到supermarket 果層，都仲係插針都插唔入，但之前要排好耐隊既bake芝士撻竟然唔使點排！✌🏻️即刻買返個試下，20蚊個撻都唔算平。但食落，又真係幾滑喎。芝士流心湧出黎，甜味適中，撻皮係我like的牛油皮👍🏻但略嫌熱度不足，無熱辣辣的感覺，同埋真係"的骰"左少少

FINALLY no more lines at Bake! When this first opened, the lines were crazy. It was so crazy, that I started to get annoyed as sometimes I do grocery shopping in Sogo and it started to interfere. But now, you no longer have to wait in line. And now I give it a try.Bake is from Hoikkaido, Japan and is famous for one thing and one thing only. Cheese tarts. Cheese tarts that have cheese that flows out like lava. There are copy cats. Some actually taste pretty good, too. And after trying most of the

每次行過，總是見不到隊尾，所以未曾在此買過cheese tart。可能由於熱潮已過 ，今日只有數人在排隊， 所以用了20蚊，買一個了結心願。個個外層帶金黄色，外觀好得。拿上手，原來好細個，因為。。。是飛碟型狀，縮了入去。可能cheese tart 已放了一段時間，不太熱也不太流心。但外層非常鬆脆，特別是tart 邊部份(即薄薄嗰層)，而內層有濃烈酸芝士味，好正。但覺太細了，三啖便把它消失了。

行街去崇光百貨地下個層超市，見無咩人排，雖然之前已食過幾次，但無人排隊梗係買黎食唔執輸。芝士撻焗到金黃色，芝士餡軟滑細緻，芝士味濃烈，芝士撻放入口裏，芝士帶點輕輕既酸乳酪味，流心溢出，芝士香味加帶微酸的味道衝擊舌尖，撻皮餅底是牛油曲奇，外脆內流心吃一件已經膩口。