Cafe 103

營業中

休息中

晚上大概7:00到此餐廳與家人做冬， 在九龍站走了一大段路才找到， 後來發現揸車會比較方便，可在酒店門外泊車。 一走進去，很有聖誕氣氛，酒店門外放了一棵高高的聖誕樹， 今次因為遲了book，沒有窗邊座位， 但遠望還可以看見海景，整間餐廳装修金碧輝煌， 一坐下便有禮貌地問我們想要什麼飲品，我要了一杯紅酒，我妹要了一杯香檳， 食品冷熱盆的款式不多，添加的速度快，可能是整間餐廳也坐不滿，到了八點半左右，已經沒有再添加食物了！ 服務員的態度也不錯，勤快地幫我們收猞桌上用完的碟子， 飲品是無限量的，但每次也要叫他們為我們添加。 至於食物質素，是一般自助餐的，沒驚喜， 冷熱盤的款式不多， 味道是一般般， 甜品還可以！ 這餐廳其實適合情侶或三二知己聚會，可舒舒服服坐下，傾偈談心。 收費每人大概$900, 价值與環境成正比。

呢日特登過黎試Cafe 103既聖誕下午茶, 仲要坐o係咁高樓層今次我被安排坐o係窗口位, 可以邊睇靚景邊嘆靚下午茶, 好幸運我坐低冇耐就飲杯佢地既熱朱古力, 然後就有得食; 鹹點方面, 我覺得佢地個勞根包上面既芝士牛油醬整成球形, 特別好食; 至於甜點, 個聖誕蘋果當然係最好食, 食落好有層次感, 賣相又吸引其次係栗子球, 有少少酒味, 唔錯!環境方面真係正, 雖然天氣麻麻, 不過我坐個位勝在望到海景, 無掃雅興最後要多謝職員Ringo, 佢好耐心咁介紹野食同埋幫手影相. 希望下次再上黎食下午茶同睇靚日落啦!

十二月轉新餐牌。今期做德式下午茶。有大肚婆同枱係唔同d 既！你即刻感受到服務。首先關心大肚婆會唔會有野唔食得！之後再俾咕𠱸俾佢坐得舒服d 。咸點方面有1）勞根包配德國芝士牛油醬- 多士上面有一個橙色既球，芝士唔硬，小小軟身，配上一些香草。2）迷你煙燻比目魚蛋沙律包-黑色既漢堡包已經吸引，雖然係沙律包，但沙律唔會搶走d 味。3）烤火雞紅莓瑞士卷- 講真食唔到火雞既感覺，因為已經整得爛爛的。4）辣肉腸芝士撻- 有一小片辣肉腸, 唔算好特別甜點方面有1）黑醋栗全麥慕絲撻- 有隻小小透明杯裝住，全部都係慕絲2）肉桂柑橘慕絲蛋糕- 個人覺得柑橘味中和左咁多甜品既甜，最好一口食晒，如果夾硬要分一半會比較麻煩3）聖誕蘋果-至正既甜點，可惜要兩個人分！中間有粒粒蘋果，蘋果偏酸，中和晒所有甜品令人感覺很肥既感覺。體積比其他既大4）栗子球-半球體，入面真係有粟子粒，不錯5）梅子撻- 上面有一粒似花占餅上面既糖。中間夾著梅子蓉，唔算太甜 最後當然唔小得英式下午茶慣常既scone 啦飲品方面我叫左佢地既特色熱朱古力。朋友叫左果茶。舒舒服服坐左兩個鐘。今日天氣麻麻，所以無窗口位都無所謂。每張枱都有隔離，唔會好似

Ritz-Carlton Cafe 103 crossover Shanghai Tang, $428 for one / $698 for two🤑本人食過為數都唔少的afternoon tea, 今次都頗失望... 唔係唔好食, 但係無特別😧Savories係出色過sweets, scone都唔錯, 但係每人得一件.... 我食過最孤寒的tea 😑standard clotted cream + 係梅味jam, 最終係試完個jam, 就無再掂, scone 亦唔係特別出色啲甜點, 全部都落勁重色素.. 睇到都唔想試👻4個savouries相比之下都好出色, 尤其係個foie gras mousse + caviar! 😋📜Overall: 黎得R-C食tea 都係貪佢個view靚, 所以book位嗰時一定要講!!! 同埋都唔好信啲KOL,,,我今次係一個大伏... 呢個價錢黎講, 好食過佢的大把有得揀👋🏻

