Chez Bistro

營業中

休息中

同朋友farewell,諗住揀一間環境好嘅餐廳坐低食餐飯傾吓計，見到呢間餐廳嘅set dinner都幾抵食就決定試吓環境方面，餐廳嘅裝修同埋佈置都幾舒服，枱與枱之間唔會太過逼，我哋兩個人佢都俾咗張大枱我哋，成餐飯都坐得好舒服服務方面，侍應嘅態度都好好同埋好專業，佢哋不時會過嚟問吓客人需唔需要添加餐包，亦都會介紹吓每種餐包，上主菜嘅時候佢都配有三種唔同嘅芥末俾我哋揀，亦都會介紹吓每種芥末嘅味道，方便客人去選擇，食完飯之後侍應亦都會主動問吓我哋今餐飯嘅意見，感覺好似去咗高級餐廳咗👍🏻服務一流價錢方面呢間餐廳都非常抵食，豐儉由人，dinner係一個4-course dinner set,價錢取決於你選擇嘅主菜前菜 法國空運生蠔海鮮拼盤（+$50）雖然只係前菜，但係呢度嘅份量都唔少，前菜嘅份量非常足料，包括有大蝦，帶子，螺同埋生蠔，生蠔好大隻，識入口啖啖肉，仲有海水嘅鮮味，幾creamy。另外帶子都非常大粒，識入口都好鮮甜👍🏻大蝦就好新鮮，肉質都好爽口彈牙👍🏻餐湯呢個蘑菇忌廉湯入口非常有驚喜，湯入面有好多打碎左嘅蘑菇，入口嘅時候feel到每一啖都有蘑菇，非常足料，同埋好creamy主菜 低溫煎

之前食過呢間性價比極高嘅餐廳，今日決定再帶朋友來食，試下佢嘅質素係咪仲keep到！晚上供應嘅係4－course dinner menu, 有唔同款式選擇，價錢由$280 - $390，前菜餐湯主食甜品一啲都唔馬虎！落完單就送上熱辣辣嘅麵包，好香嘅牛油香，配埋黑醋橄欖油真係越食越開胃，每晚約有3－4款麵包選擇，想食可以再Encore添！前菜係香煎法國自然放養鴨肝配焦糖蘋果砵酒汁，鴨肝夠晒肥美飽滿，油脂豐富，配埋甜甜地嘅焦糖蘋果砵酒汁頓時變得無咁油膩，仲覺得唔夠喉添！荷蘭白菌忌廉湯，飲落有啲菇菌類嘅texture，味道濃郁得來唔會好膩同rich得滯，最怕飲到嘅湯落好多cream最後好口渴，呢款配搭得好好，而且款式唔同出面飲開嘅湯～檸檬，蒜片，辣椒，蟹肉，蟹膏意大利麵，醬汁超濃郁，每條意粉都掛滿醬汁！啖啖蟹肉同蝦肉，肉質爽彈～呢款意粉出到嚟係偏濃稠狀態而唔係水汪汪嘅，價錢唔算好貴，好抵食！甜品係台灣愛文芒果拿破崙，即叫即製脆卜卜！芒果都好甜，配埋特製嘅雲尼拿香味嘅吉士醬，超正！

今日就去返飲食嘅旺區銅鑼灣睇吓有啲咩高質嘅性價比法國餐呢度本身已經有4 course dinner包括有前菜主餐餐湯仲有甜品香煎法國自然放養鴨肝配焦糖蘋果砵酒汁有陣時小食好怕選擇左阿岡因為好多時佢哋有份太過充足甚至乎過分油膩好多時只係食咗一口已經令到成個身體非常之咁飽制但係呢度就處理得非常之好首先將麵粉泡上了鴨肝乾煎香左之後麵粉就自然形成左一個脆皮包住左呢個有份豐富嘅鴨肝而且唔會仲有更加多嘅咁另外更加食唔到嗰浸油鴨嘅蘇味而且再配合埋焦糖蘋果撥走汁拎到解離資源中令到個鴨肝非常之咁清新跟住就選擇左呢度嘅蘑菇湯上會唔會有淡淡的橄欖油蘑菇香氣濃郁異常而且每一啖都依然食到蘑菇嘅質感但係蘑菇嘅味道就完完全全融入咗喺個湯嘅入邊香煎北海道帶子，燒南瓜淡咖喱意大利飯主菜方面就選擇左這個意大利飯起初以為這個意大利飯會配合上了日式嘅方法因為選擇了淡咖喱原本以為整個意大利飯都會係黃黃色食的再加上有南瓜蓉但係完完全全顛覆咗我嘅想像因為上邊有三隻煎香左嘅帶子但係南瓜就唔係變成左南瓜蓉而係仲係食到一粒粒嘅南瓜粒再加上煮得半山熟嘅意大利粉但係佢完完全全唔係黃色嘅更加似白咖喱但係就心頭中淡淡的咖喱味道而且帶子處理得非常