襯住天氣好，約左幾個朋友去high tea去到門口，當然要影張打卡相！個tea set黎到，完全係有wow一聲嘅感覺！個tea set唔單止有燈閃下閃下，仲個轉的！可惜openrice係無得upload video！每款食物都好有水準，又靚又好味！原本我地係坐中間嘅位置，入座時request想坐窗邊嘅枱，但原來人地早一個月已經book左，不過好好彩，窗口枱嘅人no show，所以食到中途可以轉到窗邊望住成個尖沙咀同維港食，好chill呀！

聽日同男朋友嚟嘆下午茶，好彩趕得切上海灘主題下午茶嘅尾班車，可以一嚐中西合璧嘅美點。.呢個下午茶包括六種甜點同埋四種鹹點，味道都算中規中矩。甜點對我來講太甜，食到個胃都頂唔順。而且唔係好夠細緻，例如係白朱古力上面嘅上海灘標誌，印到起晒格。鹹點嘅配搭好有心思，食材嘅味道都好夾。可惜唔夠熱，尤其係油封鴨腿漢堡，熱啲一定好好食。叉燒蛋撻都係，凍嘅又唔算好難食，但唔係即焗嘅真係差左啲。.以呢個價錢來講，食物質素差左少少，好彩有靚景搭救。

姊妹慶生自助晚餐訂枱時要求window seating，但最終安排唔到有點失望食物選擇唔算多但有質素Order左枝 Rosé 無咩驚喜有驚喜既係 Tiramisu 咖啡+酒香

一個星期日的下午，下著毛毛細雨, 在地鐵站大部分都封閉的情況下去了Ritz Carlton 的Cafe 103 享受下午茶，不看價錢，已覺奢侈。這裡環境優美，部份座位旁有大玻璃窗，可遠眺港島美景。窗外下著細雨，增添一份淒美。今天下午茶的選擇如上面餐牌所列，我們訂了2人下午茶。落單后即上了2個鬆餠，好似中菜的餐前小食。鬆餅做得鬆化香口，可搽忌廉或果醬，好味，只略嫌不夠熱。接著美麗的鳥籠出場，每人各有4個咸點及5個甜點，當然先從咸點開始。先試洋蔥芝士义燒蛋撻，餅底鬆脆，义燒香甜，加有少少芝士的咸香，超級好味！👍🏻👍🏻👍🏻 跟著食鹹蛋蟹肉慕絲瑞士卷，疍卷軟熟，頂上的蟹肉鮮味，配有青瓜絲，味道很夾，yummy。之後食海鮮醬油封鴨腿漢堡包，可能受size 影響，不太感受到鴨腿獨特的味道；不過，黑色的漢堡包，樣子可愛。另一個是鹹檸檬鵝肝慕絲薄餅配魚子醬，很濃鵝肝味，加有魚子醬，不單止口感豐富，強化了鮮味，同樣好味。😋😋😋食完鹹點，飲啖清水，再戰甜點。我先食芒果椰子忌廉杏仁餅，芒果味香濃，杏仁餅底鬆脆而不太重杏仁味，正合我口味。👍🏻👍🏻👍🏻栗子開心果朱古力球的朱古力是truffle，咬落中心軟滑，㚈

好友同仔仔生日，因為天文台話今日會落雨，所以今日嘅活動都喺Elements直落！我地曾經去過cafe 103 high tea，而普遍大家喺open rice都係主要寫high tea食評，當然啦，因為哩度嘅high tea真係好高質😆我地從來無去過cafe 103食lunch buffet ，生日當然要食好啲，所以就揀左風景一流嘅cafe 103🥰無影好多食物嘅相片，食物亦唔算好多，但貴精不貴多！冷盤有好多選擇！沙律，壽司，生蠔，龍蝦，凍蟹... 朋友話生蠔好好食😊😊而我就主攻熱盤同甜品！熱食種類唔多，但味道好好👍🏻絕對推介喇沙湯麵，我覺得係全場最好食嘅熱食👍🏻👍🏻👍🏻👍🏻👍🏻甜品幾左幾轉😋😋 本人係甜品控，對甜品都可以話幾有要求，平時去酒店食buffet，我都唔會食蛋糕，主要都只係食雪糕，但喺cafe 103嘅蛋糕同甜品真係好好味呀😍 雪糕只有6種味道，但我覺得都夠喇，因為甜品種類好多！！訂座嘅時候有提及有朋友生日，希望佢哋可以幫手準備生日蛋糕，服務員喺我地食甜品嘅時候就為朋友同仔仔送上生日蛋糕🎂哩度嘅所有職員嘅服務態度都好好，絕對係六星級酒店嘅服務👍🏻👍🏻👍🏻👍🏻👍🏻連大廚都願意

占苗曾經是一個非常喜歡享受下午茶的人，可是轉了工作後，下午茶時光好像離我而去了，幸好工作慢慢踏回正軌，開始有時間重拾美好的下午茶時光。第一炮就到不少客人心目中的理想下午茶勝地 - Cafe 103。 Cafe 103坐擁著獨一無二的無敵景觀，相信也不用多加介紹了。現在正好遇著Cafe103與上海灘合作，推出了名為「BACK TO THE ROOTS」的下午茶，看著仿照充滿中式文化氣息的鳥籠而設計的下午茶層架，心情也變得美好。 是次合作是為了慶祝上海灘品牌創立25周年紀念的慶祝活動之一，Cafe103的糕餅總廚駱師傅特地細心構思，將摩登創意及中國元素加入下午茶之中，展現出上海灘這個品牌對美學與藝術的追求。 首先，美侖美奐的下午茶層架上有四款咸點，其中一款是在蛋撻裡加入了洋蔥、芝士及叉燒，不但增加了蛋撻的口感及味道，由甜變咸，是最意想不到的；在鵝肝慕絲中加入了咸檸檬，吃起來一點也不膩；而海鮮醬油封鴨腿迷你漢堡更有北京烤鴨的影子，相當惹味；最有趣的非咸蛋蟹肉慕絲瑞士卷莫屬，絕對是第一次吃咸的瑞士卷，咸點已帶給客人無限的驚喜。六款甜點都融入了中式元素的甜點，當中不乏有紅棗、薑、杏

對Ritz-Carlton是有一定的情意結, 當然, 也對這裡的幾家餐廳留下不少回憶. 從前, 要帶外地朋友吃飯, 或許山頂是最好景的地方. 今時今日, 當然要數這裡的天龍軒, Tosca, The Lounge & Bar, 以及今天博文所講的Cafe 103.英式下午茶, 是傳統, 高貴的約會, 如倫敦的Brown’s Hotel. 千萬不要誤會Cafe 103夠高, 就說成是High Tea, 這是做博客的基本概念吧. Cafe 103這裡, 顧名思義, 就是在103樓, 比起近年大熱的繪本100層樓的家還要高, 對小晴晴來說, 這個就是新的體驗, 新的高度. 夢想比天高, 在這個亂世, 是要讓小朋友有更大的眼界.先提提大家, 如果可以的話, 記得盡早訂餐廳右面的窗口位, 那就能夠最好的看著這維港景, 由海港城, 天星碼頭, Central Harbourfront, 以及IFC也是一覽無遺. 當Sky 100的門票要$188一位, 來到Cafe 103吃下午茶, 不是更好嗎? 這個上海灘Back to The Roots下午茶, $428一位, $698兩位, 在這裡慢慢食,