自從第五波疫情過去咗之後飲食業已經可以話經過左佢哋嘅寒冬已經開始陸陸續續餐廳已經開返晒恢復返營業仲可以食埋晚市俾我搵到呢間係樓上鋪嘅隱世法國餐新鮮刁草醃製蘇格蘭鮮三文魚配蜜糖介末汁呢度嘅三文魚大大件經理向我哋介紹就話三文魚係用上了新鮮再加上了蘇格蘭嘅伏特加將三文魚利用伏特加熟成咗之後醃製而成的上面再加上了叼草嘅味道再杯係咪芥末蜜糖醬非常之咁開胃而且食落口仲唔會有伏特加一個鐘濃烈嘅酒味道完完全全將伏特加嘅味道融入咗三文魚入面但係酒味亦唔會覆蓋左三文魚仲有嘅鮮味之後就係今日嘅餐湯就係新鮮製嘅蘑菇湯蘑菇嘅份量非常之咁多再加上埋忌廉蘑菇嘅香味充斥着整個口腔炭燒澳洲保濕帶骨豬扒配芥末子忌廉汁起初選擇咗豬扒都諗住豬扒唔多唔少都始終有少少肉質比較啱但係一切落去就知道完完全全係錯怪咗佢呢度嘅豬扒完完全全顛覆咗你嘅想像因為佢唔單止多汁而且仲非常之咁爽口彈牙完完全全唔係出邊食開嘅豬扒味道而且竟然仲keep到去豬肉嘅味道但係就唔會有嗰種難受嘅豬蘇味另外仲食到開大骨嘅位置大骨嘅位置就加上咗少少豬油香仲更加出色總之成塊豬扒完完全全搵唔出去有眼兒光嘅地方完全係非常之咁Juicy台灣愛文芒果拿破崙最後甜品選擇左這個

朋友生日選擇咗呢間主打性價比高嘅法國西餐，4course dinner 都唔算好貴，視乎主菜選擇咩款式，今次叫嘅菜式配埋前菜、湯、主菜同甜品都係$400有找！環境仲好舒服添！上菜前會有餐前包，麵包自家製，熱辣辣好軟熟，有3款選擇：合桃乾果包甜甜哋，食完會想再encore番茄包，啖啖番茄香牛角包，牛油味重，好鬆化前菜係西班牙橡果黑毛豬腿片，空運沙律菜配柚子黑醋汁，黑毛豬用上36個月，食落味道同層次會再出啲，鹹鹹香香再配上沙律菜同合桃果仁，啱啱好balance返成個前菜，唔會話太heavy~餐湯係荷蘭白菌忌廉湯，味道唔好以為係平時飲開嘅忌廉湯，呢度嘅口感rich好多架！將白菌blend爛，但仍會保留小小粒粒咬口咁，最怕飲到忌廉好重嘅湯，呢個又唔會太杰身，反而落返少少油等佢輕身返啲～炭燒澳洲保濕帶骨豬扒配芥末子忌廉汁，主打一啲都唔乾，仲好juicy添！炭燒味道好香，食落真係一啲都唔鞋口～未試過呢啲原件帶骨豬扒係咁juicy同唔嚡，完全對呢款豬扒改觀！最後甜品叫咗法國空運蜜瓜配菠蘿雪糕，因為好飽嘅關係呢個好refreshing，蜜瓜好香亦好甜，菠蘿雪糕好清新！

對上一次黎呢間餐廳係上年6月, 整整一年無黎過, 餐廳原來經歷左小裝修, 擺枱同以前有D唔同, 不過感覺都之前一樣, 浪漫溫馨之餘燈光暗暗地又坐得好舒適, 絕對係一間可以坐成晚都唔想走既餐廳！今次同女朋友一齊試佢地既set menu, menu 轉左, 多左幾款main course選擇！Set dinner 4 courses價錢由$280- $390, 視乎你食咩main course！以法國餐廳黎講呢個收費一D都唔貴, 食完覺得好味而且性價比好高, 其他法國餐廳是但一個main course都要$200-300, 而家有4個courses 好抵食, 值得下次再黎！西班牙橡果黑毛豬腿片空運沙律菜配柚子黑醋汁香煎法國自然放養鴨肝配焦糖蘋果砵酒汁炭燒美國天然特級黑毛安格斯西冷牛扒配賓尼士汁香煎北海道帶子，燒南瓜淡咖喱意大利飯