103樓, 是小晴晴未觸及的高度. 趁著週末, 我們一家來到Cafe 103吃下午茶, 讓小晴晴走得更高, 看得更遠.天朗氣清, 在Cafe 103的景緻當然一流. 帶著小朋友在這裡, 單是個景, 其實已經值回一大部份的票價. 是日全場爆滿, 又是那句, 只要是有心做的地方, 在風雨中一樣可以保持一樣的成績.上海灘Back to The Roots下午茶 $428位/$698兩位: 8.5分, 這期Cafe 103的下午茶是上海灘Back to The Roots下午茶, 跟上海灘這個品牌聯乘的推廣.下午茶, 即是afternoon tea, 一向是英式的產物. 這次的上海灘Back to The Roots下午茶, 在框架上仍然是英式, 但就在細節位上有不少微調, 讓中式的元素也滲進來. 如三層架, 就設計像鳥籠一般, 這時, 令人聯想起昔日上茶樓飲茶的景況.The Ritz-Carlton Signature Chocolate: 很懷念這裡的The Ritz-Carlton Signature Chocolate, 是日就來一杯招牌朱古力吧. 朱古力味道相當濃, 愛朱古力的朋友,

連續完成多篇旅記後，有需要好好獎勵一下自己；正好香港麗思卡爾頓酒店坐擁高層美景的 Café 103，與生活時尚品牌 上海灘 合作，推出了上海灘「Back to The Roots」下午茶 ($428位／$698兩位)，成為近日最美妙的輕鬆解壓之選。   不說不知，原來上海灘已經創立25週年，所以特別與香港麗思卡爾頓酒店合作推出獨家聯乘下午茶，並在茶點中注入創意，期望為食客帶來中式原創和顛覆創新的美味。   雖然氣溫持續高企，但早晚皮膚都漸感乾涸，是真的進入了秋天無疑。凡惠顧下午茶，除了自選咖啡／茗茶／朱古力，也可加$30配桂花紅棗檸檬蜜糖薑茶一杯；飲品口味微甜，有著幽幽薑花味香氣，而且對身體滋補有益，想養顏的女士不要錯過～仿照中國文化氣息的鳥籠設計的三層架上，放置了四款鹹點及六款甜品。鹹點中最愛洋蔥芝士叉燒蛋撻，中間放的更不是瘦叉而是半肥瘦，帶來邪惡豐腴的享受！而鹹檸檬鵝肝慕絲薄餅配魚子醬則加入了中式鹹檸檬，是個饒有趣味的變奏；另外，海鮮醬油封鴨腿迷你漢堡、鹹蛋蟹肉慕絲瑞士卷配羅勒啫哩，都是中西合璧的作品，有創意同時也很美味～甜點則大多以上海灘銀禧系列為設計靈感，其中最受歡迎是印

難得可以放底小朋友，當然係要同老公來個Relaxing lunch！呢日就去左 Ritz-Carlton 的 Cafe 103，顧名思義，佢係坐落於ICC的103樓，所以可以飽覽維港景色，不過呢日落雨，所以景觀都被雨水遮蓋了。而呢度的窗邊位置不多，想坐的話就需要早一點的預訂。這裡有高質的環境，而食物一點也不遜色。海鮮丶刺身丶熱盤丶點心丶麵食等等通通都有，仲有廚師即做北京填鴨。而最正的莫過於甜品bar，有超多款式，而且件件都造得相當精緻，甜品控實在不能錯過！適逢早幾日中秋，所以仲帶埋佢地嘅奶黃月餅返屋企。月餅以首飾盒包裝，顔值已經滿分，而且仲好好味！

已經有好多年無好優雅地enjoy afternoon tea最近有朋友想坐得舒服又想環境靚靚地影下相，傾下心事咁傾下計，馬上唸起Ritz Carlton既Cafe103泊車方便，人又唔算多，而且又有海景睇，必定係Afternoon Tea既首選由此我地太即慶，window seat既位置已經full曬，唯有坐中間啦！今次呢個夢幻tea set係同一個鞋既brand-Giuseppe Zanotti合作，比起睇同食到厭既tea set層架更有心思。有個on off button係側邊，開著之後中間既花、蝴蝶及食物位都會識得上下郁動及轉動，好有飛舞嘅感覺。Cafe103既食物質素一直都唔會差，mini burger個表皮內軟外脆，真係食極都唔厭。而甜點唔會太甜，每一款都有驚喜！就係咁，我同朋友過左個好愉快既下午！