朋友說食過呢間在CWB嘅樓上西餐廳話好食，就一於試吓有幾高質同好食～去到先知原來只有dinner set 沒有a la carte都唔緊要，set價錢仲要比之前貴咗成倍😲咁都冇計都嚟到🤷🏻‍♀️我哋三人叫咗三個set share食～🔱5-𝓒𝓸𝓾𝓻𝓼𝓮 𝓓𝓲𝓷𝓷𝓮𝓻 𝓢𝓮𝓽 $460𝕊𝕖𝕥 𝕀𝕟𝕔𝕝𝕦𝕕𝕖𝕕：𝔸𝕡𝕡𝕖𝕥𝕚𝕫𝕖𝕣 • 𝕊𝕠𝕦𝕡 • 𝕊𝕙𝕖𝕣𝕓𝕖𝕥 • 𝕄𝕒𝕚𝕟 ℂ𝕠𝕦𝕣𝕤𝕖 𝕒𝕟𝕕 𝔻𝕖𝕤𝕤𝕖𝕣𝕥APPETIZER⚜️香煎法國放養鴨肝伴醋漬小洋蔥-啤梨果蓉-配鴨肝忌廉- - -鵝肝有驚喜，外面煎得非常之香脆，入口即溶，有水準，說明是自然放養的啊！⚜️法國生蠔海鮮拼盤（Add $68)有法國生蠔. 翡翠螺. 北海道帶子刺身. 牡丹蝦刺身，海鮮有淡淡海水味，入口鮮甜肥美。SOUP荷蘭白菌忌廉湯- - -正正常常的菌湯味道SORBET日本時令雪葩- - -唔覺得是咩日本雪葩，感覺是雀巢雲呢拿雪糕😓MAIN COURSE⚜️焗原隻龍蝦尾，蟹肉，樱花蝦乾，蕃茄意大利飯- - -賣相吸睛，龍蝦肉有點實，食落一般般。⚜️炭燒美國安格斯特級黑毛肉眼扒配牛肉濃汁- - -生熟度按制得宜，肉眼扒外層帶有

四人放寬後終於可以同朋友慶祝生日,見咁多好食評,當晚就揀咗這一間餐廳試一試,但....環境：枱與枱之間不太擠擁,餐廳最入可以用板隔出自成一閣地方,方便攪小型派對,仲有一間vip房！當晚剛剛有人book咗間房,人數至少有十幾人,再加上出面坐剩兩張枱,成晚噪到一個點...仲以為自己去咗大排檔食飯添😓服務：除咗落錯咗兩次單,上食物時放錯...大致正常嘅...至少肯寫生日字句同refill麵包食物： 食材質素算新鮮,加咗$68 轉seafoods platter, 係全晚最好味嘅菜,因為隻勁大嘅牡丹蝦同大大粒帶子！頭盤其他人分別再叫咗鴨肝同鵪鶉胸沙律試試,異口同聲母大驚喜第二道欣賞嘅菜就係白菌湯...濃濃嘅菌味兼食到粒粒白菌...正😋主菜： 羊扒同肉眼！羊扒叫咗medium rare, 但出來就medium well, 慶幸仲食到羊味！肉眼扒就做到medium, 肉質嫩！甜品：中規中矩價錢： $460 5 course, 係CWB 應該仲有好多選擇

之前無意中見到網上有人推介呢間餐廳，朋友生日就決定去試一試，仲可以預先安排定甜品寫生日字句，好好服務👍🏻叫左個3-course lunch menu，頭盤有沙律，麵包同湯，全部都好好食。主菜係炭燒肉眼扒，價錢係$198，初頭以為好細舊，原來都食到好飽，仲好香嘅炭燒味。呢個午餐嘅性價比都幾高，不過睇返dinner既話都唔平，有機會都會再去試下！加$45仲可以order甜品同寫字，餐廳安排得好好唔使再講佢就拎出嚟，俾到朋友驚喜😀仲好好食，好流心！

來銅鑼灣呢間西餐廳，扒類午餐確係吾錯，來過幾次都覺得冇失手，水準依然。跟lunch set個Salad 好新鮮，仲有塊smoke salmon。自家製麵包是牛角包，做得幾好食。南瓜忌廉餐湯都幾好飲，好creamy。羊柳扒煎完之後，入口感覺肉質都非常之鬆軟，好腍好嫩，完全冇根，仲帶有少少肉汁，個人覺得水準幾高。不過吾知點解，朋友同樣order同一款羊柳扒，不過佢果份size細了點，如果每一份嘅份量相同，會更加理想。配菜都非常之新鮮，製作認真。牛扒份量都不少，而且賣相亦都非常吸引，煎得剛剛好，肉質粉嫩而不帶血水，牛肉味濃。食物質素來講，絕對唔錯，不過可惜既係杯咖啡太細杯，本身個杯已經細，咖啡仲要吾滿……如果咖啡可以大杯d，就更加完美了。餐廳環境不錯，午餐時段人流較多，會比較嘈雜。不過呢道食物水準不錯，價格合理，值得再來。

已經食過好幾次， 上次話佢啲包好食佢又話 refill 但到埋單都無俾， 可能真係太𣈱銷， 哈。 今日我點左雞， 個皮好香脆，份量剛好， 個午餐仲有一個頭分盆沙律， 好食，個湯好香濃。 其實佢最正係個餐包，今日點左香草同合桃包， 真係好好食呀。 個咖啡就無乜大問題既，食得滿意。

上網見到blogger 介紹話性價比高，果然完全唔失望。好surprise.set lunch menu 十概平均150左右，有salad,叫左豬胺肉好好食，粟米湯超新鮮，餐包係任食。位又勁舒服，會再encore !!

一直有bookmark到呢間西餐廳，之前walk-in 無位食唔到，今日team lunch提早一日訂位，終於食到啦。我哋一行8人坐係C區，安排咗我哋坐入房，靜靜哋又唔怕我哋大聲講嘢嘈親人前菜沙律比坊間一般西餐廳大碟，本人唔食得菠菜，餐廳特別幫我整咗一份無菠菜嘅，由於今日無三文魚，餐廳安排咗炸蝦比我哋。北海道粟米忌廉濃湯，熱辣辣而且味道好香甜，唔知係咪日本粟米嘅關係，特別好飲，仲有粟米已經打爛融入湯中。如果麵包同湯同一時間上就好啦，我哋食完個包先上餐湯，侍應特別推介蕃茄麵包，又幾香咸咸哋有淡淡嘅蕃茄香，幾好味嫁！主菜我叫咗炭燒美國特選黑毛安格斯肉眼扒配牛肉濃汁，我叫咗走薯條。塊扒好多肉汁，五成熟唔會overcooked，炭燒好香，但我就覺得有少少奀嘅，牛扒我就覺得無咩驚喜，中規中矩啦，伴塊啲豆好好食。我哋加咗兩份甜品，法式芒果拿破侖加$38，酥皮好脆，吉士醬一啲都唔甜再夾上香甜芒果粒，唔會食完有好漏嘅感覺，淺嘗試吓感覺都幾良好，我哋4個女仔分一份，但如果一個人食晒一份就會好頂胃午餐前菜、餐湯、主菜加場餐飲$168加一，銅鑼灣以呢個價錢呢個份量，侍應服務好好，餐廳又坐得好舒適，音樂又唔太

好耐都冇食西餐啦 一搵就搵到呢間餐廳 真係好好彩好好食！dinner set 5-course menu有前菜湯主菜甜品仲有埋咖啡茶真係好抵食服務方面，一道道菜慢慢上，唔會催你唔會感到有壓力，可以慢慢食慢慢傾計😝環境方面，餐廳內好夠闊，坐得好舒服。西餐廳來講真係一個好好嘅選擇，一定再去😁

其實我生日都過咗一段時間🎉，嗰陣食咗唔少高質素餐廳，其中一間我認為值得動筆介紹一下嘅，就係位於銅鑼灣百樂中心嘅「Chez Bistro」。百樂中心可算係一幢美食大樓，各國菜式你都可以喺呢度搵到😃，但可惜樓層面積唔大，未必每間餐廳都裝修得好靚。不過Chez Bistro相反，佢竟然可以打造到一個富有空間感嘅環境，牆身油上粉色，掛上油畫以及配上白色窗框，別具氣派🖼。餐牌選項唔多，主打五道菜晚餐🍽，另外仲有啲小食可以額外選配。晚餐定價由$280至$420不等，分別源自於個主菜。喺上第一道菜之前，店員會為我哋送上麵包🥖，佢拎住個籃出嚟夾俾我哋，好似有三款揀。前菜：法國煙鱔·紅菜頭酸忌廉沙律，本身聽見鱔就不感興趣，但佢嘅味道絕對係意想不到的！🐟煙鱔肉身白𠽌𠽌，有啲似茄子肉，食落散發住一種獨有嘅煙燻鹹香，令人回味無窮。底部嘅紅菜頭沙律同樣幾特別，酸酸甜甜好開胃，而且一粒一粒的，好有咬口。前菜：香煎法國自然放養鵝肝伴焦糖蘋果砵酒汁，其實簡單啲講佢即係煎鵝肝，哈哈。呢件鵝肝就OK啦，好味嘅，但唔算特別出色，因為未完全達到入口即溶嘅效果，再者，🍷砵酒醬汁味道較重，有點遮蓋咗鵝肝本身嘅香氣。法國洋蔥牛肉湯